Mga Ahente ng Magandang Kinabukasan

Mga Ahente ng Magandang Kinabukasan

Business is business, 'ika nga. Totoo ito.

Ang mga health insurance companies ay tutulungan kang mag-save ng pera sa medical expenses sa hinaharap, pero hindi ka tuturuang magkaroon ng healthy lifestyle para hindi ka magkasakit.

That is business.

Ang mga banko ay hihikayatin kang maging mapag-impok para sa kinabukasan, ngunit ginagamit lamang nila ang iyong pera para sa kanilang marangyang kabuhayan. Hindi nila ituturo sa iyo kung paano kumita nang malaki sa perang hawak mo. Lagi silang may mas malaking tubo.

That is business.

Uulitin ko, business is business. Ngunit, may mga tao pa ring tuturuan ka, ngunit hindi ka ituturing na customer. Sila ay walang iba, kundi ang mga guro.

Ang mga guro ay tuturuan kang maging mabuting tao, maging edukado, at maging disiplinado. Ang halos lahat ng anggulo ng buhay ay itinuturo na nila sa iyo. Sila nga raw kasi ay nagsusuot ng iba't ibang sumbrero. Sila ay hindi lang guro, kundi dietitian, doktor, nars, pastor/pari, guidance counselor, psychologist, abogado, pintor, musikero, at kung ano-ano pang propesyon. Minsan pa nga ay tutor, yaya, at kaibigan. Ang pagiging guro nila ay hindi negosyo.

Teaching is a mission, not a business. Pero, learning is a business. Kapag nag-aral ka, nagnenegosyo ka. You earn from it. Maaari kang bumagsak. Maaari kang lumago. Depende sa'yo. Subalit, iyong tatandan na edukasyon ay walang lugi. Kaya nga dapat ang 'learning' ay nagbibigay ng 'earnings' sa bawat mag-aaral.

Maniwala ka lamang sa mga guro. Sila ang mga ahente ng magandang kinabukasan.