Isang araw, umuwi si Thomas mula sa paaralan at inabot sa kanyang ina ang isang nakatuping papel. "Sabi po ni Teacher, ibigay ko po raw ito sa'yo at ikaw lang po ang magbabasa."
Maluha-luhang binasa ng ina ang sulat. "Napakatalino ng anak mo. Ang aming paaralan ay napakaliit para sa kanya. Wala kaming magagaling na guro para turuan siya. Ikaw na ang magturo sa kanya."
Maraming-maraming taon ang lumipas pagkatapos mamatay ang ina niya at isa na siya sa mga dakilang imbentor, nagkakalkal siya sa mga lumang gamit. Walang ano-ano ay nakita niya ang isang nakatuping papel sa drawer. Kinuha niya ito at binuksan.
Sa papel ay nabasa niya ito: "Ang inyo pong anak ay napagkakamalang may problemang pangkaisipan. Hindi na namin siya pinapasok."
Umiyak si Thomas sa loob ng halos isang oras. Pagkatapos, nagsulat siya sa kanyang diary. "Si Thomas Alva Edison ay pinaghihinalaang may sakit sa kaisipan, ngunit dahil sa kanyang dakilang ina, siya ay tinaguriang genius of the century."
No comments:
Post a Comment