Bato Serye -- Ep. 11

 Ako si Froilan. Adik ako sa bato. Rockhounding ang hobby ko. Bawat batong kinokolekta ko ay may kuwento.

 

Bihira lang naman ang suiseki show. At malimit sa Pilipinas na magkaroon nito, kaya kapag may nababalitaan akong exhibit, na malapit sa amin, hindi ako nagdadalawang-isip.

 

Isang beses nga, bago kami tumungo sa venue ng birthday celebration ng nanay ko, pumunta muna kaming mag-anak sa National Stonefest 2024 sa Robinson’s Antipolo.

 

Ang gaganda ng mga batong naka-display! Hindi ko pinalampas na makuhaan ko ng pictures at video ang bawat isa.

 

Naligayahan ang puso kong bato, este, ang puso kong mahilig sa bato. Pero nalungkot ako kasi kakaunti lang ang mallgoers na mahilig sa bato. Mas marami pa ang batong naka0display kaysa sa mga taong pumapasok sa exhibit area para tumingin ng mga bato. Libre naman iyon, pero bakit bihira ang mga tao?

 

Sa palagay ko, kakaunti lang ang nakaka-appreciate sa rockhounding at suiseki.

 

Kung alam lang nila ang ligayang naidudulot ng mga bato, baka magsimula na rin silang mamulot at mangolekta.