Ang Aking Journal -- Oktubre 2024

Oktubre 1, 2024

Naging masarap ang tulog ko kagabi, pero bitin pa rin ang tulog ko. Five hours lang. Kaya naman parang ginusto kong um-absent. Gayunpaman, nanalo ang kagustuhan kong pumasok.

 

Naging masaya ko at ang mga estudyante ko nang magkaroon ng game-based learning activities tungkol sa Kayarian ng Pang-uri, maliban sa Hope kasi hindi magamit ang TV nila. Sira ang HDMI nila. Kaya iba ang activity nila.

 

Wala akong naging problema at stress sa mga klase ko ngayong araw. Mababait ang mga bata. Umuwi akong hindi pagod at masaya.

 

Past 2:30, nasa bahay na ako. Natulog ako hanggang quarter to five. Nakapagdulot iyon sa akin ng lakas at ginhawa. Pakiramdam ko, nakabawi ako ng ilang araw na puyat.

 

Paggising ko, nag-post ako ng tula ng Love tungkol sa Resposibilidad. Akrostik iyon, na ipinagawa ko kanina sa ESP 6. Natutuwa ako sa batang iyon dahil hindi ko akalaing makasusulat siya ng ganoon. May tugma pa iyon. Hindi siya madalas magpasa ng gawa, pero kanina worth it naman ang output niya. Magbabago na ang pagtingin ko sa kaniya.

 

After nito, ni-double check ko ang PPT ko para bukas. Saka ako nag-workout. Patapos na sana ako sa leg routine nang mag-chat si Ma’am Joann. Sinabi niya ang tungkol sa entry form ng GTA24. Nagpasa ako kahapon, pero maling forms ang naipasa ko. Manuscripts. Mabuti na lang, nag-chat siya kundi hindi masasayang lang ang pinaghirapan ko, gayundin sina Ma’am Mel, Ma’am Wy, Ma’am Madz, at Sir Ren. Kaya naman, agad kong ginawa iyon. Sinabihan ko na rin sila. Bukas, sana makapag-print na kami at makapapapirma sa principal para mai-submit na namin sa GTA. October 11 na ang deadline niyon.

 

 

 

Oktubre 2, 2024

Masigla akong pumasok. Handang-handa akong humarap sa klase ko. kaya naman, na-enjoy ng VI-Love ang lesson namin. Kaya lang, pagdating sa Hope, nainis ako. Lutang sila. Isa sa mga itinuturo kong dahilan ang kawalan ng maayos na HDMI. Hindi gumagana iyon sa laptop ko, kaya bored na bored sila. Panay pa ang daldal ng iba. Hirap na hirap silang unawain ang lesson. Sinermunan ko lang sila. At hinikayat ko na mag-ambagan sira para makabili ng bago at functional na HDMI.

 

Gayundin ang nangyari sa Charity. Naulinigan ko na nag-enjoy sila sa game-based lesson kahapon, pero ayaw nila kapag discussion na. Ni-real talk ko rin sila. Nag-share din ako ng student life ko dati.

 

Sumatotal, hindi ako masyadong pagod ngayong araw kahit nagsermon ako sa dalawang section. Kalma pa rin ako. Nakukuha ko na ang tamang timpla ng Grade 6.

 

Nakauwi ako bago mag-2:30. At kahit maalinsangan, natulog ako hanggang 4:30. Ipinagpatuloy ko ang pagbabasa ng mga sinulat nilang kuwento sa ESP. Wala akong napili, kaya naghanda naman ako ng PPT para bukas. Nag-edit lang ako ng mga dati kong materials.

 

Then, nag-workout ako hanggang 7:30 pm.

 

 

 

Oktubre 3, 2024

Nasira ang palitan ng klase ngayong araw kasi nagkaroon ng Escoda Day ang mga girl scouts. May maikling programa sila sa baba. Gayunpaman, napasukan ko ang apat na sections, kasama doon ang pinaghati-hating Faith. Hindi ako masyadong masaya sa ibang sections kasi may nagpabebe. Ayaw sumali. Pipili lang ng sagot, hindi pa magawa. Ni-real talk ko nga!

 

After ng klase, nag-lunch at umuwi agad ako, kaya past 2:30, nasa bahay na ako. Nagmeryenda muna ako bago ako umidlip. Past 4 na yata ako bumangon para magbasa ng mga sinulat ng mga Love para sa mga pinakapaborito nilang guro mula Kinder hanggang Grade 5.

 

Bago ako nag-workout, sinimulan kong gawin ang hinihinging profile ng Numero Grade 6. Andaming hinihingi! Nakakainis na. Pati address at contact number, kinukuha. Ano kaya ang kinalaman niyon sa learning ng mga bata?

 

 

 

Oktubre 4, 2024

Maaga akong nakarating sa school, pero katulad ng dati, hindi pa rin ako nakaidlip dahil sa ingay ng VI-Love. Pasok pa sila nang pasok sa classroom. Gayunpaman, masigla akong nagturo sa kanila.

 

Katulad ng sinabi ko sa kanila kahapon, walang magbibigay ng regalo sa akin. Wala ngang nagbigay. May mga nagbigay ng artificial flowers, chocoltaes, at greeting cards mula sa ibang section. Mayroon ding nagbigay ng cards with chocolate at plastic na bulaklak mula sa Love. Nakalusot pa rin. Nagturo ako sa lahat ng section, maliban sa Charity kasi may dumating na katekista.

 

Naging maayos naman ang Love hanggang mag-uwian. Hindi ako masyadong na-stress. Umuwi rin ako agad. Wala pang 2 pm, nasa bahay na ako.

 

Natulog ako hanggang past 4. Ang sarap sa pakiramdam nang nakakatulog sa hapon. Parang nakabawi ako ng lakas. May panaginip pa akong parang totoo.

 

Paggising ko, nagsimula akong gumawa ng PPT na game based. Gustong-gusto kasi ng mga estudyante ang naglalaro habang natututo.

 

Past 6, nag-workout ako.

 

Natuwa naman ako nang mag-declare ng asynchronous ang Project Numero bukas. Agad akong naghanda ng worksheet.

 

Bago ako natulog, nagsimula akong magsulat ng isang chapter ng nobela ko. Alam kong hindi ko iyon matatapos dahil sa puyat at pagod.

 

Past 11 na ako nag-off ng laptop at wifi.

 

 

 

 

Oktubre 5, 2024

Grabe! Pasado alas-sais ako nagising. Akala ko, 8 na. Hindi talaga ako mahimbing matulog. Kung kailan walang pasok, maaga pa ring nagising. Buwisit din ang alarm ko ng 3 am, tumunog din kanina. Hindi ko pala na-off kagabi.

 

Dahil hindi na ako makatulog, nagbasa na lang ako ng mga aklat-pambata na nabili ko sa MIBF noong Setyembre. Halos nabasa ko nang lahat bago ako nag-send ng worksheet sa mga estudyante ng Numero.

 

Past 8 am, bumangon na ako para sana mag-almusal, pero hindi agad ako nakapag-almusal. Naghahanda pa lamang si Emily. Kaya nag-stay muna ako sa garden. Nagwalis-walis, nagdilig, at nagtanim ng ilang halaman.

 

Pagkatapos mag-almusal, sinimulan kong i-draft ang IDLAR ng Numero. Mabuti, may mga nag-send na ng picture at output.

 

Bago ako naligo, na-inspire akong magsulat ng kuwento tungkol sa batang lalaking nagturong magbasa, magbilang, at magsulat sa mga kalaro at kaibigan. Nai-post ko iyon sa aking social media group and pages bago mag-11:30. Grabe ang luhang tumulo sa akin habang winawakasan ko ang kuwento. Sana maka-inspire ako ng maraming readers.

Past 2, nakapagpasa na ako ng MOV at IDLAR sa Numero. Nagmamadali kasi ang focal person naming. Baka may lakad siya. Lilima pa lang ang nagpasa sa akin kaya ginawan ko na lang ng paraan para maging presentable ang mga reports ko.

 

Marami akong accomplishment ngayong araw kahit maghapon akong nasa kuwarto, bukod sa mga nabanggit ko na. Nakapag-post ako ng isang chapter ng nobela. Natapos ko ang game-based learning material. Nakaidlip ako sa hapon. At nakapag-workout.

 

Bago ako natulog, tinapos ko ang kuwentong pambatang nasimulan ko weeks ago. Hango iyon sa conversation ng co-teacher ko at anak niya.

 

 

 

Oktubre 6, 2024

Mahaba-haba ngayon ang tulog ko. Quarter to 8 na ako nagising. Since, aalis si Ion para sa stageplay na kaniyang panonoorin, bumangon si Emily nang maaga para ipaghanda ito ng almusal. Naki-join ako sa pag-aalmusal, pero nagsisi ako kasi nainis lang ako sa asawa ko. Palagi siyang ganoon. Gusto niyang bibigyan ko pa siya ng pera kasi asawa ko siya. Samantalang wala naman siyang ambag sa bahay kahit pambayad sa tubig. Sabi ko nga, mangupahan nga siya sa labas kung may libre pang pagkain at utility bills. Napakasuwerte na niya dahil libre lahat—mula internet, kuryente, tubig, at pagkain. Sabi ko pa, kung bibigyan ko siya ng pera, aanhin niya? Ipamimigay rin? Hindi siya nakasagot. Binilangan ko siya ng gastusin. Hulog sa Pagibi ay P5,700. Sa internet P1,500. Sa tubig, almost P2,000. Sa tubig ay P500 to P600. Pamasahe at pagkain ko pa sa school araw-araw. Monthly allowance ni Hanna ay P5,000. Kulang na ang sahod ko. Mina-magic ko na lang. Gumagawa ako ng paraan para makatipid at makaragdag ng income. Nagba-vlog. Nagtitinda ng items sa school. Nagtitimpi sa pagbili ng kung ano-ano.

 

Akala siguro niya, nagtatae ako ng pera. Sana magsumikap siya para mabili niya ang mga kailangan at gusto niya. Huwag na siyang magpabuhat at magpabigat. Akon a nga ang naglalaba at namamalantsa ng damit ko para suportahan ang First Vita Plus niya, para hindi na ako maging abala sa oras niya. Oras lang niya sa pagluluto at paglilinis ang kailangan ko. Tapos ngayon, parang ako pa ang may kulang. Nakakalungkot talaga. May sinabi pa siyang nakakainis. Parang gusto niyang bawiin ng Diyos ang mga biyaya sa akin. Aguy! Walanghiya naman talaga, o! Akon ang lahat ang gumagastos sa bahay, tapos may kulang pa ako. Nasaan po ang hustisya? Siniraan pa ako sa ka-FVP niya. Sa halip na sabihing suwerte siya sa asawa niya, parang sinasabi niyang malas siya kasi hindi nakakatanggap ng pera. Hindi raw siya plastic kaya siya nagsasabi nang totoo. Balewala pala ang lahat ng pag-provide ko sa pamilya. Nakakawalang-gana. Gusto niya palagi siyang bibilhan ng gusto niya. Sapatos daw, wala na siya. Kailangan daw niyang magpasalamin. Ako pa ba ang gagawa ng paraan? E, kumikita naman siya sa First Vita Plus. Ni hindi nga ako makatikim. Bumibili ako ng products sa kaniya.

 

Haist! Disappointing. Hindi na talaga babalik ang amor ko sa kaniya.

 

Pagkatapos nito, bumalik ako sa kuwarto. Hindi muna ako naglaba, hindi dahil umaambon, kundi dahil sinira niya ang araw ko.

 

Hindi naman nagtagal, nabawasan ang inis ko kaya naglaba na ako. Pero hindi ako kumikibo. Mabilis kong natapos ang paglalaba. Past 11, nasa kuwarto na uli ako—gumagawa ng DLL at PPTs para sa Tuesday.

 

One-thirty, nagsulat ako ng nobela. Six pm na ako nagkapag-post kasi umidlip pa ako bandang 2 pm. Isinunod ko ang workout. Sa mga sandaling ito, wala pa si Ion. Wala pa rin ang butihin kong asawa. Siguro, bibili na naman iyon ng ulam sa karinderya.

 

Nagkamali ako ng akala. Nag-chat siya. Kumain na raw ako kasi may dasal sila sa patay. Hayun, nagluto ako ng ulam ko. Mabuti, may skinless longganisa sa freezer. Late na rin umuwi si Ion.

 

 

 

 

Oktubre 7, 2024

Past 6 na ako umalis sa bahay. Iniiwasan ko ang misa sa school. Kaya lang naipit ako sa traffic. Three hours akong nasa biyahe. Malapit nang mag-start ang program pagdating ko.

 

Akala ko, tapos na ang misa, hindi pa pala. Ten am pa raw darating ang pari. Nainis lang ako.

 

Okey naman ang celebration na inihanda ng office at SPTA. Nabusog ako. May palitson pa.

 

Past 12, pumunta na kami sa Cuneta Astrodome. Natagalan kami sa pila papasok. Ang haba!

 

Okey naman ang division-wide celebration ng WTD. Maraming performances at prizes. Dumating uli ang Calixto Team para mangampanya. Nagbigay sila ng cash para sa raffle. Almost half-million ang nalikom mula sa mga konsehal hanggang sa congressman. Kaya lang, hindi man lang nabunot ang pangalan ko. Gayunpaman, masaya ako para sa mga kaguro ko. Marami silang nabunot sa raffle. Okey na ang freebies kong fruit juice at tomato sauce.

 

Nakauwi ako sa bahay bandang 7:15 pm. Wala na naman si Emily. Pero ayos lang. Nagsaing naman si Ion. May ulam na rin.

 

Nakatulog na ako nang dumating siya. Mga quarter to 11 pm na yata iyon. Nasira ang tulog ko. Haist!

 

 

 

Oktubre 8, 2024

Hindi ako tinatamad na bumangon. Masigla akong pumasok. At masaya akong humarap sa klase ko--- sa mga klase ko. Hindi ako nagsermon, nag-real talk. Ayaw naman kasi nila iyon.

 

Mabilis natapos ang araw. Paghatid ko sa klase ko, tinawag na ako ni Ms. Krizzy. Kumakain na siya. May free lunch kami mula kay Ate Bel. Kaya lang hindi naming siya nakasalo dahil may dinala siyang bata sa Guidance’s Office. Nakasakit daw ng kaklase.

 

Before 1, umalis na ako ng school. Sabay na kami ni Ma’am Vi sa paglakad patungo sa Buendia.

 

Past 2:30 ako nakarating sa bahay. Kahit sobrang init, nag-stay ako sa kuwarto para makapagpahinga. Binasa ko muna ang mga greeting cards mula sa Grade 4-Buko. Hindi nila ako nakalimutan kahit sandal lang kaming nagkasama-sama.

 

Past 3:30, umidlip ako. Kahit paano nakatulog naman ako. Saka lamang ako nagmeryenda. Pagsusulat naman ng nobela ang isinunod ko. At dahil 6 pm na, nag-workout na ako. Nag-chest workout lang ako, at isang leg routine. Sabi nga, kahit mabagal ang development, may development pa rin.

 

 

 

Oktubre 9, 2024

Hindi ko pinansin ang aking maybahay nang magising siya nang paalis na ako. Naiinis pa rin ako sa kaniya, pero nag-iwan pa rin ako ng P500. Sana ramdam niya ang hirap ko sa mga gastusin, bills, at budgeting ng kakarampot na suweldo.

 

Sa klase, natuklasan ko na pinakikialaman ng Grade 5, na ka-share namin sa classroom, ang mga gamit ko sa drawers. Nagkawalaan ang gamit ko—ballpen, star stamps, at pati dalawang pares ng gamit ko nang foot rags. Grabe! Nabasag na nila ang salamin ng table ko, ngayon naman, ninanakawan pa ako ng mga gamit.

 

Kinausap ko pala si Sir Rey bago ko hinatid sa baba ang Love. Sana hindi na maulit ang nangyari. May nagsumbong pa nga sa akin na si Kian daw ang salarin.

 

Masaya na naman akong humarap sa mga klase ko. Application ng Pang-uri ang gawain nila ngayon. Pinasulat ko sila ng akda na parang riddle—“Ano Ako?” Enjoy na enjoy silang nagsulat kasi nagustuhan nila ang mga samples ko.

 

Marami nga akong napiling akda. Kaya pagkatapos kong magmeryenda at mag-record ng mga quizzes, nag-encode na ako ng mga akdang napili ko. Nai-post ko na rin sa Babasahin ang anim na akda bago ako nag-workout.

 

Seven-twenty, tapos na akong mag-workout. Nag-encode naman ako habang nagpapahinga.

 

 

 

Oktubre 10, 2024

Katulad kahapon, kalmado akong humarap sa klase ko. Inspired ako. Hindi ako na-stress. Nagsesermon ako pero agad rin silang magbi-behave. Natuto sila, sigurado ako.

 

Nagkaroon ng maikling mental health seminar ang mga piling estudyante ng Grade 6, kabilang ang Love. Kaya nasa baba rin ako bandang 10:20 hanggang 11 am.

 

After class, umuwi na rin ako kaagad. Wala pang 2:30, nasa bahay na ako. Uminom agad ako ng First Vita Plus Melon para antukin. Nang inantok, umidlip ako hanggang past 4. Kahit paano ay nakatulog ako.

 

Pagkatapos magkape, nag-check at nag-record ako ng quizzes. Then, nag-encode ng napiling akda—gaya kahapon. Naihanda ko rin ang entry form ni Benjo. At na-edit ko ang test result na inihanda ni Ma’am Vi.

 

Bago mag-6:30, nagsimula na akong mag-workout. Pagkatapos nito, naihanda ko na rin ang PPT ko para bukas.

 

 

 

Oktubre 11, 2024

Maaga akong nakarating sa school, pero mas maaga pa ang ilan sa mga estudyante ko. Hindi na ako nakaidlip. Nag-sound trip na lang ako.

 

Naging maayos naman ang palitan ng klase namin kahit kulang kami ng isang guro. Hindi ko naman natapos ang turo ko sa Charity kasi may catechism sila. Gayunpaman, nagkaroon ng ilang minutong tsansa para ilahad ang Aspekto ng Pandiwa at mga halimbawa nito.

 

Sa Love, naging mahaba ang contact hour ko sa kanila bago mag-uwian. Mabuti, hindi agad natapos ang summative test sa TLE, at nagbigayan kami ng school ID.

 

After ng klase, hindi ako agad nakauwi. Nag-lunch muna ako. Kumuha ang card sa Guidance Office. At naghintay kay Ma’am Joann na mai-print ng entry forms at mapapirmahan ng principal namin. Nag-LAC pa sila kaya natagalan ako. 

 

Madilim nan ang makauwi ako. Agad akong humarap sa laptop upang mag-send ng entry forms. Nang magawa ko, saka ako nagmeryenda at nag-workkout.

 

 

 

Oktubre 12, 2024

Nabigla ako nang tumunog ang alarm. Ang sarap sanang matulog, pero hindi puwedeng pagbigyan ang antok. Kinailangan kong pumasok para sa Numero. Wala pang 7:30, nasa school na ako. Umaasa akong makakaabot ng 15 na estudyante ang papasok, pero nabigo ako. Nine lang sila. Nainis ako, pero nagturo pa rin ako.

 

Mabilis natapos ang Math intervention. Nag-enjoy ulit sila sa mga games.At siyempre, natuto.

 

Past 1:30 ako umalis sa school kasi naghanda muna ako ng lesson plan at PPT para sa next Saturday. Mas okey na ang laging handa.

 

Sa PITX, umidlip muna ako, saka nagmeryenda ng burger at fries. Kalahating ulam at isang kanin lang kasi ang lunch ko. Nabitin ako.

 

Pagdating sa bahay, antok na antok ako, kaya pinagbigyan ko. Past 6:30 na ako pumindot-pindot sa cell phone ko. Seven-thirty naman ako nagbukas ng laptop—pagkatapos mag-dinner. Nagsulat ako ng journal, saka nobela. Hindi nga lang ako nakapag-post dahil naubusan ako ng ideya.

 

 

 

 

Oktubre 13, 2024

Past 7 ako nagising. Kahit paano ay nakabawi ako sa ilang araw na puyat. Hindi rin ako agad bumaba dahil nagbasa ako ng libro.

 

Habang nagkakape at habang naghihintay sa inihahandang almusal ni Emily, sinimulan ko na ang pagsusulat ng detalye sa cards. Saktong-sakto lang ang bilang niyon para sa 44 kong estudyante. Pero nagkamali agad ako sa unang card. Haist! Mabuti na lang may tatlo akong estudyante na at risk. Kaya hindi ko muna sila gagawan ng card.

 

Pagkatapos nito, ginawa ko naman ang e-class records. Naihanda ko na rin ang grading sheet para kapag nagpalitan kami ng grades ay may susulatan kami.

 

Nakapag-record din ako ng scores ng Love, at nakapag-post sa Babasahin ng dalawang napili kong akrostik.

 

Bago ako inantok at natulog, nakapagsimula akong gumawa ng PPT para sa Miyerkoles. After an hour, ipinagpatuloy ko.

 

Six o’ clock, nag-workout ako. Bago mag-9, tapos na akong mag-workout, mag-dinner, at gumawa ng PPT. Time management lang ‘yan! Isinunod ko naman ang pagsusulat ng nobela. Tinapos ko lang ang nasimulan ko kahapon at noong isang araw pa. Kaya wala pang 30 minutes ang nakaraan, nakapag-post na ako sa Inkitt ng isang chapter.

 

 

 

Oktubre 14, 2024

Nahirapan akong matulog kagabi. Siguro mga past 12 na ako nakatulog. Okey lang naman dahil walang pasok hanggang Oktubre 15 dahil may bisita ang Pilipinas mula sa iba’t ibang bansa. Apektado rin ang Manila dahil sa CCP gagawin ang summit tungkol sa disaster management.

 

Past 7, nagising na ako. Ang totoo, nabulahaw pa ang tulog ko nang bumangon ang mag-ina para maghanda ng pagpasok si Ion. Kaya siguradong hindi pa ako nakabuo ng 8 hours of sleep.

 

Before 8, bumaba na ako para mag-almusal. Isinunod ko na agad ang paglalaba. Naisingit ko ang pagga-gardening. Nakapagtanggal ako ng mga sukal. Nakapag-transplant pa ako ng anahaw sa malaking paso. Nakapagtanim din ng iba pang mga halaman para dumami.

 

Past 9, tapos na akong magsampay ng mga nilabhan ko. Agad akong umakyat sa kuwarto para ihanda ang activity sheet sa Filipino 6. Nai-send ko naman agad bago mag-9:45.

 

Maghapon akong gumawa ng PPT sa TLE. Nakatatlo ako. Hindi na nga ako nakaidlip. Okey lang naman dahil worth it naman. Isa pa, nagpagupit ako. Natagalan ako sa barber shop. May naunang customer. Past 4 na ako nakabalik sa bahay.

 

Six-forty-five, nagsimula na akong mag-workout. After an hour, tapos na ako. Hindi ako agad nakapaghapunan kasi nahilo ako. Para akong nasusuka. Nawala rin iyon pagkatapos kong uminom ng malamig na tubig. Siguro, na-dehydrate lang ako.

 

 

 

Oktubre 15, 2024

Past 7:30 ako nagising. Gumawa agad ako ng activity sheet sa Filipino 6, at pinost iyon sa GC para magawa ng mga estudyante ko. Saka ako bumaba para mag-almusal. Nag-gardening muna ako bago ako nakapagkape at nakakain.

 

Pagkatapos mag-almusal, humarap na ako sa laptop para gumawa ng PPT sa ESP 6. Alas-dos na ako nakatapos ng one-week PPT. Sinubukan kong umidlip, pero hindi ako inantok. Past 3, bumangon na ako para gumawa naman ng PPT para sa journalism writeshop. Pagsulat ng Balita muna ang ginawa ko. Gabi na ako natapos. Past 7:30 na ako nakapag-workout. Tatlong chest workout routine lang ang natapos ko.

 

Grabe! Kulang ang long weekend para magawa kong lahat ang gusto ko. Hindi nga ako Nakagawa ng vlog. Hindi ako nakasulat ng nobela o kuwento. Hindi ko rin nalinisan ang electric fan ko sa kuwarto. Gabi ko na nga rin nasamsam ang mga sinampay ko. Napakahalaga na talaga ng bawat minuto.

 

 

 

Oktubre 16, 2024

Hindi ako tinamad pumasok kasi handang-handa akong humarap sa mga estudyante ko. Marami akong LMs. Isa pa, may journalism workshop ako.

 

Naging maayos naman ang lahat kong klase. Naisagawa ko ang game-based learning. Na-invite ko ang bawat section na dumalo sa workshop.

 

Kaya naman, bandang 1 pm, 18 na estudyante ang dumalo. Unexpected ang iba. Ang mga expected ko, hindi dumating. Haist! Sayang ang oppportunity.

 

Gayunpaman, itinuloy ko ang workshop. Okey lang naman kasi nakapili ako ng mga pambato sa pagsulat ng balita. Past 3:30 na ako nakalabas sa school. Pagod man, pero masaya ako. Sana lang maging satisfied ang mga trainers nila.

 

Past 6 na ako nakarating sa bahay. Agad akong naghanda ng kailangan ko para sa workshop bukas. Editorial cartooning naman ang topic.

 

Past 7 na ako nakapag-workout.

 

 

 

Oktubre 17, 2024

Maliwanag na nang makarating ako sa school. Hindi na ako nakaidlip dahil marami na ang Love na nakaabang sa akin. Agad ko silang hinarap.

 

Nag-summative test ako ngayon sa lahat ng sections, kaya hindi masyadong gasgas ang boses ko—maliban sa Faith dahil binasa ko ang mga tanong. Saka nagturo ako ng ESP at TLE sa Love. Naging aktibo sila dahil namigay ako ng stars.

 

Mabilis natapos ang klase. Mabilis ding lumipas ang oras. Kakatapos ko lang kumain, nag-start na agad ako sa journalism workshop. Editorial cartooning ngayon ang focus ko. Sa room ako ni Ms. Krizzy. Napuno iyon ng Grade 6 at Grade 5 na workshoppers. Kahit ganoon, kakaunti lang doon ang marunong at Magandang mag-drawing. Gayunpaman, natuto sila sa discussion ko. kahit paaano ay may na-impart ako sa kanila. At ang pinakamahalaga ay nakapili ako ng tatlo para ipanlaban sa contests.

 

Past 3:30 na ako nakaalis sa aschool. Past 5 naman ako nakarating sa bahay. Wala na akong inaksayang oras. Agad akong naghanda ng worksheet para sa editorial writing workshop bukas. Naghanda din ako ng PPT, at nagsulat ng sample na editorial. Before 8, tapos na ako. Kumain muna ako.

 

Pagkatapos, hinarap ko naman ang paggawa ng affidavit na ipinagagawa sa akin ni Ma’am Vi. Bandang 9:25, pagkatapos kong manood ng mga paboritong teleserye, natapos ko na ang affidavit, at naipasa ko na iyon kay Ma’am Vi.

 

 

 

 

Oktubre 18, 2024

Humarap ako sa mga estudyante ko nang masaya ngayong araw, kaya masaya rin sila at siguradong natuto. Nagsermon din ako sa ilang mga sections, pero hindi ako masyadong nagagalit. Naiinis lang kasi ako. Pati ba naman kasi ang pagkopya ng tanong, itatanong pa. E, samantalang nasabi ko nan ang paulit-ulit na sagot na lang. Nagmamadali nan ga kami. Kako, next time, gawin nila ang gusto nilang diskarte. Ang mahalaga ay masagutan nila. Kung kokopyahin pa ang mga given, mauubusan sila ng oras, since 40 minutes lang ang allotted time. Haist.

 

Nagsalo kami ni Ma’am Bel sa lunch kasi binigyan kami ni Ms. Krizzy ng ginataang gulay. Pero dahil may workshop ako, hindi na kami gaanong nakapagkuwentuhan.

 

Sa workshop, marami na naman ang dumalo. Sa mga dumalong iyon kakaunti lang ang interesado, at may kakayahan. Gayunpaman, nakapili ako ng lima. Ang dalawa ay para sa editorial (individual). Ang isa ang para sa editorial (collaborative publishing). At ang dalawa pa ay para sa column writing.

 

Past 4:30 na ako nakalabas sa school. Na-traffic pa ako, kaya past 6:30 na ako nakarating sa bahay. Nagkape lang ako, saka nag-workout.

 

 

 

Oktubre 19, 2024

Mabigat ang katawan ko nang ginising ako ng alarm. Gusto kong i-set uli iyon hanggang 5 am, pero hindi ko ginawa. Inisip ko ang mga estudyante sa Numero. Naisip kong baka magsidalo ang mga nagsabi na dadalo sila.

 

Past 7, nasa school na ako—nag-aalmusal. May dalawang pumasok nang napakaaga. Meron din namang late. At ang masaklap, hindi nakabuo ng 15, kaya sobra kong lungkot. Almost 8:30 na ako nakapagsimula dahil sa kahihintay. Sabi ko, tuturuan ko pa rin sila kahit malungkot ako. At sa kalagitnaan niyon, nag-resign ako. Nag-send ako ng mensahe sa aming GC. Kaya bago magtapos ang 3-hour intervention class, pinuntahan ako nina Mareng Janelyn at Sir Jess. Nakita nila ang sitwasyon namin. Ayaw kong isipin nilang nagkulang ako sa panghihikayat. Mas minabuti kong mag-resign upang makahanap sila ng kapalit ko, na maaaring magparami ng bilang ang attendees. Pakiramdam ko, hindi ako effective na facilitator.

 

Nag-stay ako sa school hanggang 1 pm nang hindi ako gumagawa ng PPT. Dati-rati, gumagawa muna ako bago umuwi.

 

Nang nagpaalam ako kay Ma’am Mel, pinaupo niya muna ako. Pinigilan niya akong umuwi para kausapin at hikayatin ako. Nauwi iyon sa usapan at plano tungkol sa journalism at Sinag publication. Hanggang datnan kami ng principal at PSDS. Nang nangumusta sila, agad kong sinabing mag-reresign na ako. Agad rin nila akong hinarap at kinausap. Pinakinggan naman nila ang side ko. Then, nag-alok ang principal na kakausapin niya ang mga parents ng Grade 6 Numero sa Tuesday. Natuwa ako roon, at least, may intervention din sila, hindi lang puro ako. Pero I doubt na pupunta ang lahat ng parents sa itinakdang araw. Doon nila malalaman na kung ano ang mga anak, gayundin ang mga magulang.

 

Past 2:30 na ako umuwi.

 

Pagdating sa bahay, hindi na ako nag-aksaya ng oras. Nag-record ako ng mga quizzes kahapon. Naglaan din ako ng panahon para basahin ang mga sinulat ng mga estudyante ko, saka ako nag-workout.

 

Isang magandang balita ang natanggap ko ngayong hapon nang buksan ko ang email mula sa Gawad Teodora Alonso 2024. Binati nila ako dahil nakapasa sa screen test ang entry ko sa Grade 2. Nasa judging phase na raw iyon. At antabayan ko raw ang result. Sobrang tuwa ko! Agad akong nagpasalamat sa Panginoon. Ipinaramdam Niya sa akin ang pag-asa. Matagal ko nang inasam ang ganitong balita at emosyon. Kung mananalo pa ako, mas lalo akong matutuwa.

 

 

 

Oktubre 20, 2024

Alas-otso na ako bumaba para magsimulang maglaba. Nag-stay muna ako sa kuwarto ng 15 minutes pagkagising ko. At hindi rin agada ko nakapaglaba at nakapag-almusal. Ayaw ko na lang magalit sa asawa ko. Binigyan ko na ng isanlibong piso kagabi para pambili ng pagkain at iba pang pangangailangan, pero ngayong umaga lang bumili. Wala pang detergent powder kaya hindi pa ako nakapagsimulang mag-washing. Sa halip, nagdilig na lang ako ng mga halaman at nagsimulang maglagay ng grades sa card.

 

Before 10, tapos na akong maglaba. Hinarap ko na ang mga cards. Natapos ko naman agad ang mga iyon bago mag-lunch. Nakagawa naman ako ng mga PPT para sa buong lingo. Maghapon hanggang gabi ako gumawa. Tatlong subject kasi ang hawak ko, tapos limang araw. So, dapat 15 presentations ang ginagawa ko weekly. Haist! Mabuti nakaidlip ako.

 

Past 6, pagkatapos kong gumawa ng PPT, nag-workout na ako. Nag-leg workout lang muna ako ngayon.

 

Hindi pa rin ako maka-get over sa email sa akin ng Gawad Teodora Alonso. Nang tiningnan ko kanina ang email, naka-carbon copy iyon sa tatlo pang teachers. Naisip ko na apat kaming nakapasok sa judging phase. Kung apat kaming pinadalhan, ibig sabihin ay secured na sa akin ang 4^th spot. Whoaah! Not bad iyon. Malaking achievement na iyon sa aking writing career.

 

Past 8 pm, nakapag-post ako ng isang chapter ng nobela sa Inkitt. Kapag inspired ako, kaya ko talagang sumulat ng 1000+ words na akda nang mabilisan. Sana palagi akong inspired. At sana palagi ring may extra time.

 

Nahirapan akong makatulog agad kahit past 9 ay nag-off na ako ng wifi, at nahiga. Siguro mga past 12 na ako nakatulog.

 

 

 

Oktubre 21, 2024

Umuulan nang magising ako. Inasam kong mag-suspend ng klase, pero naisip ko ang journalism training namin. Naka-mind set na iyon, kaya mas ginusto kong may pasok.

 

Sa school na ako nag-almusal. Isiningit ko iyon habang may activity ang VI-Love. Ang hirap ng buhay ng guro. Palaging nagmamadali. Bawa subo ko pa, maaabala dahil magsasaway.

 

Nagturo ako ng pagsulat ng sanaysay. Haist! Mas marami ang hindi interesado at lutang kaysa sa mga nakikinig at willing to learn. Hindi talaga nila alam kung gaano kahalaga ang pagsusulat ng mga akdang pampanitikan. Gayunpaman, isinige ko ang pagtuturo. Nagpasulat ako kahit kulang na sa oras. Ginawa kong assignment na lang, kaya natuwa ang karamihan.

 

Ala-una, natuloy ang training ng collaborative publishing. Nakompleto na rin ang lineup. Marami ang may gustong makasali sa team, pero talagang pito lang ang kailangan. So far, may output na sila. Palibhasa, datihan na ang layout artist naming, gayundin ang cartoonist at editorial writer. Kailangan ko lang pokusan ang mga bago, lalo na ang sportswriter kasi willingness lang ang puhunan niyon. Nanghihinayang din ako sa news writer ko na mas piniling mag-individual category. Pero kanina, gusto na niyang bumalik, kaya lang ay ayaw na ng ipinalit ko sa kaniya.

 

Past 3, umalis na ako sa school. Wala pang 5, nasa bahay na ako. Agad akong nagmeryenda upang makagawa ng schoolwork. Nakapag-check na ako sa bus ng mga papers, kaya nag-record na lang ako. Nag-encode rin ako ng napili kong sanaysay.

 

 

Past 6:15, nag-home workout na ako. Past 10 na ako natulog. Siguradong less than 5 hours na naman ang tulog ko.

 

 

 

Oktubre 22, 2024

Maaga akong nakarating sa school. Nakapag-almusal naman ako. Pero hindi na ako nakaidlip sa classroom dahil may maiingay na estudyante sa labas ng silid. Isa pa, ang bilis ng oras.

 

Mabilis na lumipas ang mga oras! Nagpasulat lang ako ng sanaysay sa bawat section habang nagpapatahimik sa kanila. Enjoy na enjoy naman sila sa pagsusulat ng sanaysay, gamit ang mga paksang isinulat ko sa pisara. Sigurado akong marami akong maaaning akda mula sa kanila.

 

Sa ESP6, nagpasulat din ako ng sanaysay tungkol sa pagkamapanagutan sa kalikasan. Gustong-gusto rin iyon ng Grade 6-Love, since nagbigay ako ng sample, na sarili kong akda.

 

Sa TLE6, nagturo ako ng running stitch, na isa sa mga basic stitches. Halos lahat ay abala sa pananahi. Gustong-gusto nila iyon. Medyo maingay nga lang sila.

 

Pagkatapos ng klase, agad akong nag-lunch. Pero nang dumaan ako sa classroom ni Ms. Krizzy, nalaman kong tinatawag pala nila ako bago ako kumain sa labas ng school. Sayang! May spaghetti at fried chicken silang pinagsaluhan. Gayunpaman, niyaya pa rin nila ako. Hindi ko naman iyon kinain agad. Kinausap ko muna ang collobative publishing team ko na umuwi na sila kasi suspended na ang klase dahil Signal #1. Excited pa naman silang mag-training. Kung wala lang bagyong Kristine, excited rin akong i-train sila.

 

Past 1:30, umuwi na ako. Hindi ko na matandaan kung anong oras ako dumating sa bahay. Basta, pagdating ko, nagpaantok lang ako. Pinagbigyan ko ang antok ko kahit marami akong papel na tsetsekan. Ramdam kong suspended ulit ang klase bukas, kaya natulog ako hanggang quarter to 5. Grabe! Ang sarap sa pakiramdam ng nakatulog. Parang nabawi kong lahat ang puyat ko.

 

Pagkatapos magmeryenda, nag-check at nag-record ako ng outputs ng Love sa running stitch. Then, nag-workout ako. Habang nagpapahinga, isinunod ko na ang pagtsetsek ng mga sanaysay ng Grade 6. Natuwa ako kasi marami akong nagustuhang akda. Thank God dahil may mai-popost na naman ako sa Babasahin. Salamat din dahil maagang sinuspende ang mga klase bukas. Puwede pa akong magpuyat ngayong gabi.

 

 

 

Oktubre 23, 2024

Ang sarap matulog kahit paulit-ulit akong nagising dahil sa ulan at sa madalas na pag-ihi. Walang pasok kaya akong dapat alalahanin. At nang magising nga ako bandang 8, nagbukas ako kaagad ng Facebook. Nalaman kong wala munang alternative distance modalities (ADM) ngayon. Kaya hindi na ako gumawa ng activity sheet. Pero nalungkot ako kasi magbabayad din pala o magsa-Saturday classes kami.

 

Bumangon na ako para maghanda ng almusal. May sakit ang aking butihing asawa, kaya hindi pa siya bumabangon.

 

Pagkatapos mag-almusal, naisingit ko sa pagtsetsek ng mga papel ng mga estudyante, ang paglilinis sa banyo. Nandiri ako sa mantsa ng toilet bowl, kaya naisipan kong linisin iyon. Gumamit ako ng kalamansi para matanggal iyon. Effective! Kahit paano ay nabawasan ang mantsa, at pumuti iyon. Mas masarap nang umupo roon.

 

Pagkatapos niyon, lumabas ako para bumili ng pagkain. Nais kong humigop ng mainit na sabaw ng sariwang isda, kaya iyon ang binili ko. Magluluto ako ng cocido. Bumili rin ako ng pangmeryenda, pagkain ni Herming, at outlet dahil sira na ang saksakan sa kusina.

 

Dahil maaga pa naman, bumalik muna ako sa kuwarto. Nag-record ako ng mga scores ng learners ko.

 

Sa hapon, pagkatapos kong maligo, pinagbigyan ko ang antok ko. Ang sarap sa pakiramdam! Sulit ang walang pasok. Past 3:30 na ako nagising. Ipinagpatuloy ko ang pag-encode ng mga akdang napili, at pag-post nito sa Babasahin.

 

Five o’ clock, nagsimula akong magsulat ng nobela. Hindi ko naman natapos kasi nakakaubos ng ideya.

 

Nine o’ clock na ako natapos mag-workout. After dinner na kasi ako nagsimula. Ako rin kasi ang naghanda ng hapunan. Okey lang naman kasi wala ulit pasok bukas.

 

 

 

Oktubre 24, 2024

Mas maaga akong naging ngayong araw kaysa kahapon. Hindi na rin ako nagtagal sa higaan pagkatapos kong magbukas ng wifi at cell phone. Bumangon na agada ko upang maghanda ng almusal at makakain.

 

Bago ako bumalik sa kuwarto, nakapagwalis pa ako sa garden. Sa kuwarto, nag-encode at nag-post ako sa Babasahin ng mga pinili kong akda ng Grade 6.

 

Past 10, lumabas ako para mamalengke. Hindi agad ako nagluto, pero ibinaba ko ang laptop ko upang doon ako gumawa para kapag nagluluto na ako ay hindi ako akyat-panaog. Sayang kasi ang oras ko kung wala akong gagawin habang nagpapalambot ng karne. Nag-encode ako ng lathalain ko tungkol sa chubby frogs, na dati kong zine. Mabuti, may hard copy akong naitago.

 

After lunch, nanood ako ng ‘Magpasikat.’ Then natulog ako. Ang lakas ng ulan kaya hindi ako nahimbing nang matagal. Past 2, gising na ako. Tinapos ko na ang pag-eencode. Isinunod ko ang pagsusulat ng nobela.

 

Alas-4 nang makapag-post ako ng isang chapter ng nobela sa Inkitt. Nagmeryenda muna ako pagkatapos niyon. Plano kong magsulat uli ng isang chapter. Gagamitin ko ang isang chapter na na-recover ko sa banned or deleted Wattpad account ko. Gagawin ko iyon as flashback ng isang character upang hindi masayang.

 

Nakapag-post uli ako ng isang chapter bago ako nag-workout.

 

Wala ulit pasok bukas. Ang lakas pa rin kasi ng ulan. Red alert na nga sa buong Cavite. Kaya naman, maaga akong nagluto baka kasi mag-blackout. Wala pa naman kaming ibang lutuan, maliban sa infrared cooker. De-kuryente lahat ang lutuan namin. Mabuti nga, hindi ako madalas putulin ang kuryente rito sa Tanza.

 

 

 

Oktubre 25, 2024

Past 8 na ako gumising. Alas-9 naman ako nakapag-almusal. Nagluto pa ako ng longganisa at itlog.

 

Maghapon akong gumawa ng vlogs. Nakadalawa ako. Ang una kong vlog ay mula sa kuwentong pambata ko na ‘Ang mga Pagalit ni Mama.’ Ginamit ko rin ang mga illustrations niyon, na nakasali sa isang anthology book. Ang pangalawang vlog ay mula sa mga gabay sa pagsulat ng balitang isports.

 

Bukod sa paggawa ng vlogs, nakapag-encode at nakapag-post din ako sa Babasahin ng mga akda ng Grade 6. At bago ako nag-almusal kanina, nag-send ako ng mga gawain ng collaborative publishing team ko.

 

Pagkatapos kong magluto, saka ako nag-workout. Nakaapat na chest routine lang ako. Pero okey lang kasi ramdam ko ang muscle tension.

 

Nag-resign na ako sa Numero. May klase raw kasi bukas, kaya nag-leave na ako sa mga GC nila. Hindi na ako masaya, kaya kailangang iwanan ko na sila. Alam kong hahanap-hanapin nila ako. Ganyan naman ang mga tao—kung kailan nawala, saka makikita ang halaga.

 

 

 

Oktubre 26, 2024

Masarap ang tulog ko. Sa halos dalawang taon, ngayon lang ako nagising nang Sabado na hindi napakaaga. Sa wakas, nakatakas na ako sa Numero. Hindi ko naman pinagsisisihan iyon, pero ayaw ko nang balikan. Toxic na. Bukod sa napaaarte ng mga bosses ko, ang tatamad pa ng Grade 6 na kasali. Ayaw kong masabihan na mag-resign na, kaya inunahan ko na sila.

 

Past 9, pagkatapos magluto at mag-almusal, nag-gardening ako. Nagtabas ako ng mga sukal. Pruning, kumbaga. Kahit paano ay lumiwanag ang hardin namin.

 

Past 10, nagsimula na akong gumawa ng vlog. Before 12, nakatapos na ako ng isa. Gumamit ako ng kuwento mula sa free website. Ginamitan ko uli ang audio ng text-to-speech application.

 

Bago mag-12:30, nakapaghanda na ako ng DLLs para sa Lunes hanggang Biyernes. Isusunod ko na ang paghahanda ng PPTs.

 

Maghapon hanggang gabi, gumagawa ako ng PPTs. Nakagawa ako ng PPT sa tatlo ang nagawa ko. Isa sa ESP. Isa sa Filipino—palaro lang ito. At isa sa TLE—summative tet.

 

Gabi na rin ako nakapag-workout.

 

Late na ako nakatulog kagabi. Nag-pray ako na sana kasama ako sa awardees ng Gawad Teodora Alonso 2024, gayundin ang mga kaguro at estudyante namin. Labis kong ikatutuwa kapag nangyari iyon. Lalo ko pang paghuhusayan ang aking craft para sa edukasyon ng mga kabataan.

 

Past 8 na ako nagising. After half an hour, saka ako bumaba para maghanda ng almusal. Sa nth times, umusok na naman ang mantika. Maubo-ubo at masuka-suka ako sa amoy at usok. Kinailangan ko pang buksan ang mga bintana para lumabas. Haist! Sadyang makakalimutin lang ako o adik sa cell phone? Gayon palagi ang dahilan, e.

 

Pagkatapos kong mag-almusal, naglaba na ako. Isiningit ko ang gardening. Past 10, nakapagsampay na ako. Isang salang lang naman kasi ang labahan ko, gawa ng 2 days lang ang pasok sa eskuwela.

 

Agad akong humarap sa laptop para gumawa ng mga makabuluhang bagay. Nais kong sulitin ang nalalabing araw ng long weekend. Hinarap ko ang nobelang pinaplano ko, na ang mga tauhan ay superheroes.

 

Pagkatapos kong mag-edit ng mga dating chapter na naisulat ko na, pinost ko ang mga iyon sa Wattpad at Blogger. Pinamagatan ko iyon ng ‘Si Jess at ang mga Batang Alpha.’ Hango ang pamagat  sa Generation Alpha dahil ang mga bida ay ipinanganak sa pagitan ng 2010 at 2025. Fast forward. Nasa year 2028 ang setting nito.

 

Bandang alas-dos, nakapag-post pa ako ng isang chapter nito. Kasusulat ko lang. At dahil inantok ako, kahit gusto ko pang magsulat ng isang pang kabanata, umidlip muna ako. 

 

Past 5, nakapagsulat ako ng isa pang chapter ng superhero novel ko. na-hook na ako sa istoryang ito. Sana maituloy-tuloy ko na ito. Matagal na panahon ko nang nasimulan ang naunang siyam na kabanata nito. Kaya sisikapin kong umusad ito hanggang sa mabuo ko. Isa rin itong paghahanda sa contest na sasalihan ko.

 

Pagkatapos magsulat, nag-workout ako. Wala pang seven nang matapos ako. Nag-abs at biceps exercise lang kasi ako.

 

Nine-thirty ng gabi, nakapag-post ako sa Inkitt ng isang chapter ng nobela. Iyon ang ika-105 chapter. Book 2 na.

 

May pasok na bukas, kaya kailangan kong matulog nan ang maaga.

 

 

 

Oktubre 28, 2024

Hindi rin naman ako nakatulog nang maaga. Inabot pa yata ako ng past 12 mn bago nakatulog. Nag-ooverthink na ako sa Gawad Teodora Alonso 2024 at sa results. Nagpasilip sila ng rank at codes. Nakakita ko ang Rank 4 ay may 7 sa dulo. Kasunod ay kalahati ng zero. It means, code ko iyon kasi ang code ko sa Grade 2-Category 3 ay 207. Rank 4 ako? Puwede kasi batay sa email at sa nakalagay na BCC, apat kaming pinadalhan nila ng email na iyon. Haist! Hindi na ako mapakali. Sana i-announce na nila nang maaga. December 2-5 ang awarding sa Puerto Princesa. Mabilis na lang iyon. NSa makapaghanda pa ako ng susuotin ko na ang tema ay karagatan.

 

Past 3, bumangon na ako. Mabigat man ang katawan ko, hindi ako puwedeng tamarin. Kaya naman, bago mag-5:30, nasa school na ako. Ang bilis nga lang ng oras kasi hindi na ako nakaidlip.

 

Okey lang na mabilis ang oras maghapon, lalo na sa mga Filipino classes ko. Ang hirap daw ng lesson ko—Kayarian ng Pangungusap. Lutang ang karamihan. Grabe! Ang hihina nila sa Filipino. Ang hirap nilang umunawa. Tsk-tsk! Kaya naman, halos maubusan ako ng hininga sa kakapaliwanag.

 

Pagkatapos ng klase, nag-lunch muna. May papansit si Ma’am Venus, kaya nakalibre ako ng lunch. Wala nga lang kanin.

 

Nag-train kami ng colloborative publishing. Hooked na hooked na sila. Ang lahat ay interesadong matuto at makatapos ng tasks. Natutuwa ako sa eagerness nila. Unti-unti silang nag-iimprove, lalo na ang mga dating members. 

 

Two hours lang kaming nagti-train. Hindi sapat, pero okey na iyon para hindi sila masobrahan o mapagod nang husto. Isa pa, kailangan ko pang bumiyahe pauwi. In fact, 5 pm na ako nakauwi. Wala na rin ako halos pahinga. Agad akong nag-check at nag-records ng papel ng mga estudyante. Then, nag-post ako ng napiling akda. Isinunod ko ang workout. Almost 8 na ako natapos at nakakain ng dinner.

 

 

 

 

Oktubre 29, 2024

Nakatulog ako nang mahimbing, pero parang nabigla ako nang tumunog ang alarm bandang 3 am. Gayunman, wala akong nagawa kundi bumangon upang maghanda sa pagpasok.

 

Humarap ako sa mga klase ko nang masigla para ma-enjoy nila ang palaro ko tungkol sa Kayarian ng Pangungusap. At hindi ako nabigo.

 

After recess, hindi na nagpalitan ng klase. Nagturo at nagpagawa muna ako sa ESP6 saka nagpalinis. Maaga akong nagpalinis para pagdating ng mga parents ay malinis ang silid.

 

 

Naging matagumpay rin ang parents-teacher conference naming. Wala pang kalahati ang dumating on time, (O kahit on-time, hindi rin nangangalahati.) nang nagsimula ako. Mabilisang discussion lang. Naipahayag ko naman ang mga naihanda ko sa isipan ko. Nai-deliver ko nang maayos ang mensahe ng paghingi ng suporta at tulong sa pagdidisiplina sa kanilang mga anak.

 

Wala pang 12, tapos na kami. Nakadalo pa ako sa journalism training o collab publishing training namin. Mabuti, maagang pumasok si Ma’am Mel, kaya nabantayan niya habang nasa meeting ako.

 

Past 12:15, tapos ang ang training namin. Nakikain naman ako sa Grade 1 teachers. May birthday blowout si Ma’am Venus. Mas maraming pagkain ngayon kaysa kahapon. Pansit lang kasi kahapon.

 

Past 3:30, nasa bahay na ako. Sobrang antok ko, kaya pinagbigyan ko. Siguro mga past 5 na ako bumangon. Saka naman ako gumawa ng mga schoolwork. Akala ko pa, hindi ako makakapag-workout kasi mabigat pa ang katawan ko, pero nagawa ko naman. Apat na chest routine lang ang tinapos ko.

 

Hindi na ako mapakali at makapaghintay sa email ng GTA. Umaasa talaga akong maiimbitahan ako sa awarding sa December 4 sa Puerto Princesa. Sana…

 

 

 

 

Oktubre 30, 2024

Wala pang 5:30, nasa school na ako. Wala pang mga estudyante, kaya umidlip muna ako. Ang bilis lang ng oras. Hindi naman yata ako nakatulog.

 

Kulang kami ng isang guro, kaya may nakahalong estudyante sa klase ko, na mula sa ibang section. Okey lang naman dahil maraming absent sa advisory class ko. Isa pa, na-enjoy nila ang palaro ko tungkol sa ‘magkasalungat na salita.’ Nabitin nga sila kasi kailangan kong lumipat ng ibang section.

 

Ang bilis ng oras! Uwian na agad. Pero grabe ang antok ko bago nag-uwian o habang nagpapalinis ako ng classroom. Nakaidlip nga ako sa table ko.

 

Pagkatapos kong mag-lunch, nakihuntahan muna ako nang saglit kina Ate Bel at Ms. Krizzy, saka ako pumunta sa ICT room para sa journalism training.

 

Absent ang isa naming writer, pero tuloy pa rin ang paggawa nila. After 2 hours, nakapag-print kami ng unang diyaryo ng team. Maraming kapalpakan at kamalian, pero para sa mga katulad nilang baguhan, puwede na. Marami pang dapat ituro sila. At naniniwala akong mabilis silang matututo at lalago.

 

Naabutan ako ng malakas na ulan pagkababa ko sa traysikel. Basang-basa ang sapatos ko. May pasok pa naman bukas. Wala akong gagamitin. Magsi-civilian clothes na lang ako bukas, since shortened naman ang mga klase.

 

Pagkatapos magmeryenda, agad akong nag-workout. Wala muna akong ginawang schoolwork.

 

 

 

 

Oktubre 31, 2024

Nag-abang man ako ng suspension ng klase, pero dahil hindi naman umuulan, hindi ko pinatuunan ng pansin masyado. Naghanda pa rin ako nang masigla.

 

Kalahati lang ng VI-Love ang pumasok. Expected ko na iyon kasi 5:50 to 8:45 lang naman ang klase naming. Ready rin ako sa mga palaro ko. Enjoy na enjoy sila.

 

Habang nagpapalaro ako, saka ko nakita ang notification ng Gmail mula sa GTA2024. Kinilig uli ako nang mabasa ko iyon. Pinadalhan ako ng invitation para sa awarding ceremony sa Puerto Princesa. Pinakinggan ako ng Diyos!

 

Halos mapasigaw rin sa tuwa ang mga estudyante ko nang malaman nila at mabasa nila ang email. Nakakatuwa.

 

Grabe pala talaga ang kilig na naidudulot ng panalo sa prestigious writing contest. Akala ko dati, scam o luto ang mga ganyan, hindi pala. Ngayon, mas magiging masigasig ako sa pagsali sa mga writing contest.

 

Past 11, nasa bahay na ako. Antok na antok ako. Mabuti na lang nakapag-brunch na ako sa PITX, kaya pagkatapos kong i-chat si Ma’am Mina tungkol sa pagkapanalo ko sa GTA2024, umidlip na ako. Bago mag-one, tumawag siya para batiin ako. Tuwang-tuwa siya sa pagkapasok ko. Aniya, nakasungkit din namin ang mailap na panalo. At gaya ng inaasahan ko, sinabi niyang bibigyan ng award sa division ang mga nag-entry sa GTA, at sagot ng BLR ang expenses sa trip to Puerto Princesa namin. Yahoo!

 

Natulog uli ako hanggang past 3. Paggising, nag-edit ako ng mga articles ng collab team at column writers ko. Past 6 na ako natapos.

 

Nagsulat muna ako ng sanaysay tungkol sa pagsulat ng lathalain, bago ako nag-workout. Eight pm na ako natapos.

 

 

Ang Aking Journal -- Nobyembre 2024

Nobyembre 1, 2024

Quarter to 6 nang bigla akong nagising mula sa isang panaginip. Hindi naman iyon bangungot.  Kahit gusto ko pang matulog, hindi ko na pinagbigyan ang sarili ko. Kailangan kong bisitahin si Mama. Hindi na nga ako nakakauwi sa Polot para bisitihan ang puntod ni Papa, hindi pa ako dadalaw sa buhay na buhay ko pang ina, na siyang dapat kong dinadalaw. Tamang-tama naman kasi nag-chat daw si Lizbeth kay Emily. Kailangan na ni Mama ng First Vita Plus.

 

Past 6, nakaalis na ako sa bahay. Sa Umboy na ako nag-almusal.

 

Past 11, nasa bahay na ako nina Taiwan. Alam kong wala siya roon kasi nag-post si Flor. May pinapagawa siya kay Taiwan.

 

Wala pa sa mood makipagkuwentuhan si Mama sa akin. Nabigla yata siya kaya natulog uli, pero hindi naman matagal.

 

Nagkuwentuhan lang kami, maya-maya, may hinatid nang lunch si Lizbeth. Ngakuwentuhan uli kami pagkatapos kumain hanggang sa antukin ako. Ang daldal niya pa. Gusto ko nang pumikit, panay pa rin ang kuwento at tanong niya. Hindi tuloy ako nakatulog. Nagpaalam na ako bandang 2:30. Naikuwento ko naman sa kaniya ang pagkapanalo ko sa writing contest. Gaya ko, excited rin siya.

 

Sobrang traffic, kaya pasado alas-otso na ako nakarating sa PITX. Kumain muna ako para sigurado. Before 9:30, nasa bahay na ako. Pagod ako, pero masaya ang puso ko kasi nadalaw ko si Mama. Magastos, pero ayos lang.

 

 

 

Nobyembre 2, 2024

Ang aga ko pa ring nagising kahit wala namang pasok. Nasanay na talaga ako sa maagang gising. Tsk-tsk! Gayunpaman, nagbasa na lang ako ng libro. Hindi muna ako nag-on ng wifi para bumangon na ang mag-ina ko. Gumamit na lang ako ng mobile data, na tira ko kahapon. Kaya lang hindi pa rin effective. Pasado alas-8 pa rin bumangon ang mag-ina ko. Tinapay lang ang inalmusal namin. Tamihik na lang akong kumain at nagkape.

 

Pagkatapos magdilig ng mga halamang hindi nauulanan, umakyat na ako para magsimulang gumawa ng schoolworks. Inuna kong gawin ang tatlong DLLs. Isinunod ko na ang paggawa ng PPTs.

 

Inutusan pa nga ako ni Emily na magluto ng ulam. Sabi ko, gumagawa ako ng learning materials, at walang ibang gagawa niyon. Tumahimik siya. Hindi niya pala alam kung gaano kahirap ang maging guro. Kaya nga hindi ako nag-stay kina Taiwan kahapon kasi marami akong gagawin sa bahay. Wala ring maglalaba ng mga damit ko. Ako pa rin. Ako lang.

 

Bago ako nag-dinner, nakatapos na ako ng PPT sa TLE at ESP. Gagamitin ko na lang ang dating PPT ko sa Pang-abay. Ginamit ko iyon sa Grade 4 last year.

 

Sinubukan kong umidlip, pero hindi ako nagwagi. Nagsulat na lang ako ng superhero novel. Nakapag-post ako ng isang chapter bago mag-4:30, bago ako nagkape. Nakapagsulat din ako, bago nito, ng akrostik na tula tungkol sa pagkakawanggawa, na lesson naming sa ESP.

 

Bago ako nag-workout, sinimulan ko ang paggawa ng PPT, na palaro sa tatlong uri ng Pang-abay. Nakagawa ako ng 20+ slides.

 

Seven-fifty, tapos na akong mag-workout. Itinuloy ko na ang paggawa ng PPT habang nanonood ng balita.

 

Nanood naman ako ng survival movie bago natulog. Hindi pa ako inaantok kahit 11 pm, pero nag-off na ako ng laptop.

 

 

Nobyembre 3, 2024

Putol-putol man ang tulog ko, sa tingin ko, sapat naman kasi 8:30 am na ako nagising. Sulit!

 

Naunang bumangon ang mag-ina ko para maghanda ng almusal. Ako naman, nagsimula nang maglaba. Habang nakasalang at habang nagkakape, nag-gardening din ako. Wala akong sinasayang na oras.

 

Past 10, tapos na akong maglaba. Naglinis naman ako nang kaunti sa kuwarto ko bago ako nagsimulang humarap sa laptop.

 

Eleven-thirty, Nakagawa na ako ng isang PPT. isinunod ko naman ang paggawa ng Financial Assitance payroll ng Grade 6-Love. Haist! Ito ang pinakaayaw kong gawin bilang guro. Nakaka-stress.

 

Natapos ko naman ang payroll, kaya lang ay hindi pa ako makapag-decide kung bibigyan ko pa ang allowance ang tatlong absenera kong estudyante o hindi. Hindi ko muna ipinasa. Kailangan ko pang sumangguni sa mga kasamahan ko.

 

Bago ako umidlip, gumawa muna ako ng PPT ng palaro tungkol sa pagkakaiba ng Pang-uri at Pang-abay. Isiningit ko rin ang pag-print ng stars, na ipinamimigay ko tuwing recitation and performance tasks. Napagtiyagaan ko ang printer ko, kaya lang biglang nawalan ng ink. Tuluyan nang sumuko.

 

Quarter to 6, nagsulat ako ng nobela para sa Inkitt.

 

Past 6 hanggang 7:30, nagwo-workout ako. At 8:30, posted na sa Inkitt ang Chapter 106 ng nobela ko.

 

 

 

 

Nobyembre 4, 2024

Lagi na lang akong puyat kapag Lunes dahil tuwing Linggo ng gabi, nahihirapan akong matulog. Siguro dahil ito sa radiation ng laptop, na maghapon kong nasagap. Haist!

 

Past 12 mn na nga yata ako nakatulog, tapos wala pang 3 am, namulat na ako. Hindi na ako natulog. Hinintay ko na lang mag-3 bago bumangon. Nag-cell phone na lang ako.

 

Sa kabila nito, pumasok pa rin ako nang masigla. Maaga pa nga akong nakarating sa school—wala pang 5:30. Hindi naman ako nakaidlip kahit tahimik naman sa labas ng classroom. Ang bilis kasing lumiwanag.

 

Nagturo at nagpalitan kami ng klase kahit wala si Ma’am Lingling. Ang hirap nga lang kasi ang mga estudyante niyang hinati-hati ay hindi naman halos nakikinig.

 

Ala-una, nag-train ako ng journalism sa classroom ni Ms. Krizzy. Nainis ako sa caretaker ng ICT room. Nagbitaw siya ng mga salita, na as if sinalaula namin ang room niya. Makalat daw.

 

Noon pa mang nagmiting kami, na-gets ko nang ayaw niyang ipagamit ang room niya. At ngayon, matagumpay niyang nagawan kami ng issue para may dahilan siya. Noon pa man, ayaw kong nakikigamit ako ng room ng iba. Kung may bakanteng room lang, bakit pa ako makikisuyo. Isa pa, ang SPA adviser ang may gustong doon kami mag-train. 

 

Sa kabila ng inis, nagawa kong mapasulat ang mga trainees ko, kahit wala ang dalawa. Naharap ko sila nang maayos. Nakapagbigay rin ako ng inspirasyon dahil sa pagiging finalist ko sa GTA2024.

 

Alas-3, pagkatapos ng journalism training, isinunod ko naman ang training sa interpretatibong pagbabasa. Kabilang ito sa Read-a-Thon contests. Sinabihan ako kanina ng school Filipino coordinator na mag-train. Kaya ginawa ko agad. Mabuti, napapayag ko ang isa kong estudyante sa VI-Love. Game na game naman siya. Willing siyang matuto at eager Manalo.

 

Past 4 na kami natapos. Umuwi agad ako. Past 6, nasa bahay na ako. Wala na akong inaksayang oras. Habang nagkakape, nag-send ako ng mga anik-anik sa Journalism GC namin, saka ng sanaysay sa interpretative reading contestant ko. Kailangan ko silang i-train nang masigasig para manalo. Nais kong maranasan nilang Manalo. Kakaibang experience iyon para sa kanila.

 

Past 6:30, nag-workout na ako. Wala pang 7:30, tapos na ako. Kaunting routine lang ang ginawa ko.

 

Natulog ako nang maaga para makabawi ng puyat.

 

 

 

Nobyembre 5, 2024

Ginising ako ng isang life-changing dream. Naniniwala akong mensahe ng Diyos ang mga panaginip ng tao. Kaya naman kumilos agad ako upang sundin ang utos niya. Wala namang masama kung pipiliin ko iyon. Ang totoo, mas mapapabuti pa ako.

 

Maaga ulit akong nakarating sa school. Ang ang pinakaunang umakyat sa 5^th floor. Tumayo nga ang balahibo ko pagpasok ko sa classroom. Naalala ko kasi ang kuwento ni Sir Rey. Pinaglaruan daw ang remote control at programang pinanonood niya sa TV.

 

Sa halip na matulog, binuksan ko ang ilaw, at nag-open ako ng laptop para makapag-edit ng PPT.

 

Masigla akong nagturo ngayong araw. Effective nga talagang maging masaya habang nagtuturo. Nag-rereflect iyon at nakakahawa. Nag-eenjoy ang mga bata, lalo na may reward system ako—paper stars.

 

Pagkatapos ng klase, nag-lunch kami ni Ms. Krizzy. Hindi nakasabay sa amin si Ate Bel kasi antagal bumaba.

 

Past 1, na dumating ang mga trainees ko. Tatlo lang sila kanina. Medyo nainis ako kasi ramdam kong gusto nang sumuko nang iba. Sana sabihin nila agad para mapalitan sila, o kaya ay maihinto ko na ang pag-train ng collab pub.

 

Gayunpaman, pinasulat ko sila. Nakagawa naman sila. At nakapag-train pa ako ng interpretative reading.

 

Past 4 na ako nakalabas sa school. Past 6 uli ako nakauwi sa bahay. Nagkape agad ako, saka nanood ng teleserye sa YT, na hindi ko napanood kagabi.

 

Past 6:30, nag-workout ako. Kaunti lang ulit ang natapos kong routines kasi may kailangan akong basahin at tsekang mga papel.

 

Past 9, nakapag-encode ako ng dalawang akdang napili ko, at nai-post ko ang mga iyon sa Babasahin. At dahil kailangan ko nang matulog, ipagpapabukas ko na lang ang dalawa pang akda.

 

 

 

Nobyembre 6, 2024

Medyo maliwanag na nang makarating ako sa school. Pagkapasok ko nga sa classroom, pinapasok ko na rin ang mga estudyante ko. Agad rin akong nagsimulang mag-set up ng laptop at PPT. Ang bilis ng oras!

 

Ang bilis ng oras kapag nag-eenjoy. Gustong-gusto ng mga estudyante ang bago style ko ng lesson-palaro. Sa halip kasi na may pipilian, kailangan na nilang magpaliwanag. Nakita ko ang kahinaan nila, pero may mga nakasagot naman, kaya kahit paano ay natuwa rin ako.

 

Naging maayos naman ang mga klase naming kahit kulang kami ng isang guro. Wala nga lang akong vacant. Ginamit ko ang oras ni Sir Jess para magpasulat ng kuwento sa VI-Love, tungkol sa pagkakawanggawa. Game na game naman sila, lalo’t may reward, bukod sa recorded grade.

 

After class, nakisalo ako ng pagkain kina Ms. Krizzy. Then, past 1, nagkaroon kami ng Faculty meeting. Antagal ng meeting! Inabot kami ng past 3. Mabuti may papansit naman. Nagkagulo nga lang ang colloba publishing trainees ko. Iniwan ko sa classroom ni Ms. Krizzy. Naabutan pa nga naming magulo sila. Haist! Baka makarinig na naman ako ng masakit na salita dahil sa kanila.

 

Past 3 ko na naharap ang trainee ko sa interpretative reading. At dahil pagod na rin ako, umuwi kami nang maaga. Wala pang 4, umalis na ako sa school. At maliwanag pa, nasa bahay na ako. Agad akong nagkape at humarap sa laptop upang makipag-transact sa mga GC. Nag-send ako ng P1,000 para sa fire victim kong estudyante. Sumagot ako sa mga tanong ng mga journalist-trainees. At nag-send ako ng announcement tungkol sa Saturday classes.

 

Bago at pagkatapos kumain, nag-bicep workout lang ako. Then, nag-check at record ako ng scores sa sinulat nilang kuwento sa ESP. Napili ako ng dalawang potential stories.

 

Inabot ako ng past 10 dahil sa chat conversation namin ni Ma’am Mina tungkol sa GTA2024.

 

 

 

Nobyembre 7, 2024

Kahit kulang sa tulog, masigla pa rin akong pumasok. Handang-handa akong magturo, magpasaya, at mag-inspire.

 

Hindi ako na-disppoint nang hinarap ko ang bawat klase. Gamit ang sariling kuwento at ilustrasyon, naituro ko ang mga idyoma. Nagkaroon kami ng masaya, masigla, at makabuluhang palaro. Gustong-gusto talaga nila iyon.

 

Disppointed lang ako sa ingay ng Love nang malapit nang mag-uwian, kaya sinabihan ko sila na bukas, magsisimula na akong mag-countdown. Kako, bigyan nila ako ng sampung rason para hindi kami mag-Christmas party. Bigla silang umayos at tumahimik.

 

Pagkatapos ng klase, nakipagkuwentuhan muna ako sa ilang mga kaguro ko tungkol sa mga maling Sistema ta practices sa school. Naghihintay kami (ako at mga young journalists) sa pag-abot ng relief goods namin sa mga fire victims.

 

Mga 2 pm, tumulong na ako sa pag-assort ng mga damit na ipapamahagi. Pinauwi ko na ang mga trainees naming, bago iyon. Ang tantiya ko kasi ay hindi pa maipapamagi ang mga iyon dahil kailangan pang mailagay sa malaking plastic bag.

 

Before 4, nakaalis na ako sa school. Sobrang pagod at antok ko na. Mabuti, nakasakay agada ko. Kaya lang, lumampas pa ako sa Umboy. Nakarating pa ako sa SM Tanza. Sayang ang P13 na pamasahe pabalik, saka ang oras. Tsk-tsk.

 

Past 6 na ako nakarating sa bahay. Mas maaga sana kung hindi ako nakaidlip at lumampas. Agad akong nagkape habang nakaharap sa laptop. Nabalitaan ko kay Ma’am Mel na natuloy ang pag-abot ng relief goods. Mabuti na lang, may nadala silang scouts at writer para maglista ng mga detalye para sa news article.

 

Naka-chat ko rin si Ma’am Joann. Overwhelmed daw sila ni Ma’am Fatima sa pagkapanalo ko sa GTA2024, kaya sagot na nila ang Barong Tagalog ko. Sabi ko nga, willing to pay ako any amount, pero gusto talaga nilang ilibre ako. Natutuwa ako.

 

Ikinuwento ko rin sa kaniya ang naging convo namin ni Ma’am Mina. Looking forward rin siya sa mga susunod na mangyayari.

 

Nag-check at nag-record ako ng ilang papel bago ako nag-workout at nanood ng balita at teleserye. Ang bilis ng oras! Past na agad. Hindi pa nga ako tapos sa leg workout.

 

 

 

 

Nobyembre 8, 2024

Ang bigat ng katawan ko nang tumunog ang alarm. Gusto kong um-absent, pero hindi ko ginawa. Kailangang manatili akong inspired.

 

At hayun nga! Nakarating ako sa school nang maaga. Natuwa ako sa isang estudyante na palaging late. Mas nauna pa siya sa akin. Kaya naman, pinatikim ko siya ng papuri. Tinapik ko rin ang kaniyang balikat, sabay sabing “Ang aga mo. Very good!” Ibinida ko pa siya sa mga kaklase niya.

 

Katulad kahapo, enjoy na enjoy ang mga estudyante ko sa palaro ko. Mabilis umikot ang oras.

 

Medyo iritable lang ako sa lola. Pumunta sa klase ko bago ako nagsimula. Binu-bully at pinagbabantaan daw ng estudyante ko ang apo niya. Nang tinanong ko kung saan nangyari, ang sagot niya—sa barangay raw nila. Uminit ang ulo ko. Kako, “Sa barangay niyo po ireklamo. Andami ko na pong problema.” Andami pang ususerong bata, kaya iniwan ko sila. Kako, “Kayo ang makipag-usap kay Lola.”

 

Sinabi ko sa Love, na iwasan nilang gumawa ng kalokohan dahil nakakaladkad ang pangalan ko. Hindi sa lahat ng oras, guro nila ako. May sarili rin akong mundo.

 

Sa kabila nito, naging masaya naman ako sa bawat klaseng pinasukan ko. Nabitin nga lang uli ang Charity kasi may catechism na naman sila, gamit ang period ko.

 

Nakalibre ako ng lunch dahil may estudyanteng nag-birthday at nagpakain.

 

Past 1, wala halos kapormalan ang Journalism training naming. Mabuti na lang, nandoon si Carlyn. Naturuan ko kahit paano sa layouting.

 

Naharap ko rin ang mga estudyanteng interesadong mag-trainee o participant sa GTA2025. Nagpaturo sila sa akin. Ang isa, napangakuan ko nang isasali pagkatapos ng brainstorming naming. Nabuo na naming ang concept ng kaniyang kuwento. Isusulat na lang niya. May mga nagpasa na rin ng kuwento kanina sa klase ko.

 

Past 3, pinauwi ko na ang mga journalist. Hinarap ko naman ang isa para sa interpretative reading. Wala pang 4 nang umuwi ako.

 

Sobrang antok ko sa bus, pero hindi ko pinagbigyan nang husto kasi ayaw ko nang makalampas uli, lalo na’t umuulan pa.

 

Past 6, nasa bahay na ako. Agad akong nagkape at humarap sa laptop.

 

Past 9, nagpasa ako sa GC ng Numero ng schedule ko para sa MWF classes. Pinakiusapan ako ni Mareng Janelyn na ako na muna ang humawak since weekdays naman ang Numero hanggang December. Pumayag ako kasi sayang naman ang dalawang Sabado na asynchronous lang naman. Pero sa January, iba na ang hahawak kasi ibabalik na sa Sabado ang klase.

 

Hindi ako nakapag-workout ngayon.

 

 

 

Nobyembre 9, 2024

Sa wakas, nakabawi ako ng puyat! From 11 pm kagabi, nagising ako bandang 7 am ngayong araw. Ang sarap sa pakiramdam.

 

Past 8 na ako nakapag-almusal. Hinintay ko na kumilos ang mag-ina ko. Si Ion ang naghanda ng almusal. Nice! Humarap na kasi ako agad sa laptop para gumawa ng activity sheet para sa asynchronous learning ngayong araw.

 

Bago mag-10:30, marami na akong na-accomplish. Nakapagdilig na ako ng mga halamang hindi nauulanan. Nakapagpa-deliver na ako ng bigas. Nakapaghanda ng tatlong DLL. At nakagawa ng dalawang PPT sa Filipino. More to go!

 

Nag-chest workout muna ako bago ko sinimulan ang ikatlong PPT sa Filipino 6.

 

Pagkatapos kong mag-dinner, inabutan ako ng matinding antok, kaya pinagbigyan ko. Past 3 na ako nagising. Siyempre, ipinasa ko muna sa GC ang MOV ko. Past 4 na ako bumangon para ipagpatuloy ang ginagawa ko.

 

Nine o’ clock na nang matapos ko ang ikatlong PPT sa Filipino 6. Napagod ako. Sobrang hirap gawin ang game-based presentation. Pero dahil masaya at natututo ang mga estudyante sa ganitong paraan, pinagtitiyagaan ko.

 

Nagbasa naman ako ng mga akda ng ilang estudyante sa VI-Love na interesadong sumali sa GTA2025. Natapos ko naman agad after 20 minutes. Kaunti lang kasi ang nagpasa. Ang iba naman kasi ay nagpasa sa Messenger. Ang malungkot lang, walang nakapasa sa panlasa ko. Kailangan sigurong personal ko silang pagkuwentuhin para makuha ko ang story idea nila, kagaya ng ginawa ko sa isa kahapon.

 

Twelve na ako nag-off ng internet. Puyat na naman, pero okey lang kasi Linggo naman bukas.

 

 

 

Nobyembre 10, 2024

Past 6 ako nagising. Bumangon kasi si Emily nang maaga.

 

Hindi naman ako agad na bumaba. Nagbasa ako ng pambatang nobela. Natapos ko na ang “Supremo.”

 

 

Pagbaba ko, nakaalis na si Emily. Akala ko, maghahanda siya ng almusal, hindi pala. May lakad siya. Ako na lang ang nagluto ng almusal namin ni Ion, bago ako nagsimulang maglaba. Nagpokus ako sa paglalaba, kaya wala pang 9:30 am, nakapagsampay na ako.

 

Agad akong humarap sa laptop. Marami pa akong gagawing learning materials, kabilang na sa TLE 6. Past 11, nakatapos ako ng tatlong PPTs o tatlong topics. Almost ready na ang one week discussion ko.

 

Ala-una, nakatapos na ako ng isa pang PPT sa Filipino. Isa na lang ang gagawin ko. Naligo muna ako.

 

Isiningit ko ang pag-idlip. Kailangan ko ito dahil mapapasabak na naman ako bukas sa trabaho at puyatan. Past 3 na ako bumangon. Tinapos ko ang PPT sa Numero bago ako nagmeryenda.

 

Signal No. 1 na sa Metro Manila. Automatic suspension of classes daw. Hindi ako natutuwa. Andami na naming backlogs. May mga dapat pang unahin, tapusin, at gawin. Gayunpaman, wala akong magagawa kung walang F2F classes bukas. May mga gagawin pa rin naman ako rito sa bahay.

 

Maaga akong nag-workout at nagluto. Bago mag-6:30, tapos na akong magsaing at magluto ng ulam. 

 

At dahil wala ngang pasok bukas, sinimulan kong gawin ang periodic test sa Filipino 6 para sa quarter 2. Kailangan kong magawa ito nang maaga dahil sa dadaluhan kong awarding sa Palawan. Siguradong hindi ako ang magpapa-test sa advisory class ko since December 3 to 4 ang schedule ng pagsusulit, samantalang December 2 to 5 naman ang schedule ng Gawad Teodora Alonso 2024.

 

 

 

Nobyembre 11, 2024

Nang magising ako ay 7:30. Ayos na ‘yon! Mga 11 pm naman yata ako nakatulog kagabi. Kahit andami kong realistic na panaginip, hindi naman ako napuyat. Salamat sa class suspension!

 

Past 8 na ako bumangon para mag-almusal. Sa garden ako nagkape at kumain ng egg sandwich. Wala namang ulan, e. Ang ganda ng panahon kahit Signal No. 1.

 

Pagkatapos mag-almusal, naglinis ako sa kuwarto. Inilipat ko ang study table sa may bintana. Hindi na kasi functional dahil sa dami ng nakapatong. Ang hilig ko sa mga pang-display, bottles, vase, books, halaman, bato, figurines, at anik-anik. Kaya sana dumating na ang bookshelf na pina-deliver ko.

 

Before 11 am, nagpapahinga na ako. Maaliwalas na ang kuwarto ko. Naarawan na ang mga halaman ko sa study table. Gusto ko na rin ulit mag-alaga ng isda sa bakanteng aquarium.

 

Worth it ang araw na ito. Nakasulat ako ng isang chapter ng nobela. Nakaidlip ako sa hapon. Nakapag-workout. At natapos ko ang periodic test sa Filipino 6. Ready na akong bumiyahe patungong Palawan nang hindi nag-aalala sa maiiwanan ko sa klase ko.

 

Ready na ako bukas.

 

 

 

Nobyembre 12, 2024

Maaga akong nakarating sa school. Ako ang pinakaunang dumating o umakyat sa 5^th floor. Tumaas na naman ang balahibo ko. Pero ang bilis ng oras, may mga dumating agad na mga estudyante. Nakapag-edit lang ako nang kaunti ng PPT ko.

 

Nag-summative test lang ako sa lahat ng sections. Sa Hope, nakapagpalaro pa ako. Mabilis kasing natapos ang test nila. Nakapag-record na rin ako ng scores nila.

 

Wala akong journalism training ngayon. Wala rin sanang training sa interpretative reading, pero dahil sa Friday na ang laban sa Cluster, nagkaroon kami ng emergency training hanggang past 2. Mabuti, wala rin kaming Numero.

 

Nakauwi ako bandang past 3. Sinubukan kong umidlip, pero hindi ko na nagawa.

 

Bago ako nag-workout, ipinagpatuloy ko ang paggawa ng game-based PPT sa Filipino. Kahit paano, nakarami ako.

 

Asynchronous na naman ang mga klase bukas dahil may fogging sa school. Kailangan kong gumawa ng activity sheets.

 

Humihikab na ako bandang 9:30. Mabuti na lang, natapos ko na ang ginagawa kong PPT. Nakapaghanda na rin ako ng activity sheet sa Numero. Ready na rin ang ipagagawa ko sa Filipino 6.

 

 

 

Nobyembre alas-siyete ako bumangon para mag-send sa mga GC ng activity sheets. Pagkatapos niyon, nagkape at nag-almusal ako sa garden. Tamang-tama kasi nagwalis na si Emily. Maaliwalas na roon.

 

Eight-thirty, humarap an ako sa laptop. Kailangang maging productive ako ngayong araw.

 

Past 12, pagkatapos kong mai-set up ang bagong bili kong bookshelf, nai-post ko na ang isang chapter ng superhero novel ko. Nakasagot ko na rin ang mensahe sa akin ng division librarian tungkol sa GTA2024. Inalam niya ang napanalunan kong category. Kailangan daw mag-feedback para sa confirmation ng aking attendance sa awarding ceremony. Yahoo! May linaw at may direksiyon na ang lahat. Malapit na!

 

Past 4, pagkatapos kong mahiga at umidlip, nakasulat ako ng isang teksto tungkol sa dandelion o ngiting leon, na bahagi ng aking Babasahin Project.

 

Gumawa naman ako ng PPT sa TLE 6. Nakagawa ako ng dalawa. Nasimulan ko rin ang summative test #3, bago ako nag-workout. Seven-thirty na ako nagpahinga at nagpokus sa panonood ng balita at teleserye. Bukas, may pasok na.

 

 

 

Nobyembre 14, 2024

Parang hindi na naman ako nakatulog nang maayos. Hindi ako sigurado kung mga panaginip ba iyon o mga pag-ooverthink ko lang. ~Tapos, 2:42 pa lang, nagising na ako. Nauna pa ako sa alarm. Haist!

 

Gayunpaman, pumasok ako nang masigla. Ready naman akong magturo. Medyo mahirap lang para sa mga estudyante ang lesson ko. Dadaanin ko lang sa palaro para mas matuto sila. Nagsermon muna ako sa Charity bago nagturo. Ang iingay kasi pagpasok ko.

 

Ang daming ganap ngayon sa school. May school-based contests dahil sa Reading Month. May earthquake drill pa. Then, ako naman ay nagbalik-turo sa Numero. Muntik na naman akong mainis dahil ala-una na, hindi pa nakompleto ang 15 attendees. Mabuti na lang, na-attain ko. Lumampas pa. May mga bagong pumasok. Naging masaya ang lahat dahil sa game at activity naming kahit one hour lang.

 

Bago ako umuwi, bandang 3:00, nag-train muna ako ng interpretative reading. Laban na niya bukas. Pinahiram ko siya ng tatlong story book.

 

Past 5 nasa bahay na ako. Hindi na ako nagmeryenda o nagkape kasi kumain muna ako sa McDo. Walang kaayusan ang kain ko kaninang tanghali. Binigay lang sa akin ang kanin at ulam.

 

Nadiskubre ko ngayong gabi na sinali ako sa GTA 2024 Online Alab group chat. Mga winners ang mga kasali roon. Nakita ko roon ang matrix of activities at guidelines. Grabe! Apat na araw ang event. Apat na outfit din ang kailangan kong ihanda. Nakakatuwa rin naman kasi sa unang gabi ay parang may bonfire na magaganap. Tinawag nilang Alab rites. Kailangan ko na talagang makapaghanda ng mga kasuotan!

 

 

 

Nobyembre 15, 2024

Nagising na naman ako sa kaskas ng kamay ni Herming sa sliding window. Alas-dos iyon ng umaga. Gusto niyang lumabas, pero hindi niya mabuksan. Kinailangan ko pang bumangon at bumaba para pagbuksan siya. Haist! Mabuti, nakatulog uli ako.

 

Maaga akong nakarating sa school, pero dahil mabilis ang oras, hindi na ako nakaidlip. Isa pa, may dalawang estudyante nang naroon, na nauna pa ngang nakarating sa school.

 

Dalawang guro ang wala sa amin. Pinaghati-hati namin ang isang seksiyon. Ang isa, hinayaan naming sa isang kuwarto, pero pinasok iyon ng floating teacher namin.

 

Bago nag-recess, lumipat ako ng VI-Hope. Nagpa-game ako tungkol sa di-pamilyar o pamilyar na mga salita.

 

Sa Love, kasama ang ilang lalaking VI-Charity, nagpalaro din ako nang magpalaro. Na-enjoy nila, kaya maingay kami at masaya, lalo na ang charade. Ipinahinto ko rin kasi hindi nila kayang mapahulaan at hulaan.

 

After class, nagsalo-salo kami nina Ms. Krizzy at Ate Bel. May dalang ulam si Ms. Krizzy—dinuguan. Busog na busog ako sa pagkain at kuwentuhan. Binigyan nila ako ng tips at ideas sa mga susuotin ko sa GTA2024 awarding.

 

Wala pang 1 pm, umakyat na ako sa 5^th floor, kung saan namin isasagawa ng collab publishing training at Numero class. Masaya ako kasi 16 ang participants sa Numero. Nakakalungkot naman kasi 3 lang ang dumalo sa journalism training.

 

Naging matagumpay ulit ang ikalawang weekday-Numero class namin. Sakto lang ang one hour. Hindi boring ang mga participants.

 

Past 2, nag-judge ako, kasama si Sir Jess sa Festival of Talents ng Kindergarten. Wala pang one hour. Pauwi na rin ang mga trainees namin.

 

Hindi ako nakapag-time in sa Numero. Mabuti, puwede naman palang isulat.

 

Bago ako umuwi, nagpaalam ako kay Marekoy na hindi ako makakapagturo sa Numero bukas dahil magpapagawa ako ng Barong. Naunawaan naman nila. May magtuturo naman—si Ma’am Melizza. Ibibigay ko na lang sa kaniya ang bayad for one week.

 

Past 5, nasa bahay na ako. After magkape habang nanonood ng teleserye na aired kagabi, nag-workout ako.

 

Hindi ko na natapos ang pinanonood kong finale ng isang teleserye dahil sa antok. Wala namang pasok bukas, kaya gusto ko sanang magpuyat, pero hindi na kinaya. Mabuti na rin iyon para makabawi ako sa ilang araw na puyat.

 

 

 

 

Nobyembre 16, 2024

Pasado ala-una, pagkatapos kong makagawa ng summative test sa TLE 6, umalis ako patungong Waltermart Dasma, kung saan kami magkikita ni Ma'am Joann. Sabay na kaming pupunta sa bahay ni Mareng Fatima.

 

Nais nilang pagsuotin ako ng customized modern Barong Tagalog para sa Gawad Teodora Alonso 2024. Anila, proud sila sa achievement ko. Nakakahiya man, pumayag na ako kasi naging bahagi naman sila ng journey ko sa pagsusulat, lalo na sa GTA. Noong September, sama-sama nga kaming nag-brainstorm para sa entries namin.

 

Kahit natagalan akong maghintay sa kaniya sa Waltermart, hindi ako na-boring. May pinanood akong model search doon. Saka na-enjoy ko naman ang place at sight-seeing.

 

Six-thirty na siya dumating. Seven na kami nakarating kina Mare. Hiyang-hiya ako, pero pina-feel nilang welcome ako at hindi dapat ako makaramdam niyon. Naawa lang ako sa inaanak kong si Em-Em. May sakit siya. Nagsusuka.

 

Before 8, na-meet ko na ang couturier na Melchor San Juan. Nagsi-serve siya chapel nila. Tumulong muna sila roon saglit sa pag-aayos ng mga umuga. Then, pumunta na kami sa bahay nila.

 

Namangha ako sa gara ng bahay niya. May couture business siya roon. At mas namangha ako sa dami ng collection niya, na for rent.

 

Pinapili na nga ako. Agad kong napili ang monochromatic blue. Tinanong niya ako kung para saan ang Barong na iyon, gayundin ang mga detalyeng gusto kong i-adjust.

 

Lalagyan niya ng ocean-themed accents at gagawin niyang Chinese collar ang napili kong Barong. Tuwang-tuwa na ako agad sa kalalabasan niyon. First time ko iyon. I mean, first time kong pumili at mag-suggest ng style.

 

Unang beses kong suot ng Barong ay noong nag-ring bearer ako sa kasal ng kapitbahay namin noon sa Obrero at ang kaniyang hubby na Australyano.

 

Ang pangalawa ay noong nag-abay ako sa kasal nina Ate Donna at Kuya Bullet.

 

Parang lahat first time!

 

After namin sa Moda Couture, bumalik kami sa bahay ni Ma'am Fatima para mag-dinner. Natuwa ako sa Golden Retriever nila. Napakabait pala ng breed na ito. Gustong-gusto ang belly rub.

 

Awang-awa naman ako kay Em-Em. Nakaapat na suka siya bago kami nakaalis. Dadalhin na siya sa ospital. Sana gumaling na siya agad.

 

Nine-thirty na kami naghiwa-hiwalay. At quarter to 11 na ako nakauwi sa bahay. Nag-chat ako ng pasasalamat sa kanila ilang minuto ang lumipas pagdating ko.

 

 

 

Nobyembre 18, 2024

Past 8, umalis ako sa bahay para mamili sa Divisoria ng mga susuotin ko. Hindi lang kasi Barong ang kailangan ko. Apat na araw ang event, kaya apat na attire din ang kailangan ko. Siyempre, gusto kong bago ang mga dadalhin ko sa Puerto Princesa.

 

Dapat kasama ko si Ma’am Mel para makapag-canvas kami ng vest na gagamitin ng collaborative publishing team namin bilang Press uniform. Kaya lang may dahilan siya. Hindi na ako nagpumilit. Tutal, may sarili naman akong agenda.

 

Ang hirap mamili sa Divisoria. Bukod sa napakarami nang tao, maputik pa. Kaya naman, sa mga malls ako nag-ikot-ikot. At sa 168 Mall ako nakabili ng mga kailangan ko. Nakakagulat ang mga presyo. Pang-mall talaga. Umabot din ng P5k ang nagastos ko sa 1 blazer, 3 pants, 1 long sleeves polo, 1 sweatpants, at 5 Christmas decors. Not to mention ang pamasahe at pagkain ko. It’s okey! Masaya naman ako sa mga napamili ko.

 

Past 2:30 na ako nakauwi sa bahay. Pagod ako, pero sobrang saya. Excited na ako sa event na aking dadaluhan. Sana magkaroon na ako ng balita tungkol sa airfare. Sagot ba ng division office o hindi?

 

Past 6, pagkatapos kong umidlip, nag-workout ako habang nanonood ng balita. Nag-abang din ako sa class suspension. Past 8:30 na nag-declare si Mayora.

 

Ten-thirty, nag-off na ako ng wifi para makatulog na kaming lahat. Wala ring pasok si Ion, kaya kung magdamag itong bukas, siguradong magdamag din siyang mulat.

 

 

 

 

Nobyembre 18, 2024

Bago mag-7, gising na ako. Nag-check lang ako sa inbox at notifications ko, saka ako bumaba para magsimulang maglaba. Kaunti lang ang labahan ko, kaya mabilis lang akong natapos. Mga 8 iyon nang makapagsampay na ako. Tulog pa rin ang mag-ina ko.

 

Past 8:30, nakapag-almusal na ako. Ready na akong humarap sa laptop upang gumawa ng learning materials. Past 11:30, nakagawa na ako ng dalawang PPTs sa Numero. Umidlip muna ako, hindi lang dahil sa pagod at sakit ng mata, kundi sa inis at disappointment sa maybahay ko. Masasabi ko na lang, “Hangga’t ganyan ang uri ng pamumuhay niya, hindi siya magtatagumpay.”

 

Nanood ako ng mga videos tungkol sa comfort women at gerilya sa Pilipinas. Nakakaiyak ang mga kuwento nila. Sana makabuo ako ng story ideas para sa GTA2025.

 

Wala pang 6 pm, nag-workout na ako. May klase na bukas, kaya kailangang makatapos ako ng mga gawin at makatulog nang maaga.

 

Habang nanonood ng balita at teleserye, naghanda na ako ng mga learning competencies na isasali ko sa GTA2025. Nakapag-conceptualize ako ng tatlong story ideas mula sa mga napili kong LCs. Natutuwa at nae-excite ako sa mga nabuo ko. Sana maisulat ko agad ang mga iyon. 

 

 

 

Nobyembre 19, 2024

Three-thirty am na ako gumising kasi 6:30 na ang pasukan. Wala namang nagbago sa preparation ko. Medyo binilisan ko lang ang kilos kasi alam kong mas mahirap nang sumakay kapag inabutan ako ng 5 am sa highway. At hayun nga, hindi naman ako na-late. Past 6, nasa school na ako.

 

Ang bilis ng oras! Thirty minutes na lang ang teaching hour namin per subject. Wala nang motivation. Wala nang review at kung ano-ano pa. Dirrect to the point na, kumbaga.

 

After class, nakisalo ako ng lunch kina Ms. Krizzy, saka naghintay ako kay Ma’am Mel. Naka-schedule ang pagdala namin sa sportswriter at photojournalist sa ABES para sa basketball match ng GES kontra sa EDSES.

 

Sa tagal naming naghintay, hindi naman pala siya makakasama. Hindi siya pinayagan ng MTII. Wala kasi ang principal. Naiinis akong pumunta sa venue, kasama ang dalawang bata. Mabuti na lang, na-enjoy ko ang laban. Kahanga-hanga ang team namin. Ang gagaling nila! Tinambakan nila ang kalaban. Worth it ang paglaan ko ng oras. Sigurado akong na-enjoy rin ng dalawa ang event na iyon. Sana makasulat ng magandang balita ang sportswriter namin.

 

Pagkatapos ng laban, bumalik ako sa school para mag-time out. Nanlibre naman sa Jollibee ang photojournalist ko sa sportswriter at mga kaklase niyang tatlo—mga journalists din.

 

Sa school, naabutan ko pa si Ate Bel. Sabay na kaming lumabas sa school at naglakad patungo sa Buendia.

 

Past 5 na ako nakauwi sa bahay. Bago ako nagkape at nag-workout, nagdilig muna ako ng mga halaman. Halos wala na akong nagawang schoolwork. Mabuti na lang, ready na ang mga PPTs ko.

 

 

 

Nobyembre 20, 2024

Maaga ulit akong nakarating sa school. Nakain ko pa sa classroom ang dalawang suman sa ibos, na binili ko sa PITX. Hindi sapat ang kape at biscuits na inalmusal ko sa bahay, e.

 

Okey na sana ang palitan ng klase namin. Mabilis natapos ang bawat 30 minutes of teaching, pero naputol iyon nang may dumating na Hungarian missionary. Nag-talk siya sa mga estudyante. Mabilis lang naman, pero nakaabala pa.

 

Ngayong araw, nainis ako nang husto. Unang inis ko ay sa Peace. Habang nagdi-discuss ako, may nagpasaway. Kaya naman, sinermonan ko na. Idinugtong ko ang kasalanan nila sa ABES kahapon, nang nagpasaway rin sila.

 

Pangalawang inis ko ay nang dalawa lang ang dumating na journalist sa collab training. Alam kong nasa laban sila ng basketball. Ni hindi sila nagpaalam. Nag-chat na ako sa GC kagabi, nag-remind pa nang personal sa school, pero ni wala man lang nagpaalam.

 

Nag-chat ako sa GC. Kako, wala na sila sa ayos, kaya itigil na lang namin ang collab. Nag-leave na ako sa group. Toxic na! Ilang beses na nila akong binigo at hindi nirespeto. Ayaw ko na talaga!

 

Tinapos ko ang Numero nang maayos. Hindi nila ramdam na masama ang loob ko. Kahit ang dalawang naroon sa training, wala pa silang ideya hanggang sa pinauwi ko sila bandang 3 pm. Umuwi na rin ako agad.

 

Pangatlong inis ko ay ang hindi pa nagbabalita ang region o ang division tungkol sa awarding ng GTA2024. Kailangan ko na ng code para makapag-register ako sa sinasabi sa GC ng winners. At nais kong malaman kung sasagutin nila ang airfare ko o hindi. Kung hindi kasi nila sasagutin, gusto ko nang magpa-book. Haist! Ang bagal naman nila! Samantalang ang ibang division, nakatanggap na ng memo.

 

Bahala na! Patience is a virtue. Hindi naman siguro hahayaan ni Ma’am Mina na hindi kami makadalo sa awarding.

 

Pagdating sa bahay, nagkape lang ako. Isinunod ko na ang pagtsetesk ng mga papel at pagrerekord ng mga scores. Pagkatapos ng mga ito, nag-workout na ako. Past 7 na ako natapos.

 

 

 

Nobyembre 21, 2024

Gusto kong lumiban sa klase, pero nanghihinayang ako. Patapos na ang 2024. Kaunting tiyaga na lang. Dapat kong kayanin ang mga ugali ng mga estudyante. Kailangan kong makapag-isip ng teknik kung paano sila mapapaayos at mapatuto habang may disiplina.

 

Tahimik akong nagpa-summative test. Sa Love, wala akong binigkas na salita. Ramdam naman nila ang aking pananahimik.

 

Sa Hope, wala talaga akong sinalita. Pero sa Faith, nagsalita ako bago at pagkatapos ng test. Nandaya ang iba, kaya sinabi kong “Wala nang magtitiwala sa inyo,” bago ako lumabas.

 

Sa Charity, wala rin akong sinabi. Kahapon pa ako naiinis sa kanila, gayundin sa Peace.

 

Successful ang pananahimik ko. May nagsulat pa nga sa papel. Aniya, “Sorry na Sir.” Yumuko siya, napaluha yata, nang hindi ko pinansin. Naawa naman ako kasi may disiplina naman siya.

 

Hanggang sa pag-uwi at sa pagpila pababa, hindi ko pinansin ang Love. May mga lumalapit, pero inikutan ko lang ng mata. Sana ramdam nila ang pagtatampo ko. Kahapon pa sila namuro. Inanunsiyo ko na ngang wala kaming Christmas party.

 

Pagkatapos kong mananghalian, nag-record ako ng summative test scores sa classroom ni Ms. Krizzy. Tapos na ako nang dumating si Ma’am Vi, at nakipagkuwentuhan sa amin nang ilang saglit.

 

Before 1, umalis na kami sa school. Wala pang 2:30, nasa bahay na ako.

 

Sa sobrang antok, nakatulog ako hanggang 5 pm. Grabe! Ang sarap matulog. Parang nabawi ko na ang ilang araw na puyat.

 

Kahit wala pang memo from the Region, may post naman ang GTA. Nilabas nila ang listahan ng winners. Naroon ang name ko. Nakakatuwa!

 

Natuwa rin ako kasi nag-post din at naka-tag kay Ma’am Mina ang isang may mataas na posisyon sa Region. Tinag din ako ni Ma’am Mina.

 

Hayun! Baka iyon ang dahilan kaya tumawag ang principal sa akin. Inalam niya kung kailan kami bibiyahe, kung nakapag-book na. Alam ko naman ang purpose niya. Pero sabi niya, gusto niya raw gumawa ng memo para hindi ako absent sa pagdalo ko sa awarding since December 2 to 5 iyon. Proud kaya siya sa achievement ko at mga kaguro at mga estudyante namin?

 

Humingi siya ng listahan ng mga entries namin. Gusto niyang ma-award-an uli sa Division ang mga sumali, kaya ipapasa niya raw iyon sa SDS.

 

Pagkatapos nito, gumawa ako ng summative test sa Filipino 6, at nag-workout na ako habang gumagawa ng PPT para sa Numero bukas. Past 8 na ako natapos.

 

 

 

Nobyembre 22, 2024

Sa may school na ako nag-almusal bago pumasok. Pinipilit ko lang pumasok kahit mabigat ang loob ko. Kailangan kong magtiyaga.

 

Kagaya kahapon, tahimik akong nagpa-summative test. Mas tahimik at behave sila. Puwera na lang sa Love, na sadyang wala nang hiya at pitagan. Sa kabila ng pananahimik ko, hindi nila magawang makiramdam. Hindi talaga nila deserve ang Christmas party.

 

Mabuti na lang, mabilis umikot ang oras. Namalayan ko na lang, Numero class na. Eighteen ang attendees ko kaya natuwa ako. Akala ko, hindi ako makakabuo ng 15.

 

Nagsalita na ako habang nasa Numero. Kailangan, e. At sa loob ng isang oras, nakaraos din kami.

 

Nag-stay muna ako sa school para makipag-communicate kay Ma’am Mina tungkol sa GTA. Nagtanong ako tungkol sa code. Hayun, chinat niya si Sir Dennis. Sinend niya sa akin ang regional memo. Agad akong nagpa-register. Then, nag-chat uli ako sa kaniya, based on the memo. Shoulder ng local funds ang airfare ko, kaya tinanong ko kung anong sistema. Dahil parang hindi rin niya alam ang gagawin, tumambay muna ako sa Kinder room. Narooon sina Ma’am Leah at Ma’am Joann. Nahalata niyang problemado ako. Hayun, sinabi ko. Nag-offer uli siya ng tulong sa pagpapa-book. Gagamitin daw ang credit card ni Ma’am Venus bukas. Pero kailangan ko munang magsabi kay Ma’am Mina para alam nito. Mabuti na lang, bago ako umalis sa school, nag-chat na si Ma’am Mina. Aniya, i-shoulder ko muna ang plane ticket. I-send ko na lang daw ang resibo para maisama sa memo at ma-reimburse. Umuwi akong masaya.

 

At dahil sureball na ang pagdalo ko sa GTA2024 awarding ceremony, na muntikan ko nang sukuan at ayawan, bumili ako ng white sneakers sa Tejero. Dalawang pares. Kailangan ko ang mga ito bilang pampares sa blazer ko.

 

Ready na rin ang maleta ko. Nahiram ko ang blue na maleta ni Kuya Emer. Mabuti, hindi pa niya kinukuha rito. At tamang-tama dahil lahat blue ang mga isusuot ko. Nasa temang karagatan din ang maleta.

 

Dahil wala naman akong schoolwork, nag-workout ako nang maaga. Naihanda ko na rin ang susuotin ko para sa Saturday class bukas.

 

 

 

 

Nobyembre 23, 2024

Nag-almusal muna ako sa bahay bago umalis kasi maaga raw magsisimula ang seminar ng mga Grade 6 pupils tungkol sa Child Protection Policy.

 

Pas 6:30, nagsimula na nga iyon. Pero bago iyon, nagsaway ako sa mga estudyanteng maiingay. Matagal-tagal din kasing na-set up ang projector. Nag-behave naman sila. Pinapangalanan ko kasi para makuha ang atensiyon.

 

Naging matagumpay naman iyon. Kumain ng mahigit isa at kalahating oras. Recess na nang umakyat kami. Hindi na kami nakapagpalitan nang maayos. Sa VI-Peace na lang ako nakalipat. Nag-summative test lang sila. Tahimik pa rin ako, pero may ilan talagang walang hiya.

 

Kahit sa Love, hindi ko nagawang totally manahimik. Sobrang daldal nila. Walang pakiramdam at hiya.

 

Sobrang inis ko pa nang bumalik ako sa classroom pagkahatid ko sa mga hindi cleaners nang makita kong hindi maayos ang pagkakalinis. Hindi nag-mop ang cleaners. Kaya nagsabi pa ako sa GC kasi dugyot ang linis ng cleaners. Kako, turuan nilang maglinis nang maayos ang mga anak nila. Mabuti, may dalawang lalaki ang nagpaiwan. Inayos nila ang paglilinis. Satisfied naman ako.

 

Past 12, nakisalo ako sa Tupa group. Naroon sina Ma’am Edith at Putz. Bale lima na kaming nagsalo-salo. Matagal-tagal din kaming hindi nakapagsalo-salo.

 

Past 1, tumambay ako sa Kinder para abangan si Ma’am Venus. Tutulungan daw kasi akong magpa-book ng plane ticket. Matagal-tagal din akong naghintay bago siya nag-chat at saka ko nalaman kay Ma’am Joann na absent pala siya.

 

Hiningi niya ang date ng departure at arrival ko, pero hindi siya nakapag-book. Nag-sorry pa siya, saka nangakong aayusin niya. Mga past 3:30, umuwi na ako. Nag-load pa ako para makipag-communicate sa kaniya kahit nasa biyahe ako, pero hindi naman siya nag-chat. Siguro, busy pa siya. Abangan ko na lang bukas. Sana magkapag-book na ako. Kailangan na ni Ma’am Mina ang resibo sa memo. Makukuha ko na raw ang reimbursement bago ako umalis.

 

Before 6, nasa bahay na ako. Nag-workout naman ako pagkatapos magkape.

 

Maaga pa rin akong natulog kahit Linggo pa lang naman bukas. Kailangang makabawi ako sa puyat.

 

 

 

Nobyembre 24, 2024

Past 7:30, nagsimula na akong maglaba. Naisingit ko rin ang gardening—kahit paano. Past nine, tapos ko na. Agad akong humarap sa laptop para gumawa ng PPT sa Filipino 6. Ang ‘Pagsulat ng Anekdota’ ang inihanda ko. Natapos ko naman ito bago ako nag-lunch. Past 5:30, nalagyan ko ito ng voiceover upang maiparinig ko na lamang sa mga estudyante sakaling magpasaway sila sa klase. Isa pa, magiging video ito para sa aking YT account.

 

Wala pa rin akong plane ticket. Hindi pa uli nag-chat si Ma’am Venus. Hindi rin siya naka-online. Kailangan kong maghintay, gaya ng mga ginawa kong paghihintay noon sa iba ko pang gawain at oportunidad. Ganito talaga ang buhay. Gustuhin ko mang gawin ito nang sarilinan, hindi ko alam kung magiging epektibo. Takot akong mag-book mag-isa kasi baka magkamali o maloko ako.

 

Hapon, nag-chat si Hanna. Hinihingi niya nang advance ang allowance niya para sa susunod na buwan. Andami raw kasi niyang pagkakagastusan sa mga Ims para sa demo niya. Kako, bukas ko na lang ipapadala.

 

Basta nakikita kong nagsusumikap siya at si Zj, walang hindi ko kakayanin. Kaya nga ako nagtratrabaho nang mabuti para mapag-aral at mapatapos ko silang magkakapatid. Bonus na lang sa akin ang honors o awards na matatanggap nila.

 

 

 

Nobyembre 25, 2024

Naipadala ko na kay Hanna ang P5,000 na allowance niya. Umaasa akong tama ang numerong napadalhan ko, since sa 7Eleven lang ako nagpa-cash in.

 

Sa school, sa bawat klase, tahimik pa rin ako habang naka-play ang video ng PPT ko. Tahimik din silang gumawa ng activity pagkatapos makinig at manood. Nakaraos ulit ako sa pagiging tahimik at mukhang istrikto.

 

Bago mag-uwian, pinuntahan ko sa library si Ma’am Venus, kasi sabi niya, upang magpa-book kami. Siguro, kaya hindi siya nag-book sa bahay kasi natatakot siyang magkamali ng details. Okey naman iyon.

 

Naging tagumpay ang booking. Binayaran ko siya agad. Nagbigay rin ako ng P300 para sa pang-aabala. Ibinabalik niya nga. Kako, processing fee iyon. Itatabi na lang daw niya para pang-inom naming sa Christmas party.

 

Nag-Numero class ako kahit kaunti lang sila. Maaga rin kaming natapos dahil wala akong pa-games masyado. Pinauwi ko kaagad ang mga natapos sa written activity. Tuwang-tuwa sila kasi kung ilan ang score nila, iyon din ang bilang ng star na makukuha nila.

 

Past 2:30, umuwi na ako. Past 4 ako nakarating sa bahay. Nanood agad ako ng mga storytelling sa GTA2024.

 

Nag-workout muna ako bago ako naghanda ng PPT para sa Filipino 6 at TLE 6. Ready na ako sa huling araw ng turo ngayong November.

 

 

 

 

Nobyembre 26, 2024

Nag-play lang ako ng PPT na may voiceover sa mga klase ko ngayong araw. Effective naman iyon dahil tahimik sila. Halos lahat ay nagsulat o gumawa ng activity. Malinaw naman kasi talaga ang explanation ko sa PPT, kaya walang dahilan upang hindi nila magawa ang pagsulat ng tulang pasalaysay. May dalawang samples pa akong binasa.

 

Parang gusto ko na lang ang ganoong teknik. Nakukuha sila sa tingin ko. Sa Love naman, ginamitan ko pa ng kapirasong kahoy (0.25 x 2 x 6), bilang pamukaw-atensiyon kapag may maingay. Bigla silang napapahinto kapag tumunog na.

 

Bago mag-recess, pumasok sa classroom namin ang ilang estudyante ng VI-Hope. Wala kasi si Sir Joel. Hayun, medyo iritable ako. Hindi ako komportable kapag nahahaluan ng ibang section ang klase ko. Okey naman sila. Tahimik. Nagpa-summative-slash-review nga ako sa TLE 6. Pero lalong uminit ang ulo ko nang dumaan ang isang janitor. Aniya, “Bumaba ang lahat sa Feeding (room).” So, bumaba agad kami kahit nagti-test kami.

 

Pagdating doon, uminit ang ulo ko kasi hindi naman pala kami dapat nandoon. Piling bata lang ang pupunta para sa eye checkup. Hindi ako nag-declare para doon. Mali ang nakarating sa amin.

 

Mas lalong uminit ang ulo ko nang sinimangutan ako ng school nurse. Pilit niyang ipinangangalandakan na nag-chat siya. Galit ang mukha niya. Kaya raw siya umakyat kasi walang nagri-reply sa chat niya sa GC. Kako, hindi ko nabasa. Ni hindi ko pa nga na-seen. Kako, kahit tingnan mo pa kasi walang signal sa room.” Hindi okey sa akin ang asta niya na parang kasalanan ko. Sumulwak ang dugo ko sa ulo kaya nasigawan ko pa ang mga estudyante ko. Naguluhan din sila kaya hindi agad naunawaan na pinababalik na sila sa 5^th floor.

 

Sa inis ko, umakyat ako. Inunahan ko sila. Sa ibang hagdanan ako dumaan. Nagulat nga sila nang nakita nila ako sa classroom. May nagsabi pa, doppelganger daw ako.

 

Nag-chat na ako noon sa GC. Kako, next time, huwag nang iutos sa janitor ang gayon. Lalo akong nainis kasi nagpumilit pang magrason ang nurse. Pinipilit niya ang effort niyang mag-chat para pababain lang ang mga napiling benefeciaries ng Lion’s. Nag-permission to leave ako, pagkatapos kong sabihing hindi ako tumatambay sa mga GC.

 

Nang nakaupo na ang mga estudyante ko, nagtanong ako ng kumpirmasyon kung tama ba ang pagkarinig ko sa anunsiyo ng janitor. Hayun, tama ako.

 

Nagti-test na uli kami nang dumating ang nurse at janitor. Nag-sorry sila. Nagpaliwanag ang nurse. Pilit pang iniba ng janitor ang sinabi niya. Sabi niya sa “clinic.” Oo, pero may sinabi siyang “lahat.” Prinangka ko na ang nurse na hindi ko nangustuhan ang pagsimangot niya. Hindi raw soya sumimangot. E, normal pala iyon?

 

Nang humahaba na ang usapan, hininto ko na. Kako, “Okey na ‘yan!” Tinalikuran ko na sila. Masama na ako sa paningin nila, basta ako, wala akong ginawang masama sa kanila. Ayaw ko lang ng pinakikitaan ng ganoon. Puwede namang maging good vibes lang ang lahat. Napapagod ang lahat, pero kung hindi dadaanin sa init ng ulo, hindi magkakaroon ng problema at gulo.

 

Nakita ng mga estudyante kung paano ko ipinaglaban ang punto ko. Okey lang. Gusto ko talagang malaman at makita nila kung paano harapin ang ganoong sitwasyon. Nagtuloy-tuloy naman iyon. Kinonekta ko iyon sa mga alangangin at wala sa hulog na chat at tawag ng mga magulang nila sa akin at sa GC. Kaya ayaw kong may mga GC kasi naiinis lang ako sa mga arte nila. Gaya sa journalism, kung kailan ayaw ko na, saka nila ako hinahanap. Noong eager akong mag-train, ayaw nila o hindi sila dumadalo. At ang masaklap ay hindi nagsasabi kung bakit hindi nakarating. Kagabi, in-add uli ako sa GC.

 

Matapos ang klase, dumaan lang ako kay Ms. Krizzy. Naroon siya kanina sa may clinic, kaya alam niya ang nangyari. Akala niya nga, sa kaniya ako nainis, o siya ang sumimangot sa akin.

 

Umuwi rin ako agad pagkatapos kong mag-lunch sa karinderya sa tapat ng school. Dumaan ako sa Robinson’s Tejero para tumingin ng belt. Haru, Diyos ko! Ang mamahal. Ang pinakamura ay P399. Sabagay, wala nang mura ngayon, lalo na’t nasa mall. Gayunpaman, hindi ako bumili. Wala akong nabili. Saglit lang akong nag-window shopping.

 

Alas-3, nasa bahay na ako. Umidlip ako hanggang quarter to five. Habang nagpapainit ng tubig na pangkape, nagdilig muna ako ng mga halaman. Ang bilis dumilim! Pagkatapos kong magdilig, madilim na.

 

Nag-workout ako habang nanonood ng balita. Nag-chat naman si Ma’am Mina tungkol sa pinadala kong soft copies ng plane ticket at receipt nito. Aayusin niya raw agad iyon. May papipirmahan daw siya sa akin.

 

Tinanong ko rin siya kung bakit wala siya sa regional memo, at kung makakasama ba siya. Aniya, mga LRMDS Supervisors lang daw ng Category 1 and 2 ang kasama. Sinabi kong nalulungkot ako. Akala ko, makakasama ko siya sa entablado kapag tatanggapin na ang award. Aniya, kasama ko raw ang regional supervisor ng LR at iba pa. Ikinuwento ko pa nga ang pagkailang ko sa GC ng winners. Komento pa niya, sign daw iyon na magiging yearly winner na ako. Kako, sana nga po, Ma’am.

 

Masaya ako ngayon araw kahit may nakatampuhan. At least, nagawa ni Ma’am Venus ang tulong na iniaatang sa kaniya ni Ma’am Joann. Nakampante na ang puso ko. Akala ko, magkakaproblema ako sa ticket o sa pagbiyahe. Ang mga susuotin na lang ang kailangan kong maayos at ma-finalize.

 

 

 

Nobyembre 27, 2024

Wala pang 6 am, nasa school na ako. Nanibago ako kasi wala pang mga estudyante. Palibhasa, wala naman talagang pasok dahil sa Investiture. Umasa lang akong papasok nang maaga ang mga girl scouts. Gusto ko sanang magturo sa Numero. Pero nakumpirma ko kay Ma'am Mel na tapos na ang Numero class, kaya hindi na ako nagtangka pa. Sayang nga at nagturo pa ako noong Monday.

 

Nagkuwentuhan kami ni Ma'am Mel sa classroom niya habang naghihintay sa pagsisimula ng Investiture. Nai-print na rin niya ang plane ticket at receipt nito.

 

Seven-thirty, nagsimula na ang programa. Nanood ako. Nagamit din ako sa paglagay ng pins sa mga batang iskwats.

 

Before 10, tapos na ang program. Tumambay na ako sa room ni Ms. Krizzy hanggang sa mag-lunch.

 

Past 1, nagsimula naman ang Investiture ng mga boy scouts. Hindi na ako umalis sa classroom ni Ms. Krizzy. Ang gulo at ang init sa bulwagan. Isa pa, wala naman akong estudyante roon.

 

Pagkatapos magmeryenda, nakisabay na ako kina Ms. Krizzy at Ate Bel hanggang Baclaran. Namili ako roon ng Barong Tagalog, black slack pants, white socks, blue hankie, black belt, at white shirt. Meron pang native-like pouch. Aysus! Naubos na naman ang P2000 ko. Okey lang naman. May matatanggap naman akong cash prize mula sa BLR.

 

Past 6 na ako nakarating sa bahay. Excited akong isukat ang barong kaya hindi ako kaagad nakapag-workout. At dalawang routine lang ang nakompleto ko.

 

Nagtataka ako sa maybahay ko kasi nagtanong siya kung saan ako pupunta nang nakita niyang sinukat ko ang barong. Saka niya lang nalaman nang sinabi ko. Mabuti pa si Ion, alam niya. Aysus! Naka-post naman sa FB ko. Bakit kaya?

 

Natulungan ko rin si Hanna na mag-edit ng lesson plan niya na pang-demo ngayong gabi. Natutuwa ako kasi lumapit siya sa akin. Sana maging successful ang demo niya, gaya ng mga demo ko dati.

 

  

 

 

Nobyembre 28, 2024

Kulang ako sa tulog kasi nagising ako ng 3 am para magbanyo. Humilab ang sikmura ko. Hindi kaagad ako nakatulog. At nang tumunog ang alarm bandang 4:45 am, agad akong bumangon. Past 6 na ako nakaalis sa bahay. Siyempre, nakapag-almusal na ako. Ayaw ko nang umasa sa pagkain sa INSET. Nagutuman ako last time, e.

 

Before 8, nasa JRES na ako kung saan gaganapin ang Cluster-based INSET ng Cluster 4. Nagsimula din agad pagtuntong ng 8 am.

 

Tungkol sa action research ang mga topics ngayon. Hindi ako interesado, gaya ng karamihan, pero kailangang makinig. Kahit paano ay may take-aways naman.

 

Na-special mention din ako ng aming CID Chief. Binati niya ako bilang awardee ng Gawad Teodora Alonso bago siya nagsimula sa kaniyang talk.

 

Hapon, nang tungkol na sa statistics ang topic, inantok na ako. Hindi ko na nakayanan kaya umidlip ako sa mesa.

 

Past 3, pinauwi na kami pagkatapos ng meryenda. Hindi na itinuloy ang workshop.

 

Past 6 na ako nakarating sa bahay kasi lumampas na naman ako sa Umboy. Hindi naman ako nakaidlip. Kaka-cell phone ko! Bumaba ako sa Puregold. Good thing is may sahod na kaya nag-withdraw na lang ako. Naglakad na lang ako pabalik para makatipid. Nakatipid din ako kanina kasi nagyaya si Sir Jess, kasama si Ate Bel, na maglakad kami mula sa JRES hanggang sa Rotonda.
 

Nagpagupit muna ako bago ako sumakay ng tricycle. At pagdating sa bahay, nag-workout agad ako.

 

 

 

Nobyembre 29, 2024

Mas maaga akong nakarating sa JRES. Matagal-tagal pa ang hinintay ko sa pagsisimula ng seminar.

 

Tungkol sa VAWC at Mental Health ang mga topic ngayong araw. Helpful naman ang mga ito sa amin bilang nga guro.

 

Tumulong ako kay Sir Archie at Ma'am Mel sa pagti-train sa mga batang players ng taekwondo. Asssitant trainer ako ng school, kaya kailangang magkaroon ng ambag.

 

Ang bilis ng oras ngayon. Andaming ganap. One o' clock, nag-awarding na. Then, nagkaroon ng breakaway session. Mga past 3 pm na natapos.

 

Hinintay ko ang chat ni Ma'am Joann sa Baclaran. Sabay na raw kaming pupunta sa Dasma para kunin ang Barong nà pina-customize namin sa Mel Couture. Mga quarter to five na nang nag-chat siya. Pinauna na niya ako kasi sasabay siya sa motor ni Sir Joel.

 

Mabuti, nakita ko si Earl, na pinsan ni Ma'am Fatima, at doon nakatira. Sabay na kaming bumiayahe.

 

Sobrang traffic. Almost 2 hours kaming nasa dyip. Mga past 7 na kami nakarating doon.

 

Wala si Ma'am Fatima. At hindi pa rin dumating si Ma'am Joann. Past 8 na siya dumating, kasama si Sir Joel. Pagkalapag niya ng mga dala-dala, dumiretso na kami sa Mel Couture.

 

Natuwa ako sa customized Barong. Ang ganda ng pagkakayari. Nabuhay ang kulay dahil sa mga nilagay na palamuti. Worth it.

 

Sumabay na ako kay Sir Joel hanggang Brgy. Santiago, Gen. Trias. Naging mabilis ang aming biyahe dahil nagkuwentuhan kami. Wala pang 10, nasa bahay na ako.

 

Nanood muna ako ng BQ bago natulog. Hindi na ako nakapag-workout.

 

 

 

Nobyembre 30, 2024

Nang bumaba ako, nakaalis na ang mag-ina ko. Magsisimba sila ngayon dahil fiesta ng Parokya sa subdivision namin.

 

Habang nagkakape at nag-aalmusal ako, nakasalang na sa washing machine ang mga labahan ko. At natapos ko naman agad iyon bago sila dumating. Isinunod ko na ang paghahanda ng mga isusuot ko. Naabutan nila akong nagdi-dress rehearsal. Nang maayos ko na ang lahat—paplantsahin na lang at eempake, inayos ko naman ang online check-in. Nagpatulong uli ako kay Ma’am Venus. Mabuti, ready siyang tumulong sa akin.

 

Umidlip ako pagkatapos kumain, ang sarap matulog. Pakiramdam ko, nabawi ko ang ilang araw na puyat ko. Nagising lang ako bandang alas-tres nang dumating si Kuya Emer.

 

Pasado alas-tres, tumawag sa akin si Ma’am Evelyn Ramos. Tinanong niya ako kung gusto kong sumulat ng libro sa Filipino 6. Siyempre, hindi ako tumanggi. Opportunity knocks, but once, ‘ika nga. Pina-add niya sa akin si Ma’am Cristina Chioco—ang editor at project coordinator.

 

Chinat ko siya pagkatapos i-stalk kung siya nga ang tinutukoy ni Ma’am Ramos. Nang nag-reply siya, sinabi niya na kaagad ang working money at royalty fee. Aniya, “P7,500/per quarter (P30.00/per book) at 2.50/quarter (P10.00 na royalty pay? Local pub lang kasi ang Triumphant Pub. Corp.?” Pinagsi-send rin niya ako ng biodata at picture ng ID kung payag ako.

 

Hindi na ako nagdalawang-isip. Pagkakataon ko na ito.

 

Agad kong in-edit ang CV ko, na ginamit ko sa Vibal—na hindi ako tinanggap. Then, in-add ako sa GC ng writers na kasama sa project ng Triumphant Publishing Corp. Nakita ko roon ang ilang teachers sa Pasay. Then, bandang gabi, habang nagwo-workout ako, nag-chat si Ma’am Teresa Padolina, ang dati kong guro sa Filipino sa Antipolo National High School-Annex, at kumuha sa akin noong 2018 bilang resource speaker sa storybook writing workshop. Aniya, taga-Antipolo raw ba ako. Nagulat ako hindi lang nandoon siya sa GC, kundi bakit hindi siya updated sa akin. Naisip ko na lang na baka nagbago siya ng FB account, at hindi na kami friends doon. Gayunpaman, natutuwa ako kasi legit ang project na sinalihan ko. Hindi ako mai-scam. Siguradong mababayaran ako.

 

Dahil dito, sinimulan ko na agad ang pagsusulat kahit wala pang abiso. Sabagay, binigyan na rin naman ako ng sample o template, saka kopya ng final Filipino 6 Matatag Curriculum CG. Hindi ko nga lang alam kung alin sa mga objectives ang dapat kong gawan ng lesson. Walong objectives lang naman ang dapat kong gawin. Kayang-kaya!