Antidote (Buod ng SciFic)

 Antidote

 

Nagsulputan ang mga taong tulala, pagkatapos ang sunod-sunod na kidnapping sa Pilipinas. Noong una, inakala ng mga tao na ang pagkatulala ng mga biktima ay dahil sa trauma, subalit natuklasan ni Professor J na ito ay dahil sa pagkawala ng kanilang memorya at epekto ng gamot na itinurok sa mga ito. Ibinibenta sa black market ang mga nakuhang memorya para sa isang eksperimento.

 

Bunga nito, gumawa si Professor J ang antidote upang manumbalik ang ulirat ng mga biktima. Una, hindi nagtagumpay ang kaniyang pormula. Sunod, nakapagsalita na ang mga biktima, subalit hindi pa rin sila nakaalala.

 

Naglaan si Professor ng mahabang oras sa kaniyang laboratoryo upang makuha ang tamang timpla ng gamot. Doon, ibinuhos niyang lahat ang kaniyang oras, lakas, kaalaman, at dedikasyon upang makatulong sa mga problema ng bansa.

 

Dahil sa panunumbalik ng kaniyang alaala, na matagal na nawala sa kaniya dahil sa grupo ng mga doktor na nag-aral sa utak niya, sa wakas, nakagawa siya ng perpektong formula.

 

Kasunod ng tagumpay na mapanumbalik ang memorya ng mga biktima ng kidnapping, nahuli ang lider ng sindikato sa likod nito.