Inyong Kabayanihan

'Di lang ninyo alam, kung gaano ninyo kami natutulungan

Upang ang pandemya ay hindi humantong sa  kapighatian.

Kahit pa ang inyong kalusugan at kaligtasan ang naaalangan

At kahit ang araw at gabi ay inyo nang nakaliligtaan.

'Di lang ninyo alam, nananahan sa ami'y takot at pangamba,

Subalit dahil ang bawat isa'y nagkaroon ng pag-asa

Kaya kami'y humahanga sa inyong pakikiisa at pakikibaka

Na ang pandemyang nagpapahirap sa ati'y lubusang mapuksa.

'Di lang ninyo alam na kami'y saludo sa inyong kabayanihan--

At tungkuling noon pa man ay inyo nang ginagampanan.

'Di lang ninyo alam na kayo'y aming ipinagdarasal

Inyo sanang lakas at malasakit ay dagdagan pa ng Maykapal.