Maging isang ibon, kagaya ng lawin
Malayang lumilipad sa papawirin
'Di maliligaw saan man ang landasin
Anomang panahon, makisig pa rin.
Ang tao ay kawangis ng mga ibon
Malayang mangarap, ngunit lumilingon,
Bumabalik-balik saanman paroroon
Puso'y mabuti, dumaan man sa hamon.
Siya'y hindi palalo't hindi nang-aapak
Umangat ma't pumagaspas ang mga pakpak
Mga paa'y nananatili sa lupa-- nakaapak
Upang 'di masaktan 'pag lumagapak.
No comments:
Post a Comment