Ayaw ko nang humugot
'pagkat puso ko'y kumikirot,
sa kalungkuta'y nababalot,
mga alaala'y hindi malimot,
at lalo lang sumasalimuot.
Ayaw ko nang humugot
dahil luha ko'y lumalapot,
diwa ko'y tila nilalapirot,
ang ulirat ko'y nababagot,
at animo'y may ikinatatakot.
Ayaw ko nang humugot
at 'di na rin sisimangot
upang ang ligaya, 'di malagot.
Ibabaon na lamang sa limot
ang mga bangungot.
No comments:
Post a Comment