Ambisyoso

Ambisyoso
Makata O.

Hoy, isa kang ambisyoso!
Kaytaas ng pangarap mo,
Kaybaba naman ng iyong IQ.

Tsong, ang laki ng iyong ulo
Ang liit naman ng utak mo
Lama'y hangin, parang lobo.

Bago mangarap, ika'y matuto
Paano kaming maniniwala sa'yo
Kung mga salita mo ay pang-bobo?

Gawin munang tama ang trabaho,
Maging responsable at seryoso
Magpakatao at maging aktibo.

Sadyang may sira ang iyong ulo
Katulad mo ay isang sanggano
Tumigil ka, ikaw na ilusyonado.

O, at isa pang O! Galing mo, bro!
Hangin mo'y sinlakas ng bagyo
Sa akala mo, ikaw ay sino?