Ang Aking Journal -- Disyembre 2020

Disyembre 1, 2020 Pagkatapos ng klase, nagtsek naman ako ng modules. Kahit paano ay nakausad na ako. Natigil nga lang ako dahil dumating si Ate Emer. Ako talaga ang gusto niyang mag-entertain sa kaniya kasi nakakatawad at nagkakaroon siya ng freebies.Hindi dumating si Boboy ngayon. Bukas na raw siya pupunta. After kong umidlip, gumawa ako ng vlog. Disyembre 2, 2020 Pasay Day ngayon kaya walang pasok. Sinimulan ko uli ang pagtsek bago dumating si Boboy.Pagdating niya bandang 8:30, agad kaming pumunta sa barangay upang humingi ng barangay clearance. Mabilis lang kaming nabigyan. Agad kaming pumunta sa bahay ni Sister Marian upang ipasa ang requirements. Pinababalik kami after lunch. Hihintayin namin ang broker para samahan kaming pumili ng unit.Matagal kaming naghintay. Umabot ng pasado alas-kuwatro. Hindi na tyloy kami natuloy roon kasi ubos na raw ang unit. May opening uli sa Friday. Pumirma lang si Boboy ng mga documents. Iniwanan na niya sa amin ang P10k, na pang reservation. Nhikayat ko rin si Sir Randy na kumuha ng unit sa Pasinaya. Mag-aayos na siya ng papeles. Haist! Sana matuloy na siya. Disyembre 3, 2020 Hindi kami nagturo sa online class dahil ginawa namin ang project ng DepEd na 'Garden in a Pot.' Nag-orient kami sa mga parents and pupils. Isa ako sa maraming naging ambag dahil ako raw ang pinakabihasa sa paghahalaman. Ipinakita ko ng mga halaman at mga paso kong binili at ni-recycle. Marami rin akong naibigay na input at impormasyon. Nakatutuwa!Natapos ko ngayong i-check ang mga modules na dinala ko, lalo na ang Q3. May natura namang Q4, pero ayaw ko munang galawin dahil gusto ko munang matsekan lahat ng Q1, 2. at 3. Umidlip ako bandang 1 PM at paggising ko, sa halip na masaya, ay malungkot ako. Kailangan ko pa palang gumawa ng module sa ESP. Na-overlook ko ang isa kong assignment. Buong akala ko, isa lang ang gagawin ko. Inis na inis ko. Kung puwede nga lang tumanggi, ginawa ko na. Kaso nasimulan ko na. Isa pa, madali lang namang gumawa dahil may pattern na ako. Sinimulan kong gawin iyon after meryenda hanggang 10:30 ng gabi. Bukas, pupunta si Sir Randy para magpasa ng documents para sa housing loan. Disyembre 4, 2020 Naabutan ako ni Sir Randy na nag-oonline teaching, lalo na't binigay sa akin ni Sir Hermie ang time niya. Dapat nasa school ako ngayon upang samahan ang mga kaguro ko sa pagbibigay ng modules, pero dahil mas mahalaga sa akin ang extra income, pinili kong hindi na lang pumunta.Past 8:30, nagluluto si Sir Randy ng laing. Umalis kami pasado, alas-10 patungo sa Pasinaya Homes. Nauna pa kami kay Sister Marian. Natuwa naman ako dahil nag-decide na si Sir Randy na kumuha ng unit. In fact, dumaan kami sa Puregold para magpa-ID siya. Pagkatapos, kumuha siya ng barangay clearance gamit ang address namin. Nakarating kami sa bahay ng pasado ala-una. Na-traffic kasi kami at bumili pa ako ng mga halaman sa Naic. Naka-worth P750 ako. Anim na klase ng halaman. Ang gaganda ng mga napili ko. Worth it!Past 3 na umalis si Sir Randy. Napirmahan na niya ang mga forms. Iniwan na rin niya ang P10k para sa reservation or processing fee. Nag-repot naman ako pag-alis niya. Then, tinapos ko na ang ESP module. Naipasa ko na iyon sa aming supervisor. At sinimulan ko na rin ang lesson plan sa Wikipedia. Deadline na sa December 6. Disyembre 5, 2020 Hapon na nang bumalik ang internet connectivity. Pinutol ng Converge ang service nang walang pasabi. Natigil tuloy ang paggawa ko lesson plan para sa Wikipedia. Gayunpaman, nagawa ko iyon at nai-share ko pa sa mga kasamahan ko. Na-inspire ko silang gumawa na rin. I'm sure, makatatanggap ako ng certificate. Wala pang balita tungkol sa unit sa Pasinaya. Wala pa yatang open na RFO. Nahihiya ako kina Sir Randy at Boboy. Ang hina ng broker at ahente namin. Disyembre 6, 2020 Pagkatapos kong mag-almusal, nag-live stream ko sa youtube. First time ko. Na-enjoy ko naman iyon, kaya nga naisip kong ulitin iyon at pagbutihan pa. Naisip ko rin na mas maganda sana ang background ko kung may maganda kaming bakod. Kaya naman, naisipan kong ipagawa na ito. Pinakontak ko si Kuya Boy. Agad naman itong tumawag sa akin at kinumpirma na pina-eestimate ko na ang gagastusin. Umidlip ako after lunch. Past 2 na ko bumangon para bantayan ang shop. Nagsimba ang mag-ina ko.Nag-vlog naman ako pagkatapos kong magmeryenda. Gabing-gabi ko na ito natapos. Disyembre 7, 2020 Maaga akong bumangon para sa online class. Nang matapos ko ang aking pagtuturo, kaya naghanda na ako ng almusal pagkatapos. Then, humarap na ako sa laptop upang gumawa uli ng vlog. Dumating si Ate Emer sa kalagitnaan ng aking pagba-vlog. Kinailangan kong i-entertain siya. Nakatanggap uli siya ng mga freebies dahil bumili naman siya ng paso na worth P140.Hindi pa siya nakakaalis, dumating naman si Kuya Boy. Kinausap ko siya tungkol sa sa pagpapabakod. Pinapa-estimate ko ng mga gagastusin. Pagkatapos, nakabili ko ng secondhand na mountain bike. Kailangan kasing makauwi sa Negros dahil nawalan ng trabaho. P4k nga lang ang benta. At dahil bagong-bago pa at may helmet, gloves, at reflector pa, dinagdagan ko ng P500. Dream come true. Bibili talaga ako ng mountin bike. Nakamura na ako. Hindi ko na kailangan png makipag-deal sa bike shop. Past 2, dumating si Sir Hermie upang bumili ng First Vita Plus Mangosteen at loam soil. Malaki ang kinita ko ngayong araw. Hayahay! Bandang alas-singko, pagkatapos kong mag-repot, nag-bike ako sa iba't ibang phase ng subdivision. Narating ko tuloy ang mga sulok-sulok. Hindi ko man nagalugad lahat, pero natuwa ako. Nakakawala ng stress ang pagbibisikleta. Disyembre 8, 2020 Dahil holiday ngayon, nasa garden kaming mag-anak. Pinutol ko ang puno ng ipil-ipil na makahahadlang sa pagpapabakod. Ang mag-ina ko naman ang namumulot ng mga white pebbles sa garden. Masasayang lang naman kasi kapag hindi pinulot. Past nine na nakarating si Kuya Boy para sa estimation ng aming bakod. Nagbigay na rin siya ng listahan ng mga bibilhing materyales. Bago ako pumunta sa hardware, nagkantahan muna kami, gamit ang wireless microphone na nabili ko sa Lazada. Natutuwa ako product. Mura lang ito, pero maganda ang tunog.Past 3, nakapag-order na ako ng mga materyales sa Warmzone. Bukas ang delivery. Then, pumunta ako sa Rosario upang mamili ng mga panregalo sa aking mga Katupa.Sumakit ang ulo ko pagdating ko. Tuwing mamimili ako, ganoon ang nararamdaman ko. Dahil sa init at lamig ng aircon siguro.In-advance na ni Flor ng cash gift ko sa kaniya. Ipupuhunan daw niya sa load. Pinadalhan ko siya ng P1k through GCash. Disyembre 9, 2020 Maaga akong bumangon para sa online class at para maihanda ang bakuran. Ngayon na kasi gagawa si Kuya Boy ng bakod namin. Past 9 na sila dumating. Nai-deliver na rin ang mga materyales. Inis na inis naman ako kasi nagsimula na ang webinar tungkol sa Formal Investigation Committee. Labag man sa loob ko, dumalo pa rin ako. Obligasyon ko ito bilang Faculty president.Mabuti na lang, hanggang 12 lang. Pero, may assignment. Hapon ko na iyon naipasa. Umidlip muna ako. Si Emily na nga ng pina-deliver ko ng FVP kay Sir Alejo. Nag-grocery na rin siya. Disyembre 10, 2020 Nagturo na ako ng Week 7 ng module habang inoobserbahan ng aming master teacher. Maayos ko namang nai-deliver ang aking presentation.Maulan ngayong araw kaya hindi nagtrabaho sina Kuya Boy. Hindi rin ako makalabas para mag-ayos sa garden. Pero dahil pangalawang araw na ng FIC webinar, naubos ng kalahating araw ko sa pakikinig. Hapon, nag-videoke ako, gamit ang cellphone ng wireless microphone.Pinapunta ko rin si Kuya Boy upang ibigay ang bayad sa grills. Worth P13,250 lang ang nasa listahang ginawa niya, pero binuo ko nang P13,500. Gusto ko nang matapos agad ng bakod namin upang maipuwesto ko na ang mga halaman ko. Disyembre 11, 2020 Halos makalimutan kong may 3rd day pa ng webinar dahil sa kagustuhan kong makagawa ng mas makabuluhang bagay sa garden pagkatapos ng online class.Past 2, may dumating staff (daw) ng Peakland. Sinita ang paghahalo ng semento sa tabi ng gutter. Okay lang sana. Matatanggap namin ang violation namin, kaya lang hindi maayos ng approach niya. may pagbabanta pa siya kay Kuya Boy. Aniya, "Gusto niyo ipatigil ko ang paggawa ninyo?" Sinagot-sagot ko siya. Pinakitaan din namin siya ng major construction bond. Nakakabuwisit. Gusto lang yatang magkapera. Scammer ang loko. Naglaba ako pagkatapos magtrabaho nina Kuya Boy. Natuwa naman ako sa output nila. Isang side na ang natapos nila. Umangat ang ganda ng mga halaman dahil sa pader. Disyembre 12, 2020 Maaga akong bumangon para maaga rin akong makapaghanda sa pag-alis. Pero, nakapaglinis pa ako ng banyo.Pasado alas-9, umalis na ako sa bahay. Balak kong dumaan muna sa bilihan ng halaman sa Baclaran para bilhan ng mosquito repellant plants ang mother ni Ma'am Joan dahil nagpapabil ito. Kaya lang, nagkaaberya...Nagsiraan ang bus na sinasakyan ko. Tumirik ito sa gitna ng mahabang viaduct. Habang tumatawag ng rescue, naramdaman ko ang pag-alburuto ng tiyan ko. Natagalan pa ang pagdating ng bus na lilipatan namin. Hindi ko na kakayanin. Bumaba nga ako para aliwin ang sarili ko. Nauna pang dumating ang police patrol car. At nang dumating ang isang bus, agad ako nga sumakay. Ngunit, agad din akong bumaba. Sinalubong ko ang mga umakayat dahil lalabas na talaga. Mapapahiya ako. Kinausap ko ang pulis na makikisakay ako patungo sa dulo ng tulay, ngunit hindi nito ako pinagbigyan. Kinausap ko naman ang konduktor. Hayun! Tinulungan niya ako. Nakakahiya man, pero mas magiging kahiya-hiya kung aabutan ako sa loob ng bus. First time iyon mangyari sa akin. First time kong tumae sa estribo ng bus. Mabuti na lang may plastic bag, panyo, at alcohol ako. Nakaraos ako. Hindi na ako nagmaktol kung malayo man ang nilakad ko upang makasakay ako. Pasalamat na ako sa Diyos dahil hindi ako nagkalat. Past 12 na ako nakarating sa bahay nina Ma'am Joan. Naroon na sina Mj, Papang, at ang bago naming member, si Sir Archie. Sobrang saya namin. Ang sarap ng kainan, tawanan, kuwentuhan. Nag-inuman din kami kasi may nagpainom sa amin. Past seven na kami natapos. Natagalan ako sa PITX dahil andaming pasahero. Tumambay muna ako upang hindi ako mahirapan sa kapipila.Past 10 na ako nakauwi. Safe at hindi naman ako nangamoy. Nakatulong ang Imodium na pinainom sa akin nina Miss Kris. Lesson learned ang nangyari. At isa pa, ang panaginip palang may pumutok o sumabog ay pagtatae. Tatandaan ko ito... Disyembre 13, 2020 Akala ko, okay na ako, hindi pa pala. Past 3 AM, bumaba ako dahil kumalam na naman ang sikmura ko. Hindi na ako nagkaroon ng maayos na tulog pagkatapos niyon.Past six, nagbanyo uli ako. Buong maghapon, nakalima yata ako. Gayunpaman, hindi ako nanghina. Active pa rin ako. Gumawa ako sa garden. Past 11:30, sinundo ako ni Kuya Boy para tingnan sa bahay nila ang grills na wini-welding niya. Okay naman kahit hindi masyadong nasunod ng distansiya ng bakal. Maganda pa rin naman. Dumating si Ma'am Vi, bandang past 2 para ibigay sa akin ang mga seedling ng niyog, na gagawin kong bonsai. May mga cuttings pa siyang ibinigay. As a return, binigyan ko rin siya ng clay pot. Ayaw na rin naman niyang tumanggap ng halaman. Mayroon na raw siya ng mga inaalok ko sa kaniya. Inabutan ako ng gabi sa paggawa sa garden. Kailangan kasing ihanda ko ito para sa paggawa nina Kuya Boy bukas. Maghuhukay sila. Kailangang maisaayos ko ang mga halaman ko upang hindi masira. Disyembre 14, 2020 Maaga akong bumangon upang maihanda ko nang husto ang bakuran bago dumating sina Kuya Boy. Almost eight na ako pumasok para mag-almusal. Past 8, nagsimula na ang INSET. Nagsayang lang ng oras kasi hindi interesting ang topic. Dumating naman ng broker at agent bandang past 11:30 upang kunin na ang P10k ni Boboy. May unit na raw. Nanghinayang din sila nang malamang nakakuha na ngunit si Sir Randy sa ibang developer. Past 2, dumating sina Kuya Boy. Nagpalista ako ng materyales at pinabili ko kay Emily. Tamang-tama naman dahil dumating sina Sir Hermie at Ma'am Anne. Kasabay nilang dumating si Kuya Emerson. Nagbarter kami ng mga halaman ni Sir Hermie. Mayroon na akong bagong variety ng Calathea at fern. Bago umuwi sina Kuya Boy, ibinigay ko na ang labor fee na P9k sa kaniya. Para iyon sa bakod at flooring. Wala pa roon ang bayad sa pintura. Baka kasi kapusin na ako ng budget. Nag-chat na ako kay Ma'am Nhanie. Tinanong ko kung maaari ko nang makuha ang kalahati ng payment sa modules, gaya ng sinabi niya noon. Akala ko, hawak na niya. Hindi naman pala totoo. Aniya, ni-request na niya. Ayon naman sa publishing, ipapaayos na sa accounting. Disyembre 15, 2020 Ikalawang araw ng INSET. Napasaya na naman namin ang mga kasamahan namin nang isinagawa ang attendance check. Nakakatuwa ang yell namin. Halos maghapon akong nakatutok sa seminar. May pahinga lang between 11:45 to 1:45. Na-late ako ng pasok.Disappointed naman ako sa bayad ng publishing sa modules. Nagkamali pala ako ng unawa. Akala ko, P8,000 kada module. Per grading pala ng bayad. So, ang 7 modules ng Grade 6 sa Quarter 3 ay worth P4,000 lang, to think na national iyon. Sila lang ang kumita nang malaki. Haist! Akala ko pa naman, makakapagpagawa ako ng marami sa bahay ko. Bago ako natulog, nagpraktis kaming Grade Six ng yell para bukas. Andami naming tawa. Disyembre 16, 2020 Todo effort kami sa paghahanda ng yell, pero hindi naman kami ang nanalo. Nasabi nga naming nadaya kami dahil ang nanalo ay parang hindi naman nag-effort at nag-perform. Hindi bale, sabi namin, masaya naman kami kagabi.After lunch, umalis ako para magpadala ng pera kina Hanna at Zildjian. Ipinadala ko sa GCash ni Michael, ang tito nila.Pagkatapos, pumunta ako sa All Home, Kawit para bumili ng wall lamps at bombilya. Mura lang pala. Kung malaki nga ang sana ang natanggap kong bayad sa module, baka mas maganda pa ang nabili ko. Ang gaganda ng items doon. Nakakapagsalawahan. Past nine, nagpraktis uli kami. Ako ang gumawa ng parody lyrics ng 'Di Ko Kayang Tanggapin' ni April Boy Regino para sa yell bukas. Andami na naman naming tawa. Mas nakakatawa nga lang kagabi. Disyembre 17, 2020 Quarter to eight na ako nagising. Ang sarap matulog, e. Ginalingan ko, katulad ng mga kasamahan ko, sa pagkanta ng yell namin. Kaya lang, nakalimutan kong sira pala ang audio ng laptop ko. Mabuti na lang, puwedeng ulitin. Nanalo kami sa yell. Consistent talaga kami. Nadaya lang kami kahapon. lolzPagkatapos ng lunch, nagmiting namn kami para bukas. Kami ang host bukas ng webinar. Ako ang nakatoka sa 'Thought for the day.' Pagkatapos ng meeting, gumawa na ako ng Christmas head gear, mula sa paper bag ng ham, Christmas balls, piraso ng Christmas leaves, at iba pa. Ngayong araw, naikabit na nina Kuya Boy ang grills at gate. Natuwa ako dahil may privacy na kami. Secured na kami sa mga intruder. Gabi, dahil umuwi na si Kuya Emer at nagsimba ng mag-ina ko, nanood ako ng 'Kingdom' at 'Narcos,' mga Netflix series. Disyembre 18, 2020 Naging matagumpay naman ng huling araw ng aming INSET. Medyo minadali nga lang kami sa attendance checking kaya hindi masyadong naisakatuparan ng plano. Mas marami sanang katatawanan. Nag-inarte kasi ang nurse na speaker. Wala namang latoy ang topic. Wash-in-School ba naman. E, wala namang estudyante ngayon sa school. Kundi ba naman 'isa't kalahating ano.' Haist! Sa lahat ng naging host, ang Grade Six ang maraming pakulo at may pinakamalaking papremyo. Nagkainteres ang lahat sa Best Head Dress nang malamang P500 ang prize.Maghapon naman akong nag-asikaso ng prizes kasi sa GCash ko nila isinend ang mga pampremyo. Ako na ang nag-send sa mga winners. Half-day lang sina Kuya Boy ngayon kaya kaunti lang ang natapos nila. Sana bukas matapos na nila ang palitada para sa Sabado ay flooring na sila. At sa Sunday, finishing na sila. Kahit ako na lang ang magpintura ng pader. Disyembre 19, 2020 Halos magdamag umulan dahil sa bagyong Vicky. Hindi man ito ganoon kalakas, pero naging dahilan ito para hindi pumunta at magtrabaho sina Kuya Boy. Pending na naman ang paggawa nila. Naaawa na ako sa mga nakatago kong halaman, gayundin ang mga nasa labas. Wala na sa hulog ang mga puwesto nila. Ang iba nga sa kanila ay nasira na at lamog na. Haist! Past 9:00 na ako bumangon. Bandang 10, naglinis ako sa bakuran. Inalis ko ang vertical garden ko para mapalitadahan ni Kuya Boy bukas. Ngayong araw, natapos ko ang isang vlog. Nai-upload ko na rin iyon sa YT. Disyembre 20, 2020 Late na naman akong bumangon dahil ang sarap matulog. Nainis na naman kami kay Kuya Boy dahil hindi na naman nagtrabaho. Nagsabi siya kahapon na pupunta, pero nasa Naic daw-- may pinuntahan. Hindi na maganda ang pagpapaasa niya sa amin. Palibhasa fully paid na siya. Sinisi tuloy ako ni Emily kung bakit binayad ko kaagad. Mabilis talaga akong magtiwala. Sa sobrang inis ko, nag-gardening na lang ako. Inilabas ko ang ibang mga halaman upang maarawan. Nag-bonsai din ako ng niyog, na ibinigay ni Ma'am Vi ang seedlings.Hapon, umidlip ako para mawala ang inis ko. Epektibo naman.Five, nagkaroon kami ng virtual Christmas kumustahan. Nagkaroon kami ng online parlor games. Kahit paano, napasaya namin ang mga students na nag-join. Disyembre 21, 2020 Past 8:30, dumating na sina Kuya Boy. Nag-aalmusal ako noon. Lumabas ako at binati ko siya nang paalis na ako. Mga 9:30 na iyon. Pupunta ako sa school upang tanggapin ang mga gifts sa akin ng mga kaibigan kong Tupa.Past 11, nasa school na ako. Naroon sina Sir Erwin at Ma'am Edith a.k.a. Rapunzel.Doon na kami nag-lunch.Past 1, dumating sina Sir Archie at gf niya. Past 2 naman dumating sina Ma'am Bel at Ma'am Divine. Past 3, pumunta kami kina Rapunzel para tanggapin ang groceries na itinabi niya para sa amin. May gift din siya kay Zillion.Past 4, nahirapan aking makasakay. Ang haba ng nilakad ko. Ang bigat pa naman ng mga dala ko. Puro regalo. May groceries pa galing sa Brgy. 18. Andaming biyaya. Past 7 na ako nakauwi sa bahay. Uminit ang ulo ko kasi sarado ang pinto. Ini-lock nila, pero hindi dinala ang susi. Mabuti na lang may puno sa may bintana. At bukas ito. Nakaakyat ako at nakapasok. Ngayon ko napagtanto kung bakit noon ay hindi ako isinasama ni Mama sa mga lakad ng mga magkakamag-anak para raw man bantay sa bahay. Tama palang dapat may bantay ang isang tahanan. Kasalanan ni Zillion. Sinabihan na siya ng ina na huwag susunod sa simbahan hanggang hindi ako dumating, pero umalis pa rin siya. Mali pa ang ini-lock. Pinagalitan ko siya, gayundin ang ina.. Disyembre 22, 2020 Kagabi pa lang, nakaplano na ang mga gagawin ko at mga iuutos ko kay Emily. Nakalista na ko ng mga oorderin niyang materyales. Naibigay ko an rin ang pambili.Past 6, bumangon na ako para ayusin ang bahagi ng bakuran na ipo-flooring ni Kuya Boy.Si Emily naman, umalis pagkatapos magluto ng agahan. Mabilis siyang nakaorder at nakabalik.Past 8:30, dumating na sina Kuya Boy. Kapapahinga ko lang din noon. Hindi pa sila satisfied sa linis ko. Mas malaki pala ang ang sesementuhan nila kaya tumulong uli ako sa pagsasayos. Past 11:30, wala pa rin ang delivery, kay nagpaalam na lang sina Kuya Boy na pupunta sa isa niyang kontrata. Nainis ako. Disappointed ako sa araw na ito. Kung kailan nagmamadali, saka naman maraming aberya. Pending na naman ang trabaho.Maghapon akong nagkulong sa kuwarto. Umidlip ko. Nagbasa. Nanood ng videos sa internet. Nagsulat din ako ng kuwento. Past 5:30 na ako bumaba. Sana naman bukas ay tuloy-tuloy na ang trabaho. Disyembre 23, 2020 Tahimik ako pagkagising ko. Hindi ko alam kung bakit ako nalulungkot. Siguro dahil hindi agad dumating si Kuya Boy. Inakala kong hindi na naman siya gagawa. Past nine-thirty na kasi sila dumating. Past 12, umalis na sila. Malaki naman ang na-flooring-an nila. Kahit paano, natuwa na ako. Past one, umalis ako para magpatahi ng sneakers ko. Sa Rosario ako nakahanap ng shoe repair shop. Wala sa SM. Mabuti na lang, meron pala sa Salinas. Ang mura pa. P100 lang ang bayad ko. Past 5 na ko nakauwi. Nakangiti na ako sa aking mag-ina, na hindi ko nagawa kaninang umaga. Disyembre 24, 2020Maaga akong bumangon para ayusin ang garden. Binuhat ko ang mga garden set, semento, nakapasong halaman, at iba pa. Dumating sina Kuya Boy bandang nine ng umaga. Natuwa ako dahil nagtrabaho pa kahit bisperas na. Nakapag-vlog ako ngayong araw. Nakadalawa at kalahati ako. Hapon, pagkatapos ng trabaho nina Kuya Boy, naglinis kami ni Emily. Inilabas namin ang ibang halaman, lalo na ang mga nasa dining at living area. Dumating si Kuya Emer bago umuwi sina Kuya Boy. Natuwa ako kahit paano sa hindi pa tapos ang palitada ng wall at pagpintura ng pader grills. Nagandahan ako sa wall lamp. Gabi, nag-biking ako. Matao ang mga kalsada. Nakakatakot baka makabangga ako. Habang nagluluto sina Kuya Emer at Emily , nagbi-videoke ako. Itinuloy ko ito hanggang 11. Isiningit ko ang biking dahil napakainit sa loob. Kung kailan naman malapit na ang Noche Buena, saka naman ako inantok. Hindi na ako bumaba, tutal kumain na ako. Disyembre 25, 2020Kahit Pasko, hindi ako nagpaawat sa paglilinis ng garden. Inilabas ko ang mga halaman ko na itinago ko sa laundry area upang maarawan sila. Gusto ko na rin kasing maglaba. Tumulong naman si Kuya Emer na itapon ang mga scrap, gaya ng lupa, bato, buo-buong semento, at iba pa. Hapon, naglaba ako. Sinolo ko. Mas gusto kong maglaba kaysa magtapon ng mga scrap. Past 4 na ako natapos. Then, bandang alas-6, naglinis naman ako sa harap. Natapos na rin kasing itapon ang mga kalat. kahit paano, nabawasan ang alalalahanin ko. Mabuti na lang, nandito si Kuya Emer. Hindi kinaya ng tomboy kahapon na hakutin ang mga scrap. Naningil lang ng P800. Bale P2k rin ang magagastos ko kasi nag-upa pa kami ng pedicab at magbibigay ako kay Kuya Emer ng P1k. Okay lang. At least, nakalibre ako sa pagbuhat. Masaya naman ako ngayong araw ng Pasko. Buo ang pamilya ko. Alam kong masasaya naman ang mga kapatid ko at mga kamag-anak ko, gayundin si Mama at dalawa ko pang anak. Disyembre 27, 2020Magdamag umulan kaya paggising ko, hindi kaagad ako nakapagsimulang mag-ayos sa garden. Nagluto muna ako ng almusal, saka kumain. At dahil hindi ko na napigilan ang sarili ko, nag-ayos ako kahit umuulan. Pinasali ko si Zillion para tumibay ang resistensiya. Game naman siya. Marami kaming natapos. Napaliguan pa namin ang aso. Hapon, imbes na magpahinga, nag-videoke ako. Tapos, gumawa ng vlog. Gabi. Nag-ayos uli ako sa garden. Tumigil na kasi ang ulan. Kahit paano, marami akong natapos. Kaunti na lang ang halaman sa loob. May direksiyon na ang garden plan or design ko. Disyembre 28, 2020After breakfast, nag-ayos na agad ako ng garden. Kahit paano ay nagkaroon na ng magandang pagbabago. Marami akong naiisip na disenyo o arrangement, kaya lang mahirap dahil solo akong nag-aayos. Past 11, nag-chat si Ms. Ecija, parent ng dati kong pupil. Nagyayayang mag-tripping sa Pasinaya. Late ko na nabasa. Aniya, pupunta na lang siya sa bahay. Past 3, dumating siya. Hindi na kami nakaalis para tingnan ang model house sa Pasinaya kasi hindi sumagot si Sis. Marian kung maaari siyang ma-approve kahit self-employed lang siya. Isa pa, hapon na. Mahirap nang bumiyahe pauwi. Nag-sales talk din ako ng First Vita Plus. Mukhang positive naman siya. Siya pa nga ang nagyayang mag-picture kami sa mga products. Past seven na siya umuwi. I'm hoping na makakakuha siya ng unit at magiging First Vita Plus dealer siya. Disyembre 29, 2020Maganda ang panahon kaya marami akong nagawa sa garden. Halos matapos ko nang maisaayos. Niapuwesto ko na sa magandang lugar ang garden set. Nainis lang ako sa mag-ina ko kasi ala-una na, wala pang ulam. Sinermonan ko sila. Nasira ang mood ko maghapon. Mabuti na lang, nakatulog ako after lunch. At pagkatapos kong maligo, back to work ako. Kaunti na lang, maaayos ko na ang garden ko. Gabi, nagpintura ako ng pader sa kusina. Sa halip na laundry area, ito muna ang inuna ko. Kapag may tirang pintura, pipinturahan ko. Disyembre 30, 2020Itinuloy ko ang pagpintura sa kusina. Ang dami pa kasi ng natirang pintura. Halos nalagyan ko lahat ng sides. Tahimik akong maghapon. Hindi ko alam kung bakit. Siguro gusto ko lang mas marami akong magawa. Tama naman dahil napaliguan ko ang aso. Nakapag-landscape ako. At nakapag-repot. Ang ganda na ng garden namin. Although may kaunti pa akong aayusin, pero maaari na akong tumanggap ng bisita. Ngayong gabi, nakapag-post na ako ng videos sa FB page ko. Gusto kong kumita sa mga videos kong gardening, gayundin sa stories at school-related. Disyembre 31, 2020Past nine na ako bumangon. Ang sarap kasing mahiga, lalo na't napuyat ako kagabi sa mga panaginip ko, na parang totoo. Parang tungkol kay Mama. Siguro, miss na miss na niya ako. Halos santaon na rin ako nang huli kong dalaw sa Antipolo. Pagkatapos mag-almusal, trabaho agad. Nagpintura ako ng steel gate sa likod, gayundin sa garden gate. Finishing touches lang naman. Pagkatapos niyon, gumawa ako ng vlogs o videos para sa YT at FB pages ko. Naghimay ako ng bunot upang maging cocopeat. After lunch, dumating si Kuya Emer. Kampante na ako dahil may magluluto ng handa para sa Media Noche namin. Umidlip ako hanggang 3PM. Paggising ko, gumawa ako ng vlog. Matagal kong natapos ang isang reading aloud. At habang naghihintay ng 12 MN, nanood ako ng pelikula. Sa garden ako pumuwesto. Napakaganda sana ng movie, kaya lng ang ingay sa paligid at nakakaantok. Gusto kong humilata. Gayunpaman, natapos ko iyon. Gusto ko sanang mag-videooke, kaya lang, nagloko ang mic. Walang boses. O baka na-overpower lang ng ingay sa paligid. Blessed ako ngayong 2020. May pandemya man, pero nabiyayaan ako, kaya nakapagpabakod ako. Hindi rin kami dumanas ng anomang sakit. Salamat sa First Vita Plus, na siyang ginamit ng Diyos. Thank you, Lord! Patuloy akong magpapasalamat at magpupuri sa Iyo!

Pulis ang Daddy Ko

Walang gustong makipaglaro sa akin. Pulis daw kasi ang daddy ko. "Mommy, sana hindi na lang naging pulis si Daddy," minsang sabi ko sa aking ina. Nagulat siya sa sinabi ko. "Bakit mo naman nasabi iyan, Jona?" "Kasalanan po kasi ni Daddy kaya walang gustong makipaglaro sa akin." Natawa naman si Mommy sa sagot ko. "Pulis nga ang daddy mo. Sabihin mo iyan sa kanila. Ang tunay na pulis ay ang katulad ng daddy mo." Napaisip ako sa sinabi ng mommy ko. Kaya, kinabukasan, lumapit ako kina Karla, Mila, Jong, at Jon-jon. "Puwede ba akong sumali sa laro ninyo?" tanong ko sa kanila. "Ayaw naming kalaro ka!" mabilis na sagot ni Karla. "Bakit? Dahil ba pulis ang daddy ko?" Nginitian ko sila isa-isa habang nagtitinginan sila. "Oo!" sagot ni Karla. "Pulis nga ang daddy ko. Siya ay isang tunay na pulis," sagot ko. "Halina kayo. Dali!" yaya ni Karla kina Mila, Jong, at Jon-jon. Nagmamadaling umalis ang lima. Nagpaiwan si Mila. "Pasensiya ka na, Jona... Gusto ko naman talagang makipaglaro sa 'yo, pero sabi nina Mama at Papa, iwasan daw kita kasi anak ka ng pulis,'' mabilis na sabi ni Mila. Pagkatapos, mabilis din itong sumunod sa mga kaibigan. Sa halip na malungkot ako, natuwa ako dahil sa sinabi sa akin ni Mila. Masaya akong umuwi sa bahay. Ibinalita ko kay Mommy ang nangyari. "Mahal na mahal ka namin ng daddy mo. Iyon lang ay sapat na para maging masaya ka. Pero, mahalaga pa rin ang mga kaibigan," sabi ni Mommy. "Hayaan mo, darating ang araw na makikipaglaro rin sila sa iyo. Ipakita mo sa kanila na ikaw ay anak ng mabuting pulis." "Opo, Mommy!" Niyakap pa ako ng aking ina. Linggo ng umaga, magkakasama kaming pamilya sa pagsisimba. Sabi ni Daddy, huwag daw naming kalilimutang maglaan ng oras para sa Diyos. Nang araw na iyong, ipinagdasal ko, na sana tanggapin na ako nina Karla, Mila, Jong, at Jon-jon. Sana rin ay patuloy na gabayan ng Diyos ang daddy ko sa kaniyang trabaho. Masayang-masaya ako pagkatapos ng misa dahil kakain na naman kami nina Daddy at Mommy sa paborito kong fast food chain. "Namamalimos po," salubong sa amin ng matandang lalaki. "Daddy, Mommy, sa bahay na lang po tayo kumain. Ibigay na lang po natin kay Lolo ang pambili natin ng pagkain sa fast food chain," sabi ko sa kanila. Agad na nagbigay si Daddy sa matanda. "Salamat sa inyo!" sagot ng lolo. "Tatay, mag-iingat po kayo palagi," sabi pa niya. Lalo akong humanga sa daddy kong pulis. Hindi lang siya mabuting ama at asawa, matulungin pa siya sa kapwa. Tuwang-tuwa ako nang natuloy pa rin kaming kumain sa fast food chain. Sabi ni Daddy, para raw iyon sa pagiging mabuting anak ko at pagiging matulungin sa kapwa. Masayang-masaya talaga ako tuwing kasama ko ang mga magulang ko. Halos isang araw sa isang linggo lang kaming nabubuo dahil nakadestino si Daddy sa malayo. Kaya tuwing uuwi siya, tuwang-tuwa ako. Bago pa kami natapos sa aming pagkain, nagpaalam si Daddy sa amin. Mabilis siyang lumabas sa fast food chain. Nahulaan ko na agad ang kaniyang gagawin. "Pasensiya na kayo... Tinulungan ko ang ale. Hinablot ng lalaki ang bag nito, kaya hinabol ko," paliwanag ni Daddy. Mangiyak-ngiyak sa pangamba at tuwa si Mommy. "Lagi mo na lang inuuna ang iba. Lagi mo na lang itinataya ang buhay mo para sa kapwa." "Oo nga po, Daddy," sang-ayon ko. "Tungkulin kong pagsilbihan at protektahan ang kababayan ko," tugon niya. Lalo akong humanga sa daddy ko. Tama si Mommy na si Daddy ay isang tunay na pulis. Nang makauwi kami sa aming lugar, binati ng aming kapitbahay si Daddy. "Sarhento Lucas, congratulations!" sabi nila. Panay ang ngiti at pasalamat ni Daddy. Noon ko lang nakita na sinaluduhan nila ang aking ama. Naisip ko nga, totoo kayang paggalang at paghanga ang kanilang ipinakita? Kinabukasan, malungkot na naman kami ni Mommy nang magpaalam sa amin si Daddy. Ilang araw na naman siyang malalayo sa amin. Ilang araw ring malalagay ang buhay niya sa peligro. Hindi pa nakakalayo si Daddy, nang dumating sina Karla, Kikay, Lotlot, Jong, Jon-jon, at Mila. "Magandang umaga po!" bati ni Mila sa mommy ko. "Puwede po ba naming makalaro si Jona?" Tiningnan ako ni Mommy. "Anak siya ng pulis," biro niya. "Kaya nga po gusto namin siyang kalaro," tugon ni Mila. "Sorry po... Sorry, Jona, kung hindi ka namin sinasali sa laro," sabi ni Karla. "Napanood namin ang daddy mo," sabi Jon-Jon. "Trending siya sa social media," sabi ni Jong. "Oo. Ang galing ng tatay mo, Jona! Nahuli niya ang isnatser," sabi naman ni Jon-jon. Napangiti si Jona dahil kay Jon-jon. "Hindi pala kami dapat matakot sa 'yo at sa daddy mo... kasi mabubuti kayong tao," sabi ni Karla. "Mommy, makikipaglaro po ako sa kanila," paalam ko sa aking ina. "Sige na, Jona... Ito na ang araw na sinasabi ko sa 'yo," sagot ni Mommy. "Opo, Mommy! Salamat po! Salamat din dahil pulis ang daddy ko," sabi ko. "Tunay na pulis," pahabol ni Mommy. Nayakap ko tuloy si Mommy bago ako sumama sa mga kalaro ko. "Mga bata, mag-iingat kayo palagi, ha?" bilin ni Mommy. "Opo! Pulis po ang daddy ng aming kalaro," sagot ni Mila. Nagkatawanan kami habang patungo sa parke.

Mga Halaman sa Hardin na Nakakapagtaboy ng mga Lamok

Masarap mamalagi sa hardin hindi lang sa ganda nito, kundi sa sariwang hangin na naidudulot nito. Kaya lang, kung marami namang lamok ang namamahay rito, mas gusto mo na lang pumasok sa loob ng bahay. Hindi na rin mainam tumanggap ng bisita sa hardin dahil sa pesteng lamok. Pero, alam mo bang nasa hardin lang din ang solusyon sa problema mo sa mga lamok? May mga halaman kasing nakapagtataboy ng mga lamok at iba pang insekto. Lalo na kung ayaw mong gumamit ng mga kemikal na pang-spray. Ang lavender ay una sa listahan. Nakapatataboy ito ng mga insekto. Kahit nga ang kuneho, ayaw ang amoy nito. Mabango ang amoy ng essential oil na nanggagaling sa mga dahon nito, kaya marahil ayaw ng lamok. Pinaniniwalaan kasing tinatanggal daw nito ang pang-amoy ng mga lamok. Hindi rin ito mahirap alagaan. Kailangan lang nito ng full sun at magandang soil mixture upang hindi mabulok ang mga ugat. Kaya nito ang iba’t ibang uri ng klima. Kaya, sa Pilipinas, pasok ang pagtatanim ng lavender! Ang marigold ay mainam ding pantaboy sa mga insekto. Ang matapang na amoy nito ay ayaw na ayaw ng mga lamok. Madali lang din itong alagaan. Maaari itong itanim sa paso o direkta sa lupa. Nakapagpapaganda pa ito ng hardin at gulayan dahil sa matingkad nitong kulay. Mainam itong ilagay sa patio o sa harapan ng bahay. Ang citronella ay kilalang mosquito repellant. Ang pambihirang amoy nito ang inaayawan ng mga lamok. Nabubuhay ito sa maaraw na bahagi, kaya sa Pilipinas, maganda ang tubo nito. Ligtas sa dengue ang mga tahanang may tanim nito. Ang catnip (catmint) ay nabubuhay kahit saan. Ginagamit ito para sa mga alagang pusa. Minsan, itinuturing lang itong damo. Kaya naman, napakadali nitong alagaan at paramihin. Maaari nga nitong sakupin ang mga halaman sa hardin. Ayon sa pag-aaral, sampung beses na mas epektibo ito kaysa sa kemikal na ginagamit sa paggawa ng insect repellants. Ang rosemary ay isa ring mahusay na pantaboy ng mga lamok. Ito ay isang herb na may amoy-kahoy na amoy, na siyang inaayawan ng mga insekto. Maganda itong itanim sa mga gilid. Mabubuhay ito kahit sa paso. Habang enjoy na enjoy ka sa mabangong amoy nito, suyang-suya naman ang mga lamok. May sangkap ka na sa pagluto, may mosquito repellant ka pa. Ang basil ay isa ring herb na may kakayahang itaboy ang mga peste. Ang maanghang na amoy nito ang ayaw na ayaw ng mga langaw at lamok. Dapat lamang piliin ang tamang variety ng basil na itatanim sa hardin. At tandaan na gusto ng basil ang mamasa-masang lupa. Gusto nito ang masaganang sikat ng araw. Maaari mo itong itanim sa paso o direkta sa lupa. Maaari ring isama sa halamang namumulaklak. Ang malvarosa (geranium) ay kilalang mosquito repellant. Dahil namumulaklak ito, hindi magiging boring ang hardin mo. Safe ka pa sa dengue. Panatilihin mo lamang itong namumulaklak sapagkat ang mga ito ang nagpapalayo sa mga lamok at iba pang insekto. Mahilig ito sa sikat ng araw. Kung malamig naman, dapat mo itong ilipat sa paso at gawing indoor plant. Makatutulong sa paglaki nito ang madalas na pagpu-prune. Ang peppermint ay isang mabisa at natural na pantaboy ng lamok, langaw, at langgam. Mas maanghang ito, mas kakaunti ang mga insekto sa paligid ninyo. Mainam itong itanim sa paso, kung saan mas madaling mapitas para sa pagluluto o paggawa ng tsaa. Ang pinatuyong dahon nito ay maaari ring ilagay sa loob ng bahay bilang natural pest control method. Ang bulaklak ng bulak-manok (floss flower) ay hindi lang kaaakit-akit na bulaklak, kundi isa ring mabisang panlaban sa lamok. Nagtataglay ito ng coumarin, isang kemikal na nagtataboy sa mga lamok. Nakalalason din ito sa tao at mga alagang hayop. Ang sambong (sage) ay hindi lang mabisang halamang-gamot, magaling din itong magtaboy sa mga lamok. Kung mahilig kayong mag-bonfire, isama ito sa apoy. Maaari ring ilahok sa mga tuyong dahon tuwing magsisiga. Kung sinisipag ka, maaari kang gumawa ng spray, gamit ang katas nito. Ang sibuyas at bawang ay nakapagpapasarap ng mga lutuin at nakapagtataboy ng mga lamok. Ayaw ng mga lamok ang amoy ng mga ito. Ang ibang magsasaka, ginagamit ang mga ito sa intercropping upang maprotektahan ang ibang mga pananim sa mga peste. Itinatanim ang bawang o sibuyas sa pagitan ng mga gulay gaya ng pechay at repolyo. Marami pang halaman ang mainam na pantaboy sa mga lamok. Marami rin ang mga maaaring gawing mosquito repellant spray. Nasa kusina, hardin o paligid lamang natin ang mga ito.

Ang Magbabagong Kaibigan

“Pulutin mo ‘yan,” utos ni Emil sa kaibigang si Darius nang makita niyang itinapon nito ang balat ng kendi sa kalsada. “Huwag na. May street sweeper naman tayo,” natatawang sabi ni Darius. “Halika na!” Hinila siya nito, pero hindi siya natinag. Binalikan niya ang balat ng kendi, na itinapon ni Darius. Pagkatapos, naghanap siya ng basurahan at doon niya itinapon. Tahimik silang naglakad patungo sa bahay ng kanilang kaklase dahil ikinalungkot niya nang husto ang inasal ng kaibigan. Bago pa sila nakatawid ng kalsada, sumalpok sa malaking paso ang batang lalaki habang nakasakay ito sa bisikleta. Naging dahilan iyon upang sumemplang ang bata. Pumulanghit ng tawa si Darius. Agad namang tinulungan ni Emil ang bata upang maitayo ito at matiyak na hindi nasaktan. Malapit na sila sa bahay ng kanilang kaklase nang isang matandang babae ang naglahad ng kamay sa kanilang. Mga iho, baka may barya kayo riyan. Pahingi naman. Pandagdag lang sa pambili ko ng pagkain,” sabi ng matanda, na halatang hirap na hirap sa buhay. “Naku, Lola, hindi hinihingi ang barya ngayon. Alam ko na ang mga style ninyo! Mga manloloko!” walang kaabog-abog na sabi ni Darisus. “Ano ka ba, Darius? Kung wala kang maibibigay, huwag ka na lang magsalita ng masama,” galit na sabi ni Emil. Pagkatapos, hinarap niya ang matanda. ”Pasensiya ka na po, Lola, sa kaibigan ko. Pagsasabihan ko po siya.” Maiyak-iyak ang matanda, kaya hindi na ito nakapagsalita. “Pasensiya na rin po kung limang piso lang ang maibibigay ko. Iyan lang po kasi ang dala ko. Ingat po kayo palagi,” sabi ni Emil. Hindi na niya narinig ang pabulong na pagpapasalamat ng matanda dahil nahila na niya palayo si Darius. “Sobra ka na, ha! Hindi nakakatuwa ang mga ginawa mo. Kanina, nagtapon ka ng basura sa kalye. Tinawaan mo ang bata. At ngayon naman, pinagsalitaan mo ng masama ang lola.” Pinilit magpakahinahon ni Emil kahit naiinis siya sa kaibigan. “Wow! Akala mo kung sino kang mabait,” sarkastikong sagot ni Darius. “Sino ka para sermonan ako?” “Concern lang ako sa ‘yo. Kaibigan mo ako at hindi ko hahayaang gumawa ka ng mali sa kapuwa. Ngayon kung hindi mo gusto ang sinabi ko at ginagawa ko, sige… Bahala ka na. Ikaw na lang ang pumunta kay Daniel. At huwag ka na ring pupunta sa bahay.” Pagkatapos niyon ay walang lingon-likod niyang tinalikuran si Darius. Mabilis na naglakas pauwi si Emil habang iniisip pa rin niya si Darius. Nalulungkot siya sa masamang ugali nito. Nahiling niya sa Diyos na sana magbago ito. Sa tapat ng kanilang gate, naroon si Darius. “Samahan mo na ako kina Daniel. Promise… hindi na mauulit. Tama ka naman, e,” maluha-luhang sabi ni Darius. “Kapag hindi mo ako sinamahan, hindi mo na makikita ang pagbabago ko.”

Mga Suhestiyon sa Pagsulat ng Tula

Hindi naman mahirap magsulat ng tula. Alisin mo lang ang labis na pagiging negatibo. Narito ang ilang suhestiyon sa pagsulat ng tula.

Pumili ka ng magandang paksa. Ang paksa ng tula ay walang limitasyon. Malaya kang makapili ng ideyang alam na alam mo. Maaaring ang mga bagay na interesado ka o gusto, paborito mo. Maaaring ang kinatatakutan mo, iniisip mo, pangarap mo. Lahat puwede! Subukan mong isulat ang tatlong paksang naisip mong gawan ng tula. Pagkatapos nito, maaari ka nang sumulat o makasulat.

Huwag kang matakot sumulat ng tula nang walang tugma. Hindi palaging may tugma ang tula. Hindi ito kasalanan. Tandaan mong may malayang taludturan. Maaari ka nga ring gumawa ng sarili mong estilo. Huwag kang mag-alala, walang mamba-bash sa 'yo, as long as wala ka namang tinatapakang tao.

Bigyan mo ng pansin ang kayarian ng tula mo. Suriin mo ito pagkatapos mong isulat ang burador (draft). Balanse ba ang mga saknong? tama ba ang mga batas? Sumunod ba sa uri ng tula na sinundan mo, gaya ng spoken word, haiku, tanaga, awit, korido, elehiya, balagtasan, duplo, dalit, tradisyunal, at iba pa. At gaya ng sinabi ko kanina, maaari ka ring gumawa ng sarili mong anyo ng tula. Malaya ka.

Basahin mo nang malakas ang tulang isinulat mo. Kapag maganda at masarap pakinggan, maganda iyan. Maaari mo ring ipabasa sa iba. Ang pagsali sa mga poetry writing groups ay makatutulong din sa iyong pagkatuto. Ang mahalaga, tumatanggap ka ng puna, kritiko, at opinyon ng iba.

Paunlarin mo ang iyong tula. Pagkatapos mong humingi ng komento, puna, at suhestiyon sa iba, paunlarin mo ito. Iwasto mo ang mga mali. Dagdagan. Baguhin. Bawasan. Edit mo. Sigurado akong mas gaganda pa ang tula kapag maraming mata ang magbabasa.

Kapag nabigo ka sa una, huwag kang susuko. Wala namang nagwagi na umayaw. Bahagi ng pagkatuto ang kabiguan. Huwag ka ring masaktan sa sasabihin ng iba bagkus pagbutihan mo pa. Hindi ka lalago kung mananatili kang sensitibo at takot sa pagkabigo.

Hayan na! Maaari ka nang sumulat ng tula nang hindi ka nagiging negatibo. Kaya mo iyan!

Ang Aking Journal -- Nobyembre 2020

Nobyembre 1, 2020 Maaga akong bumangon kasi nag-chat si Ma'am Penggay para i-deliver ang order kong ice cream. Baka raw kasi abutan sila ng ulan. Pagkatapos, mag-almusal agad akong humarap sa laptop upang gumawa ng modules. Nakadalawa ako ngayong araw. Hapon, nagsimula na ang pagbayo ng malakas na hangin. Isinilong ko ang mga halaman ko. May mga nilipad at nahulog na nga bago ko pa nagawa. I hope wala masyadong ma-damage sa mga halaman ko. Nobyembre 2, 2020 Maganda na ang panahon. Parang walang nangyaring bagyo kahapon at kagabi. Nakapaglabas at nakapag-ayos na ako ng mga halaman. Then, hinarap ko uli ang module writing, until dumating si Sir Hermie, bandang alas 5 ng hapon. Nag-inuman kami hanggang past 9:30. Nakaapat kaming grande. Super luyong kami sa apat. Nakakatuwa! Tinawagan namin sina Sir Erwin, Ma'am Venus, at Ma'am Roselyn dahil gusto naming mangulit. Nobyembre 3, 2020 Na-stress ako habang paggising ko kasi nagha-hang pa rin ang laptop ko. Kagabi pa iyon. Para mawala ang inis ko, nagpalit ako ng First Vita plus checks ko sa Security Bank. Natagalan ako roon, kaya almost 12 noon na ako nakauwi. After lunch, naayos ko na ng laptop ko. Nagawa ko na ang mga dapat kong gawin, like ang pag-edit ng story ko para sa Booklatan sa Bayan. Nai-send ko na rin iyon. Wala na akong iisipin pang iba. Maghapon akong gumawa ng module. Nahinto lang dahil dumating si Natz. Bibigyan niya raw ako ng fig tree. Itinuturing na niya akong kaibigan. Hiningi pa nga niya ang Facebook name ko dahil isasali niya ako sa group niyang TGIF. Last 6 modules na lang ng gagawin ko. Bukas, magdadalawa ako. Nobyembre 4, 2020 Binigyan ako ni Natz ng mulberry seedlings. Nagmamadali siyang umalis. Pagkaabot niya kay Emily umalis na rin siya agad. In-add ko siya sa FB para makapagpasalamat ako. Ngayong araw, nag-edit at nagdagdag lang ako ng nilang ng modules kasi kulang ang number of pages. Kasalanan ni Ma'am Nhanie. Siya ang nagsama-sama ng mga layunin. Sinundan ko lang. Nahirapan tuloy ako. Sa halip na Grade 4 naang ginagawa ko, Grade Six pa rin. Anyways, kaya pa naman. Ilang araw pa naman bago ang deadline. Nobyembre 5, 2020 Maaga pa lang, may benta na kami. Nauna lang si Ma'am Jenny dumating. Siya siguro ng suwerte. Nakatapos ako ng modules ngayon. In fact, naipasa ko na ang Grade Six Quarter 4. So far, nasa Grade Four Quarter 4 Module 4 na ako. Kahit paano an nakahinga ako nang maluwag. Tatlo na lang. Bukas maaga akong pupunta sa school para sa distribution and retrieval of modules. Nobyembre 6, 2020 Three-thirty, bumangon na ako para maghanda sa pagpunta sa school. Gusto kong makarating doon nang hindi naiipit sa traffic. Nagawa ko naman. Wala pang 5:30, nasa school na ako. Past 6:30 na dumating si Ma'am Vi. Nagsisimula na akong mag-assort ng mga modules. Nakalimutan ko nang pumasok sa online class. Gayunpaman, nakapagturo pa rin ako bago kami nag-almusal. Dumating din sina Sir Hermie, Ma'am Anne, Ma'am Madz, at Sir Joel. Wala lang si Ma'am Wylene. Nagkatawanan na naman kami. Nakapagtsek ako ng ilang modules. Ang hirap pala. Hindi kayang matapos ang isng section sa isang upuan, lalo na't natambakan na kami. Past 1:30, umuwi na kami. May dalawa akong mga halaman. Ang isa ay nabarter ko kay Sir Erwin. Ang isa naman ay galing sa garden ko. Nakarating ko sa bahay bandang past 4. After meryenda, humarap na ako sa laptop para ipagpatuloy ang module-making. Maaga naman akong umakyat upang magpahinga. Nobyembre 7, 2020 Nakipag-meet up uli ako sa client ko ng First Vita Plus bandang nine. Ikalawang kuha na niya iyon dahil effective sa kaniyang ama. Pagkatapos niyon, pumunta ako sa Rosario para mamili ng mga paso. Busy naman sina Emily, Zillion, Ma'am Jen at Ma'am Ailyn para sa 6th years anniversary ng Rich of the Champions. Hindi ko sila natulungan. Hindi rin ako naka-join kasi may webinar din ako sa Wikipedia. Nag-stay ako sa taas, kaya hindi naman ako nakapakinig nang maayos. Nakaidlip ako. Tapos, nawalan pa ng connection. Natapos ko ngayong gabi ang ikalimang module. Tatlo na lang. Hindi na ako mai-stress. Kayang-kaya na. In fact, nagsimula akong gumawa ng video lesson. Na-miss ko ang pag-vlog. Nobyembre 8, 2020 Nag-gardening ako nang halos maghapon. Hindi ko nga natapos ang isang module. Gayunpaman, masaya ako dahil marami akong nai-repot. Mas maganda talaga ang halaman kapag nasa magandang paso. Nakakaadik magtanim. Kung marami lang akong pera, bibilhin kong lahat ang mga gusto kong koleksiyunin. Bukas, darating daw ang plants na inorder ko kay Gina. Sana hindi naman napirat. Nakasako lang daw. At sana magaganda ang naipadala niya sa akin para worth it ang ibabayad ko. Nobyembre 9, 2020 Dahil wala pang module na pang-week 6, nagturo na lang ako ng pagsulat ng sanaysay. Inuna ko ang pagsulat ng simula. Ngayong araw, medyo naging produktibo ako. Gumawa ng module. Mabagal lang akong gumawa dahil naubusan ng battery ang bluetooth mouse ko. Almost done na ng module #7. Naabala pa ako kasi nakipag-meet up pa ako sa nagdala ng plants na order ko kay Gina. Nagkita kmi sa Umboy. Madaya kasi hindi hinatid sa bahay. Gumastos pa ako sa pamasahe. Okay lang naman kasi natuwa ako sa mga bird's nest ferns. Nawala ang inis ko. Itinanim ko kaagad ang mga iyon dahil nalanta na ang iba at naluray na. Matagal-tagal pa bago sila magiging stable. Pero, okay lang dahil mataas ng chance ng survival nila, maliban sa anahaw. Gabi, nag-chat si Boboy. Nagtanong tungkol sa house and lot. Pinahanapan ko kay Emily. Nagustuhan niya ang sa Pasinaya Homes. Sa Linggo, pupunta siya rito para mag-tripping. Nobyembre 10, 2020 Hapon na ko nakapadala ng bayad ko sa plants kasi umulan. Isa pa, naghintay ako sa delivery ng loam soil. Binigo na naman niya ako. Umattend pa ako ng meeting. Inabot ng alas-12. Kailangan kong mag-check ng modules kaya iniwan ko muna ang laptop. Nagtsek ako sa kuwarto. Kahit paano nakarami ako. Nakapag-record na rin ako. Nobyembre 11, 2020 Nakapagturo pa ako online saka nag-suspend ng klase. Okay lang naman dahil gusto ko ang itinuturo ko. Past 12, dumating si Sir Hermie. Bumili ng mga halaman at paso. Nag-inuman uli kami. Inabutan na naman siya ng alas-4 rito. Okay lang namn kahit na-pending ang paggawa ko ng module. Wala naman nang pasok bukas dahil sa bagyong Ulysses. Nakakagawa ko maghapon bukas. Gabi, naka-chat ko si Norman. Inabot kmi ng pasado 11. Kay sarap balikan ang pagkakaibigan namin noon. Ganitong oras din, lumakas nang husto ang hangin. Hindi agad ako nakatulog kasi pinakikiramdaman ko ng paligid. Nobyembre 12, 2020 Hindi ako nakatulog nang husto dahil kay Ulysses. Sobrang lakas ng hangin niya. Nangangamba ako na baka liparin ang mga bubong namin. Pati ang mga halaman ko ay inaalala ko. Nawala ang kuryente bandang 12. Paggising ko bandang 8:43, wala pa ring kuryente. Namorblema kami sa almusal dahil de-kuryente lahat ng gamit namin. Past 10, bumili na lang ako ng kanin at ulam. Mabuti may nagluto at nagtinda. Dahil walang kuryente, nagtsek na lang ako ng module. Nagbasa rin ako. At nang inantok, umidlip ako. Past 3:30 nang dumating ang kuryente at tubig. Gabi, tinapos ko na ang modules. Naipasa ko na rin kay Ma'am Nhanie. Gusto pa nga niya kong pasulatin ng Grade 2. Tumanggi na ako. Gusto ko kasing mag-vlog at ituloy ang trending kong nobela sa Wattpad. May nag-aabang na kasi ng update. Kaya, bago ako natulog, nagbasa ako ng mga huling chapter at nagsimulang magsulat. Nobyembre 13, 2020 Wala pa ring online class ngayon. Gayunpaman, nagpaka-busy ako sa garden habang naglalaba ang mag-ina ko. Tinulungan ko sila sa pagsasampay. Pagkatapos, naglinis ako sa sala. After lunch, nagbasa at nagsulat. Nang inantok ako, umidlip ako. Nagsulat uli ako bago bumaba. Then, sinagutan ko nang lahat ang assignment sa Classroom Wikipedia. Marami akong na-accomplished ngayong araw. Nobyembre 14, 2020 Maaga pa lang, marami na kaming benta. Isa si Ate Emer sa aming mga customers na dumating. Halos sabay-sabay sila, pero siya ang pinakanagtagal. Nakipagkuwentuhan pa siya sa amin hanggang sa bumili siya ng dalawang sachets ng FVP Guyabano Gold. After lunch, pumunta ako sa Rosario para mag-withdraw ng allowance. Minalas ako kasi wala naman palang pumasok na pera. Kung alam ko lang hindi na sana ako pumunta nang naiwan ko ang ATM card sa bahay. Nagastusan tuloy ako sa pamasahe ng P160. Sayang! Ngayong araw, nakapag-upload ako ng dalawang vlogs sa YT. Sana magtuloy-tuloy na. Nobyembre 15, 2020 Gumawa ako ng vlogs ngayong araw. Sinikap kong makagawa ng tatlo. Nakaka-inspire kasi ang isanf follower ko na nangumusta at nag-request ng update. Ngayong araw, na-approve ang Adsense ko sa blogspot. Nawa'y mabilis akong kumita. Sana'y magtuloy-tuloy na ang kita ko sa mga vlogs at blogs ko. Nobyembre 16, 2020 Dahil wala pang modules na pang week 5, nagturo na lang ako ng mga elemento ng kuwentong pambata. Gusto kong matuto ang mga estudyante ko na magsulat ng kuwento. Pagkatapos ng online class ko, ni-reply-an ko si Bro. Natz. Niyaya niya akong pumunta sa Agricultural Training Institute. Nag-commit ako, kaya bandang 8:30, bumiyahe na kami. Kasama niya si Bro. Joni, na noon ko lamang nakilala. Madalas daw niya itong kasama sa ganoong lakaran. Nakaangkas ako sa motor ni Bro. Natz. First time kong mag-road trip habang nakasakay sa motor. Ang cool pala! Ang ganda pa ng dinaanan namin. First time kong makita ang mga iyon. Ipinasyal nila ako sa Nusa Dua. Napakagandang subdivision iyon. Farm siya. Ang lalaki ng mga lote. Indonesian inspired ang mga unit. Exclusive daw iyon. Parang ang sarap tumira dahil malapit sa nature. Parang probinsiya. Wala naman palang seminar sa ATI. Nabigo kami, pero may tatanggapin kaming free kit sa pagbalik namin. Kinuha na ang names namin. Then, pumunta kami sa Department of Agriculture. Andaming kakilala ni Bro. Natz. Madalas daw kasi sila roon. Nakahingi nga kami ng seedling ng kape. Liberica coffee raw iyon. Kapeng barako, kumbaga. Dream come true kasi matagal ko nang gustong magtanim ng kape. Umuwi na agad kami pagkatapos niyon. Okay lang naman kahit hindi kami natuloy sa ATI. At least, may bago akong experience. May bagong mga kaibigan. Sigurado akong may kasunod pa iyon. Nobyembre 17, 2020 Buena mano si Nanay Delly. Tama talaga ang panaginip ko. Napatakan ako ng ipot ng ibon sa balikat ko. Suwerte talaga kapag may tae o ipot sa panaginip lalo na kapag dumikit sa katawan ko. Nagtuloy-tuloy pa ang suwerte hanggang hapon. Bumili uli kasi ang client ko mula sa Amaya ng FVP Mangosteen. Ikatlong beses na siyang bumili. Ten days lang yata ang pagitan. Then, bandang 5 PM, nabili ang Adenium ko ng P250. Suwerte! Malas nga lang dahil nawala ang signal ng Converge. Lahat ng subscribers ay nawalan. Nag-apologize naman sila through text, pero walang kasiguraduhan kung kailan babalik. Nobyembre 18, 2020 Nag-check ako ng mga modules at nag-record ng mga score maghapon. Kailangan kong makapunta uli sa school upang kumuha ng tsetsekan. Nakagawa rin ako ngayon ng isa vlog tungkol sa chubby frog. Nakapag-update din ako sa wattpad. Natulungan ko rin sa school project ang dati kong estudyante na si Katherine Hazel. Pinag-critique niya ako ng study niya. Nobyembre 19, 2020 Binigay sa akin ni Sir Hermie ang oras niya sa online class dahil hindi naman daw siya feeling well. Natuwa naman ako dahil mas marami akong oras para sa aming talakayan sa Filipino. Pagkatapos mag-almusal, nag-gardening ako. Nakabenta rin ako ng mga paso, na worth P250. Then, gumawa ako ng vlogs. May hindi ako natapos dahil miniting kami ng module writers ni Ma'am Nhanie tungkol sa bagong guidelines ng DepEd. Pahirapan na naman sa pag-edit nito. Deadly line! Sa Wednesday na ipapasa ang Quarter 3. It means kailangan kong makatapos ng at least two modules per day. Sinimulan ko kaagad pagkatapos ng aming Zoom meeting. Tumigil ako bandang past 10:30. Kahit paano umusad na ang module 1. Nobyembre 20, 2020 Halos maghapon akong gumawa ng module. Sulit naman dahil nakatapos ako ng tatlo at bago ako umakyat para matulog, nakapagsimula ako ng pang-apat. Halos nagagamay ko na ang paggawa, gamit ang bagong format. Idlip lang ang pahinga ko. Hindi naman ako nai-stress. Enjoyable naman. Ang mahalaga, natututo ako sa ginagawa ko. Mabuti na nga lang at hindi pa kami pupunta sa school bukas para sa bigayan ng module. Nobyembre 21, 2020 Nagising ako nang maaga dahil sa akala ko ay Friday pa lang. Kaya pala hindi ako makapasok sa online class. Walang nag-aacept sa akin. Nakapasok man ako, pero ako ang ang naroon. Okay lang naman dahil may hinahabol akong deadline. Kailangan kong matapos by next week ang modules. Fourteen modules. Almost six modules na ang natapos ko so far. Hindi ko natapos ang pang-anim dahil sobrang hirap ng layunin. Kailangan kong manood ng maikling pelikula at iba pang ulat. Mahirap din ang paggawa ng salaysay tungkol sa napanood. Pre-requisite kasi sa module ang key to correction, kaya kailangan kong maghanda ng mga sagot. Kung mahirap para sa akin, mas mahirap para sa mga estudyante. Hindi bale, ilalagay naman sa module. Maaari naman nilang kopyahin. Bukas, darating si Boboy para tumingin ng lote at bahay sa Pasinaya sa Naic. Nobyembre 22, 2020 Past 7, dumating na si Boboy. Kasalukuyang naghahanda na noon si Emily ng almusal. Pagkatapos ng almusal, nagkuwentuhan lang kami sandali, habang gumagawa ako ng module. Gusto ko na kasing matapos. Maya-maya lang, dumating na si Sis. Marian para samahan kami sa tripping s Pasinaya. Ginamit na lang namin ang motor ni Boboy. Past 10, naroon na kami sa site. Andaming tao. Nakakagulat kasi nakapag-tripping na rin ako nang tatlong beses, pero hindi napupuno ang model house-- up and down. May pandemic pa niyan. Naisip ko tuloy na in demand ngayon ang murang pabahay at quality ang subdivision na iyon. Affordable nga naman talaga. Gusto kaya ko nga lang, kukuha pa ako ng isang unit. P2,800+ lang ng monthly. Gayunpaman, positive si Boboy. Kukuha siya. Nakatulong ang aking sales talk ability. Na-pending ng paggawa ko ng module dahil in-entertain ko pa si Boboy. Five PM na siya umalis. Sabi nga ni Emily, mahusay na raw akong mag-entertain ng bisita. Almost done ko na ang Filipino 6 Quarter 3 modules, maliban sa Pagtataya. Ang hirap kasing gawan ng activity ang 'pagsulat ng tula at sanaysay na naglalarawan' na multiple choice. Writing pa rin talaga ng skill na gagamitin. Nobyembre 23, 2020 Nag-decide ako kagabi pa na hindi ako aalis nang maaga. Ginusto kong mag-online class muna bago umalis. Before 10, nasa school na ako. Nakapag-check pa ako ng ibang modules bago kami bumaba. Nakapag-sales talk pa ako kay Ma'am Madz. Nahikayat ko siyang kumuha ng bahay at lupa habang bata pa. Sa tulong ni Ma'am Vi, naapektuhan siya. Soon, baka sumama siya sa tripping. Masaya ako kanina sa school. Nakasalamuha ko ang mga closed friends ko. Nakatawa ako nang malakas aat nakapag-share ako ng ideas. Tungkol sa youtube ang pinaka-topic namin. Nakauwi ako bandang 7:30. Masakit ang ulo ko pero nawala naman nang nagkape ako ng First Vita Plus. Nakapag-module writing pa nga ako. Nobyembre 24, 2020 Maaga man akong nagsimulang gumawa ng module, naabala naman ako sa pagdating ni Ate Emer para i-entertain siya. Nakabili siya ng mga halaman, paso, at First Vita Plus, kaya sulit naman. Maghapon, nakadalawang modules ako. Not bad. Nakatulog din ako ng isa't kalahating oras. Sana bukas makatatlo ko. Deadline na kasi sa Friday. Nobyembre 25, 2020 Nag-gardening ako sa umaga. Naglipat ako ng mga potted plants. Natuwa naman ako sa resulta dahil mas maayos, maaliwalas, at maluwang. Then, pinaspasan ko ang paggawa ng modules. Nasa pang-anim na module na ako ngayon. Dalawa't kalahati pa. Sana bukas ay hindi masyadong mahaba ang meeting para matapos ko na ang modules ko. Nobyembre 26, 2020 Wala akong inaksayang panahon. Hinarap ko talaga ang laptop ko upang matapos na ang quarter 3. Kung hindi nga lang nagkaroon ng roll-out orientation, baka natapos ko na. Gayunpaman, nakapinabangan ko rin nang husto ang oras habang nakikinig kasi nakapaglinis ko sa kuwarto ko. Nakapagpalit ako ng kurtina, nakapag-paint ng paso, at nakapag-decorate. Nobyembre 27, 2020 Sinikap kong matapos ang module ko bago magsimula ang Wikipedia webinar. Good thing is natapos ko naman before lunch. Nakahinga ako nang maluwag. Kaya nga nang nag-chat na si Ma'am Nhanie, hindi na ako kinabahan. Naipasa ko naman iyon bandang alas-7. Hapon, after ng webinar, nag-vlog ako. Sa susunod na araw ko naman gagawin ang assigment sa Wikipedia. Nobyembre 28, 2020 Mabuti na lang, bumangon ako nang maaga. Nag-chat kasi si Bro. Natz. Tinanong niya ako kung sasama ako sa Nusa Dua. Siyempre hindi ako humindi. Past 7, sinundo na niya ako. May kasama kaming mga pamangkin niya. Natuwa ako sa pinuntahan naming swimming pool. Ang ganda ng ambience. Panay nga ang kuha ko ng pictures. Kahit nang nasa may lote na niya kami, nag-pictorial ako. Andami tuloy nag-akala ko na may bago akong unit, nang nag-post ako sa FB. Sayang nga lang dahil umuwi agad kami. Nabitin ako. Gusto ko pa sanang magtagal. Past 10, nasa bahay na ako. Sulit naman ng gala namin. Kahit paano ay nawala na ng stress ko sa module ng DepEd. Ala-una, nag-deliver uli ako ng FVP Mangosteen. Ikaapat na beses na iyon. Then, namili ako sa Rosario ng mga paso, pandiaplay, at kung ano-ano pa. Umabot din sa P2,000 ang napamili ko. Napaka-impulsive buyer ko talaga! Nobyembre 28, 2020 Plinano kong magtsek ako ng papel o modyul. Nasimulan ko naman. Kahit paano ay may natapos ako. Kaya lang, biglang nag-chat si Ma'am Amy, na pupunta raw sila. Naglinis ako at naghanda. Past 2, dumaan sila. Medyo nahiya ako kahit puring-puri niya ang garden ko. Gayunpaman, nagbenta pa rin ako. Murang-mura lang ang bigay ko. Sa halagang P200, marami na silang naiuwi. Nang umalis sila, hindi na rin ako nakapag-tsek. Gumawa na lang ako ng vlog. Excited na akong kumita sa youtube. I just need a break. Gabi, may kumontak kay Ma'am Nhanie tungkol sa kuwento kong 'Si Abdul.' Hinihingi ang bio ko para raw sa school project nila. Natuwa naman ako dahil napansin niya ang akda ko na galing sa binili ni Mayor Vico at ipinamudmod sa mga bata roon. Ginawan ko siya ng bio. I hope, gamitin niya iyon sa tama. Nobyembre 30, 2020 Dahil holiday, maaga akong humarap sa mga answer sheets ng modules. Andami ko pang tsetsekan. Parang hindi ako matapos-tapos. Idagdag pa ang abala ng ESP. May idinagdag pa akong summative test questions. Hindi nila sinabi agad noon. Before lunch, may magandang balita kong na-receive. Babayaran ako ni Ma'am Nhanie ng P4k sa pinagawa niyang module sa akin. Natuwa ako dahil ang mahal pala ng bayad per module. P8k ang isa dahil half lang ang P4k na ibabayad niya sa akin dahil nga siya naman ang nagtapos niyon. Sa tuwa ko, umalis ako para mag-withdraw at bumili uli ng halaman, bilang remembrance ng income ko. Tuwang-tuwa rin ang mag-ina ko sa pasalubong ko sa kanila.