Ilang tandang pananong pa ba
ang kailangan mong gamitin
upang malaman mong tayo pa
at maaari pang ulitin?
Ilang tandang padamdam pa ba
ang iyong inaasahang makita
na sa piling ng iba,
ako’y masaya?
Ilang panaklong kaya
ang makapaghihiwalay sa'ting dalawa?
Ilan pa kayang kuwit
ang aking magagamit
upang matigil ka na sa pangungulit?
Ilang tuldok pa ba ang nais mo
para matanggap mong tapos na tayo?
Ano-anong bantas pa ba
ang kailangan mong makuha
upang kahibangan mo'y maputol na?
Tama na!
Sumuko ka na.
Elipsis na buhay ko,
sa panipi ay ikukulong ko na...
upang lumigaya na itong puso.
No comments:
Post a Comment