Ano ako?
Dati
isa akong napakaimportanteng bagay sa mundo. Bawat isa ay pinahahalagahan ako.
Kinikilala ako at isinasama sa kanilang tagumpay.
Ngunit
bakit ngayon, balewala na ako!?
Umunlad
lang tayo nang kaunti at nagkaroon ng mga makabagong teknolohiya ay kinalimutan
na ako. Binalewala. Iniwanan. Hindi na ako isinama sa inyong pag-aaral.
Anyare?!
Natalo
ako ng Facebook. Lahat na lang kayo, ito na ang inyong gusto. Ni bisitahin ako
sa aking silid ay ‘di ninyo nagagawa. Samantalang ako ang orihinal na
pinagmumulan ng impormasyon at kaalaman ninyo.
Nakakasama
sa loob.
Hindi
ko masisisi ang mga manunulat kung bakit nagkakaubusan na sila. Wala na kasing
pumapansin sa kanilang nilalang.
Isa
nga lang akong papel, pero ang edukasyon ay nakakabit sa akin.
Ano
ako?
No comments:
Post a Comment