Magtanim ay Di Biro

Magtanim ay di biro, maghapong nakayuko

Ang pagsasaka ay marangal na trabaho

Bigas na isasaing at kaning kakainin mo,

Hindi basta tumubo, hindi basta isinusubo.

Magtanim ng bala at punglo ay di biro,

Mga OFW sa airport, doo'y inieskandalo

Pinagsasamantalahan ng kapwa Pilipino

Hindi na nahiya, wala nang sinasanto.

Magtanim ng poot sa kapwa ay di biro

Mabigat sa loob, nakakasama sa puso

Bunga nito'y mapakla at kay baho-baho

Mag-uugat pa ng mga bagay na negatibo.

Magtanim ng kabutihan ay di biro

Gawing makabuluhan, gawing totoo

Upang bawat tao ay magkakasundo

Walang alitan, walang panibugho.