Hindi na ako magagalit
Kapag ayaw mong tumahimik.
Hindi na ako sisigaw
Upang patigilan ka sa paghiyaw.
Hindi na lang ako kikibo
Kapag pagdadaldal ang gusto mo.
Hindi na rin ako magtatampo
Kung ayaw mong makinig at matuto.
Hindi na lang ako iimik
Kapag ayaw mong manahimik.
Hindi na ako malulungkot
Kahit ugali mo ay nakayayamot.
Hinding-hindi ako iiyak
Kung ang mga grado mo ay bagsak.
Hindi na ako magmamalasakit
Dahil sa sarili mo nga ito'y ipinagkakait.
No comments:
Post a Comment