Ang isang titik at isa pang titik
Ay magiging isang tiyak na pantig
Ang dalawang pantig na maririkit
Ay magiging salitang kapana-panabik
Na sa kahulugan ay hitik na hitik
Ang dalawa o tatlong salita, kapag nagsanib
Ay maaari nang magsiwalat, maghasik
At maging pangungusap na mabalasik.
Bawat titik ay may tunog, gaya ng kulisap
Bawat pantig ay sumisinghap, sumisiyap
Bawat salita ay nagdaramdam, nangungusap
Bawat pangungusap ay maririnig, malalasap
Ang panitikan ay kanilang pinalalaganap
Sanaysay, tula, o kuwento ay inaangat
Kaalama’t demokrasya ay natatanggap.
Pag-asa at pag-ibig ang hinahangad.
No comments:
Post a Comment