Itakda Na!

Graviola: Tsek o Eks?

Nakakatakot ang breast cancer!

Ang breast cancer ay numero unong kanser na kumikitil sa mga Filipino ---babae man o lalaki. Ayon sa Philippine Obstetrical and Gynecelogical Society, tatlo (3) sa bawat isandaang (100) babae ay maaaring tamaan nito. Samantala, bihira ang kaso nito sa mga lalaki. 

Nakamamatay ang breast cancer. Nagagamot naman ito, ngunit suntok sa buwan ang tsansa. Ayon sa statistics, isa (1) sa apat (4) na cancer patients ay namamatay pagkatapos ng limang taon. Ang chemotherapy naman ay 7% lang ang kakayahang pigilan ang paglaganap ng cancer cells. At fifteen percent (15%) ng mga taong may cancer ang nakapapamuhay nang normal pagkatapos ng chemo treatment. Bukod sa may kamahalan ito, may mga side effects pa, gaya ng pagkakalbo, pagkahilo, pagsusuka, pagtatae, at iba pa. Kaya naman, ayaw ng iba ang ganitong paraan ng paglulunas. 

Don't worry. Be happy pa rin... Ang mga eksperto ay patuloy na tinutuklas ang lunas sa breast cancer. Iba't ibang pagsusuri at pag-aaral ang kanilang isinasagawa upang ang nakamamatay na breast cancer ay hindi na katakutan ng mga tao.

Good news! Ang guyabano ay may potensiyal na sugpuin ang ilan sa mga deadly cancer--- isa na ang breast cancer. 

Ang guyabano (Annonamuricata Linn.) ay kilala rin bilang paw paw, soursop, at graviola. Ito ay masustansiyang prutas. Maasim ito, ngunit matamis. Nagtataglay ito ng mahahalagang sangkap: beta-sitosteryl fatty acid ester, beta-sitosterol, alpha-amyrin, beta-amyrin, at squalene. Ang bawat isa ay may kanya-kanyang kakayahang pangmedikal. Ang beta-sitosterol ay may abilidad na puksain ang breast cancer. 

Ang dahon, balat ng puno, ugat, at prutas ng graviola ay mabibisang alternatibong gamot sa iba't ibang karamdaman, na pinaniniwalaan at ginagamit sa iba't ibang panig ng mundo. Ang dahon nito ay nagtataglay ng annohexocin, na nagpakita ng kakayahang wakasan ang problema sa breast cancer. 

Worry no more dahil ang graviola ay nasa capsule na!

Yes, laganap na ngayon ang graviola capsule bilang panlunas sa cancer. Subalit, hindi ito sinasang-ayunan ng mga cancer organizations dahil hindi pa matibay ang ebidensiya, na nakakapagpagaling nga ito ng breast cancer. Ayon nga sa kanila, may mga side effects ang pagkonsumo ng capsule at natural na graviola.

Yay! Kung ang pasyente ay may high blood at diabetes, posibleng maapektuhan ang kanyang kidney. Nagdudulot din ito ng hallucinations at nerve damage. 

Haist! May mainam pa rin ang "prevention is better than cure." Sa mga meron na, consult the doctor. Ang graviola ay maaaring tsek o eks sa breast cancer treatment. Mag-ingat sa paniniwala sa mga impormasyon tungkol dito at sa bisa nito. 

G na G!

"I believe I can fly... I believe I can touch the sky... I think about it every night and day... Spread my wings and fly away..." Iyan ang paboritong linya sa paboritong kanta ni Gina Lopez. 

Ang kantang iyan ay nagsilbing-gabay niya upang maniwala siya sa kanyang mga kakayahan at hangarin. Sabi nga niya, "If you can see it, then you can do it. If you believe it, then you can do it."

Sa pagsilang ni Gina Lopez, walang nakapagsasabi kung ano ang halaga niya sa mundo at ano ang magagawa niya para sa bansa hanggang sa sumibol sa kanyang puso ang pagmamahal sa kapwa at kalikasan. 

Si Gina Lopez ay isinilang na may gintong kutsara sa bibig, subalit mas pinili niyang mamuhay na malayo sa karangyaan. Namana niya ang pagiging pilontropo sa kanyang ama. Naging misyonaryo siya at naging environmentalist. 

Dahil sa pagpapahalaga sa edukasyon at mga kabataan, sinimulan ni Gina Lopez ang educational TV programs gaya ng 'Math-Tinik' at 'Hiraya Manawari.' Isinalba rin niya ang mga naabuso at inabandonang kabataan sa pamamagitan ng 'Bantay-Bata 163.' Marami ang nakinabang sa mga programa at proyekto niya. Lalo siyang minahal ng mga Filipino.

Dahil din sa pagmamahal sa kalikasan, sinimulan ni Gina Lopez ang mga programang 'Save the La Mesa Water Shed' at 'Kapit-Bisig para sa Ilog Pasig.' Marami ang sumuporta sa kanya. Malaki rin ang naging pagbabago sa kalikasan. Kinilala rin siya sa ibang bansa dahil sa kanyang mga adbokasiya

Tinanggap din ni Gina Lopez ang pagiging DENR Secretary nang italaga siya ni Pangulong Duterte. Agad niyang ipinasara ang mga abusadong mining companies sa bansa. Marami ang natuwa sa radikal niyang pamumuno. Maraming buhay ang naisalba niyap sa sakit at posibleng kamatayan. Libo-libong Filipino ang humanga sa kanyang tapang, dedikasyon, at pagmamahal. May mga iilang umalma rin, lalo ang mga may-ari ng minahan at ang mga nawalan ng trabaho. Hindi man siya nagtagal sa posisyong iyon, nanatiling marubdob ang hangarin niyang makatulong sa sambayanan. Ipinagpatuloy niya ang pagdiskubre sa mga nakatagong likas na yaman ng Filipinas at pagtulong sa mga komunidad, lalo na ang mga katutubo.

G na G si Gina Lopez sa kanyang programang 'G Diaries.' Walang nakapansing may iniinda siyang sakit. Sa kanyang malasakit sa kapwa, walang nag-aakalang may itinatago siyang problema. Sa kanyang ngiti at tawa, walang nakapagsabing siya'y magpapaalam na. 

Ang kanyang pamamaalam ay hindi kawalan, kundi isang inspirasyon. Sa kanyang paglisan, isang kanta ang magpapaalala sa kanyang katatagan at paninindigan at pagmamahal sa kapwa at kalikasan.

Bawas-Kalbaryo, Dagdag-Suweldo

Kay sarap pakinggan ang dagdag-sahod ng mga guro na ipinangako ni Pangulong Rodrigo R. Duterte sa kanyang State of the Nation Address (SONA)! Kung isa na naman itong pangakong mapapako, kaawa-awa ang mga kaguruang tapat kung magserbisyo. 

Matatandaan noong nangangampanya pa lamang si Duterte, ipinangako niyang dodoblehin ang sahod ng mga guro, pero hanggang ngayon umaasa pa rin ang mga edukador ng Filipinas. Nadoble na ang suweldo ng mga pulis at sundalo, ngunit nganga pa rin ang mga guro. Samot-saring panukala na rin mula sa iba't ibang mambabatas ang ipinahayag upang tugunan ang pambansang hinaing ng mga teachers, ngunit wala pa ring pagbabago.

Ninais ni Senator Juan Edgardo 'Sonny' Angara na itaas ang salary grade ng entry level, mula SG 11 patungo sa SG 19 o mula P20,754 patungong 36,409 buwanang sahod. Ano'ng nangyari? Waley!

Ipinanukala naman ni Senator Francis 'Kiko' Pangilinan na dagdagan ng P10,000 kada buwan ang kasalukuyang suweldo ng mga guro. Hanggang ngayon, mainit pa nilang pinagdedebatehan ang panukala sa malamig na plenaryo.

Hangad naman ni Senator Nancy Binay na taasan ang monthly salary ng mga teaching and non-teaching personnel up

ang maging P28,000 at P16,000 ang basic salary ng mga ito. Bukod dito, hinihikayat niyang pondohan din ang educational assistance ng mga maestro at maestra sa mga pampublikong paaralan. Anyare? Heto, umaasa pa rin sila.

Ang lahat ng iyan ay inalmahan ni DepEd Secretary Leonor M. Briones. Para sa kanya, ambisosyong hiling ang pagtaas ng suweldo ng kaguruan dahil ito ay nangangahulugan ng karagdagang P75 bilyong pondo.

Dahil sa kanyang matalim na pahayag, ang mga umaasang guro ay umingit, uminit, nagalit, at lalong iginiit ang tanging hiling--- dagdag-sahod, hindi limos. Ayon sa kanila, hindi makatao at makatarungan ang kanilang natatanggap sa kasalukuyan.

Kung hindi lamang ito naipaliwanag nang husto ng dating Budget Chief Benjamin Diokno, patuloy ang pagsigaw ng mga guro ng 'Briones, Resign!' Dagdag-Sahid. Hindi Limos!' at 'Salary Increase Now!'

Wala na ngang sasarap pa, para sa mga guro, ang matanggap nila ang unang sahod na may dagdag. Kaya, sa mga mambabatas na may puso, sana isa man lamang sa mga panukala nila ang maipatupad. Ang hangad lang naman nila'y bawas-Kalbaryo, dagdag-suweldo.

Gusto ni Onik ng Baboy

Gustong bumili ni Onik ng baboy. Sabi ng kanyang ina, kaya niyang bumili niyon mula sa kanyang baon. Daragdagan pa niya ito kung tutulong pa si Onik sa paglilinis ng bahay. Sabado, tinulungan ni Onik ang ina sa pagwawalis at pagpupunas ng sahig hanggang sa ito ay kumintab. Naragdagan ng limang piso ang ipon niya. Pagkatapos ng klase, habang naghihintay ng sundo, bumili si Onik ng mga aalagaang isda. Nakalimutan niya ang tungkol sa baboy. Tuwang-tuwa siyang tingnan ang makukulay na isda sa aquarium. Pagkatapos, binilang niya ang kanyang pera. Halos wala nang natira. Hindi na iyon makakabili ng gusto niya. Dumating ang Sabado. Tumulong si Onik sa ina sa pagluluto. Gustong-gusto niyang mabili ang baboy. Kaya, tumulong uli siya sa paghuhugas ng mga plato. Nakatanggap siya ng sampung piso. Iniwasan ni Onik ang tumingin sa mga paninda sa labas ng eskuwela. Tinatakpan niya ang mga mata kapag dumaraan siya. Isang araw, nakalimutan na naman niya. Bumili siya ng sorbetes na paborito niya. Mura lang naman iyon, pero kulang pa rin ang ipon niya para sa gusto niyang bilhin. Nalungkot si Onik habang binibilang ang pera niya. Hindi pa niya mabibili ang baboy na gusto niya. Nag-isip nang nag-isip si Onik. Nagplano siya nang nagplano Hindi naman siya nagmamadali, kaya ang pagtitipid at pag-iipon ang plano niya. Nagbasa siya ng mga libro sa halip na bumili ng laruan. Tumulong sa kanyang ina upang maragdagan ang ipon niya. Pagkalipas ng tatlong linggo, sapat na ang pera ni Onik. Nabili na niya ang malaking alkansiyang baboy na pangarap niya. Nagtagumpay siya sa kanyang plano. Ipagpapatuloy niya ang pagtitipid at pag-iipon. Sa susunod, alam na niya ang kanyang bibilhin... bisikleta!

Ang Aking Journal -- Agosto 2019

Agosto 1, 2019

Hindi ako napakali hanggang hindi ko nakausap si Jul. Nagbulid ako ng sinulid upang ipabatid sa kanya, na mali ang ginagawa niyang pagtitinda sa klase ko at sa ibang klase. Ginawa ko iyon sa mahinahon at propesyunal na paraan. Sa tingin ko, naniwala naman siya sa sinabi kong may tumawag na parent. Nagtatanong ito kung bakit pinagbayad ang anak niya ng P25 at umuwing gutom na gutom. Binigyan ko naman siya ng pagkakataong magpaliwanag. Then, pagpasok niya sa klase ko, kinausap niya ng mahinahon ang mga bata. Kaya lang, napag-alaman ko, nagbenta na naman siya ng gummy bear at Coca-Cola candies. May summative test daw sila sa Lunes at may babayarang P5 kada isang bata. Muli kong hinikayat ang advisory class ko na maging matalino sa mga bayarin. Pinaramdam at sinabi ko sa kanila na ako dapat ang kanilang paniwalaan at pakisamahan dahil ako ang adviser nila. Huwag silang maniwalang ibabagsak o hindi pagragradweytin sila kapag hindi bumili sa kanya.Nainis naman ako kay Papang dahil nang nag-confide ako ng mga issue, ayaw niyang tumulong na ipaabot sa kinauukulan o sa kabilang panig ang aking mga hinaing. Bilang leader, sana tumutulong siya na maging maayos at matiwasay ang samahan ng bawat isa, lalo na't kaibigan niya ang involved. Ang problema, ayaw niyang tumulong. Kaya naman, kay Ms. Kris ako nagsumbong. Pareho pala kami ng sentiments, gayundin si Ma'am Bel. Haist! Nakaka-disappoint...

Agosto 2, 2019

Malakas ang ulan habang nasa biyahe ako, kaya hiniling ko na sana ay i-suspend na ang klase. Kaya lang, nakarating na ako lahat-lahat sa school, wala pa ring suspension. Okay lang naman dahil kakaunti ang mga batang pumasok. Mas magulo at maingay nga lang.

Natuwa ako dahil hindi natuloy ang parada, pero nalungkot ako dahil hindi nalaman at nakita ng kalaban namin ang aming silent protest-- ang pagsuot namin ng itim na damit. Gayunpaman, naisip kong tinulot ng Diyos na mangyari iyon dahil nakakaawa si Karen. Biktima rin pagmamanipula ni Bes. Gusto namin siyang suportahan pero nakikinig siya sa sutsot nito, which is mali.

Dahil sa ginawa nilang hindi pagdalo noong farewell party ni Ma'am Fat. Nahiya si Karen sa akin, ayon kay Ma'am Vi. Hinikayat ng huli na kausapin ako, kahit alam niyang magagalit ako. Ginawa naman niya. Okay lang kahit sa may hagdan niya lang ako kinausap nang makasalubong ako. Sinabi niyang postponed ang parade at next week na lang itutuloy. Okay, ang sabi ko.

Nagpasulat ako sa advisory class ko ng sanaysay, habang nag-aalmusal ako. Pagkatapos, nakipagkulitan ako sa kanila. Iyon na ang pinakamasaya kong bonding sa kanila. Naramdaman ko ang pagmamahal nila sa akin. Lahat sila, gusto nilang mapalapit sa akin, magkuwento sa akin, at kausapin ako nang kausapin. Masaya naman silang kabonding. Hindi ko pinagsisihan kung bakit pumasok pa ako kahit bumabagyo.

Isang libreng tanghalian, mula kay Ma'am Vi, ang bumuo sa aming Grade Six teachers habang naghihintay sa mga sundo ng mga estudyante. Nagplano rin kami tungkol sa farewell party para kay Ma'am Basil, nagaganapin sa Agosto 12.

Before 2:30, nasa PITX na ako. Nag-workout ako. Pagkatapos, umuwi agad ako. Mabuti na lang humina ang ulan nang naglalakad na ako patungo sa bahay. Thanks, God, sa masaya at mapagpalang araw na ito!

Agosto 3, 2019Magdamag ang ulan, kaya halos wala naman akong matinong tulog. Bumangon naman ako nang maaga para mag-gardening, ang kaso, hindi naman makalabas. Umaambon at maya-maya ang ulan.

Ang nangyari pa, lumala ang pilay ni Emily sa braso. Hindi niya maigalaw. Sumatutal, ako ang gumawa ng lahat ng trabaho niya-- hugas, luto, at laba. Maghapon akong magtrabaho. Na-realize kong hindi madali ang ginagawa niya. Idagdag pa ang kulit ni Zillion.

Nagpahilot naman siya kanina, kaya umaasa akong sa Lunes ay makakapagbasa na siya ng kamay. Sana maging okay na ang braso niya.

Dahil sa nangyari, halos wala akong nagawa sa laptop ko. Balak ko pa naman sanang gumawa ng zine. Mabuti nga, naisulat ko ang balagtasang ipinagawa sa akin ni Josie.

Bukas, babawi ako. Kailangang magawa ko na ang lahat ng mga dapat at gusto kong gawin ngayon.

Agosto 4, 2019Gaya kahapon, ako ulit ng gumawa ng mga gawaing-bahay. Gayunpaman, nakaya na niyang mag-grocery. Ako naman, gardening ng pinokusan ko. Nag-dish gardening din ako. Enjoy naman. Kaya ko naman pala. May time pa nga ako para mag-FB. Hindi ko nga lang nagawa ang zine na pinaplano ko. Nasimulan ko lang i-type ang isang story ng estudyante.

Gabi, nagpakapuyat ako para hintayin ang announcement ng suspension ng klase. Nag-suspend na kasi ng ibang division. Sana all.

Agosto 5, 2019Kagabi pa ako nag-aabang ng suspension of classes, pero wala. Uminit naman kasi. Marami ring estudyante ang pumasok, pero wala si Sir Cute, kaya sira ang palitan ng klase. Nahirapan tuloy ako at hindi ko naituro ang naihanda kong lesson. Gayunpaman, natuto sa akin ang VI-Love. Pinasulat ko sila. Kinulit ko at nakipagkulitan din ako sa kanila.

After class, nakipagkuwentuhan ako kina Ma'am Vi at Sir Joel. Inabot kami ng alas-dos.

Past 3, nasa AF na ako. Leg exercise ang pinagawa sa akin ni Coach Renz. Ang hirap! Abot-abot ang aking hininga.

Past 6, nakauwi na ako, bago bumuhos ang malakas na ulan.

Hindi pa rin okay ang kamay ni Emily. Masakit pa rin at hindi niya maigalaw masyado. Sana gumaling na siya. Nakakaapekto sa aking schedule. Ako pa kasi ang gumagawa ng mga gawaing-bahay.

Agosto 6, 2019Wala pa rin kaming palitan ng klase kasi may sakit si Sir Albert. Nahihirapan ako kapag ganito. Maghapong kasasaway at katuturo. Mabuti na lang, may mga katulong akong magsaway. At kahit paano, nadadaan ko sila sa karisma. Hindi na lang ako masyadong naha-high blood. Mas gusto nila ang nagpapatawa ako.

After class, tinapos ko na ang LIS ko. Hundred percent na. Bahala na kung may estudyanteng ka-drop-drop. Ang mahalaga, hindi ako mag-abono sa financial assistance ng mga bata. Ang sabi raw kasi, kung sino lang ang nasa LIS, iyon lang ang bibigyan ng allowance.

Okay!

Past 5 na ako nakauwi. Kahit paano, nakapag-gardening ako. Naabutan ko pa ang pagbili ng isang customer.Agosto 7, 2019Nakapagpalitan na kami ng klase kanina kasi pumasok na si Sir Hermie. Mabuti na lang, always ready ako.

After class, free ang lunch. Nagpakain si Sir Hermie. Isang masagana at masayang salusalo ang naganap. Nakapag-uwi pa ako ng dog food.

Nagpapirma lang ako kay Ma'am Laarni ng invitation para sa retirement party ni Ma'am Basil, then pumunta na ako sa Anytime Fitness. Nalungkot ako kasi tapos na ng free sessions. Sinabihan ako ni Coach Renz na ituloy namin ang session sa Friday. It means, kailangan ko na namang magbayad. Paano ko kaya sasabihin sa kanya na ayaw ko na munang magpa-PT kasi wala na akong budget?

Haist! Sana masabi ko... kahit sa Messenger.

Agosto 8, 2019Nagpalitan uli kami ng klase kanina. Enjoy ko naman ang pagiging guro, maliban sa isang section na may mga papansin. Hindi naman ako masyadong nagalit. Tama lang.

After class, isang free lunch uli ang naganap. Mula naman sa Kinder ang pagkain. Tinulungan naman silang maggupit ng mga learning materials nila. Tapos, nagkuwentuhan pa kami at miniting kami ni Mudra.

Past 5 na ako nakauwi sa bahay. Kahit paano, nakaidlip ako sa bus, kaya nakagawa ako ng mga gawaing-bahay, na hindi nagawa ni Emily dahil bawal pang mabasa.

Agosto 9, 2019Nasa Umboy na ako nang makumpirma kong walang asok sa Pasay. Mabuti, chinat ako ng parent ni Andrea. Past five na nga ako nakaalis sa bahay kasi parang namaligno ako. Alam kong 3:45 ako bumangon. Imposibleng bigla na lang naging 5:00 nang nasa banyo na ako. The same pa rin naman ng kilos at mga ginawa ko. Anyways, mabuti na lang suspended ang klase.

Nakauwi na ako nang bumuhos ng ulan.

Then, naglaba ako after bumangon at mag-almusal ng mag-ina ko. Hindi ko naman iyon ikinapagod. Okay lang. Mabilis ko lang natapos.

Nag-gardening din ako kahit umuulan. Nagkapote lang ako.

Nang hapon na, tumigil na ang ulan. Nakapag-gardening uli ako. Nakaka-miss magtanim. Wala na namang paso. Andami pang garden soil.

Agosto 10, 2019Before 7:30, nasa CUP na ako. Nakapag-almusal pa ako bago dumating ang professor namin sa Thesis Writing, na si Dr. Lurida D. Ramos. Siya pala ng kinatatakutan at sinasabing namamahiya ng estudyante. Gayunpaman, nang nagsimula na siyang mag-orient, parang nagustuhan ko ang estilo niya. Although, may nasampolan agad, hindi pa rin ako natakot o na-intimidate. May point naman kasi siya kung bakit nasasabi niya ang mga iyon.

Tinapos niya ang tatlong oras sa pag-oorient. Pinag-introduce yourself niya pa kami. Kahit paano, nakampante ako sa kanya. Witty naman siya at may laman ang sinasabi. Kaya naman, motivated akong tapusin ang pagti-thesis kahit magastos.

Past 11:30, nasa gym na ako. Wala roon si Coach Renz. Halos ako lang ang customer doon. Nasolo ko ang lugar, kaya hindi ako nahiyang mag-work out mag-isa.

Inalala kong lahat ang mga ipinagawa sa akin ni Coach Renz. Shoulder and back at abs ang winork out ko.

Past 1:30, nasa school na ako, kasama ko sina Papang, Sir Archie, at Ma'am Bel sa paghihintay kay Mj para sa pagpunta namin sa bahay ni Ma'am Basil.

Matagal kaming naghintay. Mga past 3 na kami nakaalis, gamit ang sasakyan ng kapatid ni Mj. Natagalan kami sa biyahe kaya gutom na gutom ako.

Pagdating naman doon, nalula ako sa dami ng pagkain. Bumilib ako sa kakayahan ni Ma'am Vi na mag-solicit.

Isang maingay at masayang selebrasyon ang naganap. Hindi man kami kompleto, pero alam kong napakasaya ni Ma'am Basil. Nakita niya ang aming pagmamahal sa kanya at pagkakaisa.

Nagkainan, nag-inuman, at nagkantahan kami. Nagpalaro pa ng banana-eating si Ma'am Nicka, kaya andaming tawanan. Hindi man nag-stay nang matagal ang iba, sulit naman ang kanilang pagdalo.

Past 12, natapos ang party. Nakapaglinis na kaming Grade Six advisers, except Ma'am Madz at sina Ma'am Anne at Ma'am Cieline.

Napagkasunduan naming mag-stay na lang kasi baka wala nang biyahe, kaya nagkuwentuhan kami hanggang antukin ako. Nakaidlip ako kahit ilang minuto. Almost 5 am na kami umalis sa bahay ni Ma'am Basil.

Past 6:30 na ako nakarating sa bahay. At almost 8 naman nakatulog.

Agosto 11, 2019Past 1 na ako bumangon at nag-lunch. Kahit paano ay nabawi ko ang puyat ko. Kaya naman, nakapag-gardening agad ako.

Dalawang beses akong nag-gardening ngayong araw. Ang ikalawa ay pagkatapos kung umidlip at magmeryenda.

Gabi, nag-encode ako ng mga stories ng pupils ko. Sinumulan ko na rin paggawa ng zine. Tatlong kuwento na ang nailagay ko.

Nanuod din ako ng tv hanngang past 11:30, wala naman kasing pasok bukas.

Agosto 12, 2019Nakatulog ako nang mahaba-haba kahit nagpuyat ako kagabi. Sumapat ng tulog ko, kaya nagawa ko ang gusto kong gawin, like gardening. Naisaayos ko ang bahagi ng hardin namin na nabangga ng motorsiklo kahapon, bago magdilim.

After gardening, humarap naman ako sa laptop para sa printing at editing. In-edit ko ang story ni Ma'am Joann na ipapasa niya sa DepEd. Nag-brainstorm din kami tungkol sa plot development. I hope makasali kami at maipasa ni Ma'am Normina ang mga entries namin. Hindi gaya ng ginawa niya niya last last year.

Hindi naman ako nakasulat ng kuwentong pambata. Pinagbigyan ko kasi ang antok ko. After maligo, natulog ako. Mga five na ng hapon na ako nagising. Ang sarap naman kasi talagang mahiga at matulog. Salamat sa mga Muslim at sa kanilang Ramadan. Kahit paano, nakapagpahinga ako. Sarap ng may long weekend!

Agosto 13, 2019Gusto ko sanang magkaroon ng elimination round para sa Sulkas (Sulat-Bigkas) Tula sa mga kalahok sa Grade Six, kaya lang hindi natuloy. Sa hindi ko alam na dahilan, naurong ang plano. Okay lang naman. Nag-self contained na lang kami.

Nagpa-games ako sa advisory class ko. Ni-relate ko iyon sa aming aralin. Then, nagpasulat ako ng mga natutuhan nila sa Filipino 6.

Nabawasan ang time ko sa kanila nang pumasok ang Bethany, si Sir Jul, at ang OLS. Ayos lang. Nabawasan din ang time ko para magsaway. Ang maganda roon, may naisumbong naman sila sa akin tungkol kay Sir Idol, na nagbebenta ng gummy bear at naniningil ng summative test papers.

After lunch, bumiyahe na ako patungo sa AF. Doon naabutan ko si Coach Renz. Nagkawayan lang kami. Awkward man, pinilit ko pa ring mag-work out mag-isa. I hope, tama ang ginagawa ko. Noon ko nakita ang halaga ng PT.

Past 5, nakauwi na ako. Nakapagpagupit pa ako.

Agosto 14, 2019Ako lang ang hindi nakauniporme sa Grade Six. Gusto ko lang mag-silent protest sa OIC ng school. Kahapon pa siya umupo dahil nasa seminar ang principal. Kahapon, nagpalit lang ako ng civilian clothes. Nang-aasar lang. Effective naman siguro.

Halata rin namang piniliplt lang niyang mag-uniform for leadership's sake. Halos araw-araw kasi hindi siya nakauniporme. Nakakapagtaka kung bakit two days na siyang nagsuot ng uniporme.

Well, talo siya sa amin. Marami ang nag-silent protest.

Idagdag pa ang pagbaba naming Grade Six para sa SulKas Tula Elimination at Quiz Bee tungkol sa kasaysayan ng Filipinas. Wala naman siyang sinabi. Hindi rin siya lumapit. Besides, maganda ang ginawa namin, since testing period naman at napapanahon.

In fact, nagustuhan iyon ni Ma'am Erni, supervisor ng AP. Ipagpatuloy raw namin. Narinig iyon mismo ng feelingerang OIC.

After class, nag-stay muna ako sa room dahil ginawa ko ang attendance sa Profile ng mga bata. Then, hinintay ko ang isang parent para sa submission ng requirement sa financial aid ng city hall.

Past 5:30, nasa bahay na ako. Nakapagdilig at nakapagtanim pa ako kahit paano.

Agosto 15, 2019Na-postponed ang test, kaya dumiskarte na lang ako para ma-entertain ang mga bata. Nagpa-test din kami, gamit ang test papers last year. Nakakainis kasi ang SDO. Lagi na lang nade-delay. Sana hindi nila kami madaliin sa mga reports at grades.

Before 11, pinatawag ako para sumali sa meeting ng Grade 4 at ibang grade leaders. Tungkol sa lipatan ang agenda at nauwi sa iba't ibang issue. Nakakainis lang. Parang sila na naman ang magaling. Pero, at least, nakapagsalita ako. Naipahayag ko ang iba kong nasa puso.

Nagutuman lang ako. Past 1:30 na ako nakakain kasi nakipagkuwentuhan pa ako sa mga kasamahan ko.

Nag-gym ako bandang 3:45. Nag-chat pa kasi ako at umidlip sa waiting area.

Seven-thirty na ako nakauwi.

Agosto 16, 2019Nagpa-film showing at poster-making kami kanina sa mga bata dahil wala pa namang test papers at saka mandated naman ng AP supervisor. Medyo magulo nga lang at maingay. Mas gusto ko pa rin ang nagkaklase at nagpalitan ng klase. Gayunpaman, natiyagaan ko naman. Nakipagkulitan lang ako sa iba. Nang maapit na ang uwian, napa-behave ko pa sila. Pinasulat ko ng sampung bayaning Filipino.

After class, nagpatulong ako kay Joel, estudyante ko, na linisin ng dalawang electric fan. Then, natulog ako. Past 3:30 na ako umalis sa school.

Agosto 17, 2019Hindi na-approve ang thesis title proposals ko. Nakakatakot at nakakakaba pa namang humarap sa prof ko. Haist! Kailangang kong mag-isip ng iba o sundin ang payo niya.

After class, nag-gym ako. Past two na ako natapos. Before 4, nakauwi na ako.

Nagkaroon ako ng oras sa garden. At dahil umalis si Bokbok, nakaakyat ako sa bubong para putulin ang mga nakalaylay na sanga ng aratiles niya.

Agosto 18, 2019Late na ako nagising. Ang sarap kasing matulog. Nakabawi ako ng puyat.

Nag-gardening ako. Mahigit isang oras din akong nag-stay sa garden. Nalulungkot lang ako kasi ilang araw nang hindi kami nakakabenta ng halaman. Ipinabebenta ko na nga rin ang mga bonsai ko. So far, wala pang interesado.

After maligo, natulog ako. Kahit mainit sa kuwarto, natiis ko, para kasing kailangan kong magpahinga nang husto. Mapapasabak na naman ako sa puyatan at trabaho sa mga susunod na araw.

Agosto 19, 2019Nakakatamad ang araw na ito. Hindi ko mawari ang dahilan. Ang hula ko, gawa ito ng mga isyu sa paaralan. Ang kawalang-pagkakaisa at pagkakawatak-watak ay siyang nagko-contribute sa pagiging makasarili ng aming mga interes. Hindi lang ako ang nakaramdam nito, halos lahat kami. Kung naging mabuting lider lamang sana ng mga nakakataas sa amin, disin sana'y masaya at masarap magtrabaho. Gayunpaman, nagturo ako sa bawat klaseng pinasukan ko. Hindi nga lang ako nagpapatawa. Nagawa ko lang iyon sa huling klase.

After class, matagal akong naghintay para sa coop board meeting. Matagal din bago kami natapos. Mga past 4 na iyon. Kaya naman, magpa-five na ako nakarating sa AF. At past 6 na ako nakalabas. Nakakapagod, pero walang pagsisisi.

Agosto 20, 2019Inspired sana akong magturo, saka prepared ako, kaya lang pumasok naman ng Bethany. Isa pa, nagkakatamaran kaming lahat dahil sa delayed examination. Idagdag pa ang kakulangan namin sa guro. May sakit ang isa. Nasa seminar ng isa. At hindi nagpapakita ang isa. Gayunpaman, sinikap kong mapasulat ang VI-Love. Kahit paano na-contain ko sila hanggang eleven.

Bumaba naman kami bandang eleven para sa Division Launching ng "OK sa DepEd." Doon na kami inabutan ng ala-una. Antagal kasing dumating ng mga bisita.

Past 3:30, nakauwi na ako. Sobrang init kaya hindi ko nakatulog kahit antok na antok ako. Gayunpaman, nakapagdilig ako ng mga halaman bago dumilim.

Gabi, nakapagsulat ako ng kuwentong pambata (Kindergarten) na ipapasa ko sa division. Ready to go na ang apat kong entries.

Agosto 21, 2019Maaga rin akong nagising dahil sa paggising nang maaga ni Emily. Magde-deliver siya ng mga paninda sa Caloocan. Naawa ko sa kanya dahil inabutan siya ng ulan pagkatapos lumabas sa bahay. Ang lakas pa naman ng ulan.

Pagkaalis niya, inihanda ko naman ang almusal namin ni Zillion.

At dahil maulan, hindi muna ako lumabas para mag-gardening. Uminit naman, kahit paano, kaya ibinilad ko na lang ang mga indoor plants ko.

Nagbasa, nagsulat, at nag-journalling ako ngayong araw. Napaka-productive ko. Nagawa ko ring mag-start ng FB page. 'Sir Pogi' ang title. Personal blog angncategory niyon at tungkol sa edukasyon, estudyante, teachers, at school ang tema ng posts ko.

Past 10 na dumating si Emily. Saka lang din ako nakahiga.

Agosto 22, 2019Pumasok muna ako sa klase ko, bago kami pumunta ni Ma'am Irika sa BES. Nagbigay muna ako ng test sa mga bata. Nakadalawang subject sila bago ko sila iniwan.

Sa Journalism Clinique, andami kong natutuhang bago. Mainam talaga ang pagdalo sa mga palihan. Plano ko ring ibahagi ang mga learnings ko sa mga kaguro ko, sa pamamagitan ng pag-share ng mga pictures ng slides.

Past 4:30 nang natapos ng workshop. Past 5:20 naman akong nakapag-workout. Past 8:30 ako nakauwi.

Napagod ako, pero masaya ako sa mga nangyari sa buhay ko ngayong araw.

Agosto 23, 2019Na-late ako sa pagdating sa klase ko. ilang minuto lang naman. Nainis pa ako sa kanila kasi maingay habang nagte-test. Kaya, hindi ko sila pinansin nang umalis ako para sa ikalawang araw ng Division Journalism Clinique.

Apat na category uli ang diniscuss ngayong araw. Marami akong natutuhan. Hindi matatawaran ang karanasang ito. Sa tingin ko pa, kayang-kaya ko nang ituro iyon sa mga bata at kayang-kaya ko nang mag-handle ng kahit sports writing.

Nakauwi ako ng past 8:30 dahil sobrang traffic. Mabuti na lang nagmeryenda muna ako sa Pasay bago bumiyahe.

Agosto 24, 2019Nainis ako nang igrupo ako sa radio broadcasting sa breakaway session. Gusto ko sana sa collaborative publishing. Gayunpaman, nagustuhan ko kinalaunan, lalo na nang nagpa-practice na kami. Naunawaan ko na ang feelings ng mga batang RB.

Na-disappoint lang ako sa Filipino supervisor. Hindi siya naghanda ng certificte para sa best outputs. Inaasahan ko pa namang makatanggap ng sertipiko dahil ginalingan ko ang mga pagsusulat. Mabuti pa ang English, nagbigay.

Past 3, natapos ang closing ceremony.

Past 4, nasa Anytime Fitness na ako. Kanina lang ako nagtagal doon. Gusto ko pa nga sana, kaya lang ayaw kong mabansot ang muscles ko kapag nasobrahan ako sa workout.

Past 8 na ako nakauwi. Gutom na gutom ako, kaya agad akong kumain. Marami akong nakain. Sinabawang isda kasi ang ulam.

Agosto 25, 2019Nagpakasawa ako sa tulog bago ako bumangon. Ang lamig kasi ng panahon. Kahit paano nabawi ko ang ilang araw na puyat.

Nakapag-gardening ako after breakfast dahil tumila ang ulan.

Then, ako naman ang nangusina at nagbanlaw ng mga nilabhan ni Emily. Hindi na naman maganda ang timpla ng katawan niya.

Nakapag-edit ako ng entry ko sa DepEd children storybook writing contest. Hinihintay ko na lang ang entry ni Ma'am Joann. Sabay kaming magpapasa.

Hapon, natulog uli ako. Mahigit dalawang oras din akong nakatulog

Gabi, nagsimula akong gumawa ng zine. Walang internet ang laptop, kaya hindi ko natapos. Kailangan kong maglagay ng picture para mas interesting basahin.

Agosto 26, 2019Nag-gardening ako after breakfast. Nakagawa ako ng cactus and succulent dish garden.

Then, nine o' clock, nagpaalam ako kay Emily na aalis. May get-together kaming #1000 Group sa bahay ni Miss Krizzy.

Dahil matagal akong nakasakay ng bus, twelve na ako nakarating sa venue. Naroon na sina Papang at Mj. Wala si Belinda. Kainan kaagad ang nangyari. Sobrang busog ko sa adidas, chicken inasal, at liempo. May dessert pang cassava cake. Idagdag pa ang masayang kuwentuhan.

Nanuod kami ng tv habang nagpapatunaw. May mga napagkuwentuhan din kami. Then, meryenda na naman. Spaghetti ng inihanda ni Ms. Krizzy.

Past five, nagpaalam na kami. Sobrang busog ko pa. Kaya nga, hindi muna ako nag-workout. Nagpatunaw-tunaw muna ako.

Past 7 na ako natapos. Nine na ako nakauwi. Hindi na ako nakakain. Busog pa rin kasi ako.

Agosto 27, 2019Walang pasok. Late na ang deklarasyon. Nakasalubong ko ang ilang estudyanteng pauwi na. Hindi naman ako nainis dahil kailangan ko talagang matapos ang editing ng entries ko sa storybook writing contest. In fact, papasok rin si Ma'am Joann para tapusin namin iyon.

Tiyempo namang pumasok si Ma'am Madz. Malakas ng wifi roon. Nakagamit kami. Nakahiram din siya ng printer para makapag-print ng Science articles para sa trainees niya.

Past 1:30 na kami natapos ni Ma'am Ann. Nakapagpapirma na rin kami kay Ma'am Laarni ng entry form namin. Then, bumili kami ng CD sa HP. Nag-lunch muna kami bago namin pinasa ng entries namin sa SDO.

Past 4 na ako nakauwi.

Agosto 28, 2019Hindi ako natuloy sa pagsama sa training ng collaborative publishing. Absent kasi ang dalawang bata. Nagpa-check at nagpa-shade na lang ako sa bubble sheets.

Akala ko nga rin, suspended ang klase. Kakaunti nga ang estudyante kong pumasok. Nakakainis pa, ganoon pa rin ang level ng ingay nila.

Pati si Ma'am Laarni, naabala sa pagkontak sa dalawang collab pub trainees. Pinasundo pa, pero hindi nakahagilap. Binalak ding palitan, pero hindi napalitan, wala na kasing batang maipapalit. Isa pa, alanganin na. Sa September 3 na ang laban.

After ng klase, inayos ko pa ng bubble sheets. Ako na ang nag-fill out ng mga para sa absent. Then, nag-enter ako sa LIS ng height and weight ng mga estudyante. Kailangan na yata kasi sa housekeeping. Napaikot pa ng notice ang principal. Isa ang pangalan ko sa mga nakabilog.

Past 4, mag-workout ako. Legs naman ang tinira ko. Hindi ko na kailangan ng trainer actually. Nag-google na lang ako. Ang mahal kasi. Namulubi ako.

Before 8, nakauwi na ako.

Agosto 29, 2019Labag man sa loob ko na iwanan ang VI-Love sa ibang advisers, ginawa ko pa rin ang mandato sa akin ng principal na sumama sa ABES para sa training ng collaborative publishing. Ramdam kong ayaw ng mga estudyante ko na iwanan ko sila at i-prorate.

Sa ABES, para akong bagong salta. Hindi ko agad nagampanan ang aking tungkulin bilang trainer. Ayaw ko namang magbida-bidahan. Gayunpaman, nakatulong ako kahit paano. May mga natutuhan din ako mula sa co-trainers ko at sa mga bata. Nainis lang ako nang malaman kong ipinagdadamot ng ICT2 bg GES ang mga laptop, na dapat ipinapagamit sa teachers at pupils sa gaya nitong gawain.

Past two, sinamahan ko ang dalawang young radio broadcasters pabalik sa school. Pinalitan ako ni Ma'am Irika sa collab. Tamang-tama naman dahil natulungan ko si Sir Erwin sa paggawa sa SBM. Hanggang 4:30 kami roon.

Then, pumunta ako sa HP at bumili ng panregalo kay Jasleen. Sa Booksale ako bumili. Ibinili ko siya ng Mandala coloring book.

Past 6, nasa kina Kuya Jape na ako. Nagkuwentuhan muna kami bago nagkainan. Lima lang kaming bisita niya.

Nagulat lang ako dahil 18 years na pala siya. Kay bilis ng panahon.

Naroon din si Boboy. Kahit paano, nakapagkuwentuhan kami bago ako umuwi. Past 8:30 na iyon. Past 11 naman ako nakarating sa bahay.

Agosto 30, 2019Dumalo muna ako sa closing program bago kami pumunta sa ABES para sa collab training. Past eight na iyon.

Sa training, nakapag-adjust na ako kahit paano. Nakakuwentuhan ko rin doon ang isa sa mga trainers. Marami akong natutuhan sa kanya, since mas matagal siyang naging guro at naging experience sa journalism.

Past 2, naihatid ko na sa school ang printer at ang mga journalists. Umidlip ako hanggang alas-tres bago ako bumiyahe patungo sa PITX.

Past eight na ako nakauwi. Sabi ni Emily, sana raw lagi akong masaya kapag umuuwi, tulad kanina.

Agosto 31, 2019Nag-gardening ako kasi maganda naman ang panahon. Nalulungkot lang ako kasi hindi na nakakabenta si Emily ng mga halaman. Parami na nang parami ang potted plants ko, na for sale. Gayunpaman, inisip ko na lang na hobbyist lang ako. Umaasa akong makakabenta uli kami.

Pagkatapos niyon, hinarap ko naman ang laptop ko. Ginawa ko ang e-class record. Nag-input na rin ako ng mga scores sa periodic test.

Nagsulat din ako at nagbasa ngayong araw. At, gabi, itinuloy ko ang paggawa ng zine. Natapos ako ang una at nasimulan ko ang pangalawa.