Tunay

Ang kaibigan ay parang gulong at siklo.

Kaaway mo dati, ngayon ay kakampi mo.

Kakampi mo dati, ngayon ay kaaway mo.

Hindi tumitigil sa pag-ikot ---pabago-bago.

Kaya nga, hindi na dapat pang magtaka

Kung pagkakaibigan niyo'y agad masira

At makilala tunay niyang ugali at hitsura

Pagkat walang permanente... wala, wala!

Marami diyan sa tabi, ikaw ay gagamitin

Kapag ang kailangan sa'yo ay naangkin

Nungkang babatiin ka pa at papansinin

Madalas iiwanan ka at ikaw pa'y sisirain.

Meron naman diyan, hindi ka talaga iiwan

Sa mga suliranin, kanya kang dadamayan

Sa kasiyahan at tagumpay siya ay nariyan

Kaya iyong pahalagahan dahil bihira 'yan.

Mapalad ang sinuman na kaibiga'y tunay

Kasa-sama sa lahat ng pagsubok sa buhay

Uminog man ang mundo siya'y nakaalalay

Sasamahan ka sa iyong mga paglalakbay.