My Wattpad Pamangkin 14

Sobrang napasaya ako ng pamilya ko, lalo na ni Zillion sa Araw ng mga Tatay. Punong-puno ng ligaya ang puso ko. Idagdag pa ang presence ni Angela. Hindi ko lang siya Wattpad pamangkin, girlfriend pa siya ng kaisa-isa kong anak. 

Tanggap ko na, na may girlfriend na si Zillion. Tama si Maila, binata na ang anak namin. Bakit ko pipigialan ang kaligayahan niya? Kung may pangarap man ako para sa kanya, siguro ay may pangarap din siya para sa sarili niya. Tama rin naman na ang pag-ibig ang isa sa pinakamagandang inspirasyon.

Inspirasyon din naman ni Gelay si Zillion. Pati nga ako ay inspirasyon niya. Kaya, ang bawat isa sa amin ay may papel na ginagampanan para bigyan ng inspirasyon ang isa't isa. Mutualism, kumbaga sa Science. 

Kasalukuyang nasa study room si Zillion. Nilapitan ko siya para tingnan ang ginagawa niya. Mga libro, notebook, cellphone at tablet ang nakita ko. Hawak naman niya ang ballpen. Nakabukas ang kanyang kuwaderno. Hula ko, nag-a-assignment siya. Hindi ako nagsalita, but I patted his shoulder. He smiled at me, before I left him. 

Nag-Wattpad na ako. Sigurado na ako na inspired si Zillion sa studies niya. Alam ko rin na mag-a-update siya ng Wattpad stories niya, after ng homework niya.

Online si Gelay, my Wattpad pamangkin. Nag-"Hello! How you po, Tito?" kaagad siya. Nag-reply ako. Then, tinanong ko siya: When will you start writing your first story?

Antagal niyang nakapag-reply. Sabi niya: SLR. Hindi ko pa po alam, Tito..

You should know. You should start it as soon as possible, pamangkin. Zillion has 15 stories as of now. He has more than a million of readers for each story. I think, that's enough para ma-inspire ka. 

Hindi na nag-reply si Gelay. Hindi ko alam kong inspired ba siya sa relasyon nila ni Zillion o baka mas nawiwili lang siya sa sweetness ng anak ko. Kapag totoo ang sapantaha ko, ako mismo ang magpapahiwalay sa kanila.

Gusto kong gamitin nila ang relasyon nila para makapagsulat at hindi para mag-enjoy at makilig. Ang oras ay mahalaga. Habang bata pa sana sila ay may napapatunguhan na ang kanilang buhay. 

Ayokong dumating sila sa point na magsisisi din sila kung bakit hindi nila nagamit sa tama ang mga oras. Sana maunawaan nila kung bakit bente-kuwatro lang ang oras. Hindi kasi ito unlimited. Paulit-ulit ito, pero maaaring maubos.