Umibig, Nasaktan, Sumulat

Ako’y umibig sa babaeng marikit.

Sa kanyang lambing, ako’y naakit,

Sa kanyang ngiti, ako’y napalapit

bawat araw ko’y parang laging langit.

Nang siya makatagpo ng kapalit,

Ako, sa kanyang puso’y iwinaglit.

Anong saklap nito, o, kay sakit!

Dapat ba akong magtanim ng galit?

Hindi dapat, ang aking nasambit.

Sa halip, isinulat ang hinaing at pait.

Sumulat ng tugma, maging ng awit,

Saka lumaya sa matinding hinanakit.