Wikang Mapagbago

Noon, ang dila ng mga Pilipino,
naging Kastila, Hapon, at Amerikano.
Banyagang wika, nagdulot ng banyagang diwa,
na ang mga ninuno, sa ati'y ipinamana.

Wikang Filipino noong buuin at ipanukala
ni Quezon, na Ama ng Wikang Pambansa,
nanig ang pagka-makabansa at pagka-Pilipino
at nagbunga ang pagkakaisa't pagbabago.

Sariling wika, noong atin nang sinalita,
pagkabanyaga'y iwinaksi sa puso't diwa,
nilinang ang bayan--bayang nais kumawala,
hanggang makamit ang makinang na pag-asa.

Wikang Pambansa ay tunay na mapagbago.
Bawat isa ngayon, umaangat... lumalago,
habang ipinagmamalaki ang kulturang Pilipino.