Ang Aking Journal --- Agosto, 2015

Agosto 1, 2015 Pasado alas-nuwebe ay umalis kami ni Zillion. Nagpa-laundry muna kami, then pumunta sa HP. Doon ay nag-brunch kami sa Jollibee. Sobrang gutom ko kasi. Walang hapunan kagabi. Walang ring almusal kanina. Dahil napag-usapan namin ni Mia kagabi ang tungkol sa concert kagabi sa Makati, sinuggest (suggest) niya na turuan kong mag-play ng instruments si Ion. Nasabi ko na iyon nga ang gusto niya. Kaya, I end up to the idea na ibili ko na siya ng gitara bukas. Matagal na niya kasing sinabi iyon na bilhan ko siya. Pati nga drums ay ipinabibili niya. Excited siyang tumugtog pag-uwi namin. Halos ayaw matulog. Nanumbalik din ang kagustuhan kong matuto nito. Nakapag-download tuloy ako ng chords at mga songs na may chords at lyrics. One-thirty, nag-PM si Mam Joyce-- nasa school na raw siya. Akala ko ay hindi siya matutuloy. Nahiya naman akong sabihing ayaw ko nang tumuloy, kaya dali-dali kaming nagbihis ni Ion. Nag-taxi kami papunta sa Manila Ocean Park para sa dadaluhan naming ocular. Nakaalis na raw sina Mam Joan R., Mam Amy at Mam Leah G. ayon kay Sir Joel G. Sayang di namin naabutan. Pero, nakita agad namin doon. Hindi pa sila nakakapasok sa venue hall. Tapos, antagal pa bago nakapagsimula ang program. Naenjoy ko at ni Ion ang ocular slash pasyal. Third time ko doon. Second time naman ni Ion, pero ngayon lang niya ito maa-appreciate dahil baby pa siya nang una siyang makarating dito. May bagong attraction --ang Yexel's Museum. Sayang, di namin naenjoy kasi 5:30. Umuwi na ang tatlo. Kami naman nina Mam Joyce ay pumunta pa sa Luneta. Dumaan lang kami. Hindi pa raw kasi siya nakakapunta dun. Alas-siyete na kami nakauwi sa bahay. Sobrang pagod pero masaya. Agosto 2, 2015 Since, hindi umuwi si Epr kagabi, naisipan kong maglinis at magligpit sa kuwarto kaninang umaga, pagkatapos mag-almusal. Lumuwang nang kaunti. Tinapos ko rin ang article ko tungkol sa senior high school at ipinasa ko na ito kay Mr. Raygienald Villacorta. Siya ang speaker noong seminar nina Mam Loida at Mam Dang. Binigay nila sa akin ang email address. Hinihintay ko na alng ang sagot niya kung ito ay isasali sa publication o hindi. Umidlip ako bandang alass-do y medya hanggang alas-kuwatro. Si Zillion, hindi talaga natulog. Pagbangon ko, saka namang dumating si Epr. Nagulat ako dahil paalis na naman siya. Ang aga ng deployment niya. Sa Bacolod na naman siya na-assign. Wala na siyang pahinga, gaya ko. Tsk tsk. Okay lang, basta masaya. Pag-alis niya, umalis din kami ni Ion para mag-grocery sa HP. Agosto 3, 2015 Unang Lunes ng Agosto. Naguguluhan ako s amga pangyayari. Ewan ko kung bakit. Basta, paarang ang gulo. Dati, ako ang nag-organize ng Buwan ng Wika. Busyng-busy ako. Ngayong, hindi na, busy pa rin. Ewan!! Gayunapaman, masaya ako sa performance ni Zillion sa kanilang acrostic. Andami niyang 'fans'. Hehe. Nag-judge pa ako s aTagisan ng Talino. Kunwari. Over-all... di ko talaga ma-feel. Parang di nagawa ni Intruder ang nagawa ko for three consecutive years. Alas-4 na kami nakauwi. Di na ako natulog dahil gumawa ako ng powerpoint presentation para sa speaking engagement ko bukas tungkol sa collaborative publishing. Kailangang kong ipakita ang aking galing. Dapat malaman nila na inagawan ako ngunit hindi ako nawalan. Alas-10 y medya ako nakatapos ng PPT ko. Ayos naman.. Hope maging maayos ang aking lecture bukas. Agosto 4, 2015 Sa sobrang excitement ko, naiwanan ko sa boarding house ang bag ni Zillion. Wala naman daw problema, sabi ng teacher niya kasi marami naman daw siyang stock. Sa Jose Rizal Elementary School ang venue ang District Journalism Training. Akala ko ay ihihiwalay na ang bawat category, hindi pala. Kaya naman, ang inihanda kong lecture ay para lang sa collaborative publishing. Gayunpaman, nagawa kong i-connect sa lahat. Naisama ko rin ang tungkol sa aking pagwa-wattpad at iba pa upang ma-inspire silang magsulat pagkatapos ng journalism contest. Sayang nga lang dahil nagloko ang signal ng wifi ko kaya di ko naipakita sa kanila ang wattpad account, issuu, blogs at clubs ko. Pero, ayon kina Mam Loida, ayos naman ang speak ko. Ramdam at nakita ko naman iyon. Tapos, nang mag-speak ang distinguished guest na si Paulo Cuento, isang news writer, masasabi kong mas mahusay ako. Hehe. Narinig ko nga si Ms. Kris na mas mahaba pa ang lecture ko. Past 4:00 na kami nakauwi ni Zillion. Sinundo ko pa kasi siya sa teacher niya. Bukas, maghapon uli kami doon. As trainer ng science reporting kailangang naroon ako. Pinakiusapan din ako ni Mam Normina na tulungan ko sila sa collaborative. Agosto 5, 2015 Second day ng District Journalism Training. Excited sana akong bumangon para maghanda dito kaya lang nalungkot ako nang makita ko si Zillion na tila hinahapo at kinakapos ng paghinga. Pinaliguan ko pa siya dahil akala ko ay nag-iinarte lang. yon pala, talagang masama ang pakiramdam niya. Gusto pa nga niyang mahiga na lang at iwanan ko na lang siya. Nagbilin pa na sabihin ko na lang sa kanyang teacher ang pag-absent niya. Naawa ako. Gayunpaman, umalis pa rin kami. Kinarga ko na lang siya patungong school. Doon ay napansin agad ng mga kasamahan ko ang kanyang paghingal at ang nakataas na balikat habang humihingal.Sabi ng iba ay ipadoktor ko na. Ayaw ko naman dahil naisip kong dahil almang sa ubo at plema niya. Dalawang beses na kasi siyang nagsuka-- kagabi at kaninang umaga. Nakarating kami sa JRES. Hindi pa nagtatagal ay nagsuka na naman siya doon. Marami. Nakakahiya pero hindi ko na ininda.Nahirapan ako. Hindi tuloy ako mapakali. Mabuti na lang at workshop na lang ang nangyari. Pagkatapos kong magturo ng news writing o pagsulat ng balita, pinakiramdaman ko na siya. Nang dumating si Sir Erwin, saka lamang ako kumilos. Alas-onse na iyon. Sinabi niyang dalhin ko na agad sa doktor kasi di na okay. Since, RN siya, tumalima ako. Sinamahan ako ni Ms. Kris. Antagal lamang naghintay na ma-accommodate sa Bautista Clinic. Mahigit isang oras bago na-nebulize si Ion. Tapos, sasabihin lang na baka may pneumonia at kailangang ipa-xray. Medyo guminhawa ang pakiramdam ni Ion pagkatapos mapausukan. Nakatulog na rin siya pagkatapos uminom ng gamot. Kaya lang naging iyakin siya pagkagising. Pasado alas-4 ko na siya napa-xray. Bukas ng 4 PM pa ang result kaya bukas na rin ng hapon kami makakabalik kay Dr. Bautista. Sana wala siyang pneumonia. Okay na ang gastos ko kanina. Wag na sanang madagdagan pa dahil sa posibleng sakit na tinutukoy ng doktor. Pasado-alas-7, tumawag si Nanay Mila. Nalaman niya tuloy ang kalagayan ni Ion. Akala niya ay di ko kaya. Kaya nga nagbabayad ako ng tutor para maalagaan siya kahit paano, lalo na sa pagkain at pagtulog. Ang sabi niya, mahal daw. Kung gusto ko raw, doon na uli sa kanila. Hindi ako pumayag. Sabi ko, kaya ko naman. Agosto 6, 2015 Maaga nagising si Zillion. Pinagbigyan ko naman ang sarili ko na matulog nga matagal, since di naman kami papasok. Alas-otso na ako bumangon. Medyo okay na ang anak ko. Nakakain na ng dalawang balot ng cupcakes. Natuwa ako't nakalma. Alas-tres y medya, na-claim ko na ang P4000 na padala ni Nanay Mila, na mula naman kay Emily. Tapos, dumiretso na kami sa Balbido's para i-claim naman ang x-ray result. Tapos, nasayang lang ang pagpunta namin sa clinic ni Dr. Bautista dahil wala na raw siya doon. Babalik na naman kami bukas. Gusto ko pa naman sanang maaga kaming makauwi sa Bautista. Di bale, ang mahalaga ay malaman ko ang kalagayan ng kalusugan ni Ion, since naka-note doon sa x-ray result na "Consider Bronchopneumonia". Huwag naman sana... Agosto 7, 2015 Pumasok na kami ni Zillion sa school kaya lang ayaw niyang pumasok sa klase. Nag-stay lang siya sa classroom ko. Nagturo din ako sa advisory class ko. Di na ako nakipagalitan dahil may oath-taking kaming mga GPTA officers. Alas-Diyes ay nasa City Hall na kami. Antagala pang naming naghintay doon. Pero, sulit naman dahil nagbigay ng P4,500 si Mayor para sa lunch namin. Naglunch kami sa Jollibee. Ang saya! Nakabonding ko ang mga parents/officers for the first time. It's another experience. Past 1:00 na kami nakabalik sa school. Past 2 PM, pumunta kami ni Ion sa clinic ni Dr. Bautista para sa xray result. May bronchopneumonia nga si Zillion. Dinagdagan nga ng isang araw ang pag-inom ng mga gamot. Nalungkot ako kasi sa murang edad niya ay naranasan niyang uminom ng mga gamot na ganun. Bumiyahe agad kami papunta sa Bautista. Pasado alas-6 na kami nakarating. Si Flor naman ay dumating bandang-alas otso. Kasama niya ang dalawa kong anak at si Shimi. Ngayon lang nabuo ang magpipinsan o ang apo ni Mama. Para na itong gift para sa birthday niya. Agosto 8, 2015 Ang gulo at ang ingay ng kabahayan. Halos kompleto kasi ang mga apo ni Mama. Si Kurt lang ang wala. Ang hirap pala. Di bale hindi naman ito lagi-lagi. Ngayon lang ang handaan ni Mama. Alas-kuwatro na ng hapon namin nakain ang mga handa na niluto ni Jano sa kanilang bahay. Dapat sana ay doon kami kaya lang nahihirapan si Mama na pumaroo't parito lalo na wala nahihilo siya ng kaunti. Mas gusto ko nga rin na dito na lang kami. Mas naka-bonding ko kasi sina Hanna at Zildjian. Sa kabila ng mga ingay ng mga bata, nakagawa ako ng kung ano-ano sa aking laptop, gaya ng profile ko. Agosto 9, 2015 Parang birthday pa rin ni Mama. Maingay. Maraming pagkain. Napagod tuloy siya sa kakahugas ng mga baso at pinggan. Susunod daw ay sa labas na lang kumain para di nakakapagod. Iyon naman talaga ang gusto ko. Mas gusto lang ni Jano na magluto at maghanda sa bahay. Mas nae-enjoy niya yata ang ganun. Naging masaya naman ako't nakasama ko ang tatlo kong anak. Dumaan man kami sa masalimuot na buhay, unti-unti ko namang nakikita ang pagbabago tungo sa magandang bukas. Ramdam ko na nagiging malapit na si Zildjian sa akin. Konting panahon pa, nagugustuhan na niya rin ang lagi akong kasama. Nakikitawa na nga rin siya kapag nagpapatawa ako. Kung kami-kami lang sana, mas makakausap ko sila ng masinsinan at makakasalamuha ng matagal. Alas-sais, bumiyahe na kami ni Zillion pauwi sa Pasay. Alas-nuwebe naman kami nakarating sa boarding house. Mabuti na lang at hindi masyadong malakas ang ulan. Agosto 10, 2015 Naiinis akong magturo. Wala nang gana ang mga estudyante. Akala nila, sila lang. Wala na rin kaya ako sa wisyo. Nakakatamad silang tingnan, lalo na ang Section Earth. Mga bastos. Ilang beses ko nang pinagsabihan na ayokong may nakapikit habang ako ay nagdi-discuss, pero paulit-ulit nilang ginagawa. Kaya naman, kanina, nagalit na ako. Nag-quit akong magturo. Lugi sila. Hayahay ako. Hanggang di sila magbago, hindi ako magtuturo sa kanila. Maaga akong nag-timeout para makabili ako ng gamot ni Ion. Naubusan siya. Sa Bautista Clinic pa kami nakabili. Wala kasi sa Generika. Then, pumunta na kami sa hideout. Nauna pa kami sa tatlo. Mabuti, mabilis lang sila. Nakatext ko pa si Emily. Nabigyan ko pa siya ng mga magagandang balita tungkol sa amin ni Zillion. Sana makatulong sa kanya upang maging matatag siya sa pagsubok sa kanya doon. Sa hideout, nagkuwentuhan at nagtawanan lang kami. Nagpatulong din si Sir Erwin na gawin ko ang Intro, Review of Related Literature at Methodology ng thesis niya. Ginawa ko naman agad. Kaso, inagaw naman ni Zillion ang laptop. Nanuod siya ng youtube videos. Pinagpatuloy ko na lang sa boarding house. Hindi ko nga lang natapos dahil antok na rin ako. Agosto 11, 2015 Ayaw ni Zillion pumasok. Sa classroom ko na lang daw siya mag-stay. Nang tinanong ko siya kung bakit, ang sagot niya ay napagapatawa ako sa akin. Dahil daw pinapakain siya ng mga teachers (Kinder). Hindi ako pumayag sa gusto niya, siyempre. Wala akong drive magturo. Nagpa-quiz na lang ako. Wala rin kasi si Sir Rey dahil patay ang kanyang ama. Nasa akin ang iba niyang pupils. Instead, nag-train ako ng pupils ko na kasali sa jouralism. mabuti naman dahil wala na palang klase dahil sa tatlong araw na walang tulo ang mga gripo. Walang tubig. Walang pamapaligo ang mga guro at estudyante. Ang hirap pala talaga pag walang tubig. Malagkit. Not to mention kapag may tawag ng kalikasan. Agosto 12, 2015 Naisip ko na pumunta sa hideout para makiligo dahil akala ko ay wala pa ring tulo ang gripo. Meron na pala. Mabuti na lang di kami pumunta ni Zillion. Nagawa ko tuloy ang Chapter 1-3 ng thesis proposal ni Sir Erwin. Maghapon kong ginawa iyon. Sana magustuhan niya. Ngayong araw natapos ang pag-inom ni Zillion ng mga gamot niya sa pneumonia. Thanks God dahil effective ang mga iyon. Sana ay hindi na maulit. Kahit paano ay gastos din. Bukas ay may pasok na. Agosto 13, 2015 Naistorbo na naman ang tulog ko bandang alas-dos y medya ng umaga dahil sa away ng mag-inang boarders sa kabilang kuwarto. Madalas nilang gawin iyon. Kanina na siguro ang pinakamaingay at pinakamatagal nilang pagtatalo. Nakakaasar! Murahan sila nang murahan. Naglalabasan ang mga baho nila. May magandang dulot naman sila sa akin dahil naisulat ko noong isang araw ang pangyayari. nakagawa ako ng flash fiction na kung saan nagpakamatay sa banyo ang nanay pagkatapos nilang mag-away. He he. Akala ko nga kanina ay magkakaroon ng saksakan. May naririnig akong 'Papatayin kita!". Grabe! Tindi nilang mag-away. Addict aksi ang ina. Puta naman ang anak. Bitter ang anak dahil hinayaan siya ng ina na magkaganun. Tapos ang perang kinikita niya na para sa upa ay ginagamit ng ina para makabili ng shabu. Nagturo muna ako ng Math. Tapos, nagpa-activity sa English saka ako nag-train ng journalists. Sinabihan din ako ni Mam Sheila na ako na raw ang bahala sa doxology para sa Investiture sa August 20. Kaya, after recess ay nagtuturo na ako. Maghapon. Nabuo agad although di pa masyadong pulido. Nakikita ko na ang pagiging magana ni Zillion. Parang malaki yata ang impact ng naging dialogue namin dati. Gusto raw kasi niyang maging sundalo. Ang sabi ko naman ay hindi siya pwede dahil dapat malaki ang katawan niya. Kaya naman, kumakain na siya ng marami at ng gulay para raw maging sundalo siya. Madalas nga siyang magsabi na nagugutom siya. Nice effect! Agosto 14, 2015 Pagkatapos ng klase, nag-inquire ako sa BDO kung paano ang checking account. Mahigpit sila. kailangang may savings account na may P30K outstanding balance. At para maging checking account, kailangang naka-6 months. Disappointed ako. Kaya, tinext ko ang agent ko. Tinawagan niya ako. Ayun, nalinawan ko. Ni-refer ako sa PNB-Taft Branch. Kaya lang, di na muna ngayon. Baka sa sembreak na lang. O kaya ay maghahanap ako ng ibang bank na tatanggap ng application ko. Bakit kasi kailangang checking account pa ang ibabayad sa Pag-ibig? Bakit di na lang cash? Agosto 15, 2015 Nakatulog kami n Zillion ng mahaba-haba. Ayaw ko pa sanang bumangon, si Ion naman ay ayaw naman matulog uli. Gusto na niyang mag-almusal. Bumangon na rin ako. Naglaba ako. Ayaw ko nang magpa-laundry. Dagdag-gastos lang. Isa pa, hindi naman ako masyadong busy. Kaya nga, pumayag na ako na bumisita si Sir Randy sa boarding house namin. Pasado alas-una y medya na siya dumating. Kasagsagan pa naman ng init. Naranasan niya tuloy ang matinding alinsangan sa kuwarto namin. Gayunpaman, napagtiyagaan namin. Marami rin akming napagkuwentuhan. Andami kong gustong isulat. Di lang kaya ng panahon. Di bale, di naman ako nagmamadali. Pasasaan ba't makakapagpalimbag din ako ng mga akda ko. Easyhan ko lang. Agosto 16, 2015 Alas-8 y medya na kami bumangon ni Zillion. Ang sarap matulog! Sulit ang weekends. Kaya lang, sobrang init ng panahon. Hindi naman ako nakatulog sa hapon. Ayos lang dahil nakapagsulat ako ng mga articles. Marami. Nasimulan ko na rin ang bagong wattpad book ko na Pornology. Inabot kami ng hatinggabi bago nakatulog. Ang sarap magpuyat. Kung hindi lang Lunes, bukas. Agosto 17, 2015 Nakakaasar ang pagtunog ng alarm. Kung kailan ang srap matulog, saka naman nangbulahaw. Pero, wala akong nagawa kundi bumangon at maghanda. Napuyat ako sa mga panaginip ko na parang totoo. Hindi ko matandaan ang iba. Adventure. Isa naman, si Mam Elsa. Niyakap ko siya nang makita kong magaling na at naggo-glow pa siya. Iyak ako nang iyak habang niyayakap ko siya na parang bata. Birthday niya pala kahapon. Di ko nabati. Nag-review ako sa Section Mars at Mercury. Nakakatamad na. Palibhasa, periodic test na bukas. Nakapag-train din ako ng cartooning at science reporting. Nainis ako kay Mhel. Nag-chat ba naman sa akin kaninang umaga. humihingi ng tulong. Hindi pa nga nila nabayaran ang P1500 na hiniram nila. Nakakahiya naman sa kanya dahil pinaglo-loan niya ako sa GSIS para mapagbigyan ko siya. Sinabi kong ang suweldo ko ay para sa panghulog sa bahay ko. priority ko iyon. Humirit pa. May kilala daw ba akong nagpapautang. Sabi ko, wala. Imbes na siya ang tumulong kay Emily o sa amin, dahil siya ang nasa Dubai, siya pa ngayon ang nagigipit. Ano bang nangyayari sa kanya? Ang nakakainis pa, pag-aralin ko raw siya ng education units para makapagturo siya. Walang Joe naman! Tsk tsk. Agosto 18, 2015 Unang araw ng first periodic test. Hinigpitan namin ang mga bata. Pinaghiwa-hiwalay ang mga upuan. Dapat pa nga sana ay magpapalitan kami pero di na namin ginawa. So far, okay naman. Mahirap pa rin kasi kahit exam na, may nagpapasaway pa rin. Kaya kailangang diskartehan para ma-minimize. Eleven-thirty nang pinauwi namin ang mga bata. Kami naman ay sinulit ang 2:30. Nagkuwentuhan lang kaming apat. Wala si Sir Rey. Umidlip ako pagdating namin sa boarding house. At past 4, household chores at 'onlining' ang hinarap ko. Nakapag-post ako ng mga articles ng V-Mars at ang kanilang picture, with my tula in there. Agosto 19, 2015 Second day ng test. Hindi na ganun kahirap i-handle ang mga bata. Hinigpitan ko kasi ng husto. Dumating na rin si Sir Rey. Hindi na kami nag-practice ng doxology dahil hindi naman tuloy ang Investiture bukas. Sa August 27 na raw. Mabuti naman para makapagpahinga kami ni Zillion, lalo na't bibiyahe kami papuntang Lucena para sa kasal ni Ging. Alas-onse y medya, nakipag-meeting ako sa co-officers ko sa GPTA. Pinag-usapan namin ang gaganaping Clean Up Drive bukas ng alas-8 ng umaga. Kaninang umaga, nagtext si Emily. Sab niya, sabihin ko kay Mareng Cecil niya na magpapaalam na siya sa amo niya bukas. Susunduin siya ni Mhel at kaibigan niya. Kailangan namin siyang bayaran ng (SR 9,000). Sana makaalis na siya doon. Agosto 20, 2015 Napuyat ako kagabi dahil sa tawag ni Emily. Umiiyak siya. Nahihirapan na raw siya talaga. Binigay niya ang cellphone number ng agency niya para malaman nila ang kalagayan niya. Siguro mga alas-tres na nag madaling araw nang ako ay makatulog. Ang bigat ng pakiramdam ko pero nang magsimula ang Clean Up Drive at nang makita ko ang mga co-officers ko at ibang parents na naglilinis na, tumulon na rin ako. Hinarap ko ang pagla-landscapesa ilalim ng mangga, na dati ko ring ni-landscape. Tinulungan ako ng kasamahan ko sa GPTA. Hilig niya rin pala ang landsacping. kaya napabilis ang trabaho. Siya ang nag-design. Ako naman ang nagbaba ng mga halaman mula sa garden ko. Nagustuhan iyon ni Mam D. Kahit di niya direktang sinabi, alam ko na natuwa siya sa effort at initiative ko. Na-inspire din tuloy akong ayusin ang garden ko sa taas. Tinapos ko iyon bago mag-uwian. Since, nagpa-test si Mam Joyce sa klase ko. After klase, umidlip ako sa Guidance' Office. Itinuloy ko iyon sa boarding house, pag-uwi namin. Naistorbo uli ito sa tawag ni Emily. Umiiyak na naman siyang tumawag para sabihing minanyk na siya talaga ng amo niya. Kailangan ko na talagang tawagan ang agency. Tulog si Ion kay di ako makapagpa-load sa labas. Hinintay ko pa siyang magising. Si Nanay Mila naman ay tumawag rin sa akin. Aniya, tumawag na siya sa agency. I-follow up ko na lang daw. Nang tinawagan ko naman ang agency, bandang alas-8:30, gumagawa na raw sila ng paraan. ino-notify na lang daw nila kami. Salamat naman kung ganun. Sana mauwi na lang si Emily para makalipat siya sa Dubai. Agosto 22, 2015 Dapat ay papunta kami sa Lucena ngayon para sa kasal ni Ging. Kaya lang, naisip ko na hindi na lang. Bukod sa dagdag-gastos at pagod, kailangan ko rin palang mapag-isa para makapag-isip ko ng magandang solusyon sa problema ni Emily. Sana maunawaan ako ng bride kapag ikinuwento sa kanila ni Gie na siyang sinabihan ko noong Friday. Naghintay ako ng notice o balita galing sa agency ni Emily. Walang nagtext sa akin maghapon. Tinext ko na lang sila bandang alas-nuwebe ng gabi. Umaasa akong may magandang resulta ang complain namin ni Nanay Mila. Nagreply naman agad si Ms. Bacay. Sabi niya'y naitawag na niya sa agency. Pinababalik na niya sa agency. At babalitaan niya agad ako bukas o kaya sa Lunes. Nakahinga ako nang maluwag at dinalaw na ng antok. Agosto 23, 2015 Ang haba ng tulog namin ni Zillion. Ang sarap pa magbabad sa higaan. Sulit nag loong weekend. Kung wala lang akong mga gawaing-bahay at paaralan, natulog lang ako maghapon. Ngayon ang kasal ni Ging. Nag-PM ako sa kanya. Binati ko siya at nag-sorry ako sa di ko pagdalo. Sana maunawaan niya ako. Nag-chat pala kami ni Sir Erwin kagabi. Binigay ko na sa kanya ang Chapter 1-3 ng kanyang research. Nagusthan niya. Pasalamat siya nang pasalamat. Ang galing ko raw. Ang dasal ko ay sana ma-aprubahan ng professor niya para maging study niya na talaga. Tapos, kanina, nag-chat uli kami. Ang kasal ni Donya Ineng ang topic namin. Tuloy na tuloy na ang pagdalo namin dahil may sasakyan na kami-- ang van ng mag-asawang Guillermo. Agosto 24, 2015 Maaga kaming nakapasok sa school. Nabayaran ko pa si Mang Bernie sa kanyang pag-ayos at paglinis ng aming orbit fan. Nakatipid tuloy kami. Bibili sana kami. Mabuti na lang P600 lang ang nalikom ko. May tira pang P400. Alas-otso, nagsimula na ang unang araw ng collab training. Nagturo muna ako sa klase ko ng subtraction of fractions bago ako tuluyang bumaba. Ang bilis ng mga oras kanina, natapos agad ang training. Wala pa kaming na-print. Absent pa si Jannah Rose. Mabuti na lang si Martiney at Katherine ay nakapasa agad. Hindi sila ang nakapagpa-delay ng output. Isang oras bago matapos ang training, na-train ko pa si Veronica. Tapos, itinuloy namin sa Kinder room ang pagsasanay. Kaya lang, medyo marami pa siyang kakaining bigas para mamaster ang science reporting. Hindi niya makuha ang gusto ko. Bahala na! Four-thirty na kami nakauwi ni Ion. Nag-aalburuto na kasi siya. Hindi pa uminit ang higaan, naalala kong dapat ko palang bayaran ang internet bill ko. Kaya, umalis kami ni Ion. Pagod na pagod at antok na antok ako pagdating namin. Wala ako sa mood magsulat. Mabuti na lang di ko pa kailangang maghanda ng lesson plan. Hanggang Friday kasi ang training namin. Dumating na si Epr. Bukas sa JRES kami. Nagkaroon ng changes. Dapat sana ay sa GES lang kami buong week. Okay lang naman sa akin. At least naipakita ko sa kanila na kaya kong magsakripisyo para sa grupo. Wala pa ring balita tungkol sa complain ko sa amo ni Emily. Tinext ko ang agency. Di pa nag-reply. Nakakalungkot. Nalungkot din ako nang sabihin ni Sir Erwin na rejected ang title at Chapter 1 to 3 ng study niya, na ginawa ko. Sayang ang effort at time na ginugol ko doon. Pero di bale, baka magamit ko rin iyon pagdating ng araw. Agosto 25, 2015 Second day ng collaborative publishing training. Sa JRES kami. Nagkaroon pa ng issue. Ayaw ni Sir Gali na sa Gotamco kami. Ayaw din niya na mag-stay si Mam Jann sa training dahil pang-umaga raw siya. Nainis ako dahil akala nila, nagpa-importante ako. Mabuti nalinaw ko na kaya sa Gotamco kami dapat ay dahil iyon ang kondisyon ko. Pumayag naman silang lahat na magti-train ako kapag sa Gotamco ang training. Mabuti naliwanagan si Sir Gali. Nalaman niya rin na ginive-up ko ang SPA dahil inalis sa akin ang Filipino coordinartorship. Sabi niya, "Grabe ka naman! Huwag ganun!" Anong magagawa niya? Ganun ako e. Muntik na akong mawalan ng ganang maging bahagi ng team. Mabuti na lang willing sumuporta ang principal ng PVES. Maya-maya, may meryenda na. Sa lunch naman, hinainan kami ng sinigang na pink salmon at pork adobo. Sarap! Nakapag-print na kami ng output. Natuwa kaming lahat. Bukas, malamang ay magiging masigasig na ang mga trainees. Pagkatapos ng training, dumiretso pa ako sa Gotamco. Nag-practice ng doxology at nag-train kay Jessica-- ang science writer ko. Past 4 na kami nakauwi ni Zillon. Pagod na pagod ako. Si Zillion naman ay nakatulog maya-maya. Nagpractice din daw sila ng sayaw kanina. Thanks, God! Marami akong na-accomplish. Agosto 26, 2015 Ikatlong araw ng collaborative training. Napractice ko ang doxologists para sa hapon ay hindi na ako magsasanay sa kanila. Naisama ko pa sina Veronica at Jessica sa JRES. Nagkaproblema na naman sa training namin. May problema na naman sa principal ng JRES. May hidden agenda talaga sila sa amin dahil pati mga bata ay ayaw nilang paakyatin. Gusto niya ay hapon sila umakyat. Absent din si Mam Jann dahil kahapon pa ay masama na ang katawan niya. Idagdag pa ang stress kay Sir Gali. Kaya ko naman sana i-handle ang mga bata. nagkaproblema lang sa technical. Na-delay ang paggawa dahil ayaw mag-save ng mga USB sa laptop ko. Ayaw ma-open. Lalo naman akong nainis nang kausapin ako ni Mam Fatima Fajardo tungkol sa pinag-usapan nila ni Sir Tirso. Pinagtagpi-tagpi ko ang mga pangyayari. Kagagawan ito ng GES principal dahil wala naman magsasabi kay Sir Gali ng aking mga post bilang si Makata O kundi siya lang. Paano niya matatanong si Mam Fam na "Kilala mo ba siya personally? Nababasa mo ba ang mga posts niya?" Grabe! Apektado pala talaga sila sa posts ko. Kung di sila natatamaan, di sila mabubukulan. Natutuwa ako, sa kabilang banda. Isa lang kasi akong mailit na bato sa dalampasigan, pero ako pa ang kanilang napansin. Kaya pala ayaw nilang matuloy ang training sa Gotamco. Grabe.. Iba sila... Dinalaw kami ni Sir Erwin sa JRES. Nalaman tuloy niya ang mga nangyari. Sumama na rin siya hanggang sa GES. Natutuwa rin ako sa mga payo niya, plus ang mga good words ni Mam Loida. Somehow, lumakas ang loob kong lumaban. Pag-uwi ko, nag-post ako nga tula, quotes at sanaysay. I hope nababasa ng mga kalaban kong mga talangka. Agosto 27, 2015 Napractice ko pa ang mga doxologists. Tapos, nakapag-picture taking pa kami lahat-lahat hindi naman agad nagsimula ang investiture. Nainip ako. Pero nung nagsimula naman, okay naman. Natuwa ako sa performance ng mga pupils ko. Hindi man perfect, applauded naman. Bago kami pumunta sa Jose Rizal, hinintay muna naming matapos ang investiture ng Kid Scouts. Kasama doon si Zillion. Isinama ko siya since magkakaroon ng Kid Palaro. Baka di maasikaso ni Mam Joann o baka masobrahan sa pagod at pawis. Pagdating naman sa JRES, malikot naman masyado siya. mabilis niya kasing nakasundo ang mga trainees namin. Ayos lang naman. Nagawa pa rin anman nila ang trabaho nila. Natutuwa at natatawa ako sa kinuwento ni Mam Loida tungkol sa reaction ng isang co-teacher namin sa mga posts ko kagabi. Grabe, binigyan niya ng meaning. E, di mas okay. Ang saya rin namin nang mag-lunch kami sa PVES. Nakasalamuha namin si Sir Erwin. Nagtawanan at nagkuwentuhan kaming tatlo. Nung pasado alas-dos naman ay nag-selfie rin kami, kasama si Sir Archie.. Ang kukulit namin. Alas-tres na yata kami natapos. Hinintay pa namin ang broadcasters. Then, nagpasama kami kay Marian sa bahay ni Jannah Rose. Kinausap namin siya at ang nanay niya. Pinakiusapan namin sila na pumasok na bukas kasi sayang ang opportunity. Pumayag naman. Agosto 28, 2015 Last day ng collab training. Halos sinolo ko ang paggabay sa mga bata. Naging masunurin naman sila. Ang bilis lang ng oras. Hindi kami nakapag-print, lalo na't ipnatigil na ni Mam Jann. Okay lang sa kanya. Natutuwa siya dahil kahit paano ay may edge na kami sa mga kalaban namin, ayon sa kanyang source. Ang problema ko na lang ay ang individual. Mahina si Veronica sa science reporting. Hindi pa rin talaga niya makuha ang gusto ko. Si Jessica, mas okay-okay. Si Marian, na trainee ni Mam Joan V, namali rin ng pagkakaunawa sa balita. Mali tuloy ang sinulat niyang editoryal. Maghapon pa naman niya iyon ginawa. Si Jannah Rose ay hindi rin nakapagpasa. Tsk tsk. Bhala na. Alam ko mananalo kami. Alas-tres na kami nakarating sa school. Naabutan pa namin ang meeting. Alas-kuwatro y medya na kami nakauwi ni Zillion. Pareho kaming pagod na pagod at antok na antok. Hindi na naman siya nakakain ng hapunan dahil nakatulog bandang alas-singko. Wala pa rin si Epr. Hindi tuloy ako makalabas para bumili ng pagkain. Mabuti ay may tira akong prito sa ref. Iyon na lang ang inulam ko. Nag-cereal pa ako. Okay na yun. Agosto 29, 2015 Alas-diyes ay nasa Quezon City Circle na kami ni Zillion para makita ang Orchid Show ng Philippine Orchid Show. Matagal ko itong inabangan. Dati si Emily ang kasama ko, ngayon ang anak na namin. Game na game siyang mag-pose at piktyuran ako. Ang husay niya ring kumuha. Almost perfect. Naenjoy ko ang mga orchids, landscapes at mga halaman. Nakakainggit ang mga iba't ibang vareity ng pananim na ibinibenta sa mga stall. Hindi man lang ako nakabili. Di bale, gawin ko na lang inspirasyon para sa aking future plan. Pasasaan ba't magkakaroon din ako ng bahay na may ganung mga halaman. Pasado ala-una, umuwi na kami ni Zillion. Pagod pero masaya. Gabi, nag-chat si Sir Erwin. Humingi uli siya ng tulong para sa bagong title ng study niya. Sinimulan ko naman agad. Pampaantok. Agosto 30, 2015 Pagkatapos naming mag-almusal ni Ion, inantok ako. Sinubukan kong pumikit at makatulog, pero hindi iyon nangyari. Maingay si Ion. Tapos, kinagat pa ako ng blood sucker kaya nangati ako nang husto at nagkaroon ng malalaki at malilit na mga pantal sa buong katawan. Buwisit! Ilang beses na akong nakakagat ng blood sucker. Dalawang beses sa Banawe, kung saan nagtrabaho ako. Baka nga iyong dalawang beses kong pangangati na akala ko ay gawa ng seafood na kinain ko ay gawa rin ng insektong 'yun. Masarap siguro ang dugo ko. Nawala din ang pangangati pagkalipas ng higit dalawang oras pero masakit pa rin ang bahaging kinagat niya. Tatlong beses akong kinagat. Mabuti na lang ako ang kinagat, hindi si Zillion. Nahuli ko naman kaso the damage has done. Alas-tres y medya, dumating uli si Epr. Nag-empake lang siya tapos umalis na naman. Grabe! Ang bilis niya. Ni hindi niya nasulit ang P2000 na binigay niyang share sa upa. Sabi ko nga, next na lang siya magbigay. Ayaw naman. Alas-singko, nag-grocery kami ni Ion. Mabuti na lang di kami inabutan ng ulan. Agosto 31, 2015 Nagchat ang nanay ng estudyante ko na si Wranz. May dengue raw ang anak niya. Naawa ako. At the same time, natakot na baka ang classroom namin ang masisi sa pagkakaroon niya ng sakit na ganito. Kaya naman, itinuloy ko ang plano kong pumunta sa school para maglinis doon. Matagal konang gustong ayusin ang silid-aralan ko. Ngayon ko lang mahaharap. Nagawa ko ring i-record ang mga test results habang nagpapahinga. Natapos ko iyon bandang ala-una ng hapon, from 9 AM. Sana walang magsabing ang classroom ko ang pinagmulan ng lamok na kumagat kay Klyde. Marami akong abubot at gamit, pero masasabi kong walang dengue doon. Masama na naman ang ubo ni Zillion. Naawa ako sa kanyang paghinga. Nakakainis din kasi ayaw niyang tumigil sa paglikot. Panay ang laro. panay rin tuloy ang pagpawis niya. Ang tigas kasi ng ulo. Bukas na pala ang laban ng collaborative publishing. Nalaman ko kay Mam Loida na hindi pala pinayagn si Mam Jann ng kanyang principal na si Sir Gali. Grabe! Ibang klase siya. Patuloy ko ring ginagawa ang Chapter 1-3 ng study ni Sir Erwin. Nabalahaw nga ang pagsusulat ko sa wattpad. Di bale, marami pa namang panahon. Ang nais ko lang ay matulungan siya.