May mga taong madalas mabigo
dahil 'di alam kung saan patungo,
nag-aaksaya ng oras at paliko-liko,
walang pangarap at ambisyon,
walang nahuhugot na inspirasyon,
at wala rin siyang determinasyon,
tumatangging umunlad ang sarili,
sa pagbabago, ayaw niyang sumali,
mga luho'y, ayaw niyang isantabi,
kapalit ng pagmatagalang ligaya,
sa responsibilidad, natatakot siya,
at madalas mawalan ng pag-asa.
Kung bakit tao'y 'di nagtatagumpay,
at nakakaranas ng hirap sa buhay,
ang sagot ay nasa ating kamay.
No comments:
Post a Comment