My Wattpad Pamangkin 28

Naka-get over na si Zillion sa break up nila ni Gelay. Malapit na rin niyang matapos ang Book 2 ng Red Diary. Nakatulong din ang madalas kong pakikipag-usap at pakiki-bonding sa kanya. 

Kamakailan lang, kinontak na naman siya ng publisher ng Red Diary niya. Sooner or later daw ay ilalabas na ang unang bulk ng libro sa mga bookstores. Ipinaghahanda na rin sa kanya ang Book 2 nito. 

Ako naman, kahit super-busy sa pagtuturo ng Creative Writing sa UP Diliman ay hindi nakakalimot i-update ang mga nasimulan kong stories. Malapit na rin uli lumabas ang "Here I am Without You". Patuloy pa rin akong nag-iisip ng bagong story ideas na papatok sa puso ng mga readers. 

Wala na kaming balita kay Gelay, lalo na nang lumipat siya ng ibang school. Hindi na siya nagkikipag-chat sa akin. Ang last niyang private message sa akin sa Wattpad ay "Tito bc ako sa skul kaya I can't chat you this time po. Cge lng po tito pag May time ako magcha-chat tayo. Cge po. Update ka nlng ng update ha? Cge po. Mwahwha po :**"

Bihira na rin siya mag-online sa Facebook. Gayunpaman, masaya ako kapag binabasa ko ang mga positive comments ng followers niya at readers ng story niya. Unti-unti nang nahasa ang kanyang writing prowess. Habang tumatagal, lalong lumalalim ang istorya ng "Loving A Writer". Exceptional.

Alam ko, babalik siya kay Zillion, one day. Iyon kasi ang nagaganap ngayon sa story niya na nasa thirty-five chapters na.

Si Zillion naman ay kakikitaan ng kasiyahan sa kanyang mga nararanasan. Hindi naman siya nagpakita ng kalungkutan within these few days. Lagi siyang masigla. Sa kanyang post nga sa FB, mababakas ang kasiyahan sa kanyang puso. Sabi niya: "I'm happy for you, my friend. Wherever you are today, I will always here for you..Waiting! Just make your dreams come true, as I do mine.. <3"

Nabagbag ang puso ko.