“Class,
excuse me. Pinatatawag ako sa opisina.” paalam ng guro sa Grade 5 pupils habang
may ginagawa ang mga ito.
“Yes, Sir!”
sabay-sabay na sagot ng mga mababait na estudyante.
Kampanteng
lumabas ang guro at tinungo ang opisina.
Mula sa
sliding door ay natanaw ng guro na may buhat-buhat ang kapwa guro niya papunta
sa klinika. Naisip niyang nagpasaway na naman ang mga mag-aaral niya kaya
nasugatan. Mabuti na lang ay mababait at mapagkakatiwalaan ang mga bata ko,
bulong pa ng guro habang hinihintay na kausapin siya ng punungguro.
Ilang minuto
ang lumipas ay bumalik na ang guro sa kanilang silid-aralan. Natuwa siya nang
lihim dahil tahimik at subsob ang mga mag-aaral sa kani-kailang mga ginagawa.
“Sir, pumutok
po ang kilay ni Raul. Tumama po dito sa kanto. Nagtaya-tayaan po kasi sila.”
balita ng isang estudyante.
Kumurba pababa
ang mga kilay ng sir.
No comments:
Post a Comment