Kahapon, naabutan kami ni Daddy na sweet na sweet sa kuwarto
ni Dindee. Wala naman kaming ginagawang masama. Nakikinig lang kami ng music sa
cellphone ni niya. Pinag-isahan namin ang earphone, kaya hindi naman masyado
naramdaman ang pagdating ni Daddy.
Hindi naman nagalit si Daddy. Pero, kaninang umaga, bago
kami bumangon, kinausap niya ako.
“Kayo na ba ni Dindee?” tanong agad niya.
Sinagot ko naman agad ng totoo. Hindi nagalit o nagsalita ng
against kay Dindee.
“Ang sweet niyo kahapon..” Napangiti ako. “Anak, alam mo naman ang
limitasyon, di ba?”
“Opo, Dad.”
“Very good! Alam ko naman na mas mahalaga sa’yo ang makatapos ng
pag-aaral kesa ang makapag-asawa ng maaga.”
“Oo naman po! Hindi ko po kayo bibigyan ng sakit ng ulo. Saka, ang hirap
pumasok sa ganyan, Dad!”
Natawa si Dad. “Bakit naranasan mo na?”
“Hindi pa po! Napapanuod ko lang sa TV.”
“Tama ka naman.”
“Pero, Dad..okay lang ba na si Dindee ang naging girl friend ko at
hindi si Riz?”
Tuwang-tuwa si Daddy sa tanong ko. Hindi agad nakapagsalita.
“Ewan
ko sa’yo! Ikaw ang namili, e.”
“Hindi nga po.. Baka lang may suggestion kayo o comment sa choice ko.”
“Huwag kang mag-alala sa akin. Hindi naman ako pihikang biyenan. Kahit
maganda, basta mabait!”
Ako naman ang tumawa sa sinabi niya. Ano yun?
Bumangon na kami pagkatapos akong wrestling-in ni Daddy.
Sakit ng likod ko. Binuhat ba naman ako at inihagis sa kama. Brutal. Pero, ayos
lang.. Father and son bonding.
No comments:
Post a Comment