Responsiblidad ko bilang tao’y aking gagampanan
Edukasyon ay aking isusulong at pagbubutihan
Sarili ko ay aking pauunlarin at laging iingatan
Paligid at kalikasan ay aking pangangalaan
Oras para sa pamilya ay aking paglalaanan
Nangangailangang kapuwa ay aking tutulungan
Sisikapin kong maging mabuting mamamayan
Iiwasan kong lumabag sa mga batas at patakaran
Babantayan ko ang mga katiwalain sa bayan
Isusuplong ko ang mga abusado sa kinauukulan
Lagi kong ipagmamalaki ang kultura’t likas na yaman
Isasaalang-alang ko ang kapuwa’t kanilang kapakanan
Disiplina ay aking isasabuhay saanman at kailanman
Aking irerespeto ang mga karapatan ng mamamayan
Dakilang Diyos ay aking sasambahin at pasasalamatan.
No comments:
Post a Comment