'Wag Kang Magalit sa Mundo

"Galit ako sa mundo!"
ani ng isang problemado.
Nasaktan, kanyang puso.
Iniwan kasi ng kalaguyo.

"Masakit naman talaga ito,
lalo na't siya'y mahal mo.
Pero, ikaw lang ay inabuso
at iniwang nagdurugo."

''Wag kang magalit sa mundo,"
ang aking pang sabi at payo.
"Hindi ito ang nanakit sa iyo,
kundi isang masamang tao."

"Salamat, aking katoto!
Iyong tinuran ay siyang totoo.
Dapat magpasalamat pa ako,
pagkat kinakalinga niya ako."

"Oo, tama ka, kaibigan ko!
Ang mundo'y kakampi mo.
Mga luha mo'y dito tutulo.
Makikinig sa hinagpis mo."

Pagluha'y kanyang inihinto,
ngumiti sa akin at humayo.
Suliranin ay tila naglaho
pagkat kakampi niya'y mundo.