Honey-Bee: RALLY

BEE: Istorbo talaga 'yang mga raliyistang 'yan! Sana di na lang tayo dito dumaan. Tara. iwas tayo.. Mam'ya mapagkamalan pa tayong mga aktibista..

HONEY: Sige, doon tayo dumaan..

BEE: Kakainis!

HONEY: Karapatan nila 'yan.. "wag kang mainis sa kanila. Kung maka-administrasyon ka, hayaan mo silang isigaw ang kanilang mga hinaing..

BEE: Ayan, tingnan mo, binobomba na ng tubig..ang tatapang pa rin.

HONEY: Hindi titinag ang mga 'yan hangga't may duming nakikita sa gobyerno. Naku! Kung wala lang akong trabaho, sasama ako sa rally.

BEE: 'Yan ang 'wag na 'wag mong gagawin! Masasaktan ka lang.

HONEY: Di bale na..ang mahalaga, ang prinsipyo. Saka, tubig lang 'yan!

BEE: Sige, sumama ka.. "Kaw din..

HONEY: Talaga! May nagyayaya pa naman sa akin..

BEE: May kilala rin ako.. Nagtatanong.. paano raw masusupil ang mga rally-rally na'yan?

HONEY: Sige, mag-suggest ka. Basta ako..dream ko makasama sa rally..kahit bombahin pa kami ng libu-libong firetrucks..

BEE: Ows? Kahit truck ng Malabanan?

HONEY: Malabanan? 'Yun na 'yung truck na sumisipsip ng mga poopoo sa septic tank?

BEE: Oo!

HONEY: Ew! Yakeeesh! Ayoko na palang sumama sa rally...