Let Go of Vertigo

Ano ang nararamdaman mo kapag nahihilo ka?

 

Para bang umiikot at gumagalaw ang buong paligid mo? Kapag nararamdaman mo ito ay natatahimik ka at hindi na maipinta ang mukha mo?

 

Naku, vertigo iyan!

 

Alam mo ba ang vertigo? Ito ay matinding pagkahilo, na nagiging dahilan ng pagkawala ng balanse at pakiramdam na nakalutang.

 

Dapat mong maintindihan na ang vertigo ay posibleng sintomas ng isang karamdaman.

May dalawang uri ito—peripheral at central.

 

Ang peripheral vertigo ay sanhi ng problema sa inner ear, kaya nagdudulot ito ng matinding pagkahilo at kawalan ng balanse.

 

Ang central vertigo ay sanhi ng problema sa utak, gaya ng impeksiyon, tumor, traumatic brain injury, at stroke.

 

Ang stress ay nakapagdudulot din ng vertigo.

 

Bukod sa pagkahilo at pagkawala ng balanse, maaari mo pang maranasan ang mga sumusunod: (1) pagkawala ng pandinig sa isa o parehong tainga; (2) pakiramdam na nag-riring ang tainga; (3) pagkakaroon ng problema sa pokus ng mga mata; (4) pagduduwal at pagsusuka na nagdudulot ng pagkawala ng body fluids; (5) at pagsakit o pagbigat ng ulo.

 

Kapag ang vertigo ay nanggagaling sa problema sa utak, maaaring makaramdam ng mga sumusunod: (1) kahirapan sa paglunok; (2) pagdoble ng paningin; (3) pagkakaroon ng problema sa eye movement; (4) pagdanas ng facial paralysis; (5) pagkabulol sa pananalita; (6) at panghihina ng mga paa.

 

Huwag mong babalewalain ang mga sintomas na ito kahit biglaan lang ito kung maramdaman at tumatagal lang ng ilang segundo. Subalit, maaari din namang tumagal at maging malubha. Kapag nagkagayon, maaari kang mahirapan sa mga gawain mo sa araw-araw.

 

Kung hindi na kaya, magpatingin na sa doktor. Makabubuti ito sapagkat mabibigyan ka ng karampatang lunas at medikal na atensiyon batay sa tunay na karamdamang pinagmumulan ng iyong pagkahilo.

 

At kung sa tingin mo ay mild lang ito, at walang malalang sakit na nagdudulot ng iyong vertigo dahil nawawala naman ito nang kusa, may mga dapat ka pa ring gawin upang maibsan ito.

 

 

Makatutulong ang paghiga sa tahimik at madilim na kuwarto. Maaaring mabawasan ang pakiramdam ng pag-ikot ng paligid.

 

Mainam din ang dahan-dahang paggalaw sa ulo o marahang paglingon, habang isinasagawa ang mga pang-araw-araw na gawain.

 

Makabubuti ring umupo kaagad kapag sumusumpong na ang matinding hilo.

Magbukas ng mga ilaw kapag babangon ka sa gabi.

 

Kinakailangan may matibay na bagay kang hinahawakan upang maiwasan ang pagkatumba o pagkahulog.

 

Kung matutulog na, unti-unting itaas ang ulo, gamit ang dalawa o mahigit pang unan.

 

Dahan-dahan ding bumangon o umalis sa higaan. Sandaling umupo sa gilid ng kama bago tuluyang tumayo.

 

Ang pagsasagawa ng mga simpleng ehersisyo ay may magandang dulot sa vertigo upang maitama ang mga naturang sintomas.

 

Sikapin ding mag-relax upang hindi magkaroon o hindi lumala ang anxiety.

 

May mga taong naniniwala sa kakayahan ng mga halamang gamot, gulay, at prutas. Mayroon namang may kumakatig sa mga sintetikong gamot.

 

Kung isa ka sa mga maniniwala sa kakayahan o power ng First Vita Plus Natural Health Drinks, binabati kita! Makatutulong sa iyong vertigo ang pag-inom ng mga produktong ito na may limang power herbs—malunggay, dahon ng sili, talbos ng kamote, uray o kulitis, at saluyot. Nilahukan pa ito ng purong katas ng mga prutas gaya ng mangosteen, dalandan, guyabano, pinya, at melon. Kaya ang iyong vertigo ay magli-let go!

 

Kung nahihilo ka nang matindi, don’t worry. Basta alam mo ang lunas at sanhi, ikaw ay bubuti.