Ang Aking Journal -- Agosto 2026

 Agosto 1, 2026

Ang sarap sanang matulog! Kundi lang bumusina ang dump truck, hindi ako pa sana ako babangon. Mga 7:30 iyon.

 

Habang naghahanda ng almusal, nagbabad naman ako ng mga uniform ko. At pagkatapos kung kumain, humarap na ako sa desktop para gumawa ng PPT sa Filipino 6.

 

Andami ko pang gagawin. Dahil sa mga gawaing bahay, hindi ko magawa agad. Hindi na rin ako nakakapagsulat ng akda. Bihira na rin ako makapaglinis ng bahay at garden. Okupado na ang schoolwork ang oras ko. Idagdag pa ang SIKAP. Hindi ko rin ito puwedeng i-give up kasi pandagdag din ito sa allowance ng mga anak ko.

 

In fact, nanghihingi na si Zildjian ng allowance niya. Pasukan na niya sa August 12.

 

Nanghingi na rin si Ion. Kako, sa August 6 na ako magpapadala. Ubos na raw ang pinadala ko noong July 5. May mga babayaran daw siya.

 

Haist! Kailangan kong magkaroon ng iba pang raket.

 

Past 10:30, lumabas ako para mamalengke. Pagdating ko, nagluto agad ako ng ginataang santol, na may karne.

 

Ang sarap ng kain ko! Nakarami ako ng kanin, kaya naman nakatulog ako pagkatapos magbanlaw at maligo.

 

Paggising ko, bandang 4 pm, nagluto naman ako ng pinakro. Medyo hinog na ang saging, kahit green pa. Okey lang naman ang lasa. Kahit walang asukal ay manamis-namis na.

 

Past 8, natapos ko ang paggawa ng LP at PPT, na hanggang Miyerkoles. Isinunod ko naman ang paggawa ng LP sa SIKAP.

 

Past 10, umakyat na ako para manood ng YT video.

 

 

 

Agosto 2, 2026

Alas-siyete pa lang, gising na ako. Gustuhin ko mang magbabad sa higaan, ay hindi puwede. Kailangan ko pang tapusin ang mga schoolwork. Kailangan ko ring magpadala kay Ion ng pang-allowance niya. Kaya naman, pagkatapos kong mag-almusal, umalis na ako. Mga past 8 na iyon. Tiyempo ang lakad ko kasi makulimlim.

 

Past 9 na ako nakabalik sa bahay. Nakapagpadala na ako, nakapag-walking pa. Nakapulot ps ako sa daan ng mga bato, bote, at retasong kahoy para sa aking mga planong crafts. Koleksiyon na rin.

 

Pagkatapos kumain (muli) nagpakulo na akong chicken feet, saka humarap sa desktop. Hindi naman ako nai-stress sa mga gawain. Unti-unti ko nang nagagamay. Kaya lang, wala na talaga akong panahon para sa pagsusulat at iba ko pang hobby, gaya ng wood carving at suiseki.

 

Dahil sa sobrang kabusugan, inantok ako bandang 1 pm. Pinagbigyan ko hanggang past 2, saka lamang ako naligo at muling gumawa.

 

Ngayong araw, ready na ang LP at PPT ko para sa dalawang araw na SIKAP. Printing na lamang bukas, saka turo. Nakapag-upload na rin ako ng video lessons sa YT.

 

Past 8, umakyat na ako. Hindi ko na tinapos ang pinanonood kong singing contest.

 

 

 

 

Agosto 3, 2026

Dahil sa bagyong Luis, masama ang panahon paggising ko. Hindi man gaanong malakas ang ulan, pero may mga lugar nang nagdeklara ng suspension of classes, lalo na sa Bulacan. Nag-asam din akong baka i-suspend rin ni Mayora ang sa Pasay.

 

Before six, nasa school na ako. Wala pa ring suspension. Nakapag-print pa nga ako ng mga LPs sa SIKAP at Filipino, bago ako bumaba para sa flag ceremony. Tanggap ko na. Marami-rami rin naman ang pumasok sa Love.

 

Natanggap na namin ngayon ang lapel, na ipinagmamalaki ni BBM at Angara. May video message pang ni-require sa amin. Kung tutuusin, hindi naman sila ang dapat pasalamatan, kundi ang mga taxpayer. Isa pa, laptop bawat guro ang ipinangako niya noong SONA 2025, pero naging lapel lang. Haist! Nasa ang budget?!

 

Hindi ako nakapagturo sa Love dahil ayaw nang gumana ng tv. Ilang beses kong isinaksak ag tinanggal ang HMDI cord. Inikot-ikot ko na. Inilabas ko pa ang isa. Pero wala talaga! Nagpa-spelling na lang ako bago natapos ang period.

 

Nakumpirma kong sira ang tv dahil ayaw ring gumana nang sina Sir Archie at Ma'am Wylenne na ang nagklase sa room ko. Sabi ng huli, nag-chat na siya sa mga clerk upang magtanong kung may bakanteng tv. Sana mabigyan agad ako.

 

Naging maayos naman ang pagtuturo ko sa lahat ng nalalabing section. Gustong-gusto talaga nila ang spelling.

 

Sa SIKAP, nahirapan ako dahil walang tv. At kakaunti na nga lang sila, ang iingay pa. Napagalitan ko nga. Nasabi ko pa tuloy na gusto ko nang umayaw sa SIKAP.

 

Mga 3 na ako nakaalis sa school kasi nagligpit pa ako. At mva 5, nasa bahay na ako. Agad akong nagmeryenda at nagkape, saka naglaga ng baboy para sa aking hapunan.

 

Habang pinalalambot ko, humarap na ako sa desktop upang gawin ang mga schoolwork. Gumawa ako ng LP para sa Week 9. Nag-check din ako ng mga papel ng mga estudyante.

 

Bago mag-9, nasa kuwarto na ako. Kailangan kong makatulog nang maaga.

 

 

 

Agosto 4, 2026

Medyo maaga akong nakarating sa school kahit muntikan na akong mabasa ng ulan dahil wala akong payong. Naka-hoodie jacket lang ako.

 

Nakapagturo ako nang maayos sa lahat ng sectioms, maliban sa Faith. Hindi ko alam kung interesado sila sa spelling, kaya sila maingay, o hindi. Basta bigla na lang akong nainis, saka nanermon. Nag-monologue ako ng pagtuturo. Hayun, tahimik naman sila. Pagkatapos kong magturo, pinagawa ko na lang sila.

 

Nagsimula na ang Project IGNITE ni Ma'am Ivy. Labag man sa kalooban ko, isinagawa ko pa rin. Binigyan ko ng babasahin ang bawat estudyanteng kabilang sa ARAL Program, saka pinasagutan ang 5 tanong. Siyempre, hindi ko napabasa lahat bago ko sila pinauwi. Thirty minutes lang naman iyon. Nabawasan pa sa pagsasaway at pagpapaliwanag.

 

Pagkatapos niyon, nagtungo na ako sa classroom ni Ma'am Mel para sa kauna-unahang journalism training namin. Nainis ako kasi kulang ng tatlo ang collaborative publishing. Wala rin ang dalawa kong column writers.

 

Naiinis akong nag-chat sa GC. Isa lang ang nag-reply. Andami pa niyang dahilan. Nakakainis lang kasi hindi man lang nagpaalam. Lunes pa lang, nagsabi na ako. Kaya pag-uwi ko, sinabihan ko sila ng "Isang tanong, isang sagot, gusto niyo pa bang sumali?"

Gusto pa raw nila. At nangakong magpapasa na ng gawa. Nagpasa ang isa pagkatapos ng ilang minuto, pero ang isa, hindi.

Past 2:30 na kami natapos sa training. Siyempre, wala pa halos output ang 4 na bata. Andami pa naming dapat pag-aralan. Napakahirap ng collab publishing, lalo kapag ayaw magsipagdalo ang mga bata.

 

Five na ako nakauwi. Gutom na gutom ako kasi alas-11 pa ako huling kumain. Mabuti may bigay na Nutribun, mula sa feeding program. Iyon ang mineryenda ko.

 

Wala pang 9, nasa kuwarto na ako.

 

 

 

Agosto 5, 2026

Muntikan na akong ma-late dahil natagalan ako sa tricycle terminal, saka sa bus. Antagal maghintay ng mga pasahero. Mabuti na lang, nasa pilahan pa ang mga bata nang dumating ako. At hindi pa masyadong malakas ang ulan.

 

Nakapagturo ako nang maayos, masigla, at masama sa lahat ng section. Tuwang-tuwa naman ako sa Faith kasi nagkaroon ako ng alterego-- isang sipsip an estudyante na kinaiinisan ng klase kasi sumbong nang sumbong.

 

Effective naman iyon kasi, sa halip na magalit ako at magsermon, napapatawa ko rin ang sarili ko. At ang mahalaga, nakukuha ko ang atensiyon nila kapag nagboboses-bata ako.

 

Past 11, nag-suspend ng panghapong klase. Kahit pang-umaga kami, apektado pa rin ang mga gawain namin sa hapon. Kaya walang SIKAP at ARAL o Project IGNITE.

 

Nang mapauwi ko na ang mga bata, nag-print ako ng mga activity sheets na ipapagawa bukas at Biyernes sa mga estudyante habang naka-leave ako.

 

Nakapagkuwentuhan kami ni Ma'am Mel tungkol sa isyung kinasangkutan ng aming atleta. Kinompronta niya si Ma'am Wylenne kanina dahil sinabihan niya at Ma'am Ivory ang bata na huwag nang lumaban sa running at throwing dahil pasok na ito sa division level (badminton). Mas may karapatan kami sa bata dahil kami ang trainers nito last year. Pinagbigyan na nga silang maglaro pa ito ng volleyball.

 

Hayun, masama ang loob ni Ma'am Mel. Humanga ako sa kaniya kasi nasabi niya ang nasa loob niya.

 

Past 4, nasa bahay na ako. Pagkatapos kong magmeryenda, umakyat ako para matulog. Hindi man ako agad nakatulog, pero kahit paano ay nakaidlip ako ng ilang minuto.

 

Bago ako umakyat para magpahinga, bandang 9:30, nakagawa na ako ng isang PPT para sa Lunes. Nalaman ko ring suspendido na ang mga klase bukas. Nanghinayang ako kasi nag-file ako ng leave ng August 6 to 7.

 

Sa kuwarto, nag-send na ako ng worksheets sa mga GC para magising man ako nang late bukas, hindi na ako magmamadaling mag-send. Maaga nilang magagawa, at maaga rin akong makakapagpasa ng MOV.

 

 

 

Agosto 6, 2026

Kahit masarap matulog, hindi pa rin ako nakatulog hanggang 8 am. Maaga pa rin akong gumising at bumangon. Okey lang naman kasi marami pa akong gagawin. Maglalaba. Gagawa ng PPT.

 

Kahit umuulan, lumabas ako para bumili ng pansahog sa baboy, saka prutas. Gusto kong humigop ng mainit na sabaw, kaya nagluto ako ng sinigang.

 

After dinner, umakyat ako para magpahinga. Nanood muna ako sa YT bago nakatulog. Paggising ko, saka lamang ako nagbanlaw ng binabad ko. At saka lang ako naligo.

 

Ipinagpatuloy ko ang paggawa ng PPT hanggang matapos ako bandang 9:30.

 

Maaga ring inanunsiyo ni Mayor ang 'Walang Pasok' bukas. Hindi naman ako masyadong natuwa kasi bibiyahe ako bukas. Ayaw ko namang abutan ako ng bagyo sa biyahe.

 

Wala pang 10, umakyat na ako para magpahinga.

 

 

 

Agosto 7. 2026

Past 8, umalis na ako sa bahay patungong Morong, Rizal. Dala ko ang tatlong boxes ng First Vita Plus para kay Mama.

 

Past 12, nasa Antipolo na ako. Nag-lunch muna ako sa Jollibee, saka nag-take out ng fried chicken bucket. Ito na ang ambag ko sa handaan. Hindi alam nina Jano at Taiwan na darating ako.

 

Past 2 naroon na ako. Nagulat sila sa pagdating. Siyempre, natuwa si Mama. Nawala raw ang sakit niya.

 

Mga past 3, dumating na sina Jano, pero past 4 na kami nakakain kasi hinintay pa si Yoshimi, na siyang magdadala ng cake at chicken inasal.

 

Masaya si Mama sa simpleng birthday celebration na ibinigay namin sa kaniya. Ang ganda nga ng birthday wish niya.

 

Sabi niya, "Lahat kayo ay maging ligtas sa panganib at sakit. At lahat makapagtapos, sa kolehiyo, ang mga anak ninyo para makapagtrabaho nang maayos."

 

Uminom ako ng kaunti kahit hindi ako naki-join kina Jano, Taiwan, at Chriz. Inabot din kami ng 1 bago nakatulog. Sa sofa na ako nahiga. Hindi komportable, pero okay na.

 

 

 

Agosto 8, 2026

Alas-6, naputol ang tulog ko dahil sa lalaking bumibili sa tindahan ni Taiwan. Bumangon na rin si Jano. Nag-cellphone na rin ako.

 

Alas-otso, umalis na ako. Sa highway na ako nag-almusal.

 

Sa PITX, naman ako nag-lunch. Almost 12:30  kasi ako nang dumating doon. Ang lakas ng ulan, kaya siguradong hassle ang pagbili o pagluto ng pagkain pagdating ko sa bahay.

 

Quarter to 2 nang dumating ako. Naglimas lang ako ng tubig sa kusina, saka umakyat na ako para matulog. Almost 5 na ako nagising. Ang sarap matulog. Gusto ko sanang ituloy, kaya lang kailangan kong magmeryenda.

 

Pasg 6:30, lumabas ako para bumili ng ulam na lulutuin at pang-almusal na rin.

 

Past 10:30 yata ako natulog para makabawi sa puyat.

 

 

 

Agosto 9, 2026

Kahit wala namang pasok, nagising pa rin ako nang maaga-- past 7. Pero hindi muna ako bumaba agad. Nagselpon ako hanggang 8.

 

Pagkatapos kong mag-almusal, mga past 9 na, nagpahinga lang ako at naligo. Isinunod ko na ang pamamalengke. Nagluto naman agad ako pagdating ko. Ginayat ko ang tangkay ng mga kangkong na ginamit ko noong isang araw, saka iginisa ko sa baboy. Hinaluan ko ito ng dahon ng sili at ligaw na ampalaya, na tanim ko sa garden. Ang sarap, lalo na't pinaresan ko ng pritong isda. Daming kaning naubos.

 

Habang nagpapatunaw, nanood ako ng YT video sa kuwarto. At nang inantok, umidlip ako. Mga past 3 na ako bumangon para magluto ng pinakro (ginataang hilaw na saba). Pero bago ako nakapagluto, inilabas ko muna ang mga uniporme ko kasi nagpakita ang araw. Nagwalis at nag-brush na rin ako ng lumot sa garden.

 

Pagkatapos magmeryenda, bumalik ako sa higaan. Hindi naman ako natulog.

 

At bago gumabi, humarap ako sa desktop para i-finalize ang lesson plan. Pero hindi pa ako tapos, nag-announce na ng suspension of classes. Medyo nami-miss ko na rin ang mga estudyante. Ready na sana akong turuan sila bukas, tutal dalawang araw na rin namang suspendido ang mga klase.

 

Pagkatapos kong maihanda ang mga layunin, gayundin ang activity bukas sa asynchronous classes, nag-off na ako ng desktop. Nanood na ako ng KMJS hanggang 10.

 

Past 10, nasa kuwarto na ako.

 

 

 

 

Agosto 10, 2026

Tumunog pa ang alarm clock ko bandang 3 am. Nakalimutan kong i-off. Naging putol-putol tuloy ang tulog ko. Dahil na rin ito pabugso-bugsong ulan.

 

Alas-siyete, gising na ako. Agad kong nadiskubreng walang internet. Nag-text ang Converge.

 

Nagsisi ako kung bakit hindi ako nag-send ng activity kagabi. Nahirapan tuloy ako. Pumunta pa ako sa garden para maghanap ng signal. At mas lalo akong nahirapang i-forward ang mga activities sa ibang subjects.

 

Past 8 na ako nakapag-almusal. Sinikap kong makagawa ng MOV sa SIKAP. Gibamit ko na lang ang mga pictures, na hindi ko nagamit sa ibang MOV. Hindi na ako nag-send sa mga nagsi-SIKAP.

 

Ang hirap ng walang internet. Andami kong gustong gawin, pero hindi ko magawa. Mabuti na lang, may mga books ako. Nagbasa-basa na lang ako. At bandang hapon, umidlip ako.

 

Past 3, nag-chat na si Ma'am Wylenne. Hinahanap na ng MT namin ang MOV ko. Agad akong lumabas para maghanap ng signal. May nagawa na akong MOV, hindi ko lang talaga mai-send. Mabuti, may signal ng Globe sa may function hall ng subdivision. Nakauwi rin ako bandang 3:30, saka nakapagmeryenda.

 

Bumalik ako sa kuwarto. Kahit paano, may ligaw na signal doon, kaya nakakapag-chat ako. Nag-illustrate din ako bago ako bumaba para mag-dinner.

 

Alas-siyete, lumabas uli ako para maghanap ng signal. Kahit paano nakasagap ako, at nakapag-reply sa mga chat. Nagawa ko ring mag-post ng akda ng member ng Sinag Writing Club. Nakapagpagawa pa ako ng cover photo sa AI, bago ako umuwi bandang 8 pm.

 

Alas-8:40, bumalik na ang internet connection. Tuwang-tuwa ako. At mas lalo akong natuwa nang mag-declare ang city mayor na walang face-to-face classes bukas.

 

Past 12 na ako natulog.

 

 

 

 

Agosto 11, 2026

Bago mahmg-7, gising na ako. Agad akong nag-send sa GC ng activity. Ni-forward ko rin ang mga activities sa ibang subjects. Pagkatapos mag-almusal, humarap na ako sa desktop para magsimulang mag-layout ng MOV. Isinunod ko naman ang paggawa ng lesson plan para sa Week 10.

 

Tinamad na akong lumabas upang bumili ng ulam, kaya nagluto na lang ako ng biko. Ito na ang lunch ko, saka barley-apple-banana shake.

 

Pagkatapos mag-lunch, nanood ako sa kuwarto ng Korean film na 'Sinkhole.' Ang ganda ng kuwento, pero inantok ako. Pinagbigyan ko naman ito, kaya paggising ko na lang tinapos ang movie.

 

Pagkatapos magmeryenda, kahit umaambon, umalis ako para magpa-cash in. Kahapon pa nag-remind si Zildjian na padalhan ko siya ng allowance. Ngayong college lang naman siya nagkaroon ng sariling pera. Dati, pinabibigyan ko lang siya kay Ate Hanna.

 

Mabigat sa bulsa ang pagpapaaral ng tatlong anak. Bawat isa sa kanila ay may P5k monthly allowance. Mabuti, walang tuition si Hanna.

 

Hindi ko nga alam kung sasapat pa sa mga susunod na araw ang sahod ko. Gayunpaman, tiwala akong magagawan ko ng paraan, kung sakaling kapusin ako. Ngayon pa ba ako susuko?

 

Before nine, pagkatapos gumawa ng PPT, at manood ng teleserye, umakyat na ako upang matulog ng maaga. Sigurado akong may pasok na bukas.

 

 

 

 

Agosto 12, 2026

Bad trip na naman ako sa Love. Bukod sa kakaunti lang sila, tameme pa sa talakayan. Sa haba ng walang F2F classes, para silang mga tuod. Hindi talaga nila kaya ang lesson ng Filipino 6. Bukod sa mataas ang level, ayaw pa nilang magpokus. Hindi nakikinig. Haist! Huminto nga ako, at pinagawa na lang sila. Wala ring nakagawa. Hindi ko na alam kung paano sila mapapatuto. Nasa kanila ang problema. Natututo naman ang ibang sections, e.

 

Naging mabilis ang oras dahil na-enjoy ko naman ang apat pang klase sa apat na sections, lalo na sa Faith at Peace. Nakikipagbiruan ako sa kanila habang nagtuturo.

 

Nag-ARAL muna kami, saka nag-SIKAP.  Pina-join ni Sir Joel ang mga bata niya kasi may meeting siya. Mabuti na lang kasi halos walang Love na dumalo. Kahit paano ay nagkaroon ng 20 attendees. Quota ako.

 

Naging masaya sila sa mga pa-games ko. Gusto nga ng Faith na sa akin na sila magsi-SIKAP.  Okey lang naman kung may mewmeting si Sir Joel.

 

Umuwi agad ako pagkatapos kong magligpit. Inabutan nga ako ng ambon sa paglalakad.

 

Mga past 5, nasa bahay na ako. Agad akong nagmeryenda at humarap sa desktop. Tinapos ko ang PPT na nasimulan ko kahapon. Then, nagtsek ako ng mga sanaysay ng estudyante. Naisingit ko rin ang pag-eehersisyo.

 

Before 9, umakyat na ako para magpahinga. Kahit umuulan, naniniwala akong hindi isususpinde ang mga klase bukas, kaya kailangan kong matulog nang maaga.

 

 

 

Agosto 13, 2026

May pasok kahit magdamag umulan. Okey lang naman kasi kailangan ko nang matapos ang mga aralin dahil malapit na ang term examination.

 

Kakaunti lang ang pumasok sa klase ko. Mga absenero at absenero talaga sila. Nagtataka ako sa mga magulang nila, kung bakit hinahayaang um-absent nang walang dahilan. May iilan namang palaging maysakit. Twice a week na lang pumapasok. Haist!

 

Ginawa kong masaya ang pagtuturo, sa lahat ng section, kahit mahirap ang aralin. Nagpakakenkoy nga ako sa Faith. Gustong-gusto nilang may alterego ako sa harapan nila. Bukas nga raw, gusto nilang gay teacher ako. Kung iyon ang gusto nila, baka doon sila natututo, sige, pagbibigyan ko sila.

 

Dahil suspended ang panghapong mga klase, hindi na rin natuloy ang training namin sa athletics. Past 2 na ako nakauwi kasi nakipagkuwentuhan pa ako kay Ma'am Mel.

 

Sa sobrang antok, nakaidlip ako sa bus, kahit ang ingay ng kapasehero ko sa likod. Kaninang umaga naman, hindi talaga ako nakaidlip dahil ang iingay at ang dadaldal ng mga babaeng nag-aaral ng Arabic sa likuran ko. Soon-to-be OFW sila. Gusto ko sanang pagsabihan, nakontrol ko lang ang sarili ko.

 

Pagkatapos kong magmeryenda, agad akong humarap sa desktop para gumawa ng PPT. At habang nanonood, gumawa rin ako ng Bingo sheets, na gagamitin ko sa SIKAP sa Monday.

 

At gaya kagabi, before 9 ay nasa kuwarto na ako.

 

 

 

Agosto 14, 2026

Masigla akong nagturo sa lahat ng section, bago na-suspend bandang 11 am.  Hindi ako nakapagturo sa Peace.

 

Siyempre, gaya ng dati, hindi na naman nakagawa ang Love. Bukod kasi sa kulang sa oras, hirap na hirap silang umunawa dahil sa kakulangan sa interes, pokus, at motibasyon. Hindi ako ang dapat sisihin dahil sila lamang ang ganitong section sa Grade 6.

 

Tuwang-tuwa naman ang Faith nang kasama ko ang alterego kong si Ms. Jackielou Lou Penisha M. Matite, sa pagtuturo. Siya ay gay teacher. Sila ang nag-request na magbakla-baklaan ako. Na-enjoy naman naming lahat, kaya lang nasosobrahan sila sa saya. Kaya, sabi ko sa kanila, sa Lunes, kasama ko naman so Father Bartolome.

 

Bago ko pinauwi ang mga estudyante kong walang sundo, pinabasa ko muna sila ng English short selection. Pagkatapos niyon, nag-lunch na ako.

 

Bago ako bumaba, nag-print mjna ako ng stars, na pinamimigay ko sa mga nag-rerecite.

 

Busog pa nga ako, nayaya naman ako, saka ang ibang teachers at non-teaching staff sa shower party / gender reveal ni Ma'am Judy at husband niya. Gayunpaman, kumain pa rin ako nang marami.

 

Wala oang 3:30, nasa bahay na ako. Nagtanggal lang ako ng uniform, saka nahiga na ako. Past 4, marahil, tulog na ako. At bago mag-six, nagising na ako. Gusto ko sanang ituloy ang tulog, pero naisip ko ang mga gagawin ko.

 

Pagkatapos magmeryenda, humarap na ako sa desktop. Tinapos ko ang bingo cards.

 

Past 7, lumabas muna ako para bumili ng fried chicken at ubas. No-rice meal muna ako ngayon.

 

Bago mag-11:30, nakagawa na ako ng LP at PPT sa SIKAP-- para sa Lunes.

 

Umakyat na ako bago mag-11:45.

 

 

 

 

Agosto 15,  2026

Alas-7 ako nakamulat. Hindi na ako natulog uli. Sa halip, nagselpon ako hanggamg 8 am.

 

Pagbaba ko, agad akong nag-almusal. Kape at biko lang ang inalmusalan ko. Hindi pala ako nakabili ng pang-almusal kagabi. Okey lang naman.

 

Humarap na ako sa desktop pagkatapos kong magbabad ng mga uniporme ko. Inuna kong gawin ang LP sa  SIKAP.  Isusunod ko ang PPT, gayundin ang PPT sa Filipino.

 

Nag-imbita ang dati naming principal sa graduation party ng kaniang anak. Special mention ang Grade 6, kaya nagkayayaan,. pero hindi naman natuloy. Alanganin din kasi. Gusto ko sanang pumunta para makagala, kahit alam kong hindi dapat pumunta kapag late na ang invitation. Wala lang... Gusto ko lang magliwaliw. Sanan inagahan ang imbitasyon.

 

Pagkatapos magbanlaw at sampay, naligo na ako. Mga past 2 na ako nakaakyat sa kuwarto para matulog. Okey naman ang panahon, kaya nakatulog kahit paano. Mga past 4 na ako bumaba para magmeryenda.

 

Pagkatapos magmeryenda, itinuloy ko na ang paggawa ng PPT sa Filipino. Natigil lang dahil lumabas ako para mamalengke. Mga past 10, huminto na ako para mag-ehersisyo naman.

 

Past 11, nasa kuwarto na ako, hindi para matulog, kundi para magpaantok.

 

 

Agosto 16, 2026

Alas-sais pa lang, gising na ako. Hindi na ako natulog ulit. Sa halip ay nagselpon ako hanggang alas-7.

 

Humarap na ako sa desktop pagkatapos kong mag-almusal. Sinikap kong matapos lahat ng schoolwork bago ako naligo.

 

Mga 2:30, umidlip ako sa kuwarto. After an hour, bumaba na ako para magmeryenda.  May ginawa pa ako pagkatapos nito. Naghanda ng ipi-print ko. Gagamitin ito sa book review ng mga estudyante ko.

 

Habang nanonood ng tv, naglinis ako nang kaunti sa kuwarto.

 

Wala pang 10 pm, umakyat na ako para magpahinga at matulog. Kahit may low pressure at habagat, hindi ako umaasang may class suspension bukas.

 

 

Agosto 17, 2026

Nakakainis! Kung kailan nasa carousel bus na ako, saka nag-suspend ng klase. Sayang ang effort,  oras, at pamasahe. Hayun, pagkababa ko sa Heritage, sumakay agad ako ng carousel pabalik sa PITX. Past 7 na ako nakauwi kasi nag-diarrhea pa ako sa terminal, saka namalengke pagdating sa subdivision.

 

 

Pagkabihis, nag-stay muna ako sa kuwarto. Naghihintay na lang ako ng mga pictures na ipapasa ng mga bata upang gawing MOV.

 

Past 10, nagsimula na akong mangusina. Isingit-singit ko ang paggawa ng lesson para next week.

 

Bago mag-1, nakapagpasa na ako sa GC ng aking MOV.  Naglaan naman ako ng oras para matulog. Past 3:30 nang magising at bumangon ako. Agad naman akong nagluto ng pinakro para sa meryenda.

 

Past 5 na ako nakapag-send ng activity sa SIKAP. Nagpasa kasi ng MOV ang iba kong kasamahan. Wala namang sinabi ang focal person na mag-asynchronous, pero ginaya ko na rin.

 

Maaga pang nag-anunsiyo ang city mayor ng suspension of classes bukas. Magkahalong tuwa at lungkot ang naramdaman ko. Masaya ako kasi makakatipid. Pero nakakalungkot kasi hindi ko matuturuan ang mga estudyante ko. Nakaka-miss magturo.... at magsaway.

 

Before 9:30, nasa kuwarto na ako para magpahinga. Inaantok ma ako. Kung kailan namang walang pasok kinabukasan, saka ako inaantok agad.

 

 

 

Agosto 18, 2026

Maaga na naman akong nagising kahit wala namang pasok. Sabagay, kailangan ko palang mag-send ang activity sa mga GC para sa asynchronous classes. Siyempre, kahit huminto na ang ulam, naglimas pa rin ako sa kusina.

 

Pagkatapos kong mag-almusal, humarap na ako sa desktop. Gumawa ako ng PPT habang maghihintay sa mga ipapasang pictures ng mga estudyante. Unti-unti kong ni-layout.

 

Past 11, lumabas ako para bumili ng ulam at mga prutas. Adobong manok at gjnataang puso ng saging ang binili ko.

 

Bago mag-2, nakapasa na ako ng MOV,  kaya umakyat na ako para matulog. Nagising naman ako bandang 3:30. Sa kuwarto na rin ako nagmeryenda habang nanonood ng live seminar tungkol sa pagsasalin.

 

Seven o' clock, inanunsiyo ng Palasyo na wala ring pasok sa buong Metro Manila. Kalahating tuwa at lungkot ang naramdaman ko.

Tue 4:35 PM

Magandang araw! Narito ang YT link ng lesson sa Filipino 6 ngayong araw -- Agosto 19. 2026. Basahin, unawain, aralin, at sagutan sa notebook ang PAGTATAYA. Mag-picture habang ginagawa ito, at i-send kasama ang sagot. Maraming salamat!

 

 

Agosto 19, 2026

Alas-7 na ako nagising. Agad akong bumangon, pagkatapos kong mag-send ng activity sa GC. May online kumustahan daw bawat grade level. Alas-8 hanggang 8:30 kaming Grade 6. Akala ko nga, kasama ang mga estudyante, hindi pala.

 

Nagmadali akong maghanda ng almusal. Bago mag-8, nakakain na ako, at nasa kuwarto na ako.

 

Sa online kumustahan, iniisa-isa kaming kinumusta ng principal tungkol aa kalagayan namin sa bahay, gayundin sa asynchronous classes. Itinanong niya sa amin kung ano-ano ang best practives namin, aaka ang mga problemang kinahaharap.

 

Nalaman niya tuloy na ginagamit ko ang sarili kong textbook. Tatahi-tahimik lang daw ako. Nabanggit ko rin na gumagawa ako ng YT video, at ginagamit ko minsan para ipabasa sa mga estudyante ang mga aralin. Hinikayat niya rin ang iba na gumawa rin ng tutorial video, gaya ko.

 

Quarter to 9 na natapos ang kumustahan. Bumaba agad ako para humarap na sa desktop. Gumawa ako ng PPT, saka activity sheet sa SIKAP. Inihanda ko na rin ang mga MOVs ko.

 

Eleven-thirty, lumabas ako para mag-grocery at bumili ng ulam. Wala na akong time magluto.

 

Pagkatapos kong mag-send ng MOV, saka gumawa ng isang PPT, nag-stay ako sa kuwarto para magsiesta. Nanood muna ako ang YT video para antukin.

 

Almost 4 na ako bumaba para magmeryenda. Pagkatapos nito, bumalik ako sa kuwarto at muling natulog. Mga past 6 na ako bumaba. Kahit paano ay nakatulog ako.  Saka lamang ako nakagawa ag nakapasa ng MOV sa SIKAP.

 

Wala pa ring pasok bukas. Hindi agad ako umakyat para matulog at magpahinga. Pagkatapos kong manood ng sinusubaybayang teleserye, nagluto ako ng biko. May almusal na ako bukas.

 

 

 

Agosto 20, 2026

Seven o' clock ulit ako nagising. Hindi naman ako bumaba agad, kaya late na ako nakapag-send ng activity sa GC.

 

Pagkatapos kong mag-almusal, naglinis ako sa garden. Nagpakita na si Haring Araw, kaya isinako ko ang mga dahon at sanga. Nag-brush din ako ng semento.

 

Pagpasok ko, humarap na ako sa desktop. Gumawa ulit ako ng PPT, kaya lang sobrang bagal ng net. Namalengke na lang ako. Nilagang baboy ang gusto kong ulam.

 

Habang nagluluto, naisipan kong mag-illustrate. Namili ako sa koleksiyon ko ng mga kuwentong pambata. Ang 'Mader Nos Bes!' ang napili kong i-guhit.

 

Pagkatapos kumain, umakyat na ako. Ipinagpatuloy ko ang pagguhit hanggang antukin ako. Nakatapos ako ng isang illustration bago ako natulog.

 

Past 4 na yata ako bumaba para magmeryenda. Pagkatapos niyon, humarap na ako sa desktop para gumawa ng MOV. Nang maipas ako, sinimulan ko namang gawin ang listahan ng financial assistance.

 

Past 6, lumabas ako para mag-claim ng rice stub na ipinamimigay ng municipal mayor ng Tanza sa bawat unit sa subdivision o sa lahat ng pamilya.

 

Pagdating doon, apat kaming hindi nabigyan ng stub kasi naubos na. Inilista na lamang ang pangalan namin. Mabibigyan naman daw kami ng bigas bukas.

 

Pagbalik sa bahay, nag-illustrate uli ako. Nakakaadik. Sana magtuloy-tuloy na ang addiction ko para makatapos ako. Maganda na ring may koleksiyon ako ng illustrated stories. Maaari kong isali ang mga ito sa GTA, kung may akmang category.

 

 

Agosto 21, 2026

It's a holiday! Salamat kay Ninoy Aquino.

 

Alas-nuwebe na ako bumaba. Thirty minutes din akong nagselpon lang. Kaya naman, 9:30 na ako nakapag-almusal. Okey lang naman dahil hindi naman ako nagmamadali.

 

Pagkaalmusal, humarap na ako sa desktop para gumawa ng PPT. Alas-onse y medya na ako nakapagsaing. Okey lang din kasi natapos ko naman ang isang lesson.

 

Isinunod ko naman ang pag-illustrate habang nagpapaantok. Past 2, pumikit ako. Wala pang isang oras, nagising na ako.

 

Three-thirty, lumabas ako para kunin sana ang bigas sa HOA office, pero mukhang wala nang tao. Wala na ring bigas na naroon. Hindi na ako nagpumilit. Nag-walking na lang ako.

 

Gusto ko sanang maghanap ng mga kulitis para mailahok ko sa lutuin, pero, dahil sa init, sa ilalim ako ng manggahan napadpad. Moss ang nakuha ko.

 

Past 4:30  na ako nakauwi. Agad akong nagmeryenda sa garden ng kape at nilagang saging. Bago ako umalis, nailaga ko na iyon.

 

Bago ako pumasok, bandang 6, nakapag-gardening pa ako. Bihira ang pagkakataong ganito, kaya masaya akong pumasok para magsaing.

 

Habang nanonood ng balita, digital illustration naman ang ginagawa ko. Naisingit ko rin ang eherasisyo.

 

Bago ako umakyat, natapos ko na ang pangalawang illustration ng 'Mader Nos Bes.'

 

 

 

Agosto 22, 2026

Alas-3:30 nang bumangon ako. Nag-almusal muna ako bago umalis. Sobrang aga kong nakarating sa school--6:30. Pero okey lang kasi nakuha ko pa sa guard ang parcel. At naikabit ko sa tablet ang screen protector. Nakabisita pa ako sa classroom bago ko pinuntahan ang athletics team. Naroon na si Ma'am Mel.

 

Umakyat uli kami para kunin niya ang mga documents ng mga atleta namin. Pagbaba namin, inayos na niya ang mga events na sasalihan ng mga bata. Then, nagpakain ng sopas bago nagsimula ang laban.

 

Hindi ako nag-expect na mangunguna ang mga bata namin kasi halos wala ngang training. Kako, kahit 2nd place lang. Pero wala talagang nakapasok. May dalawang 3rd lang. Hindi sila makakapaglaro sa Division Palaro. Nakakalungkot, pero may pag-asa pa kami sa throwing at long jump, kahit wala ring training.

 

Past 10:30, natapos ang mga laro, kasama ang arnis. Isinunod ang awarding. Nagkainan naman muna kami sa feeding room, bago pumunta sa ABES para manood ng laban ng volleyball at basketball.

 

Talo ang volleyball boys. Second lang sila. Pero panalo ang basketball team. Ang huhusay ng mga players. Nakakabilib. Tinapos ko talaga ang laban. Mga 3:30 na natapos. Dalawang magkasunod na laban ang nangyari. Natalo nila una ang ABES. At para mag-qualify sa division, kailangan nilang talunin ang may 1 point nang JRES. And they did.

 

Past 6 na ako nakauwi sa bahay. Magmeryenda agad ako. Pagkatapos, naglaan ako ng oras para mag-illustrate. Inabutan ako ng 11 bago ko natapos. Ang hirap, pero nakakaadik. Kundi nga lang bumababa na ang talukap ng mata ko, gagawa pa ako ng isa.

 

 

Agosto 23. 2026

Kahit nagising na ako bandang 7 am, hindi pa rin ako bumangon agad. Nagselpon lang ako hanggang 9. Ang sarap lang ma-browse at manood ng Reels. Walang pagmamadali. Walang iniisip na gawain.

 

Past 9:30  na ako nakapag-almusal. At pagkatapos niyon, humarap na ako sa desktop para gumawa ng TOS at term exam sa Filipino 6. Pinadali ng AI ang trabaho ko. Kaunting edit lang, ayos na!

 

Bago ako nag-siesta, areglado na ang TOS at TE ko. Past 3:30 nang nagising ako. Saka lang ako naligo. At kinalaunan, nagmeryenda na ako.

 

Past 4, lumabas ako para magpa-cash in kay Hanna. Noong isang araw, kahapon, at kanina pa siya nag-remind sa akin.

 

Pagkatapos kong magpadala, nag-walking muna ko patungo sa may peryahan-- malungkot na peryahan dahil parang hindi pa magbubukas dahil sa nagdaan at paparating na bagyo. Nagtungo rin ako nang saglit sa may Anyana.

 

Bago mag-six o' clock, nakauwi na ako. Naglaan ako ng ilang sandali sa harap ng desktop. Isinalin ko sa hard drive ang mga files na kailangan kong i-print bukas. Pagkatapos, nag-illustrate na ako.

 

Nainis lang ako kasi nabura ang isa kong illustration. Nasayang ang effort at oras ko.

 

Bago mag-10, nasa kuwarto na ako. Walang class suspension, kaya kailangang matulog na nang maaga.

 

 

 

 

Agosto 24, 2026

Maaga akong nakarating sa school, kaya nakuha ko pa ang parcel ko at naiakyat ko pa iyon sa classroom. Pagbaba ko, nakapila na ang nga estudyante para sa flag ceremony.

 

Maayos kong naituro sa Love ang lesson ko. Nanibago ako sa kanila. Ang tatahimik nila-- tahimik na nakikinig. May mga nag-rerecite din. Naisip ko nga, iyon ag dahil marami ang absent. At nasabi ko sa kanilang mas masarap talagang mag-aral sa school kumpara sa bahay. Napatunayan nila iyan after one week na walang F2F classes.

 

Naitanong ko rin sa kanila na hindi kaya dahil iyon sa pagkakaroon namin ng kasamang  student teacher, na si Ma'am Princess. Natawa na lang ang iba.

 

Natuwa rin ako sa Hope kasi hindi pa rin nagbago ang excitement nila sa pagharap ko sa kanila. Mas marami sa kanila ang interesadong matuto kaysa sa ibang section, lalo na sa Faith.

 

Nasira nga ng Faith ang araw ko. Hindi pa ako nakakalayo sa discussion, tumigil ako kasi ang iingay nila. Binigyan ko naman sila ng chance magsalita during motivation phase. Pero sadyang mabubunganga sila.

 

Mabuti na rin iyon dahil halos magasgas na ang lalamunan ko sa kakaturo ag kakasaway.

 

Naging maayos at masaya rin ang klase ko sa Peace. Nakadalawang beses pa nga kaming nag-spelling time.

 

Pagkatapos ng klase, nagsagawa akong ARAL Reading, pero agad ko ring tinapos dahil may lunch kaming Grade 6. Bigay iyon ni Ma'am Vi sa amin, as birthday treat niya sa amin noong August 5. Nagsalo-salo kami sa canteen bago ako nagsimula sa SIKAP.

 

Sa SIKAP,  naging maingay ulit ang palaro ko. Nagamit ko na ang mga letter cubes na inorder ko online. Identification and spelling ang style ng palaro ko, kaya enjoy na enjoy kaming lahat. Maingay nga lang talaga.

 

Pagkatapos niyon, nag-print ako ng LP sa Filipino, MIBF tickets, at SIKAP Bingo cards. Magbibingo kami sa Wednesday.

 

Past 3 na ako nakaalis sa school. At past 5 na ako nakauwi.

 

Pagkatapos magmeryenda, humarap na ako sa desktop upang mag-upload ng videos sa YT.  Isinunod ko ang pag-edit ng term exam na ginawa ko kahapon. Marami akong na-edit. Mabuti na lang... tuloy na sa August 28 ang unang TE, kaya kailangan kong makapag-print bukas.

 

Pagkatapos manood ng Master Cutter, umakyat na ako. Kahit paano ag nakapag-ehersisyo ako, saka nakapagtsek ng mga papel.

 

 

 

Agosto 25, 2026

Ang kulit ko ngayong araw sa bawat klase ko. Naririnig ng Love ang tungkol kay Ms. Jackielou Lou Penisha M. Matite, nankarakter ko sa ibang section, kaya nagbigay ako ng kaunting patikim. Natuwa naman sila. Naipakilala ko na rin ang alterego kong si Bb. Portia sa Hope at Charity. Nagpasaway naman ang Faith kaya naubos ang 20 minutes sa sermon. Hindi ulit ako nagturo. Sa Peace naman, nakilala na nila si Ms. Jackielou. Gaya ng ibang section, aliw na aliw sila. Nag-click talaga ang ginagawa ko. Mahirap man, pero kinakaya para lang makuha ang atensiyon nila. Mas nakikinig sila kapag may pino-portray ako.

 

After class, sinundo kami ng athletics team ng ABES para sa laban sa PVES. Walang training ang mga throwers at long jumpers namin, pero isasabak namin sila kasi gusto nila, kahit ayaw na namin.

 

Bago mag-4, tapos na ang laban. Walang nakapasok na atleta ng GES. Third place lang ang long jump-girl namin. Haist! Totoo talagang ''No training, No winning."

 

Naglakad kami pauwi o pabalik sa school. kasi hindi na kami sinundo ng service ng ABES. Past 4:30 na tuloy ako nakabiyahe pauwi.

 

At dahil sa traffic, gawa ng nalalapit na town fiesta ng Tanza, almost 7:30 na ako nakauwi.

 

 

 

Agosto 26, 2026

Dahil sa karakter na Ms. Jackielou Lou, mas ramdam ko ang pag-aabang sa akin ng Grade 6. Binabati nga nila ako sa pangalang iyan, kahit napakalayo nila. Napapalingon at napapaisip tuloy ang nakakakita at nakakarinig. Okey lang naman.

 

Naging maayos ang pagtuturo ko sa lahat ng section. Iba talaga kapag masaya kang nagtuturo. Nahahawa ang mga estudyante. Mas natututo sila kapag jolly teacher ang kaharap nila. At halos ayaw na nga nila akong palabasin, lalo sa Peace. Parang nabitin pa sila.

 

Hindi muna ako nag-SIKAP ngayon dahil kinailangan kong tulungan si Ma'am Mel sa pag-encode ng mga data ng atleta namin sa baseball. Assistant coach nga pala ako ni Sir Joel G. Dapat sa taekwando ako, pero ayaw ni Sir Joel K sa baseball kaya nagpalit kami. Gusto ko sa team sports.

 

Past 3:30, bumaba na kami ni Ma'am Mel. At past 4, nag-stay ako sa covered court habang nagti-train si Sir Joel G ng mga baseball players namin. Kailangan kong matutuhan ang sports na ito. Iyon ang first time ko--- sa lahat ng anggulo, kaya zero knowledge at experience talaga ako.

 

Sabi nila, pang-NCR daw ang team namin kaya mas lalo akong nagkainteres. Nakita ko naman, na mahuhusay ang mga bata.

 

Five-thirty, nagpaalam na ako kay Sir Joel na uuwi na ako kahit hindi pa tapos ang training.

 

Sa tagal kong nakapili sa PITX at sa haba ng traffic, past 8 na ako nakarating sa bahay..agad akong naghanda ng dinner, saka humarap sa desktop. May problema ang isang school ID ng Love. Na-stress ako.

 

Past 9, umakyat na ako para magpahinga.

 

 

 

 

Agosto 27, 2026

Gusto ko sanang maging si Ina ang karakter ko sa klase, pero ramdam kong hindi nila iyon gusto. Mas natutuwa sila kay Ms. Jackielou Lou, kaya iyon pa rin ang ginamit ko.

 

Bukambibig na nila ang karakter ko. Inaabangan. Iyon na rin ang binabati nila, sa halip na ako ang batiin. Okey lang naman kasi masasabi kong impact iyon sa kanila.

 

Naikukuwento na nga rin nila ako sa iba. May ilang bata ang nagtanong kung bakit daw ako tinatawag na Ms. Jackielou Lou.

 

Pagkatapos ng klase, nag-lunch lang ako, saka dinala namin sa ABES ang baseball team upang ipa-dental checkup sila doon. Iniwan naman namin ni Ma'am Mel ang mga journalism trainees namin sa classroom niya.

 

Mga past 3 na kami nabalik sa school. Hindi pa kami tumigil. Nagpunta kami sa Guidance para manghiram ng SF10 ng mga baseball players. Paglatapos, nagpa-photocopy kami sa office.

 

Past 4:30, na kami nakauwi. Sobrang pagod ag antok ko na, kaya nakatulog ako sa bus. Ginising nga ako ng conductor, inspector, at driver kasi ako na lang ang hindi nakababa nang nasa PITX na.

 

Past 7 na ako nakarating sa bahay. Nag-ikot-ikot kasi ako sa tianggean--- bisperas ng pista ngayon sa Tanza, kaya maraming paninda. Wala man akong nabili, okey lang. Doon naman ako bumili ng hamonado para sa aking dinner.

 

 

 

 

Agosto 28, 2029

Past 8 na ako bumaba. Sulit! Nakabawi na ako sa puyat.

 

Pagkatapos kong mag-almusal, nagbabad na ako ng mga labahin (mga uniform lang). Isinunod ko naman ang pag-send sa GC ng gawain ng mga estudyante.

 

Mga 9:30, umakyat ako para magbasa. Napagbigyan ko naman ang sarili ko, pero dinalaw ako ng antok, kaya pinagbigyan ko. Nagising ako bandang 11. Mabuti na lang, hindi 12, kundi hindi ako nakapamalengke.

 

After lunch, bumalik ako sa kuwarto. Nagpaantok lang muna ako, saka pinagbigyan ko na ang sarili ko. Past 5 na ako nagising at bumangon. Ang sarap sa pakiramdam!

 

Habang namemeryenda, gumawa ako ng MOV. Naipasa ko naman agad.

 

Pagkatapos kong manood ng 'The Master Cutter,' nagsulat ako ng nobela para sa Inkitt

Binasa at in-edit ko muna ang ilang chapter nito para maalala ko ang mga pangyayari. Ag pagkatapos manood, umakyat na ako para magsulat at matulog. Past 11:30  na ako nakatapos ng isang kabanata.

 

Natuwa nga pala ako ngayong gabi nang mag-send si Flor ng P1,000 sa GCash ko. Aniya pa, baka magpadala pa siya sa Biyernes. Kako, malaking tulong na iyon para sa lumalaking gastusin.

 

 

 

 

Agosto 29, 2026

Kinailangan kong bumangon bandang quarter to 4 para tingnan ang kalagayan ng kusina. Hindi nga ako nagkamali. Umaapaw na ang tubig sa nakasahod na palanggana. Baha na nga ang sahig doon.

 

Naglimas muna ako, saka nagbawas ng tubig sa palanggana bago muling umakyat para matulog. Ang lakad ng ulan kaya siguradong aapaw ulit iyon paggising ko.

 

Mag-aalas-otso na ako nagising. Napasarap ang tulog ko kahit pagising-gising ako kagabi.

 

Pagkatapos kong mag-almusal, nag-stay na ako sa kuwarto. Halos buong araw akong nagpahinga, nagselpon, at umidlip. Gabi na ako nag-ehersisyo, naghanda ng entry para sa PBBY, saka nag-illustrate nang kaunti. Worth it ang Sabado ko, kahit hindi makalabas dahil sa lakas ng ulan at hangin.

 

 

 

Agosto 30, 2026

Thirty minutes din akong nagselpon sa higaan bago ako bumaba para maghanda ng almusal.

 

Mga 9, humarap na ako sa desktop para magpasa ng mga entries sa PBBY at Takos. Sinikap kong maging maayos at tama ang proseso ko sa pagpasa para hindi masayang ang mga entries ko.

 

Ang "Ang mga Insekto ni Pekto" ang naipasa ko sa PBBY. At ang "Si Rommel at si Sandy" naman ang sa Takos. Umaasa akong mananalo ako sa una. At maipapapasama naman sa publication ang huli.

 

Bago ko nai-submit ang mga entries ko, nakapamalengke pa ako, saka nakapagluto. Nilagang baboy ang niluto ko.

 

Natulog muna ako bago ako naligo. At muling natulog pagkatapos maligo. Gusto ko mang magpasa uli ng mga akda sa Liwayway, hindi ko nagawa. Mas masarap kasing humilata. Mga past 5 na nga ako nakapagmeryenda. Pagkatapos namang magmeryenda, nanood naman ako ng YT videos. At bago at pagkatapos mag-dinner, nanood naman ako ng tv. Hayun, hindi na akong nakapagpasa.

 

Bago mag-10, nasa kuwarto na ako, hindi para matulog na, kundi para magselpon at manood sa YT.

 

 

 

Agosto 31, 2026

Wala pang alas-7 nang magising ako. Sa halip na matulog muli, nagselpon na lang ako. Mga quarter to 8 ako bumaba.

 

Agad naman akong naghanda ng almusal. At pagkakain, lumabas ako para maglinis sa garden. Maaraw na.

 

Pagpasok ko, humarap na ako sa desktop. Naglaan ako ng isang oras para makapagpasa ng maikling kiwento sa Liwayway. Ang "Ang Koleksiyon ni Rocky" ang ipinasa ko. Hindi pasok sa kuwentong pambata ang word count nito kaya sa ibang kategorya ko ipinasa.

 

Maghapon naman akong humilata sa kuwarto kahit maalinsangan na. Mabuti na lang, kahit paano, ay nakatulog ako bago at pagkatapos maligo. Nakapaglaan pa ako ng oras para manood ng YT videos. Nag-explore din ako kung paano magkaroon ng AI videos. Gusto ko kasing magawan ng videos ang mga kuwento ko, gaya ng mga napapanood ko. Kaya lang, may bayad ang mga nakita ko. Mag-try ako ng ilang apps at sites, pero wala akong nagustuhan.

 

Bago mag-9 pm, nasa kuwarto na ako. Siguradong may pasok na bukas. At tuloy na ang term exam.

Ang Aking Journal -- Hulyo 2026

Hulyo 1, 2026

Muntik na akong ma-late dahil sa bus na nasakyan ko. Panay ang hinto at pick-up niyon ng mga pasahero. Hindi ko na tuloy naabutan sa covered court ang mga estudyante. Hindi naman talaga ako late kasi 6:15 pa ang official time. Pero, siyempre, kailangang may grace period para sa pagsundo sa mga estudyante.

 

Nagturo ako nang maayos sa Love. Napakiusapan ko sila. Ayaw na nila marahil ang magsulat ng pangalan sa papel ng 20 times (puno). Ayaw nila ng pang-Kinder na gawain.

 

Nakapagturo ako nang maayos sa lahat ng seksiyon. Sa Faith, muntikan nang maging Kinder ang activity dahil nagpasaway ang HDMI cord, saka ang ilang estudyante. Mabuti, tumigil, saka may ibang cord na nakasabit doon, na swak sa akong tablet.

 

Medyo nasermonan ko naman ang Peace kasi hindi sila nag-advanced study. Nang tanungin ko kung may poso negro sila, limang lang ang nataas ng kamay. Sa limang iyon, may sumagot pa sa akin na nakaligo at nakainom na raw sila sa poso negro.

 

Huling-huli! Kung nag-advanced study sila o kung pinanood nila ang lesson namin sa YT ko, mababasa nila ang pamagat ng kuwentong katatakutan ko roon. Hindi man nila alam iyon, posibleng makuha nila sa konteksto. O kaya, mag-Google sila. Kaso, hindi nga sila mahilig mag-self study.

 

Pagkatapos ng klase, nag-lunch muna ako. Panay ang saway ko sa mga magsi-SIKAP. Ang kaunti na nga lang nila, pasaway pa.

 

Nalungkot ako nang nagpa-attendance ako. Hindi dumating lahat. Dapat ay 30 sila, pero 22 lang dumating. Okey na rin kasi 20 raw ang minimum sa attaendance.

 

Sinikap kong ma-enjoy nila ang first session ng SIKAP.  Pakiramdam ko, natuwa naman sila sa game-based teaching style ko. Marurunong naman sila. In fact, nagulat ako kasi may dalawang naka-perfect 50 sa quiz bee style ko.

 

Past 5 na yata ako nakarating sa bahay. Agad akong nagmeryenda ng kape at lumpiang toge. Pagkatapos nito, humarap na ako sa desktop. Nag-check at nag-record din ako ng mga written works. Naipavpatuloy ko rin ang pagsusulat ng LP para sa 4th week.

 

 

Bago mag-9, nasa kuwarto na ako para magpahinga. Kulang ako sa tulog, ilang araw na.

 

 

 

 

Hulyo 2, 2026

Sakto lang ang dating ko sa klase, pero wala ako sa mood. Nakatulog naman ako nang maayos pero kulang pa rin, kaya puyat. Mabuti na lang, hinayaan ako ng Love na magturo ako sa kanila. Sana palaging ganoon..

 

Sa Hope naman, okey rin. May iilan lang na natutulog, kaya nanermon ako nang saglit.

 

Nang vacant ko, nagtsek ako ng mga assignments at nagrekord ng mga iskor ng mga estudyante.

 

Sa Charity, may kaunting sermon pa rin, lalo na sa balik-aral na estudyante (galing sa akin last year), na hindi na nga makabasa, mayabang pa.

 

Naging maayos din ang recess namin. Unti-unti ko nang nagagamay ang Love. Unti-unti na rin silang natututo at nasasanay sa uri ng disiplina ko.

 

Sa GMRC, itinuro ko ang pagiging positibo. Naisalaysay ko sa kanila ang ilang bahagi ng buhay ko upang gawing halimbawa.

 

Sa Faith, nainis ako pagpasok ko kasi nakatayo sila at maingay. Kako, "Bumati pa kayo ng Good morning." At ayaw pa rin talagang madala ng iba. Sinasabayan ako habang nagsasalita. Sila nga ang pinagbasa ko ng kuwentong katatakutan. Dahil mahina ang boses at putol-putol, hindi nagustuhan ng karamihan. Napatunayan nilang kailangan nila ako. Mas natututo sila kapag ako ang nagbabasa at nagsasalita. Hayun, ako na nga ang nagtuloy. Nagustuhan nila ang kuwento ko, kahit retelling na lang. Nahikayat ko rin silang gumawa ng takdang aralin.

 

During vacant, nag-tsek uli ako ng mga papel, saka umidlip. Nakatulog naman ako. Paggising ko, time na. Sakto.

 

Sa Peace (cream section), nagsermon lang ako kasi napatunayan kong wala ni isang nag-advanced reading sa storyboard. Sinabi ko sa kanila kahapon na basahin nila sa YT ko, para mabawasan na ang oras na igugugol para sa pagbabasa sa klase. Ilalaan na lang iyon sa iba pang bahagi ng lesson.

 

Hayun, naubos ang oras. Naituro ko pa nga ang dalawang ayos ng pangungusap. Hindi ko namamalayang nagtuturo pa rin ako kahit nagsesernon.

 

Sana maging reaponsable na sila at maging halimaw sa klase.

 

Pagbalik ko sa Love, pinaligpit ko agad sila. Hindi pa nagtagal, hinatid ko na sila sa baba. Bumili na rin ako ng pagkain bago bumalik sa classroom.

 

Pagkatapos kumain at magligpit, umuwi na ako. Mga past 3, nasa bahay na ako. Nagbihis lang ako, saka ako nag-stay sa kuwarto. Hindi man ako agad inantok, pero nakatulog ako kahit mainit. Mga past 4:30 na ako bumaba para magmeryenda.

 

Humarap naman agad ako sa computer habang nagkakape at kumakain. Ginawa ko agad ang TOS ng summative test ko sa Filipino. Nang matapos ko ito, gumawa naman ako ng ibang gawain, gaya ng lesson planning at learning materials making.

 

Wala pang 9, nasa kuwarto na ako para magpahinga.

 

 

 

 

Hunyo 3, 2026

Maaga akong nakarating sa school. Medyo madilim pa nga nang umakyat ako. Okey lang naman, at least, nakapag-print ako ng activity sheets para sa groupwork, bago ako bumaba para sunduin ang mga estudyante kong nakapila.

 

Matagumpay ang groupwork ko sa halos lahat ng section, kahit maingay lang sila, maliban sa Faith, na muntikan na namang hindi ko mapagawa. 

 

Ang Charity ang may pinakamahabang oras ng groupwork kasi ginamit ko ang vacant period ko at ang time ni Ma'am Wylenne. Nakiusap si Ma'am Madz na siya naman daw ang mag-vacant habang absent si Ma'am Wylenne.

 

Kaya ko namang hawakan ang Charity, kaya lang ay nakakasawa rin pala kapag sobrang haba ng oras.

 

Pagkatapos ng klase, tinulungan ko si Ma'am Mel  sa tryout ng athletics. Mabilis lang naman, pero late na kami nakapag-lunch. Past 2:30 na rin kami nakaalis sa school.

 

Pagdating sa bahay, bandang past 4, umidlip ako. Mga 5 pm na ako bumangon para magkape at magmeryenda-- sa garden. After how many days, saka na lang ulit ako nakatambay sa garden. Nakakawala ng pagod at stress!

 

Six, pumasok na ako para humarap sa desktop. Ginawa ko ang lesson plan ko para next week. Nahinto lang ako sa paggawa dahil kinailangan komg lumabas para bumili ng pagkain. Gayunpaman, natapos ko na at nasimulan ko na rin paggawa ng PPT.

 

Past 10, umakyat na ako para magpahinga.

 

 

 

Hunyo 4, 2026

Alas-8 na ako nagising. Worth it! Nakabawi ako sa ilang araw na puyat.

 

Pagkatapos kong mag'almusal, nagbabad muna ako ng mga uniporme ko. Saka nagsimula na akong humarap sa desktop upang gumawa ng mga schoolwork. Inuna ko ang paggawa ng PPTs.

 

Ngayong araw, napakarami kong nagawa. Ready na ang lesson at materials ko para sa buong linggo. Kaya naman, nakaidlip pa ako. Nakapag-gardening. Nakapaglaba. Namapagluto. At marami pang iba.

 

Past 12:30 na ako nakatulog kasi nanood pa ako ng series sa YT.

 

 

 

Hulyo 5, 2026

Maaga akong gumising para makabili ako ng almusal at uulamin. Nagtinapay at kape lang ako sa almusal, pero pork adobo naman sa lunch.

 

Dahil tapos ko na kagabi pa ang Week 4  PPTs ko, tinapos ko naman nitong  umaga ang PPT para sa SIKAP. At sa hapon, pagkatapos kong magsiesta, sinimulan ko namang gawin ang LP para sa Week 5. Mas maganda na ang advanced.

 

Past 4, naglakad ako patungo sa Palawan Pawnshop para magpadala kay Ion ng allowance at pa-birthday niya. Past 5 na ako nakauwi at nakapagmeryenda.

 

Itinuloy ko ang pagsusulat ng LP. Almost done na ako bago ako huminto sa pagsusulat bandang 8:30. Kailangan ko namang magpahinga.

 

 

 

Hulyo 6, 2026

Maaga akong nakarating sa school, kaya nakapag-print pa ako ng lesson plans sa Filipino ay GMRC. Nakapagsulat pa ako ng repleksiyon doon bago ako bumaba uli para sa flag ceremony.

 

Isinagawa namin ang unang summative test ngayong araw. Hindi nagasgas ang lalamunan ko, maliban nang naroon na ako sa Charity. At siyempre, maiingay rin ang Love. Ang pinakatahimik talaga ay ang Hope.

 

Isinagawa rin namin nang mabilisan ang SIKAP dahil may LAC Session kami bandang 1:30.

 

Habang may session-' nagto-talk pa naman si Sir Jess, inaantok ako. Sobrang antok. Hindli ko napigilan ang mga mata ko. Mabuti, namigay ng mga candies, kaya nagising ang diwa ko.

 

Inabutan kami ng 5 pm saka lamang nakauwi. Alas-7 na tuloy ako nakarating sa bahay.

 

Agad akong naghanda ng hapunan, saka kumain. Pagkatapos niyon, gumawa naman ako ng PPT at learning plan sa SIKAP para sa July 8.

 

Past 8:30, umakyat na ako para magpahinga. Sana makatulog ako agad.

 

 

 

Hulyo 7, 2026

Sakto lang ang dating ko sa school -- hindi maaga, hindi rin naman late. Nakatambay pa nga ako nang sandali sa canteen kasi nandoon ang iba naming kasamahan.

 

Nagturo ako nang masigla sa Love. Nakipagtalakayan naman sila, kaya hindi ako na-HB.

 

Active na active naman ang Hope. Buhay na buhay ang dugo nila.

 

Sa Charity, nagasa ko silang patahimikin, lalo na ang pinakapasaway. Tinakot ko siyang hindi ko siya pasasalihin sa athletics, since ako ang isa sa mga trainers.

 

Ang Faith naman ay inunahan ko. Kako, kapag may nagpasaway, titigil akong magturo ng pang-Grade 6, at pagagawin ko sola ng pang-Kinder. May pailan-ilan pa ring nangulit, pero pinagsabihan ko na lang. Mas marami ang gustong makinig at matuto.

 

Pagod na pagod naman ang lalamunan at boses ko pagdating sa Peace. Ako lang kasi ang nagbabasa ng maikling kuwento. Kapag sila ang magbasa, posibleng matagalan kami. Natuwa naman sila sa aming aralin. Mas dumarami na ang active ang halimaw sa katawan.

 

Pinauwi ko agad ang Love pagbalik ko sa klase. Nang maihatid ko sa may gate, bumili naman ako ng ulam. Kumain mjna ako bago ako umuwi.

 

Wala pang 3, nasa bahay na ako. After 15 minutes siguro, nakatulog na ako hanggang 5 pm. Ang sarap sa pakiramdam! Nakabawi ako sa puyat ko kagabi.

 

Sa garden ba ako nagmeryenda. Pagkatapos niyon, nag-gardening na ako hanggang 6 pm. Pagpasok ko, humarap naman ako sa desktop. Nagsimula na akong gumawa ng PPT para sa week 5.

 

 

 

Hulyo 8, 2026

Akala ko, masu-suspend ang klase ngayon kasi bukod sa nag-suspend ng mga klase ang ilang siyudad sa Metro Manila, bumuhos naman ang napakalakas na ulan bandang 3 am. Gayunpaman, nagpatuloy ako sa paghahanda ng almusal. At nang paalis na ako, tumigil na ang ulan. Pagdating ko nga sa Pasay, tuyo naman ang mga kalsada. Mabuti na lang, nagpursige akong pumasok.

 

Naging matagumpay ang pagtuturo ko sa lahat ng section. Masaya ko silang tinuruan,nkaya ramdam kong natuto rin sila nang husto. Nagawa ko pa ngang magpatawa. Sa Faith, may nagsabing gusto nila ako, mahusay akong magturo, at maganda akong maging adviser. Palabas na ako noon sa classroom nila.

 

Sa Peace, malaya kong nakakuwentuhan ang ibang estudyanteng malapit sa teacher's table. Andami pa nilang gustong itanong, ikuwento, at ibahagi, pero time na.

 

Sa SIKAP naman, hindi rin ako masyadong na-stress at nagalit. Nakita kong nag-eenjoy at natututo ang mga estudyante.

 

Masaya ako ngayong araw, hindi lang dahil sa mga ito, kundi dahil na chat ni Ma'am Cristina.. Aniya, "Blessed morning, sir . Sensiya na, Ang daming ganap.. pa chat lng ng complete name fo no.at address mo at Ipa j n t ko ung cert.and books mo. Later ung payment ha at may inaayos lng ako. Tnx much n Godbless u more."

 

Agad akong nag-send ng hinihingi niya.

 

Napakabuti talaga ng Diyos. Kahapon lang, ipinanalangin ko na hipuin niya ang puso ni Ma'am Cristina na ayusin na ang working money ko. At heto na nga! Tamang-tama, magbi-birthday na ako.

 

Past 4 na ako nakauwi sa bahay. Kahit antok na antok, hindi na ako nakatulog dahil nagugutom na ako.

 

Pagkatapos mgmeryenda, humarap nabako sa desktop upang ipagpatuloy ang paggawa ng PPT.  Hanggang pasy 8:30 lang ako sa baba.

 

 

 

Hulyo 9, 2026

Muntikan na akong ma-late dahil matagal akong nakasakay sa bus na pa-PITX at dahil mabagal ang dyip na nasakyan ko. Mabuti na lang, naabutan ko pa sa covered court ang mga nakapilang estudyante.

 

Ngayong araw, bad trip ako sa Love kasi pito lang ang may assignment. Nawala ang mood ko kaya pinasulat ko na lang sila ng kanilang pangalan, na parang Kinder. Kahit gaano kaganda ang material ko at kahit gaano ako kahusay magturo, balewala sa mga estudyantenf tamad ag iresponsable. Mahihina na nga sila, ganito pa ang pagtanggap nila sa edukasyon. Nakakalungkot. Hindi naman puwedeng mag-iba ang aralin dahil hindi iyon ang tamang solusyon. At wala na akong maisip na solusyon para sa mga tamad.

 

Mabuti na lang, masigla na akong nakapagturo sa Hope, Charity, at Peace. Pero sa Faith, hindi ako nagsalita. Pinakita ko lang sa kanila at pinabasa ang mga slides ko. Mas malala pa sila sa Love. Tatlo lang ang nagpasa ng assignment. Mahusay lang sila sa daldalan, lalo na ang mga lalaki.

 

Sa GMRC, hindi ako gumamit ng PPT. Sinulat ko sa board ang pinakamahalagang kaisipan ng lesson, saka pinakopya ko sa kanila habang ipinaliliwanag ko. Pinagawa ko rin sila ng activity. Lima lang ang nakapagpasa bago kami nag-u lwian. Haist!

 

Saglit nakipafkuwentuhan ako kay Ms. Krizzy pagkatapos kong mag-lunch at bago ako umuwi. Na-finalize na namin ang plano naming birthday blowout next week. Maghahati kami sa gastos sa Shakeys kasi hindi siya nakapagpakain noong birthday niya.

 

Past 3, nasa bahag na ako. After 30 minutes, natulog ako. Alas-singko na ako nagising. Gusto ko pa sanang ituloy, pero andami ko palang tsetsekang papel. Kaya bumangon na ako para magmeryenda.

 

Sa garden ako nagkape. Nag-stay ako roon hanggang bago nag-6.

 

Pagpasok ko, humarap na ako sa mga papel. Nang matapos, ang paggawa naman ng PPT ang ginawa ko. Tinapos ko lang ang panonood ng sinusubaybayan kong teleserye sa GMA, saka umakyat na ako.

 

 

 

Hulyo 10, 2026

Nag-suspend na ang ibang siyudad sa Metro Manila, pero hindi pa rin nag-anunsiyp ang Pasay. Kaya nang nasa PITX na ako, bantulot akong sumakay sa carousel bus.

 

Nang nasa bus na ako, may pumitik sa tainga ko. Agad akong tumayo upang tingnan kung sino. Dalawa silang nasa likod ko, pero isa roon pinaghinalaan ko kasi siya lang naman mukhang mandurukot. Dugyutin siya. Naka-black hoodie. May bitbit na blus plastic bag. Marumi ang mga paa niya. Mababa lang. Gayunpaman, kabado akong lumayo sa kaniya. Mabuti, may bakanteng upuan, na nakaharap sa kaniya. Tinitigan ko siya. Sinubukan kong kunan siya ng picture, pero pinaupo siya ng konduktor sa harap ko. Nakayuko naman siya nang napiktyuran ko.

 

Kahit nanginginig ako, kasi may naalala akong karanasan tungkol sa pagpitik sa akin sa tainga, nailabas ko ang tumbler ko. Naisip kong gamitin iyon kung sakaling may gawin siyang masama sa akin. Ipinakita at ipinaramdam kong nakahanda akong hampasin siya sa ulo niyon.

 

Pinagmasdan ko pa siya habang nasa gitna ng tatluhang upuan hanggang bumaba siya sa may Double Dragon.

 

Bumuhos ang malakas na ulan nang pababa na ako sa Baclaran. Wala pa ring announcement.

 

Nakapagturo na ako sa Love at nakapagpagawa ng activity nang mag-suspend ng klase si Mayora. Tuwang-tuwa ang nga bata. Natuwa rin ako, pero lamang ang inis. Sayang lang ang pagpasok ko nang maaga. Muntikan pa akong mapahamak sa bus. Gayunpaman, thankful ako kasi makakauwi ako nang maaga.

 

Nagpa-recess muna ako , bago nagpauwi ng mga may sundo. Kahit ang walang sundo ay pinauwi ko na rin paglipas ng ilang minuto. Ang liligalig na nila. Uwing-uwi na sila, gaya ko.

 

Mga quarter to 8, umalis na ako sa school. Past 9, nasa bahay na ako. Mga past 10, natulog ako. Ang sarap sa pakiramdam!

 

At pagkatapos kung mag-lunch, natulog uli ako. Mga 4 pm na yata nang bumangon ako para magmeryenda.

 

Gabi, gumawa ako ng PPT habang naghihintay ng mga pictures na isi-send ng mga estudyante para sa MOV ko. Mga 6:45  na ako nakapagpasa sa GC.

 

Mga nine, pagkatapos kong maghugas ng mga pinagkainan, umakyat na ako para magpahinga.

 

 

 

Hulyo 11, 2026

Alas-7 na ako nagising. Ang sarap sanang matulog, pero hindi na ako pinagbigyan ng mga mata ko. Isa pa, kailangan kong bumangon na upang makapaglaba at makapaglinis ako. Idagdag pa ang paggawa ng LP at PPT.

 

Pagkatapos kong magkape at kumain ng puto, nagbabad na ako ng mga labahan ko. Isinunod ko na ang paggawa ng PPT.

 

Past 11, lumabas ako para bumili ng ulam. Pagdating ko, nagbanlaw naman ako. Naglinis naman ako sa kusina pagkatapos magsampay.

 

Past 12 na ako nakapag-lunch. Okey lang naman kasi almost done na ako sa PPT.

 

Past 1, natulog muna ako. Paggising ko bandang 2:30,  saka lang ako naligo. Sinubukan kong matulog uli, pero hindi na ako nakaidlip.

 

Past 3:30, naglaga ako ng kamote para sa meryenda.

 

Past 5:30, habang gumagawa ako ng lesson plan para sa Week 6, nag-chat sa akin ang hindi ko naman FB friend na guro ng ABES. Hindi ko rin siya nakasama sa kahit anong seminar. Naisip kong baka ni-recommend ako ng (mga) kaguro niya, na nakakikilala sa akin.

 

Aniya, kukunin niya akong resource speaker. Nagtanong muna ako kung tungkol saan. Ang sagot niya: Brigada Pagbasa po,Meron po kasi kami project sa school katuwang ang Manila Adventist College na nagstory telling po nag mga volunteers from Manila Adventist College yearly po bago ang opening ng project nagsasagawa po kami ng talk para sa mga volunteers kung paano mag storytelling and paano magcreate ng sarili nilang story na maaring mashare sa mga bata.

 

Agad kong tinanggap ang alok niya. Ito ang palagi kong inaasam. Gusto kong mahasa pa ang aking abilidad sa public speaking at story telling.

 

Gabi, habang nagsusulat ng Week 6 LP, napagtanto kong mali ang Week 5 LP ko. Agad kong inayos iyon.

 

Past 10, sobranfmg antok ko na, kaya umakyat na ako. Hindi ko natapos ang editing. Kailangan kong matapos ito bukas.

 

 

 

Hulyo 12, 2026

Nang magising ako bandang 6, natulog ulit ako. Hayun! Successful. Bawing-bawi na ako sa puyat.

 

Past 8, matapos akong makapag-almusal, humarap na ako sa desktop para gumawa ng PPT. Naisingit ko rin ang paglilinis sa kusina.

 

Maghapon kong ginawa ang PPTs para sa Week 5. Nagawa ko rin ang learning plan at PPT para sa SIKAP bukas. At higit sa lahat, nakatulog ako bago at pagkatapos maligo. Ang sarap sa pakiramdam.

 

Ipinagpatuloy ko ang paggawa ngnPPT hanggang 7:30 pm.  At pasado alas-8:30, umakyat na ako para magpahinga.

 

 

 

 

Hulyo 13, 2026

Sakto lang ang dating ko sa school. Nakuha ko sa guard ang parcel na galing kay Ma'am Cristina, saka naiakyat ko pa sa classroom. Pagbaba ko, nag-flag ceremony na.

 

Nainis na naman ako sa kahinaan ng Love. Ayaw na naman nilang magsalita. Kung mag-recite man, hiyang-hiya at napakahina ng boses. Makikita mo talagang hindi pa sila handang mag-Grade 6. Hindi nila kaya ang mga aralin.

 

Pinasulat ko na lang sila ng diary. Pero halos wala akong makitang kompleto ang diarym karamihan sa kanila, wala pang laman ang diary. Grabe! Nakakabuwisit na rin ang panenermon. Araw-araw na lang. Napapagod na ako. Balewala ang husay ko at ang ganda ng learning materials ko kung hindi rin lang naman nila maa-absorb.

 

Mabuti pa ang Hope, nakakasunod. Active ang karamihan kahit hindi rin mga kahusayan.

 

Nagawa ko rin sa Charity, saka sa Faith. Medyo disappointed naman ako sa Peace kasi halos wala pa rin sa kanila ang nag-aadvanced study. Halata naman, e.

 

Birthday ngayon ni Ma'am Madz. Napakain siya ng Greenwich food. Libre ang lunch ko. May naiuwi pa akong spaghetti at pizza, na nakain ko sa meryenda pagdating ko sa bahay bandang 4:30.

 

Sa SIKAP,  bad trip na naman ako sa Love. Ang kikilljoy nila sa palaro ko. Hindi ko malaman kung bobo lang sila o mahiyain, kaya ayaw makipaglaro o makipaglaban sa Charity. Wala talagang nakakatuwa sa kanila. Haist!

 

Pagkatapos kong magmeryenda, agad akong gumawa ng PPT at LP sa SIKAP July 15. Maganda na ang nakahanda.

 

Isinunod ko naman ang paggawa ng PPT para sa event ko sa ABES sa June 23. Final na. Pinadalhan na ako ng pictures ng programme kanina.

 

Past 8:30, umakyat na ako para matulog.

 

 

 

Hulyo 14, 2026

Naging maayos ang pagtuturo ko sa Love. Nag-participate ang ilan sa kanila kaya kahit paano ay natuwa ako. Gayunpaman, alam kong hindi nila masyadong na-absorb ang lesson. Mas marami pa rin ang lutang.

 

Kahit sa ibang section, ganoon din. Ang kaibahan nga lang ay mas marami sa higher sections ang marunong.

 

Ngayong araw, hindi ako masyadong stress. Napagod ang lalajunn ko sa kakaturo, pero hindi masyado sa kakasaway. May mangilan-ngilang nagpapasaway, pero pinapansin ko kaagad para tumigil. Hindi sila makaubra sa mga salita ko.

 

After class, nag-lunch lang ako saka nag-print ng lesson lmplan sa Filipino. Wala pa akong LP sa GMRC.

 

Past 3, nasa bahay na ako. At bandang 3:30, natulog ako. Grabe ang sarap! Five na ako nagising. Bitin pa nga, pero hindi ko na afford matulog uli. Andami ko pang gagawin.

 

Nagneryenda ako ng kape at egg pie sa garden. Pumasok din ako pagkatapos, saka pagkatapos kong magdilig ng ilang halaman at magwalis.

 

Nag-check muna ako ng mga papel, bago ko inayos ang PPT ko para sa SIKAP. Ipinagpatuloy ko rin ang paggawa ng PPT para sa event ko sa ABES  sa July 23.

 

Past 8:30, umakyat na ako pagkatapos kong maghugas ng mga pinagkainan, saka magbanlaw ng binabad kong uniporme.

 

 

 

Hulyo 15, 2025

Maaga akong nakarating sa school kaya bago ko sinundo sa covered court ang mga bata, nakapag-print na ako ng lesson plan.

 

Naging maayos ang talakayan namin sa Love. Participative sila ngayon kahit para silang nakalutang.

 

Sa Hope, ganoon pa rin. Active sila, pero may mangilan-ngilang antukin.

 

Sa Charity, may mga sinermunan ako kasi nakikipagdaldalan habang nagsasalita at nagpapaliwanag ako.

 

Sa Faith, kinailangan ko ulit nagsermon dahil marami ang ayaw makinig at may mga ginagawang iba.

 

Sa Peace, naging masaya ang talakayan. Mapangiti nila ako. Sana mawala na ang takot nila sa akin.

 

After class, nag-SIKAP kami. Twenty-two ang dumalo. Dapat 30 sila. Pero na iyon kasi na-meet ko naman ang mininum na 20.

 

Umuwi agad ako pagkatapos ng SIKAP. Mga 4:30 nasa bahay na ako.

 

Pagkatapos magmeryenda, ikinabit ko agad ang bagong keyboard sa desktop. Gumagana lahat ng keys. Hindi na ako mahihirapan at matatagalan sa mga gawain ko. Agad ko ngang sinubukan sa paggawa ng PPT.

 

Before 9, pagkatapos manood ng tv, umakyat na ako.

 

 

 

Hulyo 16, 2026

Muntikan na akong ma-late. Mabuti na lang, hindi. Ako pa nga ang pinakaunang dumating sa pilahan.

 

Nainis na naman ako sa Love kasi lima lang ang nagpasa ng assignment. Kaya naman, nag-chat ako sa GC. Sinabi ko ang tungkol sa kapabayaan nila sa kanilang mga bata. Napagsabihan ko rin tuloy ang magulang na nag-excuse sa anak. Palagi na lang kasing masakit ang tiyan.

 

At nang nangturo na ako, wala na naman halos sumasagot. Ang hirap na naman nilang turuan. Pagsulat ng sanaysay na kami ngayon. Bilang na bilang lang sa mga daliri ko ang siguradong natuto at may kakayahang gumawa. Haist!

 

Sa Hope, okey pa rin. Marami ang interesadong makasulat at makapagpasa ng sanaysay.

 

Sa Charity, nakita ko namang gustong makapagpasa ng karamihan, pero nang dumating na sa akin ang mga papel, nasa 70% lang ng kabuoan.

 

Sa Faith, nagsermon na naman ako. At siyempre, mas kakaunti ang nagpasa sa kanila.

 

Sa Peace ang pinakamaraming submission. It means, mas marami ang nakaunawa sa pagsulat ng sanaysay. May ilan din yatang hindi nakapagpasa.

 

Alas-una, nagkaroon ng Holy Spirit Mass. Ang Gtade 6 pupils ang kasali. Required kaming bantayan sila. Nagutuman nga muna ako bago ako nakapuslit para kumain sa karinderya sa labas.

 

Past 2 na natapos ang misa. Isinunod naman ang meeting ng mga focal persons at implementers ng special programs. Haist! Inabutan kami roon ng 3:45.

 

Mabuti, isinakay ako ni Ma'am Wylenne sa kotse niya. Napaaga ang dating ko sa bahay. Past 4 nakauwi na ako.

 

Naglaan ako ng kulang-kulang one hour sa pag-idlip. Paggising ko, nagmeryenda at nag-gardening ako.

 

Five-thirty hanggang 7:30, isinigawa ko ang pagtsek sa mga sanaysay na pinasulat ko sa mga estudyante. Grabe, wala halos akong mapiga. Isa lang ang almost perfect. Mula pa iyon sa Faith. Tinalo niya ang mga nasa Peace.

 

Quarter to nine, nasa kuwarto na ako para magpahinga.

 

 

 

Hulyo 17, 2026

Nagpasulat ako sa sulating pangwakas sa lahat ng section. Haist! Napakahirap nilang pasulatin, lalo sa Love. Kinailangan ko pang magmensahe sa GC para kalampagin ang mga parents at guardians. Kailangan ko ng suporta at tulong nila. Sabi ko pa, sa mga susunod na araw, magpapauwi ako ng mga anak o alaga nilang hindi gumawa.

 

Narito ang chat ko: Magandang umaga! Sa mga susunod na araw, ipapasundo ko po sa inyo ang mga anak ninyong hindi gumagawa. Malaking abala po sa kanila ang pag-aaral, kaya mas mabuting sa bahay na lang ninyo turuan. Wala rin po silang naipatatagong scores sa amin. balewala po. Wala pong grade ang sitting at lalong walang iskor ang pagdadaldal at pagkukulit.

 

Sa ibang section, ganoon din ang nangyari. Kinailangan ko ring ipaunawa ko sa kanila nang paulit-ulit bago magsikilos. Pero ang sumatotal, kakaunti lang ang nakakaunawa. Ayaw kasi nilang magseryoso kapag nagtuturo ako.

 

Sa Peace lang talaga hindi ako masyadong na-stress. Nagsulat agad sila sa sulating pangwakas. Ang iba, nagsulat pa kasi may mga correcions ako sa pinasa nila.

 

Past 1:30, na-meet ko na ang ilan sa mga kasali sa aming athletics team. Pinangunahan ni Ma'am Mel ang warm up habang wala pa si Gilbert, ang dati kong estudyante, na nag-volunter maging trainer.

 

Kasabay naman niyon ang faculty meeting, kaya iniwan namin ang mga athletes kay Gilbert.

 

Natanggap ko na ang invitation from ABES. Sure na talaga ang aking speaking engagement.

 

Alas-4 na natapos ang meeting. Haist. Kung hindI pa ako nagsalita, baka nag-ammend  ng by-laws para sa fixed amount para sa voluntary contribution, hindi magsisitigil. Kako, hindi na volunteerism iyon kung itatakda ang fixesmd amount. Dagdag ko pa, basta iayon sa kakayahan at pangangailangan ng nangangailangan ang ibibigay. Majority naman ang sumang-ayon sa akin, maliban kay Ms. Krizzy. Naunawaan ko naman siya. May nagbibigay raw kasi ng P20. Ang iba naman ay hindi nagbibigay. But then, it is still voluntary.

 

Pagkatapos niyon, pumunta na kami sa Shakey's Malate para sa aking birthday blowout. Makiki-share din sina Ms. Krizzy at Ma'm Mel dahil hindi sila nakapag-treat noong birthday nila. Si Ate Bel lang ang wala.

 

Sa Shakey's, tawanan, kuwentuhan, at maritesan ang ginawa namin habang kumakain. Andaming pagkain. In fact, may mga take home kaming lahat, maliban kay Papang. Past 6 na kami natapos at naghiwa-hiwalay.

 

Ang haba ng pila sa PITX. Natagalan ako sa pagpila. At trapik pa sa Noveleta at Kawit. Kaya, almost 9 pm na ako nakarating sa bahay.

 

Siyempre, hindi na ako nakapag-ehersisyo at nakakain. Busog na busog pa ako.

 

At mga 11, sobrang antok ko na, kaya pinagbigyan ko na ang mga mata ko. Hindi ko na nga natapos ang pagsusulat ko.

 

 

 

Hulyo 18, 2026

Alas-siyete na ako nagising. Kahit paano, nakatulog ako ng 6 to 7 hours. Hindi naman ako agad bumaba. Nanood pa ako ng short drama sa FB. Sayang, putol.

 

Habang naghahanda ng almusal, nagbabad naman ako ng mga uniporme ko. At pagkatapos kung kumain, humarap na ako sa desktop para gumawa ng PPT sa Filipino 6.

 

Past 11, lumabas ako para bumili ng gulay na ipapares ko sa pritong isda, gayundin ng mga prutas. Nakabili ako ng ubas, papaya, at lansones.

 

Bago ako nag-lunch, nakapagsampay na ako ng mga nilabhan ko. At pagkatapos kong magpatunaw, umidlip ako hanggang 2 pm. Paggising ko, saka lang ako naligo. Hindi na ako natulog. Gumawa naman ako ng PPT para sa SIKAP sa Lunes.

 

Bago mag-7, lumabas ako para maghanap ng ECPay machine. Pinadalhan ko si Hanna ng P6,000. Ang P1K roon ay cash gift ko sa kaniya. Dapat noong Friday ko pa dapat naipadala sa kaniya. Sobrang busy lang talaga ako.

 

Past 10:30, umakyat na ako para magpahinga. Bukas naman ang ibang gawain.

 

 

 

Hulyo 19, 2026

Dahil birthday ko naman ngayon, nagbabad ako sa higaan. Paggising ko bandang 8 am, naglaan ako ng oras para magselpon. After 30 minutes, bumaba na ako para maghanda ng almusal. Past 9 na ako nakakain at nakapagkape. It's alright. Kakaunti na lang naman ang gagawin ko.

 

Pagkatapos mag-almusal, ginawa ko na ang PPT para sa event ko sa Huwebes. Maghapon kong ginawa ito. At umabot pa nga ng gabi. Pero worth it naman dahil tiyak akong maraming matututuhan ang mga spectators ko.

 

Past 10,  tumawag si Flor. Nandoon pala siya kina Taiwan. Pinakausap niya sa akin si Mama. Masaya na ako kahit walang handa. Alam ko, masaya rin siya sa araw na ito.

 

Gabi na ako nakalabas ng bahay, maliaban sa garden, para bumili ng ulam, itlog, at asukal.

 

Haist! Ang bilis ng araw! Lunes na naman bukas. Balik na naman sa warzone.

 

 

 

 

Hulyo 20, 2026

Maaga akong nakarating sa school kaya umakyat muna ako sa classroom para sana mag-print ng LP.  Kaya lang, hindi ko nagawa. Kailangan nang i-cleaning ang printer. Malabo na ang printouts at may guhit-guhit.

 

Bad trip na nga ako sa printer, dumagdag pa ang Love. Para na naman silang tuod. Antagal kong naghintay na magsalita at sumagot sila hanggang sa naubos na lang ang oras.

 

Muntikan ko nang madala sa Hope ang init ng ulo ko. Mabuti nakapagturo ako nang maayos.

 

Habang vacant namin ni Ma'am Madz, nagpatulong ako sa kaniya sa pagpa-deliver ng lunch--- birthday treat ko sa kanila. Sa Tokyo Tokyo kami nakapili. Bago mag-recess, dumating na ang order namin.

 

Bad trip naman ako sa Faith. Andami talagang pasaway sa section na ito. Ang bilis maapektuhan ang atensiyon nila. Idagdag pa ang special kid, na masama ang ugali dahil nananakit at sumasagot nang pabalang. Minura nga ako bago ako lumabas. Nakakagigil, pero hindi ko puwedeng patulan.

 

Vacant period namin ni Sor Archie nang magsalo kami sa lunch. Worth it ang gastos kong almost P2500.

 

Pagkatapos ng klase, SIKAP namin. May panibago akong mga palaro. Isa na rito ang bottle flip. Sasagutin nila ang multiple choice na tanong sa pamamagitan ng pag-flip ng mineral bottled water na may kaunting laman, at may nakasulat na letter sa bawat takip. Enjoy na enjoy sila. Maingay lang talaga kapag may games.

 

Umuwi ako agad pagkatapos ng SIKAP. Past 4 na ako nakauwi. Agad akong nagkape at nagmeryenda para magawa ko ang mga reports. Gumawa na rin ako ng PPT sa SIKAP para sa Wednesday. At nagtsek ako ng mga sanaysay at sulating pangwakas.

 

Alas-siyete, nag-chat si Ma'am Josephine ng ABES, na siyang nag-invite sa akin bilang resource speaker. Humingi siya ng curriculum vitae.

 

Bago ko nai-send, in-edit ko muna, may mga idinagdag kasi ako.

 

Before 9, nasa kuwarto na ako.

 

 

 

 

Hulyo 21, 2026

Naging maayos ang pagtuturo ko sa lahat ng section ngayong araw. May mangilan-ngilang nagpasaway, pero karamihan ay naging attentive sa talakayan, lalo na't namimigay ako ng stars sa mga nakasasagot. At ang pinakamahalaga ay ang pagiging masaya ko habang nagtuturo. Kaya naman kahit sa uwian, hindi ako masyadong na-stress. Hindi ako nagalit.

 

Past 1, nag-aabang na ako ng bus sa Buendia. Noon din nag-chat sa GC ang school Filipino coordinator tungkol sa meeting namin ngayon, na inanunsiyo niya kahapon. Nakalimutan ko talaga. Ayaw ko namang bumalik pa sa school, kaya nagdahilan na lang ako. Idinahilan ko ang paggawa ko ng PPT para sa workshop sa Huwebes sa ABES.

 

Past 3, nasa bahay na ako. Naiinis ko sa mga kapitbahay o kung sinoman ang pumipitas sa atis na hinog, na bunga ng tanim ko. Dalawang beses na akong inunahan.

 

Haist! Wala akong magagawa, nasa labas ng bakod namin, e. At wala kaming CCTV camera.

 

Bago ako natulog, nag-upload muna ako ng video lesson sa YT para mapag-aralan na ng mga Grade 6.

 

Past 3:30  ako nakatulog. Past 4, nagmeryenda muna ako, saka ako muling humarap sa desktop para gumawa sana ng LP para sa week 7. Kaya lang naalala kong hindi ko pala natapos kahapon ang PPT para sa SIKAP. Kaya, ginawa ko na agad. At naalala ko ring pasahan na pala ng summative test, kaya gumawa na ako. Nagawa ko naman agad, sa tulong ng ChatGPT, kaya nakapag-check pa ako ng mga papel ng nga estudyante, nakapagbanalw ng binabad na Tuesday-Thursday uniform, ag nakapaghugas ng mga pinagkainan bago ako nakapag-ehersisyo, nakaligo, at nakaakyat.

 

Bukas ko na aaralin ang PPT ko para sa workshop.

 

 

 

 

Hulyo 22, 2026

Okey rin naman ang pagtuturo ko sa lahat ng section, maliban sa Faith. Hindi masyado. Hindi ako komportable dahil pumasok ang special kid na masaya ang ugali. Sumulat ba naman ng 'Stupid' sa board, saka nilagyan ng arrow, pointing to my direction. Siyempre, napansin ng mga kaklase. Hindi ko na lang pinansin. Kako, talo tayo diyan palagi. Ibang klase siya. Malayong-malayo siya special child namin last school year. Talented na, sweet pa. Hindi nananakit. Gumagawa siya at nagpapasa ng activity.

 

Nakabawi naman ang Peace sa akin. Hindi na ako masyadong naha-highblood sa kanila. May nagsabi sa akin na na-eenjoy na raw niya ang Filipino.

 

Sa SIKAP, sobrang ingay ng mga estudyante ko kasi nao-overwhelm sila sa palaro ko, na pinaghalong quiz bee at parlor game (relay or race). Binisita pa naman kami ng principal. Siguro narinig niya iyon bago siya pumasok sa klase ko. Mabuti, tahimik sila pagpasok, at marami sila.

 

Umuwi agad ako pagkatapos ng SIKAP. At sa sobrang antok, hindi ako nakababa sa Umboy. Sa Puregold na ako bumaba. Nilakad ko na lang pauwi. Kahit mainit pa, sige lang. Nakatipid naman ako at nakapag-exercise.

 

Pagdating ko, nagmeryenda agad ako, saka nagdilig ng mga halaman. Isinunod ko ang pagbabasa ng PPT ko para bukas. Hindi ko napraktis ang storytelling ko, pero ayos lang. Naikuwento ko naman iyon sa Cagayan Valley, sa mga batang Agta, gayundin sa mga batang sementeryo.

 

Past 7, lumabas ako para bumili ng makakain. No rice meal ako ngayon. Nag-crave ako sa mga prutas, kaya bumili ako ng lansones, saging, at avocado juice.

 

 

 

Hulyo 23, 2026

Napakahirap bumangon ng alas-3 ng umaga, pero nagsusumikap akong makapasok nang maaga--- para sa mga estudyante. Pero pagdating sa klase, hindi naman sila seryoso sa kanilang pag-aaral. Nakakalungkot lang. At nakakainis din.

 

Lalo sa Faith. Sila ang numero unong nagpapalungkot sa akin. Andaming madadaldal at maiikli ang attention span sa kanila. Mabuti, absent ang special kid. Nakaragdag pa sana sa inis ko.

 

Okey naman ang mga klase ko sa Love, Hope, Charity at Peace. Sa Faith lang talaga ako lumabas nang malungkot.

 

Nagpaalam ako kina Ma'am Wylenne at Sir Jess na kung puwede ay mag-out ako nang maaga para makapunta ako sa ABES nang maaga. Pinayagan naman ako. Nakikain muna ako kay Ms. Krizzy bago ako pumunta roon.

 

Napaaga nga ako. Pero okey lang kasi malamig naman sa library. Nakakuwentuhan ko pa sina Ma'am Josephine at Ma'am Rowena. Nagkita rin kami ni Ma'am Elsa.

 

May nga estudyante pala ng ABES akong tuturuan at kukuwentuhan. Akala ko, mga estudyante lang ng Manila Adventist College. Hindi ako nakapaghanda ng prizes.

 

Past 1:30 na nagsimula ang program. Nang ipakilala ako, grabe. Nakita ako. Sabi nila, "Napakagaling" ko raw.

 

Kahit limitado ang oras, nagawa ko namang ipaliwanag nang husto ang topics ko. Napagawa ako pa nga sila habang nasa workshop. Kaya lang, binilisan ko na lang ang discussion.

 

Sa storytelling, ikinuwento ko si Ranny Tingi. Nakuha ko naman ang atensiyon at partisipasyon nila. Sana lang, totoong natoto sila sa akin.

 

Past 4 na iyon na tapos. Dahil nandoon din sa ABES si Ma'am Mel saka ang mga trainee-athletes namin, naghintay ako sa kanila, saka sumabay sa pagbabalik sa school.

 

Naabutan ako roon ng 5 pm, kaya past 7 na ako nakauwi sa bahay. Halos wala na rin akong nagawang schoolwork, maliban sa paggawa ng PPT ng article na ipapabasa ko sa mga estudyante, bago sila magsulat ng sarili nilang artikulo.

 

Maaga rin akong inantok, kaya hindi ko na natapos ang pagsusulat. Okey naman iyon.

 

 

 

Hulyo 24, 2026

Nagpasulat lang ako ng artikulo tungkol sa Buwan ng Nutrisyon sa mga estudyante. Every Friday is  a writing or performance day. Kaso, bad trip na naman ako sa Love. Ano ba naman kasi ang aasahan ko sa kanila? May problema nga sila sa pagbabasa.

 

Pero sa Hope, gayundin aa ibang section, lalo ang Peace, okay naman ako. Naging istrikto lang ako sa Faith at Charity dahil makukulit sila. Nakita ko nga kung paano tumahimik ang mga estudyante sa Faith. Pinaupo ko ba naman sa unahan ang dalawa kasi daldalan nang daldalan sa likuran. Hayun, nanahimik silang lahat, saka nagsikilos at nagsipagsulat. Alam kung kunwarian lang iyon, pero effective ang style ko.

 

After class, nagkaroon kami ng LAC session sa pangunguna ng aming MT. Mabilis lang naman pero late na ako nakapag-lunch.

 

Nangutang pala sa akin si Sir Archie. Kinapos na siguro ng budget.

 

Past 1:30, naganap ang oath-taking ceremony, saka ang SOSA ng principal. Inabot iyon ng past 3. Mabuti, maagang natapos at may pameryenda--- pansit at tinapay.

 

Pagkatapos naming kumain, umalis na kami ni Ma'am Wylenne. Sumama siya sa akin sa Watson PITX, pero nauna na ring umuwi. Marahil, nakita niya ang mahabang pila.

 

Nakabili ako roon ng Skin moisturizer, gamit ang GC. Salamat sa expertice ko, kumita ako.

 

Six pm na ako nakauwi sa bahay. Agad akong umakyat para matulog sana, pero hindi ako nakatulog.

 

 

 

 

Hulyo 25, 2026

Kahit wala namang pasok, maaga pa rin akong nagising. Gustuhin ko mang matulog ulit, ayaw na ng mga mata ko. Isa pa, dumating ang dump truck, kaya napilitan akong bumaba bandang 7:30.

 

Hindi pa ako nag-almusal, nakapagbabad na ako ng mga uniporme ko. At pagkatapos, kumain at magkape, humarap na ako sa desktop para gumawa ng LP at PPT. Inuna ko muna ang paggawa ng PPT ng Day 1, na ginawa ko kahapon.

 

Past 10:30, lumabas ako para mamalengke. Pagdating ko, nagluto agad ako, kaya wala pang 12, nakapag-lunch na ako.

 

Dahil sa busog, inantok ako habang nasa harap ng desktop. Mabuti, nakapagsampay na ako ng mga uniporme. Napaikutan ko na rin sa washing ang ibang nilabhan ko.

 

Paggising ko, 2:30 na. Agad akong nagbanlaw ang iba ko pang nilabhan. Pagkatapos niyon, naligo ako, saka muling humarap sa desktop. Inabutan na ako ng past 10 sa paggawa. Inayos ko rin ang learning plan sa SIKAP. Hahanapin kasi ang nga ito sa Martes ng aming principal.

 

Siyanga pala, nag-email ako sa Kawangis Publishing. Sana i-publish nila ang kuwentong pambata kong 'Hindi Ako Mahal ni Mama.' Nagustuhan naman nila iyon, e. At sana makahabol sa Manila International Book Fair.

 

 

 

Hulyo 26, 2026

Mas maaga akong nagising ngayon kaysa kahapon. Wala pang 7 nang namulat ako. Hindi na ako nakatulog, pagkatapos kong tingnan ang Messenger ko. Okey lang naman. Nakatulog naman ako nang mahaba-haba.

 

Nagselpon ako hanggang 8 bago ako bumaba para maghanda ng almusal. After 30 minutes, nagkakape at kumakain na ako.

 

Bandang 9, nagsimula na akong gumawa sa desktop. Inuna ko ang lesson plans sa SIKAP. Gumawa ako para bukas. In-edit ko rin ang mga nakaraang LP.  Saka na ako gumawa ng PPT nang matapos ko.

 

After lunch, inantok na ako. Pinagbigyan ko hanggang 2:30. Saka lang ako naligo paggising ko.

 

Gumawa ako ng PPTs sa Filipino bago at pagkatapos kong lumabas para bumili ng meryenda at ulam.

 

Mga 7, tapos na ako sa lahat ng schoolwork. Nakapagtsek na rin ako ng mga artikulo ng mga estudyante.  Nanood na lang ako ng 'The Clash Teen,' bago umakyat.

 

 

 

 

Hulyo 27, 2026

Maaga akong nakarating sa school kaya nakaakyat pa ako sa classroom para mag-print. Kaya lang, nagloko naman ang printer. Gaya last week, malabo at may guhit ang prints. Pero napansin kong habang nagpi-print ay bumabalik sa dati.

 

Nakapagturo ako kahit paano sa Love kahit puro sermon, gayundin sa Hope at Peace. Pero hindi ko itinuloy ang oagtuturo sa Charity at Faith dahil may nakikipagsabayan sa akin habang nagbabasa ako ng teksto. Sinermunan ko na lang sila. Mababait ang Charity kapag sinisermunan, pero maiingay pa rin ang Faith. Malala sila sa pagkabungangero at pagkabungangera! Nakakasira sila ng araw.

 

Pagkatapos ng maingay na palaro sa SIKAP, hindi pa ako nakauwi agad. Nagligpit pa ako. At nag-check ng portfolios ng Love.

 

Past 5 na ako nakarating sa bahay. Nagmeryenda agad ako. Pagkatapos, gumawa ako ng crossword puzzle at word hunt para sa SIKAP sa Miyerkoles. Nakapag-unpack din ako ng mga competencies sa Filipino, na gagawan ko ng LP para sa week 8..

 

Bago mag-9, nasa kuwarto na ako.

 

 

 

Hulyo 28, 2026

Dahil 2nd summative test namin ngayon, hindi ako masyadong na-stress sa kakasaway. Pero kahit ganito, may mga pasaway pa rin. Kinailangan ko lang ipatupad ang aking minus 5 system, gayundin ang galit-galitan skill. Kaya naman, nakaraos ang buong araw. Nakapag-check at nakapag-record pa ako ng kanilang scores-- sa lahat ng section.

 

Pagkatapos ng klase, nag-lunch lang ako sa katapat na karinderya at unuwi na ako. Hindi natuloy ang meeting ng mga SIKAP implementers with the principal, kaya tuwang-tuwa akong umuwi nang maaga.

 

Past 3, nasa bahay na ako. Mas maaga sana akong nakauwi kung hindi ako dumaan sa BDO-Buendia para magdeposito ng P10k sa account ng developer. Para iyon sa amortization ng kinuha kong lote sa San Juan, Batangas.

 

Pagkahubad ng mga uniporme, sinubukan kong umidlip. Nagawa ko naman kahit 30 minutes lang.

 

Sa garden na ako nagmeryenda at nagkape. Nagpausok din ako, gamit ang mga tuyong dahon at sanga, bago ako pumasok para gumawa ng PPT at LP sa SIKAP. Nang matapos, hinarap ko naman ang LP sa Filipino.

 

Wala pang 9, nasa kuwarto na ako para magpahinga.

 

 

 

Hulyo 29, 2026

Masama ang panahon ngayon dahil sa low pressure, pero hindi naman suspended ang mga klase. Hindi naman ganoon kalakas ang ulan. Gayunpaman, maraming absent sa klase ko. Okey lang naman kasi naisakatuparan ko nang maayos ang lesson ko-- hindi lang sa Love, kundi sa lahat ng sections.

 

Malamig ang panahon kaya hindi uminit ang dugo at ulo ko. Nakiayon ang mga ugali ng mga estudyante. Sana palaging ganito.

 

After class, nag-SIKAP kami. Thirteen lang ang attendees. Nasa sports training ang karamihan. Absent naman ang iba. Mabuti, hindi dumaan ang principal.

 

Wala pang 2:30, pinauwi ko na sila. Umuwi na rin ako bago ako abutan ng malakas na ulan.

 

Pagdating ko sa bahay, agad akong nagmeryenda at nagkape para makaharap na ako sa desktop. Inuna kong gawin ang MOV sa SIKAP. Sunod, ang paggawa ng lesson plan.

 

Eight:forty-five, nasa kuwarto na ako para matulog.

 

 

 

 

Hulyo 30, 2026

Na-highblood ako agad sa Love kasi hindi lahat nagdala ng bio-data. Nakapa-iresponsable talaga nila. Mabuti na lang, may mga dala ang Hope.

 

Nakapagsermon tuloy ako sa GC, gayundin sa ilang parents ng estudyanteng may isyu, gaya ng pagdalo sa sports training, pero absent sa klase. Pati attendance ang atendance ay naukilkil ko. Napagsabihan ko rin ang nanay na hindi napirmahan ang consent form ng feeding program dahil wala raw, sabi ng anak. Nang pinahanap ko sa bag, naroon naman-- gusot na gusot na.

 

Pero pagdating sa Charity, highblood na naman ako. Andami ring hindi nagdala. Isama pa ang Faith. Bukod sa walang dala, maiingay pa, lalo ang mga lalaki.

 

Dinaan ko na lang sa pagtulog ang mga vacant periods ko. Kahit paano nakaidlip naman ako.

 

Pagkatapos ng klase, kumain muna ako sa karinderya, saka pumunta na kay Ma'am Mel. Mga 1:30  na kami nakaalis sa school patungo sa ABES para mag-train ng athletic team namin.

 

Si Sir Ernest talaga ang mahusay mag-train. Nanonood lang ako. Si Ma'am Mel ang tagalista ng time. Kahit paano, marami akong natutuhan.

 

Mga 4 pm na kami nakabalik sa school. Nag-time out lang ako, saka umuwi na agad ako.

 

Past 6 na ako nakauwi. Nagwalis lang ako sa labas bago nagkape.

 

Past 7, bumili ako ng mangga, lansones, at tinapay. Ito lang ang dinner ko --- para maiba naman.

 

 

 

 

Hulyo 31, 2026

Sa wakas, nakapagturo din ako nang maayos, masaya, at masigla sa lahat ng sections. Ramdam ko at kita ko ang kasiyahan nila. Sabi pa nga ng isang Charity, "Sana ganoon uli sa Lunes, Sir." Sabi ko naman, "Depende sa inyo." Natuwa siya nang nagsabi ako ng 'Sige.'

 

Nakatulong din ang pagpapabaybay (spellling) ko sa kanila sa simula at dulo. Enjoy na enjoy sila sa gawaing ito. Grabe ang hiyawan nila kapag nakakasagot nang tama, pero grabe rin ang panghihinayang kapag nagkakamali.

 

Napupuno ng ligaya ang puso ko sa bawat paglabas ko sa bawat section. Sigurado akong hindi nila makalilimutan ang araw na ito.

 

Pagkatapos ng klase, nagsalo-salo kami nina Ma'am Mel at Sir Erwin, bago kami bumaba para sa GAD training.

 

Almost 2 na nang nagsimula ang food preservation sa pangunguna ni Ma'am Amy. Wala ako sa mood upang makinig. Tahimik lang ako. Napansin tuloy ako ng principal. Nagtanong daw kay Ms. Krizzy kung bakit ako malungkot. Kaya pala napansin ko siyang nakatingin sa akin. Tama nga ang kasabihan, na silence is the loudest scream. Mas napapansin pala ang tahimik.

 

Mas maagang natapos ngayon kaysa last last week. Kaya lang umuulan nang pauwi na ako. Ang hirap sumakay kapag ganito.

 

Past 6, nasa bahay na ako. Nagkape agad ako, saka humarap sa desktop para gumawa ng PPT.

 

Bago mag-10, nakagawa na ako ng isang PPT. Naiayos ko rin ang lesson plan para sa Martes. Andami ko pang gagawin bukas.