Ang Aking Journal -- Hunyo 2026

Hunyo 1, 2026

Parang hindi naman ako nakatulog kagabi. Pagising-gising at pabaling-baling ako kasi ang mga panaginip ko ay parang totoo. Parang nasa outreach program pa rin ako.

 

Haist! Simula na naman ako ng ganito. Kawawa na naman ang kalusugan ko nito.

 

Past 6, umalis na ako sa bahay. Ni hindi ako nagkape. Plano kong mag-almusal na lang doon, kaya lang sobrang dami ng pasahero, kaya punuan ang bus at traffic pa. Nakatayo nga ako mula Umboy hanggang PITX.

 

Alas-8:18 na ako nakapag-time in. Ilang minuto ang lumipas, nagsimula na rin ang opening program ng Brigada Eskwela 2026. Past 9 na iyon natapos. Saka lamang kami nakaakyat para maglinis sa kani-kaniya naming classroom.

 

Medyo nalungkot nga pala ako nang sabihin sa akin ni Sir Jess na lilipat ako ng classroom. Medyo nagsisi rin ako kung bakit mas pinili ko pa ang dating classroom ni Ma'am Mel, at inayawan ko ang shared classroom namin noon ni Sir Rey, kung babalik naman pala ako. Nasa huli talaga ang pagsisisi.

 

Gayunpaman, nagsimula agad akong magil-imis at maglinis. Inilabas ko na ang mga upuan. Mabuti, may mga janitors na naglipat ng mga desk at chairs sa lilipatan ko. Nakatipid ako ng oras at enerhiya.

 

Nagsalo-salo kami nina Ma'am Gigi, Ma'am Mel,  at Sir Erwin sa mainit na kanin at paksiw na GG. Courtesy iyon ni Ma'am Gigi.

 

Past 1,  isinagawa naman ang despidida party para sa aming principal. After 4 years, ililipat na siya sa PBES. Sana mas okey naman ang kapalit niya.

 

Past 3 nang natapos ang program at kainan. Ipinagpatuloy ko ang paglilipat ng mga gamit. Dahil kaunti na lang naman,  natapos ko iyon bago mag-5.

 

Past 5, habang umaambon, umuwi na ako. Seven na ako nakarating sa bahay. Agad akong nag-shake ng saging ,ubas, at mansanas, saka nagprito ng itlog para ipalaman sa monay. Iyon na ang hapunan ko.

 

Habang nanonood ng tv, nag-exercise ako. Nakatatlong routines ako bago ako naligo.

 

Past 9, nasa kuwarto na ako para matulog. Sana makatulog ako kaagad.

 

 

 

Hunyo 2, 2026

Five o' clock ako bumangon para makarating ako sa school ng mas maaga.  Unti-unti ko na ring sasanayin ang sarili ko sa pagbangon nang maaga.

 

Almost 6 na ako nakalabas sa bahay kahit hindi naman ako naghanda ng almusal.  At 7:23  nakapag-time in sa school.

 

Nag-bonding kami ni Ms. Krizzy sa almusal. Matagal na rin nang huli kaming nagkasabay sa pag-aalmusal. Marami-rami rin kaming napagkuwentuhan.

 

Past 8, umakyat na ako para magsimulang maglinis. Tumagaktak agad ang pawis ko pagkatapos kong buhatin ang mga librong naiwan ni Ma'am Joelli. Inilapit ko lang naman sa may pintuan.

 

Andami ko pang nagawa bago ko nabasa ang message sa GC ng aming faculty club president, na parating na raw ang bagong principal namin. At dahil late ko nang nabasa, late na rin akong nakababa. Pero naabutan ko pa ang photo op sa office.

 

At ang mahalaga, nakita ako ng dating PSDS. Kinumusta niya ako. Tinanong niya ako kung nagpa-ECP ako. Kako, opo. Aniya, hindi ka nagparamdam sa akin. Ibig niyang sabihin, hindi ako humingi ng tulong sa kaniya. Nasabi niya kasi iyon sa akin dati nang kapapasok lang ni Ma'am Lea sa GES.

 

Narinig iyon ng mga kasamahan ko sa Grade 6, kasi katabi ko sila. Siguro pati ibang guro.

 

At ipinakilala pa niya ako sa aming bagong principal. Aniya, magaling daw ako. Kumbaga, inendorso niya ako. Nakilala naman ako ni Ma'am Ivy. Magkasama raw kami dati sa Filipino. Alam niya ring nakatanggap ako ng awardvdahil sa pagsusulat. May sasabihin pa sana siya, pero kailangan na nilang umalis. Hindi bale, kasama na namin siya simula bukas.

 

Sumama ako sa PBES sa paghatid kay Ma'am Lea. Tawa kami nang tawa papunta at pauwi. Natutuwa kaming bago na ang principal namin. At umaasa kaming magiging maayos ang pamamahala ng new principal.

 

Past 11, umalis ba kami PBES. Nag-commute na lang kami pabalik. Pagpunta kasi namin ay nakasakay kami sa service vehicle ng ABES.

 

Bumalik agad ako sa classroom ko kasi naiwan ko ang tablet ko. Wala o sira ang lock ng isang pintuan doon. Mabuti, hindi nawala.

 

Paat 11:30, nakisalo ako sa pagla-lunch nina Tiyay at Ms. Krizzy. Dumating din si Putz para makipag-bonding.

 

Mga 1:30, bumalik na kami sa mga classroom namin. Ipinagpatuloy ko ang paglilinis. Medyo nagkakabuhay na iyon.

 

Past 2:30, naistorbo naman ang paglilinis ko dahil ipinatawag kami para pakinggan ang sales talk ng mga ahente ng St. Peter. Maganda naman ang offer nila, pero wala pa akong panghulog, lalo na't college na rin si Zildjian. In fact, bago nga ako bumaba, ka-chat ko siya. Nanghihingi na siya ng pang-enrol. Medyo nabagabag ako dahil naisip kong baka hindi ko na kayanin. Dalawa na sila ni Hanna na kolehiyo, plus si Zillion, na Grade 11. Nasa Aklan siya, kasama ang ina,  kaya hiwa-hiwalay ang budget.

 

Past 5, umuwi na ako. Medyo nawala ang bagabag ko tungkol sa financial capacity kong magpaaral ng tatlong anak.

 

Past 7, nasa bahay na ako. Agad kong kinain ang lugaw, tokwa, at siomai na binili ko pagkatapos kong ibabad ang mga kurtinang inuwi ko mula sa school.

 

Past 9, umakyat na ako. Nabanlawan at naisampay ko na ang mga kurtina. Bukas, meron pa akong iuuwi.

 

 

 

Hunyo 3, 2026

Eight: twenty-six na ako nakarating sa school. Sobrang traffic. Isa pa, pumunta pa ako sa Palawan Pawnshop para mag-cash in sa ECPay booth doon. Nahirapan lang akong mag-input ng numbers, iyon pala'y offline. Naipangako ko pa naman kay Zildjian na ngayon ko siya padadalhan ng P6k para pang-full pay sa tuition niya.

 

Putong bigas at kape lang ang almusal ko. Hindi na ako dumaan kay Ms. Krizzy, dahil bukod sa late na ako, alam kong nagsisimula na siya sa Aral summer class.

 

Agad akong naglinis pagkatapos kong mag-almusal. Nag-assort ako ng mga kapapelan ko. Andami kong naitapon at naipong puting papel, na ibinigay ko kay Ma'am Gigi.

 

Past 11:30, niyaya ko si Ma'am Mel na mag-lunch. Tiyempo, nagsaing uli si Ma'am Gigi para sa kanilang Grade 5. Nakisalo na ako. Nagpabili na lang din ako ng ulam.

 

Pagkatapos kong kumain, tumakbo na ako pababa sa Guidance. May meeting kaming Grade 6. Isa sa mga agenda ay ang parents orientation namin bukas.

 

Mabilis lang natapos kaya nakabalik agad ako sa classroom at naipagpatuloy ko ang paglilinis. Nalabhan ko ang apat na kurtina. At nalinis ko ang ceiling fan.

 

Nag-ikot ang bago naming principal. Ayaw niya ang mah kurtina sa harapan. Pinatanggal. Tinanggal ko naman agad.

 

Tsk-tsk! Iba-iba talaga ang trip ng mga sipal.

 

Dapat 5 pa ako uuwi, pero dahil bigla akong nagutom, at nag-chat na si Zildjian tungkol sa hinihingi niya, umuwi na ako. Niyaya ko na si Ma'am Mel na umuwi.

 

Past 7 na ako nakarating sa bahay kasi nagmeryemda at nagkape muna ako sa Lola Nena's sa PITX, saka bumili ng alcohol, metal hooks, at glue sa Mr. DIY.

 

Pagdating sa bahay, inihanda ko naman ang dinner ko. No rice meal. Bumili lang ako ng 2 pcs. fried chicken wings, saka naglaga ng itlog, at nag-shake nflg ubas at saging. Solb ang panigab'ihan!

 

Past nine, pagkatapos kong manood ng inaabangang teleserye sa GMA, umakyat na ako para matulog.

 

 

 

Hunyo 4, 2026

Past 4, bumiyahe na ako. Kailangan kong makarating sa school nang maaga para makapag-almusal ako, at para mabayaran ko ang undertime ko kahapon. Nagawa ko namang makarating bago ang 6 am.

 

Nakisabay sa akin si Ma'am Vi sa pag-aalmusal habang nagkukuwentuhan kami. Parang sinadya niya iyon para ma-orient niya ako sa kaniyang mga dati niyang estudyante, na hahawakan ko naman. Napaka-concerned talaga niya sa mga bata, gayundin sa mga kaguro niya.

 

Matapos ang aming almusal at kuwentuhan, nagsimula na akong magtrabaho. Inuna kong gawin ang pagtapal sa mga boxes ng bond paper na paglalagay ko ng letter cuttings para makabuo ng mga salitang READ, BASA, at LOVE. Nagkabit din ako ng kurtina.

 

Past 9 naman nagsimula ang parents orientation ng Grade 6.  As usual, kakaunti ang dumalo. Sa section ko, apat lang ang dumating.

 

Past 10, bumalik ako sa classroom para ipagpatuloy ang paghahanda niyon. Gumawa ako ng placard para sa pagsundo sa mga estudyante sa Lunes, gayundin ng label ng grade and section sa pinto.

 

Past 11, bababa na sana ako para makisalo kina Ms. Krizzy at Tiyay, nang nagsabi si Ma'am Wy na nagpa-order ng pagkain si Sir Jess.

 

Habang naghihintay, inayos ko muna ang mga helmet. Naglagay ako ng hooks sa ilalim ng chalkboard, saka ko isinabit ang mga iyon doon.

 

Past 12 na nang magsalo-salo kami. Naroon din si Sir Erwin pero nakihingi siya ng pagkain sa closing party ng Tara, Basa!

 

Past 1, bumalik na ako sa class room ko. Gumawa ulit ako. Nilagyan ko ng hanging plastic plants ang reading corner ko.

 

Past 2, isinagawa ang closing ng Brigada Eskuwela kahit may bukas pa.

 

Nang nag-welcome remarks ang principal, biniro niya ako. Aniya, 'Bakit nakasimangot ka na naman, Sir Froilan?"

 

Kako, 'Inborn po,' sabay ngiti.

 

Aniya, "Matagal ko na rin kasi kilala si Sir, sa mga trainings."

 

Natuwa ako, pero hindi ko talaga siya natatandaan.

 

Nang pumunta kami sa conference hall para pag-usapan anf class program namin, tinanong ako ng mga kasamahan ko kung writer din ba ang principal namin kasi kilala niya ako. Sinabi kong hindi ko siya maalala.

 

Dapat 5 pm pa ako uuwi, pero dahil may misting sa school, pinauwi na kami ng coordinator ng Brigada, saka ni Nurse Loida.

 

Wala pang 4 nang lumabas ako sa school. At wala pang 6 nang dumating ako sa bahay.

 

Nagdilig at nagwalis ako pagkatapos magbihis. At dahil mas maaga akong nakauwi ngayon, nakapag-exercise ako bago kumain.

 

 

 

 

Hunyo 5, 2026

Quarter to eight na ako nakarating sa school. Hindi ako gumising nang maaga. Sinadya ko kasi kakaunti na lang naman ang gagawin ko sa classroom.

 

Naabutan ko sina Papang, Mayora, at Ms. Krizzy sa may covered court. Kausap nila si Ma’am Anne. May dala akong mainit na pares, kaya minadali ko silang mag-almusal. Medyo lumamig na nang kaunti ang sabaw bago kami nakapasok sa room ni Ms. Krizzy. Hinanap pa ang susi. Pero pagdating ng salusalo, ang saya namin.

 

Almost 9 am na ako nakaakyat sa room ko. Sinige ko ang punas ng sahig. Dahil wala pang mop, kinamay ko lang ang paglilinis, gamit ang face towel. May dahilan na naman ako para magsermon at magalit sa mga estudyante kong dugyot. May pang-gaslight din ako sa mga magulang nila, kung sakaling mga reklamador sila.

 

Nag-sound trip ako doon habang naglilinis, pagkatapos kong i-set up ang laptop at monitor. Good thing, Smart tv iyon kahit 32 inches lang. At ang mahalaga, malakas ang sagap ng internet, hindi katulad sa dati kong classroom.

 

Eleven-thirty, bumaba na ako sa classroom ni Ms. Krizzy. Naibenta ko kay Papang ang dalwang curtain rod sa halagang P200. Idinagdag ko iyon sa pangkain namin. Worth P500 lahat ang nagastos ko, kasama ang 1.5 softdrink at ice tubes, anim na kanin, at apat na klase ng ulam. Wew! Nag-ambagan kami nina Ms. Krizzy at Mayora ng P100 each. Okey na rin dahil masaya ang naging kainan namin.

 

Past 1:30, bumalik na kami sa kani-kaniya naming room. Ipinagpatuloy ko ang pagpupunas ng sahig. Pasado alas-tres, chill-chill na lang ako. Sinubukan kong umidlip hanggang 5 pm sana, pero hindi naman ako makatulog. Hanggang napagdesisyunan kong umuwi na. Pasado alas-4 pa lang.

 

Palabas na ako ng gate nang tinawag ako nina Sir Joel G, Putz, at Kaps. Nagsa-shot sila sa may Building 3, malapit sa sports room. Pinagbigyan ko sila since hindi na ako babalik bukas sa school. Gusto ko ring mag-relax. Naging maingat lang kami para hindi kami makita ng bagong principal.

 

Naging maayos naman ang inuman namin. Pinag-usapan namin ang mga bagay-bagay tungkol sa Aral Program, bagong principal, opening classes, at iba pang tungkol sa DepEd.

 

Past 6 na kami natapos. Singlot ako, pero nagawa ko pang mag-withdraw ng 2-months living allowance. At pagdating sa PITX, nagmeryenda-slash-dinner ako sa Lola Nena’s.

 

Parang nawala naman ang lasing ko habang nakapila ako. Ang haba ba naman! Past 9 na ako nakauwi. Dumiretso ako sa kuwarto pagkabihis ko habang kumakain ng grapes. Ten pm na ako bumaba para magsipilyo at magpatay ng mga ilaw sa baba.

 

Maaga akong natulog.

 

 

 

Hunyo 6, 2026

Past 7 nang magising ako. Kahit paano ay mahaba-haba ang tulog ko. Nakatulong ang lamig ng panahon para sa mahimbing kong tulog.

 

Past 8, nakapag-almusal na ako. Andami kong gagawin ngayong araw—hindi lamang mga gawaing-bahay, kundi gawaing-pampaaralan. Agad ko ngang inilista ang mga ito. Inuna kong gawin ang pagda-download ng mga videos na gagamitin sa preliminary activities sa klase. Isinunod ko ang paggawa ng pre-test sa Filipino 6. Eleven: Thirty na ako natapos at nakalabas para bumili ng ulam at ilang grocery items.

 

Twelve-Thirty, pagkatapos kong kumain, nag-sign in na ako sa link ng Google Meet. Ito ang kauna-unahang pa-online meeting ng bago naming principal.

 

Sobrang antok ko habang may online meeting. Mabuti na lang ay minadali na rin ni Ma’am Ivy ang kaniyang pagbabasa, este pag-eexplain. Past 2:30, tapos na ang meeting. Umakyat agad ako para matulog. Malamig-lamig ang panahon kaya masarap nang mag-stay sa kuwarto. Five o’ clock na ako nagising. Ang sarap sa pakiramdam ng nakatulog.

 

Pagkatapos magmeryenda, humarap na ako sa desktop para gumawa ng PPT ng orientation sa Opening Block. Nahirapan akong gumawa pero nakalimutan ko ang oras. Nakalimutan kong magpapagupit pala ako. Past 7 na ako nakalabas. At dahil alanganin na, hindi ako nakahanap ng barbershop, na kakaunti ang pila. Pumunta naman ako sa isang parlor, pero wala na ang tagagupit doon. Umuwi na lang ako pagkatapos kong bumili ng ulam.

 

Past 11:30 na ako natulog.

 

 

 

Hunyo 7, 2026

Past 6 ako nakamulat. Gusto ko pa sanang matulog hanggang 8, pero hindi na kinaya. Bumaba na ako bandang 7 pagkatapos kong magselpon.

 

Nagsalang muna ako sa washing machine ng mga labahan bago ako nag-almusal. Alas-nuwebe na ako natapos maglaba at magsampay. Itinuloy-tuloy ko na ang trabaho. Nagpunas ako ng mga sahig—sa sala, sa kusina, at kuwarto. Nilinis ko rin ang banyo.

 

Mga 10, nagpapahinga na ako para makaligo. At 10:30, lumabas ako para magpagupit. Sa haba ng pila at sa dami ng mga magpapagupit, inabutan ako ng past 11:30 bago ako nakauwi. Pero ayos lang kasi worth it naman. Magiging presentable naman ako bukas sa school.

 

Habang hindi pa ako inaantok—pagkatapos mag-lunch, gumawa muna ako ng lesson plan sa Filipino 6. Although, sa June 15 to19 pa naman ito gagamitin, gusto ko nang ihanda upang hindi ako mag-cram. Maihahanda ko pa ang mga learning materials nito.

 

Past 2, nag-siesta ako. Hindi naman ako masyadong nakaidlip kasi parang may insektong nangangagat. Hindi naman lamok.

 

Past 5, nag-gardening ako. Hindi naman ako nagtagal sa garden para maituloy ko ang lesson planning. Maaga rin akong nagluto para maaga akong antukin.

 

Past 7, pagkatapos magluto, lumabas pa ako para bumili ng eggs at cat food. Pagdating ko, saka ako ng no rice dinner. Ginisang patola na may kaunting bihon at tuna ang ulam ko.

 

Past 9;30, nagsimula na akong matulog. Umasa akong dadalawin agad ako ng antok.

 

 

 

Hunyo 8, 2026

Bigo na nga akong makatulog nang maaga. Bigo pa rin akong makatulog nang malalim. Ang babaw ng tulog ko. Nananaginip naman ako, pero para lang akong gising. Mas mahaba ang oras na gising na ako kaysa sa oras na tulog. Ang sumatotal, puyat na puyat ako.

 

Nangamba pa akong mahuli sa pagpasok dahil alas-4 na, hindi pa ako nakakasakay sa traysikel. Puro special trip ang mga biyahe. Ang yayaman ng mga pasaherong naunang sumakay. At ang dadamot. Hindi man lang ako isinabay.

 

At nang makasakay ako sa bus, punuan na. Nakatayo ako mula Tanza hanggang PITX. May maganda namang nangyari kahit ganito ang nangyari sa akin. Nakarating ako sa school bago mag-5:30. Nakapag-almusal pa ako sa classroom ko habang hindi pa nagsisimula ang flag ceremony.

 

Pagbaba ko, nakapila na ang mga estudyante ko. Kilala na nila ako.

 

Naging maayos naman ang flag ceremony. Dumalo ang principal, ang PSDS, at si Doc Mina.

 

Pag-akyat namin, agad kong sinimulan ang class orientation. Nakahanda naman ang PPT ko kaya halos na nasabi ko nang lahat sa kanila. Nagsawa rin sila sa pakikinig. At ayaw rin ng karamihan na mag-recite o mag-introduce ng sarili. Kaya pinasulat mo na lang sila ng kanilang pangalan. Pagandahan. At mabuti, nagbigay si Sir Joel ng babasahin at sasagutan—ang GST. Na-busy sila. Nabawasan din ang kanilang ingay. Medyo nagagalit na nga ako sa iba sa kanila. Pero sa kabuuan, okey pa sila. Kayang-kaya ko silang pasunurin, turuan, at palaguin.

 

Pagkatapos ng klase, 12:35, nagpalinis muna ako ng classroom sa mga cleaners. At dahil may faculty meeting, dali-dali akong kumain sa karinderya.  Past 2 na natapos ang meeting. Umuwi agad ako. Past 3:30, nasa bahay na ako. Agad akong nahiga para matulog, pero hindi naman ako nakatulog.

 

Past 4, bago ako nagmeryenda dahil medyo makirot ang ulo ko, nagdilig muna ako ng mga halaman. Naalala ko, hindi ako nakapagkape kaninang umaga. Kaya pala, medyo masakit ang ulo ko. Pumipintig.

 

Five: Thirty, naglakad ako patungo sa munisipyo para i-withdraw ang cash allowance na P10k. isang oras ang lumipas, nasa bahay na ako. Nagluto agad ako ng pambaon bukas.

 

Sinubukan ko ulit na matulog nang maaga. Sana makatulong ang pag-inom ko ng First Vita Plus.

 

 

 

Hunyo 9, 2026

Kahit paano, nakatulog ako. Okey na siguro ang apat na oras o lima.

 

Gaya kahapon, wala pang 5:30, nasa classroom na ako. Ang kaibahan lang, nakaupo ako kanina sa bus, at walang flag ceremony ngayon. Pagkatapos kong mag-almusal, gusto ko sanang umidlip dahil maaga pa, pero hindi naman ako nakatulog.

 

Pagbaba ko, nakasalisihan ko ang mga estudyante ko. Isinama na  ala ng mga kaguro ko. Sayang ang energy ko. Aagahan ko na lang bukas ang pag-aabang sa covered court.

 

Sa ikalawang araw ng Opening Block, naragdagan ng apat ang estudyante. May isa pang balik-aral, na hindi marunong magbasa, at absenero last school year. Haist!

 

Mas tumindi ang mga ugali ng Love. Nailabas ko na tuloy ang masamang ugali ko. Unti-unti ko na silang pinagsasabihan, gamit ang matatalas kong pananalita. Wala namang silang kaibahan sa mga nakaraan kong estudyante. Mas marami nga lang ngayon ang mahihina. Nang pinabasa ko nga sila isa-isa, nakita ko ang kanilang mga kakayahan at kahinaan. May iilan namang grade level ready. Sa palagay ko, sila ang magdadala ng lesson namin.

 

Gusto ko nang magpalitan kami ng klase. Ang tagal ng oras kapag walang palitan. Nakaksawang magsaway sa advisory class ko. Mabuti na lang, may ilang classhome officers akong maaasahan. Sumusunod naman sa kanila, at natatakot.

 

Medyo nainis lang ako sa mga kasamahan ko ngayong araw. Hindi nila isinabay sa pagpa-Riso ang diagnostic test ko sa Filipino. Kagabi pa ako nag-send ng file. Kanya-kanya na pala. Sila may test na. Tapos, hinahanapan nila ako ng test.

 

Pagkatapos kong magpalinis at mag-lunch sa classroom, umuwi agad ako. Wala pang 3, nasa bahay na ako. Agad akong natulog. Five na ako nagising.

 

Bago ako nagmeryenda ng fruit shake, nagdilig muna ako ng mga halaman. Isinunod ko naman ang paggawa ng GST report.

 

Habang nanood ng teleserye sa GMA, nag-exrecise ako sandali. Pagkatapos niyon, umakyat na ako para magpahinga at matulog.

 

 

Hunyo 10, 2026

Alas-tres y medya, umalis na ako sa bahay. Mahigit 30 minutes akong naghintay ng kasabay na pasahero para hindi ako mag-special trip. Pero nakailang special trips ang umalis, pero nandoon pa rin ako sa terminal. Naiiyak na ako sa inis at awa sa sarili. Hindi puwedeng mahuli ako sa klase. Kaya naman, nilakad-takbo ko na lang ang highway. Nagawa ko namang makarating sa highway sa loob ng 15 minutos. Nanghinayang nga ako. Sana naglakad na agad ako kaysa naghintay.

 

May tricycle driver na nagpumilit akong isakay. Siguro nakita niya akong naglakad, kaya nang may pasahero na siya ay hinintuan niya ako. Libre na lang daw. Ayaw ko nang kinakaawaan ako, at isa pa, malapit na ako sa highway, kaya tinanggihan ko iyon. Kako, nagwo-walking ako. Sana kanina pa nila ginawa. Alam nilang naghihintay ako ng kasabay, ni hindi nila ako inalok na isabay ako sa special trip. Magbabayad naman ako. Walang concern ang mga naunang drivers, kaya masama ang loob ko sa kanilang lahat.

 

Mabuti na lang, nakasakay agad ako sa bus, at nakaupo pa. Kaya lang, panay naman ang hinto para magpuno. Ang bagal pa.

 

Hindi naman ako na-late, kaya lang ay hindi na ako nakapag-almusal bago magsimula ang klase. Dahil nakapila na ang Love at ibang estudyante, hindi na muna ako umakyat. Pero thankful pa rin ako kahit ganoon ang nangyari ay nakarating ako ng 5:45 am. Six: fifteen pa naman ang official time namin.

 

Pagkatapos ng classroom flag ceremony, nagpa-diagnostic test na ako. Saka lamang ako nakapag-almusal. Bumalik na ang sigla ko. Natuto ako sa karanasang iyon, kaya bukas, iba na ang gagawin ko.

 

Nag-diagnostic lang kami hanggang uwian. Unti-unti ko na rin silang nakikilala. Siyempre, nakikilala na rin nila ako. Hindi ako nagpapakaplastik sa kanila. Sinasabi kong normal ang trato ko sa kanila, kaya ako nagagalit kapag may mali silang ginawa. Ayaw ko ring maging pabebe sila kasi mga-Grade 6 na sila. Dahan-dahan ko ring naipatutupad ang mga rules na alam kong effective para sa kanilang disiplina.

 

May iilan pa ring nagpapapansin, kaya pinagbibigyan ko sila. Nang tumayo-tayo sila, tinanggal ko ang kanilang upuan. Hayun, nahirapan silang mag-test. Ibinalik ko at sinabihang huwag nang uulitin. Nais ko lamang malaman nilang may masamang epekto ang masasamang gawain.  

 

Sa classroom ko inilagak ni Ma’am Madz ang printer na donated ng parents ng with honors last school year. Hindi na ako humindi kasi plano ko ng asana talagang bumili ng printer kasi nahihirapan ako. Hayun, blessings-in-disguise.

 

After class, nagpa-meeting ang SDRMM coordinator. Nakapag-lunch na ako, kaya antok na antok ako. After 1 hour saka lamang natapos. Umuwi na ako agad. Alas-4 na tuloy ako nakauwi.

 

Past 5 na ako bumangon para magkape at mag-gardening. Na-enjoy at na-miss ko ang garden ko. Alas-sais na ako pumasok para humarap sa desktop, magsaing, at mag-ehersisyo.

 

 

Hunyo 11, 2026

Dahil sa nangyari kahapon, nag-iba ako ng diskarte. Gumising pa rin ako ng 3 am, pero sa bahay na ako nag-almusal. Four o' clock na ako umalis sa bahay. Sinuwerte naman ako kasi may dalawang pasaherong nakapila sa tricycle terminal, kaya nakipila na rin ako. Ilang minuto lang ang lumipas, bumiyahe na ang traysikel, lulan kaming apat. Nakasakay rin ako agad sa bus pagdating sa highway. Kinabahan lang ako nang makarating ako sa Baclaran bandang 5:30. Akala ko mali-late pa ako, hindi naman pala. Naunahan ko sa pila ang mga estudyante. Sakto lang ang dating ko. Ito na ang susundin kong routine.

 

Bago kami nagsiakyatan, napag-usapan naming mga guro sa Grade 6 na magpalitan ng klase upang i-meet at i-orient ang lahat ng section upang sa Lunes ay tuloy-tuloy na ang pagtuturo namin.

 

Ganoon nga ang nangyari. Tinapos ko lang sa Love ang checking of test papers, saka ako lumipat sa Hope.

 

Ang babait ng Hope. Attentive sila. Naramdaman ko naman ang Charity na na-inspire sila sa mga intro ko. Kaya nang tinuruan at pinasulat ko sila ng diary o journal, ang gaganda ng feedback nila sa akin.

 

Ang Faith naman, na maiingay raw, ay napatahimik ko. Gaya ng sa Charity, in-inspire ko rin sila.

 

Iba naman ang atake ko sa Peace, na siyang cream section. Sa halip na inspiration, challenge ang ibinigay ko sa kanila. Kung marunong silang umunawa, malalaman nilang malalim ang pinanggalingan ng aking mga sinabi. Hindi man literal o direlta, sinabi kong mga reklamador ang mga magulang ng mga estudyanteng nasa cream section.

 

Past 1:30, umuwi na ako. Dumaan mjna ako kina Ms. Krizzy at Ma'am Joann para mangumusta. Wala pa ring entries sa Palanca ang huli.

 

Past  4:00 na ako nakauwi sa bahay. Sinikap kong makatulog.

 

Past 5, nagkape at nagmeryenda uli ako sa garden. Nagwalis at nagpausok din ako namg saglit bago pumasok.

 

Humarap na ako sa desktop. Bago ko ipinagpatuloy ang lesson plan, nagpasa muna ako ng listahan ng magsi-Sikap.

 

Bago mag-11, umakyat na ako para magpahinga.

 

 

 

Hunyo 12, 2026

Walang pasok ngayon kaya nakabawi ako sa ilang araw na puyat. Past 7 na ako nagising, at mag-e-6 o’ clock na ako bumaba para maghanda ng almusal.

 

Pagkatapos mag-almusal, ibinabad ko sa detergent powder at tubig ang mga school uniform ko. Hindi ko iwina-washing ang mga ito upang tumagal ang buhay.

 

Humarap na ako sa desktop bandang 8:30 upang tapusin ang paggawa ng ILAW lesson plan. Unti-unti ko na itong nagagamay.

 

Past 10, umalis ako para magpadala ng allowance ni Ion, at P10k sa GCash ni Epr. Nangutang silang mag-asawa sa akin para pandagdag sa ipinapagawa nila sa kanilang bahay. Naglakad lang ako patungong Puregold, kahit sobrang init. Siyempre, nakapayong ako. Eleven: thirty na ako nakabalik. Nakapamili na rin ako ng mga pagkain.

 

Bago at pagkatapos kumain, tinapos ko na ang lesson plan. Editing na lang nang kaunti, saka maaari na akong gumawa ng mga Powerpoint presentations ang mga ito.

 

Bandang 2 pm, pinagbigyan ko ang sarili ko. Nag-siesta ako. Kahit paano ay nakatulog ako bago ako bumangon bandang 4:30 para magmeryenda. Fruit shake at crackers ang meryenda ko.

 

Nagwalis at nagdilig lang ako saglit sa garden, saka pumasok agad ako upang ipagpatuloy ang paggawa ng PPT sa Filipino 6. Naisaingit ko ang mga gawaing-bahay, gaya ng paghuhugas ng mga pinagkaina at pagbabanlaw ng mga binabad kong uniporme.

 

Past 10:30, nakatapos na ako ng tatlong PPT. Not bad. Bukas, siguradong matatapos ko pa ang 2. Kailangan ko na ring simulan ang pagsusulat ng LP para sa Week 2 para hindi ako mag-cram. Kailangan ko na ring ihanda ang mga entries ko sa Palanca, Canvas, at iba pa.

 

 

 

Hunyo 13, 2026

Nagising ako at nagselpon bandang 8 am. Nakabawi na ulit ako sa ilang araw na puyat.

 

Nag-exercise muna ako sa higaan bago bumaba. Napilitan akong bumaba nang dumaan an trak ng basura, pero hindi ko na naiabot ang isang plastic ko ng basura dahil lumampas na sa bahay. Hindi bale.

 

Hindi agad ako nakapag-almusal kasi nagsaing pa ako at nagprito ng itlog. Sinimulan ko naman agad ang pang-apat na PPT.

 

Past 11 , natapos ko nang gawin ang PPTs para sa limang araw. Lumabas naman ako para bumili ng ulam.

 

Pagkatapos namang mananghalian, nag-siesta ako. Gustuhin ko manflg magsulat o ipagpatuloy ang sinusulat kong nobela, hindi ko kinaya ang antok.

 

Past 5 na yata ako bumangon para magmeryenda. Pagkatapos naman nito, humarap ako sa desktop para gumawa ng report at ihanda ang class records. Hindi pa nagbigay ng masterlist ang ibang advisers ng Grade 6, kaya hindi ko natapos.

 

Past 6:30, namalengke ako. Nagluto ako ng bihon guisado pagdating ko. Ang sarap ng pagkaluto ko, kaya walang natira.

 

Nainis ako sa keyboard ng desktop ko. Bigla na lang hindi gumana ang letter A. Nahinto tuloy ang pagsusulat ko ng lesson plan para sa Week 2.

 

 

 

 

Hunyo 14, 2026

Nagising na ako nang maaga, pero natulog ulit ako. Successful naman. Mga past 8 na ako bumaba para maghanda ng pagkain. Dahil nagsaing pa ako, mga past 9 na ako nakapag-almusal. Okey lang naman. Bihira lang mangyari ito. Sinamantala ko na, lalo na’t kakaunti lang ang labahan ko. Ibinabad ko na nga lang kasi mga medyas, panyo, briefs, at shorts lang naman iyon, saka isang t-shirt.

Bago ako nagsulat ng lesson plan para sa Week 2, nag-Youtube muna ako kung paano i-troubleshoot ang problema ko sa keyboard. Nang subukan ko, hindi naman gumana. Naghanap naman ako ng ibang paraan. Natuklasan ko ang setting para magkaroon ng keyboard on screen. Hayun, nakapagsimula na ako.

 

Maghapon akong nag-lesson planning, maliban sa mga oras na nag-siesta ako. Nakatapos naman ako ng halos dalawang sesyon. Ang hirap din kasing gamitin ang keyboard sa screen, lalo na’t hindi lang letter A ang nawawala. Nawawala rin ang letter Z at Q, saka ang number 1.

 

Naisingit ko ang paggawa ng mga reports, kaya ng Nutritional Status, saka ng class records ng ibang section.

Past 9, nasa kuwarto na ako. Sana makatulog ako nang maaga.

 

 

 

Hunyo 15, 2026

Hindi ako na-late kanina. Kuhang-kuha ko na ang diskarte. Dapat na magising ako ng 3 am. Makapaghanda, makapag-almusal, at makaalis bago o bandang  4 am. Medyo nangangamba lang akong matagalan sa paghihintay sa terminal ng makakasabay sa isang biyahe, pero kaya pa naman kahit 4:15  ako makasakay.

 

In fact, kanina, nakaakyat pa ako sa classroom para sana mag-print. Kaya lang, sobrang liit ng prints.

 

Nakababa pa ako bago mag-flag ceremony.

 

Ngayong araw, nagsimula na akong magturo. Sa Love, medyo high blood ako kasi mga lutang sila. Mas mahuhusay ang mga nakaraang Love. Pero nagtimpi ako para maituro ko sa kanila. Gayunpaman, napagalitan ko sila. Sana maging active sila sa pagsagot bukas.

 

Sa Hope, natuwa ako. Mahuhusay sila. Hindi ako masyadong nagalit. Gayundin sa Charity.

 

Sa Faith naman, kakaunti na lang ang oras dahil nakain na ng recess. At may special kid doon. Mayroon ding papansin sa likuran, dalawang lalaki. Pero tinakot ko na sila. Sana bukas, magbago na sila.

 

Sa Charity, nagpakita ako ng firmness at strictness. Hjnanapan ko sila ng halimaw sa participation at recitation, since sila ang cream section. Sabi ko pa, baka matalo pa kayo ng ibang section. Sa palagay ko, intimidated ang iba. Hindi sila makabuwelo.

 

Sa kabuuan, na-enjoy ko ang lesson plan at PPT, na inihanda ko.

 

Nayaya ako ni Ms Krizzy sa classroom.niya para kumain. Sayang nakabili na ako ng kanin at tinola. Inuwi ko na lang tuloy.

 

Past 2 na ako nakauwi kasi sinubukan kong mag-print uli. Bigo na naman ako. Nagpatulong pa nga ako kay Ms. Krizzy.

 

Almost 4 na ako nakauwi sa bahay. Antok na antok ako kaya pinagbigyan ko. Bandang 5, saka lang ako nakapagmeryenda.

 

Wala ako halos nagawa ngayong gabi, at di ako nakapag-ehersisyo dahil nag-edit ako ng LP ko, saka nag-post ng video lessons sa YT.  Kailangang lumaki ang kita ko, and at the same time ay maibahagi ko ang PPT kong ginawa.

 

Bago mag-9 pm, nasa kuwarto na ako.  Sana at 10 ay tulog na ako.

 

 

 

 

 

Hunyo 16, 2026

Same time pa rin ang alis ko, maliban sa 4:20  na ako nakasakay sa bus dahil natagalan ako sa tricycle terminal, pero late pa rin ako. Nakaakyat na ang mga estudyante nang dumating kami ni Ma'am Wylenne sa school.

 

Oo, nakasakay ko siya sa bus. Pareho kaming late dahil ang tagal pumarada at naghintay ng pasahero ang nasakyan naming bus. Halos tumakbo na nga kami sa pagsakay at pagbaba. Natawa na lang kami.

 

Hindi pa naman kami late kasi 6:15 pa ang official time. Kaya lang, late na kami sa pagsundo sa mga bata.

 

Uminit uli ang ulo ko sa Love. Sinermunan ko sila nang sinermunan, pero nagturo ako. Monologue nga lang. Sana natuto sila. Ipinakita ko lang sa kanila na napakahalaga ng participation nila kasi kung hindi sila magsasalita o sasagot sa mga tanong ko, bakit pa ako magtuturo?

 

Lahat halos ng section, nasermunan ko. Lahat ng section ay may mga estudyanteng pasaway. Pero kung ikukumpara sila sa mga estudyante last school year, mas okey sila.

 

Nawalan ako ng pera sa isinuli kong benta. Sigurado akong tama ang ni-remit ko, pero ibinalik sa akin kasi kulang daw ng P100. Nakakapagtaka kasi 5 estudyanteng tig-P100 ang pera, ang bumili sa akin.

 

After class, sinubukan ko ang printer. Okey naman siya. Na-print ko na ang LP ko, kaya lang wala palang pirmahan ang MT at principal. Haist! Bukas ko pa mapi-print ang last page.

 

Bago ako bumiiyahe pa-PITX, pinadalhan ko muna si Hanna ng P2k sa GCash. Magpapatahi siya ng uniform ng practice teacher. Sobra-sobra na iyon sa isanf pares.

 

Past 3 or almost 3:30, nasa bahay na ako. Hindi ako inantok kaya nagselpon lang ako hanggang 5.

 

Pagkatapos magmeryenda, humarap na ako sa desktop. Nag-edit ako ng LP,  gumawa ng PPT, nagaimulang mag-encode sa IPCRF template, at nagbalita sa 21st Century Teachers PH Inc tungkol sa pagiging finalist ko sa Sulong Peace photostorytelling contest. Sinabi kong nakatanggap ako ngayon ng Certificate of Participation at P500 GCash.

 

Kung nawalan ako ng P100, may bumalik naman. Five-folds.

 

Bago mag-10, nasa kuwarto na ako. Sisikapin kong nakatulog nang maaga.

 

 

 

 

 

Hunyo 17, 2026

Past 5, nasa school na ako. Ang bilis ng bus na nasakyan ko. Okey lang kung hindi ako nakaupo. Ang mahalaga, nakapag-print pa ako ng lesson plans bago nagsimula ang klase. Kinuha pa naman ang mga LP namin--- maaga pa lamang.

 

Very energetic akong magturo ngayon sa bawat section, kaya lang may mga pasaway talagang mga bata, kaya napuputol ako para magsermon. Sayang ang bawat minuto. Ang Faith ngayon ang pinakamahirap disiplinahin. Kaya naman, pinagsalitaan ko sila nang matatalas na salita.

 

Natuto naman ngayon ang Love at Peace. Nag-participate na ang Love , palibhasa ay may stars akong ibinibigay sa mga nakasasagot .

 

Naging halimaw naman ang karamihan sa Peace dahil kahapon ay sinabihan ko silang ilabas nila ang halimaw sa kanilang katawan kapag nagtatalakayan. Hayun, sinunod nila. Andami tuloy nakatanggap ng stars.

 

Mas mahaba na ngayon ang oras namin sa recess dahil idinikit namin ang GMRC sa recess. Hindi na kami ginahol sa pagbebenta at pagbibilang. Tumaas din ang sales ko.

 

Mga past 1:30 may faculty meeting kami tungkol sa omnibus ng HPTA, GrPTA, at SPTA election. Sobrang antok na antok ako. Nakaidlip nga yata ako nang ilang minuto.

 

Three pm na natapos ang meeting, kaya almost 5 na ako nakauwi.

 

Ang bilis ng oras! Pagkatapos kong magmeryenda , saka agwalis at magdilig ng mga halaman, humarap naman ako sa desktop para gawin ang mga reports, IPCRF, sa PPtlT para sa Week 2.

 

Nanood lang ako ng 'Master Cutter,' saka ako umakyat para magpahinga.

 

 

 

Hunyo 18, 2026

Sakto lang ang dating ko sa school-- mga 5:35. Hindi na ako umakyat. Naghintay na ako sa mga bata sa covered court, saka nagsabay-sabay na kaming umakyat.

 

Panay na naman ang sermon ko sa Love, gayundin aa ibang section sa pagitan ng pagtatalakay at pagtuturo ko. Ang hihina na nga nila, ayaw pang makinig at magpokus. Nakakagalit talaga. Hindi ko kayang palampasin.

 

Ang Hope lang ang maayos turuan.

 

Ang Faith, ganoon pa rin. Hingal na hingal palagi ako. Pero natuwa ako sa kanila kasi marami ang nag-advanced study, gamit ang YT videos ko.

 

Ang Peace, kakaunti lang ang nanood o nag-advanced study, kaya nakatikim na naman sila sa akin ang matatalas na salita. Isa sa mga sinabi ko ay "Mataas ang expectations namin sa inyo."

 

Hindi naman ako nakapasok at nakapagturo sa Charity dahil sa earthquake drill. Ayaw ko pa naman ng may backlog. Nakakainis! Sabi ng DepEd, puro teaching-learning activities lang ang gagawin sa instructional block lang ang gagawin, nasingitan pa rin ng interruption. Haist!

 

After class, may birthday blowout si Sir Jess. Buong school ang pinakain niya.

 

Past 1:30, nagkaroon kami ng journalism training. Past 2 na ako nakaalis sa school.

 

 

 

Hunyo 19, 2026

Kung kailan Friday na, saka naman ako nakaramdam ng bigat ng katawan nang magising ako. Siguro, dahil iyon sa masarap at mahimbing kong tulog. Gayunpaman, sinikap kong bumangon para pumasok. Naghanda ako ng almusal, bago naligo.

 

Sakto lang ang dating ko sa school. Wala pang 8:40 , naroon na ako. Hindi na ako umakyat. Naghintay na lang ako sa mga estudyante ko.

 

High blood na naman ako sa Love dahil hindi sila handa para sa pagtatanghal ng nabuo nilang tulang pambata. In fact, wala talagang naghanda, kaya pinapunta ko sila sa kani-kanilang grupo upang maghanda. Hayun! Wala rin silang natapos.

 

Mabuti pa sa Hope, kahit hindi tulang nagsasalaysay ang sinulat nila, nai-perform naman nila iyon.

 

Sa Charity naman, nagpasulat na lang ako ng tulang pambata kasi backlog ko skla kahapon, gawa ng earthquake drill.

 

Sa Peace naman, tama ang kanilang naisulat na tulang pambata-- nagsasalaysay. Pero hindi sila nagpraktis nang grupo o sama-sama dahil ang akala nila ang Performance Tasks ay individual.

 

Binigyan ko sila ng limang minuto para mag-rehearse. Nag-overtime pa nga ako sa klase nila, sa halip na shortened dahil sa naka-schedule na SOSA ng pangulo at HPTA meeting naming mga advisers.

 

Kakaunti lang ang dumalo sa HRPTA meeting. Hindi na ako nagtataka. Palagi namang ganyan. Kung sino pa ang mahihina, siya pang hindi inaasikaso ng mga magulang.

 

 

Hindi pa rin ako nakauwi nang maaga kasi isinagawa pa namin ang GrPTA or Grade Level PTA election. Mabilis lang naman kaya mga past 5, nasa bahay na ako.

 

Ini-spoil ko nga pala ang sarili ko ng iced coffee at budget meal sa Lola Nena's. Sa bus ko ininom at kinain.

 

Gabi pagkatapos kong magpahinga, gumawa na ako ng PPT. Nang magutom ako, lumabas ako para kumain sa lugawan ng lugaw at siomai. Solb na ako niyon.

 

Tinapos ko lang ang PPT, saka ako umakyat para matulog. Sobrang antok ko na kaya pakiramdam ko, nakatulog agad ako.

 

 

 

 

Hunyo 20, 2026

Mukhang nakatulog naman ako nang sapat kahit maraming beses akong gumising dahil sa mga panaginip. Ang huli ko nang panaginip ay nasa enchanted na ilog, kasama ng pamilyar na mga babae sa buhay ko.

 

Past 6:30, gising na ako. Hindi na ako nakatulog, kaya nagselpon na lang ako. At bandang alas-7, bumaba na ako para mag-almusal.

 

Pagkatapos kong maibabad ang mga uniform ko, naglinis muna ako sa sala at kusina. Ilang araw ding hindi ako nakapagwalis at nakapagpunas ng sahig.

 

Past 8, nasa harap na ako ng laptop upang gumawa ng PPT at LP.

 

Naisingit ko ang pamamalengke at pagluto. Adobong paa ng manok at laing ang ulam ko sa tanghali. Binili ko lang ang lutong ulam na laing, pero busog na busog ako. Nakaramdam nga agad ako ng antok pagkatapos kumain, kaya pinagbigyan ko.

 

Mga alas-dos, bago ako naligo, binanlawan ko muna ang mga uniporme ko.

 

Hanggang 5 pm akong nasa higaan. Ang sarap lang talagang humilata. Okey lang kahit hindi nakaidlip. Ang mahalaga ay nakapagpahinga.

 

Ipinagpatuloy ko ang oaggawa ng PPT at pagsusulat ng LP hangganf 11:30. Naisulat ko na ang ika-4 na LP. Bukas ko na gagawin ang PPT nito. Antok na akong talaga.

 

 

 

Hunyo 21, 2026

Maaga na naman akong nagising--mga past 6 pa lang iyon. Nagselpon na lang ako, saka bumangon para mag-almusal. Okey lang naman kasi marami akong gagawin.

 

Pagkatapos kong mag-almusal, nagsulat ako ng tula para sa Father's Day. Bago ko natapos, naluha ako. Gaya ng mensahe ng tula, late ko nang na-realize kung gaano kahalaga ang presensiya ng ama sa pamilya, kahit sa anak.

 

Maghapon akong humarap sa desktop upang tapusin ang LP at PPT. Naisingit ko lang ang paglalaba, pamamalengke, pagluluto, at pag-idlip.

 

Mga 8, all set na. Ready na ako para bulas hanggang Friday. Sana maasikaso ko naman ang mga entries ko sa mga wriring contests, lalo na sa Palanca.

 

Bandang 9:30, pagkatapos kong mag-check ng written works at mag-record, habang nanonood ng KMJS, umakyat na ako para magpahinga.

 

 

 

Hunyo 22, 2026

Maaga akong nakarating sa school. Nakapag-almusal pa nga ako. Thank God dahil nakasakay ako agad sa traysikel. At hindi masyadong namik-ap ng mga pasahero ang bus na nasakyan ko.

 

Bago ako bumaba para mag-flag ceremony, nakapag-print ako ng lesson plan at minutes of the meeting.

 

Bad trip na naman ako sa Love dahil ayaw nilang sumagot sa mga motivation questions ko. Palagi talaga akong high blood sa kahinaan at katamaran nila. Nag-iiba palagi ang mood ko kapag ganoon sila. Sa ibang section, maayos ko namang maituro ang aralin ko. Nakapagbigay pa nga ako ng stars sa apat na section.

 

Sa kagustuhan kong maituro ang aralin namin sa Filipino, ginamit ko ang nalalabing oras para sa GMRC, pagkatapos ng recess. Kahit paano ay natutuhan nila ang tungkol sa dulang pambata.

 

Bukas, sana ay maging mahaba ang pisi ko sa kanila. At sana makipagtalakayan sila sa akin.

 

Pasaway talaga ang Love. Kahit sa pagpila pababa, ang gugulo at ang iingay nila. Pinabalik ko nga sila hanggang 3rd floor. Pabkababa nila sa may gate, pinagsabihan ko pa sila kahit nakikita at naririnig ako ng mga parents na naghihintay sa mga Kinder. Nagiging kontrabida ako sa paningin ng iba, pero sigurado akong may natutuwa rin. Gusto ko lang namang disiplinahin ang advisory class ko.

 

Pinalis ko naman nang maayos ang Monday cleaners. Tinuruan ko sila kung paano. Hayun, past 1:30 na sila nakauwi. Ako rin, mga 2 na ako nakaalis sa school kasi nag-print pa ako ng worksheets para bukas.

 

Three: thirty, nasa bahay na ako. Agad akong gumawa ng fruit shake na may crackers, saka sumubok na umidlip. Kahit paano ay nakatulog ako bago ako humarap sa desktop para gumawa ng LP para next week.

 

Naisingit ko naman ang gardening, pag-upload sa YT, pagbili ng cat food, pagluto ng pansit bato na bigay ni Sir Erwin, at iba pa.

 

Pagkatapos kong manood ng 'Master Cutter, at mag-check at mag-record ng written works ng Charity at Peace, naligo na ako para makaakyat na.

 

 

 

Hunyo 23, 2026

Sakto lang ang dating ko sa school. Hindi na ako umakyat, bagkus hinintay ko ang mga estudyante ko para papilahin sila.

 

Nakapagturo ako nang maayos ngayon. May ilang nagpapasaway pero hindi sila umubra sa akin. Kahit sa ibang section, naging masungit at istrikto ako, na kahit kaunting kibot nila ay pinapansin ko. Kapag may tulog o hindi maayos ang pagkakaupo ay pinagsasabihan ko. Nakatulong naman iyon upang maisakatuparan ko ang aking trabaho at layunin, lalo't mahirap na ang aming aralin. At ang pinakamahalaga, napa-group work ko sila nang maayos at tahimik.

 

Mga 1:30, nakisabay akp kay Ma'am Wylenne sa paglalakad. Papunta raw siya sa ABES. E, kailangan kong kumain bago bumiyahe, kaya nagkayayaan kaming maglugaw roon.

 

Past 3, nasa bahay na ako. Sinikap kong makatulog bago ako nagmeryenda at humarap sa desktop.

 

Nabuwisit lang ako sa template ng IPCRF. Ilang beses akong nag-downloasld at nag-fill out, pero pagdating sa unang Finalize, ayaw gumana. May mga blanks na ayaw mag-function.

 

After nth times, nakuha ko rin. Hindi ko man natapos, pero bukas siguradong matatapos ko na at sa Huwebes ay maipi-print ko na. Kailangan ko lang makuha ang dati kong IPCRF. Nasa school iyon.

 

Umusad din kahit paano ang lesson plan ko para sa Week 3. At nakapaghanap ako ng entry ko sa Palanca. Kailangan ko pang i-edit iyon, batay sa suggestion ni ChatGPT. May punto naman siya.

 

Bago mag-9, nasa kuwarto na ako. Ready to sleep.

 

 

 

Hunyo 24, 2026

Nagmadali akong makarating sa school para makapag-print ako ng lesson plan sa GMRC. Nagawa ko naman, pero hindi ko pala na-save sa hard drive ko. Mabuti na lang, nai-send ko sa Messenger. Uminit na sana ang ulo ko.

 

Sakto rin ang pagbaba ko para sunduin ang klase ko. God is good all the time, kahit may aberya.

 

Isa pang aberya ang naganap ngayong araw. Kinokolekta na ang IPCRF. Mali ang nasimulan ko. Balak ko sanang pag-uwi ko pa gagawin, pero dahil kami na lang ni Sir Archie ang hindi nakagawa, nagpatulong na ako kay Ma'am Madz. Pinagamit noya sa akin ang laptop niya. Before recess, printed na iyon at naipasa ko na after recess.

 

Ngayong araw, nanermon na naman ako sa Faith, nang malala. Hindi kasi sila nakapokus. May mga section din na talagang may ilang nagpapasaway, kaya nakakatikim din sila ng matalas kong dila.

 

Ang Love, nagpasaway pa habang pumipila. Pauwi na nga lang, ayaw pang umayos at tumahimik. Halos araw-araw silang walang disiplina sa pagpila. Kung hindi sa baba, sa labas pa ng classroom namin sila nagpapasaway. Hindi naman sila umubra sa kasungitan ko.

 

Pagkatapos kong magpalinis sa mga cleaners, kumain ako sa karinderya. Nilibre ako ng isang parent. Nahiya tuloy ako. Tapos, nakilala ako ng dati kong estudyante na nagpakilalang si Buscato. May anak na siyang Kinder.

 

Nakarating ako sa bahay bandang alas-3, bago bumuhos ang ulan. Nakatulog naman ako hanggang 5. Ang sarap sa pakiramdam.

 

Habang nagmemeryenda ng ube at yema puto, kapartner ng kape, nasa harap na ako ng desktop.

 

Almost done ko na ang lesson plan para sa 3rd week. May nagawa o nasimulan pa akong iba bago ako umakyat para magpahinga, gaya ng school ID form. Nakapag-ehersisyo rin ako kahit paano.

 

 

 

 

Hunyo 25, 2026

Nagkaroon na ng bag inspection sa school bilang pagpapatupad ng mahigpit na security upang maiwasan ang mga pangyayaring katulad ng sa Tacloban at sa Cavite. Nakakatakot na ang mga kabataan ngayon.

 

Kaya naman, mas lalo akong vigilant at palasermon sa mga estudyanteng nagpapakita ng hindi kanais-nais na gawi at ugali. Pinagasabihan ko kaagad. Bukod pa roon, ipinapasok ko sa isip at puso nila ang kahalagahan ng edukasyon.

 

Maayos ang turo ko ngayong araw sa halos lahat ng section, maliban sa pagsesermon ko sa Peace kasi hindi nila alam ang 'buod,' pati ang English nito.

 

Bago ako umuwi, pinuntahan ko muna si Ma'am sa classroom niya para dalhin sa kaniya ang listahan ng nakuha kong young journalists mjla sa Peace. Kulang pa kami ng tatlo para sa colloborative publishing. Samantala, okey na ang dalawang column writers ko.

 

Past 3, nasa bahay na ako. Hindi pa ako agad nakatulog, kaya 5 pm na ako nagising.

 

Habang nagmemeryenda, nasa harap na ako ng computer. Katulad kahapon, may mga nagawa akong school reports. Nasimulan ko na rin ang paggawa ng PPT para sa week 3.

 

Past 9 pm, nasa kuwarto na ako para ipahinga ang katawan at isipan. Thank God, Friday na bukas.

 

 

 

 

Hunyo 26, 2026

Mas maaga akong nakarating kanina sa school, kaya nakapag-print pa ako ng ilang kailangan report at dokumento.

 

Sinikap kong magturo nang masaya, maayos, at masigla, pero palagi na lang nauuwi sa pagalit at sermon. Ang Hope lang talaga ang hindi mahirap turuan at pasunurin. Kahit sa pagpasa ng portfolio, sila ang pinakamarami bilang ng nagpasa.

 

Afer class, nag-check ako ng mga diary at portfolio. Kakaunti lang ang nagpasa, pero inabutan ako ng 3 pm sa classroom bago ako natapos. Mabuti na lang, kakaunti ang nagpasa, kundi baka hindi lang 5 pm ako nakauwi sa bahay.

 

Pagkatapos kong magmeryenda, humarap na ako sa desktop. Gumawa at nagpasa ako ng PHILIRI report. Nadiskubre ko rin na na-corrupt ang ginawa kong school ID form. Nagpajibagong encode pa tuloy ako. Bago ako nakapagsimulang gumawa ng PPT sa Filipino, nailaan ko la ang oras ko sa pag-encode ng mga details sa ID.  Sayang!

 

 

 

 

Hunyo 27, 2026

Maaga pa rin akong nagising kasi nagpuyat ako kagabi. Gustuhin ko mang matulog hanggang 8, hindi na ako pinagbigyan ng mga mata ko. Kaya nag-ehersisyo muna ako saglit, saka nagselpon bago ako bumaba para magbabad ng mga labahan.

 

Nang maibabad ko, saka ako nag-almusal. Kape at tatlong maliliit na siopai lang ang inalmusalan ko. Mabuti, nakabili ako niyon kagabi. May itlog pa naman, pero nilaga ko lang, at hindi kinain.

 

Humarap na ako sa desktop para gawin ang mga schoolwork, gaya ng school ID information, LP,  at PPT. Nakapag-upload na rin ako ng isang video sa YT. Siyempre, nakapaglinis ako sa sala.

 

Past 10:30, lumabas ako para bumili ng ulam at iba pang pagkain. Pagkasaing ko, kumain agad ako. Siguro, mga 11:30 pa lang iyon, kaya maaga rin akong inantok.

 

Mga 2 pm, nang bumangon ako para magbanlaw ng mga binabad, saka maligo na rin.

 

Nang natuyo ang buhok ko, nahiga ulit ako para matulog at magpahinga. Kahit paano naman ay nakatulog naman ako.  Mga 5 na yata ako nagmeryenda.

 

Quarter to sis, naglakad ako patungong Puregold Tanza para maghanap sa Mr. DIY doon ng HDMi adapter na gagamitin ko sa aking tablet.

 

Naku, wala naman palang tinda roon. Nalungkot lang ako. Pero okey lang naman kung napagod ako sa paglakad. Exercise ko naman iyon.

 

Past 7:30  na yata ako dumating sa bahay. Ipinagpatuloy ko ang ginagawa ko sa desktop. Sinimulan ko na ang paggawa ng summative test.

 

Eleven, umakyat na ako para magpahinga.

 

 

 

Hunyo 28, 2026

Sa wakas, nagawa ko ring gumising nang late. Pasado alas-8 na ako nakamulat. Sulit!

 

Mga 9, nasa harap na ako ng desktop. Ipinagpatuloy ko ang paggawa ng summative test. Nang matapos, ginawa ko naman ang entry form para sa Palanca. In-edit ko na rin ang isasali kong kuwentong pambata-- Ang Koleksiyon ni Rocky.

 

Hapon, pagkatapos kong magsiesta at magmeryenda, gumawa naman ako ng PPT para sa SIKAP sa July 1. Nang matapos, nag-gardening naman ako.

 

Gabi, nagpalit ako ng entry. Sumobra sa required number of pages ang una kong napili. Kaya naman, ang "Hari ng Sinungaling" ang napili ko.

 

Mga 8:30, nasa kuwarto na ako. Nagpaantok ako sa panonood ng series sa YT. Sana antukin agad.

 

 

 

Hunyo 29, 2026

Naasar na naman ako sa Love kasi napakairesponsable nila. Wala silang output sa activity noong Friday. Hindi talaga niya kayang makasunod sa mga lesssons. Sabagay, 80% nila ay may problema sa pagbabasa.

 

Hindi ko itinuro ang inihanda ko. Sa halip, pinasulat ko na lang sila ng mga pangalan nila. Aguy! Kahit sa pagsulat, may problema sila.

 

Habang busy sila, at habang nanenermon, nag-chat ako sa GC. Hind man ako nakapag-rant, at least, naisumbong ko ang kahinaan at pangangailangan ng kanilang mga anak. Sinabi kong makipagtulungan sila sa akin. Tameme sila.

 

Sa ibang section, maayos naman akong nakapagturo. Nakakasunod naman ang karamihan sa kanila. May mga mangilan-ngilan lang ding hindi makasunod dahil may reading deficiency rin. May iba namang antukin. Haist! Ang sarap sanang magturo kung pursigido ang mga estudyante.

 

Past 1:30, nagsimula na ang orientation sa mga magulang at tagapag-alaga ng mga batang kasali sa SIKAP.  Kakaunti lang ang dumalong parents ng Love. Haist! Wala talagang pagbabago-- noon at ngayon. Pero kapag kuhaan ng allowance, ang bibilis nila.

 

Past 2:30, tapos na ang orientation. Umakyat pa ako para kunin ang mga gamit ko, saka magsara ng mga bintana at mga bentilador. Pagbaba ko, tinawag ako ni Ma'am Joann. Pinag-usapan namin ang submission sa Palanca. Nagkasundo kaming bukas na kami magpanotaryo. Gaya ng dati, last two minutes na kami magpapasa ng entry.

 

Past 5 na ako nakauwi sa bahay. Agad akong humarap sa desktop para gawan siya ng entry form. Pagkatapos, nagsulat na ako ng LP para sa week 4. Ipinagpatuloy ko lang ang nasimulan ko.

 

Bago mag-9, umakyat na ako para magpahinga. Nakakapagod ngayong araw. Ang daming ganap.

 

 

 

 

Hunyo 30, 2026

Maaga akong nakarating sa school, kaya nang nagpasamang mag-almusal si Ma’am Mel ay nasamahan ko pa. Ang bilis ng oras! Nasa pilahan na ang mga estudyante nang matapos siyang kumain.

Bago kami umakyat, nagalit ako sa dalawa kong estudyanteng nagsinungaling sa akin nang paulit-ulit. Pinaasa nila ako. Pabukas sila nang pabukas na ibibigay na sa akin ang school ID form na ipinamahagi ko noon pang opening block. Nataasan ko sila ng boses kahit marami ang nakakarinig.

Sa inis ko, hindi ko muna sila pinaakyat. Kako, gawan nila ng paraan para makuha ang details sa parent or guardian nila. Apektado tuloy ang pagtuturo ko, kaya nang malaman kong walang assignment ang karamihan, hindi ko sila tinuruan. Hindi nila kaya ang pang-Grade 6. Pang-Kinder ang binigay kong activity.

Nangamba akong baka umuwi ang dalawang estudyanteng napagalitan ko, kaya hinanap ko sila. Mabuti na lang, nandoon na sila sa may hagdanan. Kinausap ko sila sa classroom. Sinabihan ko ang isa na kontakin ngayon din ang nanay niya dahil hindi mai-add sa GC. Sinubukan ko pang i-message ang account, pero hindi rin ma-send-an ng mensahe.

Ang isa naman, dala niya ang school ID noong Grade 5, kaya abswelto na siya. Iyon na lang din ang ilalagay ko, since tita niya lang naman iyon, at parents iyon ng mga dati kong estudyante. Dalawang magkapatid iyon, na ako ang adviser.

Sa Hope, maayos akong nakapagturo, gayundin sa Charity. Pero sa Faith, pang-Kinder ang pinagawa ko sa kanila dahil isa lang ang nakagawa ng assignment na pang-Grade 6. Nakiusap silang pang-Grade 6 na ang activity nila at magturo na ako ng pang-Grade 6, pero hindi ko sila pinagbigyan. Sana pahalagahan nila ang effort ko, ang oras, ang presensiya nila sa school, ang effort ng kanilang mga magulang, at ang edukasyon. Naging maayos din ang klase ko sa Peace. Medyo lumalabas na ang halimaw sa kanilang katawan. Umiingay na ang discussion.

Pagkatapos ng klase, inihatid ko ang Love sa gate, saka lumabas na rin ako para mananghalian. Pagbalik ko sa classroom, nag-print ako ng entry form namin ni Ma’am Joann para Palanca. Hindi pa ako tapos mag-print ng lesson plan, dumating naman ang nanay ng isa sa mga estudyanteng napagalitan ko kanina. Ismarte at edukada siya.

Naging maayos naman ang aming pag-uusap. Naiparating ko ang mga nais kong sabihin. Nalaman ko rin ang ilang mga detalye sa kaniyang anak at sa kanilang pamilya. Very supportive siya sa kaniyang mga anak.

Pagkatapos niyon, dumalo ako sa journalism meeting with the parents and young journalist. Inabutan kami roon ng past 2:30.

Hinintay ko naman si Ma’am Joann na matapos sa pagsusulat ng kaniyang manuscript. Ipapa-edit niya kasi sa akin iyon bago niya ipasumite. Past 4 na kami nakaalis sa school para magpanotaryo.

 

Dapat didiretso na ako pauwi, kaya lang ay naiwan sa classroom niya ang cellphone ko. Kinailangan kong sumama pabalik sa school pagkatapos magpanotaryo. Balak ko sanang sa Bucal na lang maghanap ng nag-i-scan, pero dahil baka gabihin ako, pinakiusapan na lang niya si Sir Arjay na i-camscan niya ang notarized entry form namin, since may app ang cellphone niya.

Nakaalis ako sa school bandang 5:05. Sobrang traffic na, kaya past 7:30, saka lang ako nakauwi.

Dahil bumili ako ng pagkain at inumin sa Lola Nena’s, at kinain at ininom ko na iyon sa bus, humarap na ako sa desktop upang i-send ang entry ko. Nahirapan akong i-send iyon, kaya sinubukan ko sa tablet ko. Hayun, nagawa ko.

Marami namang hindi ako nagawa ngayong gabi, gaya ng maayos na panonood ng TV, pag-eehersisyo, paggawa ng lesson plan, at maghugas ng mga pinagkainan ko kaninang umaga. Pero nagawa kong mag-encode doon sa school ID template, mag-upload ng video sa YT, mag-screenshot ng mga files, at maglaba ng school uniform para sa Huwebes.

Past 9, nasa kuwarto na ako para matulog. Hindi ako nakainom ng First vita Plus. Goodluck to me.