Mabigat ang loob na umalis ang ina
Puso niya’y tila mabibitak sa pagluha
Subali’t kung `di lilisan lalong maaawa
Sa mahirap ng kalagayan ng pamilya.
Bitbit ay magkahalong takot at pangamba
Mahal sa buhay ay tuluyang iiwan niya
Kapalit ng panandaliang saya’t ginhawa
Sa ibayong dagat, ibang lahi ang kasama.
Tanging hinihiling sa Diyos ay pag-asa
Mabilis na makaahon, at sumagana
Kahit pa napakatagal na mawawala
Sa piling ng sintang mga anak at asawa.
Anomang sakit, pagod at pangungulila
Ang kaniyang danasin sa malayong bansa
Kailanman hindi siya susuko at magsasawa
Upang pangarap ay makamit lamang niya.
No comments:
Post a Comment