Jeje Pa More

Porke't nauso ang jejemon,
   kakarerin mo na.
Ang sarili mo'y huwag namang
   gawing tanga.
Mali na nga,
  pinangangalandakan mo pa
sa Facebook, Twitter
  at ibang social media.

Basahin mo ito
  kung maganda ba sa mata:
"Auko Nangang Mag Puyat
   Hindi Tuloy Ako nakapaxok"

Hindi ba ito ay mali,
  kahalintulad ng bulok?
Imbes na umiwas upang utak
  ay di rumupok
Pinanahan dito ay mga
  bukbok at alikabok.
Ika'y jejemon sa text,
  ika'y jejemon sa panulat
Mga maling kataga't salita
  ang iyong binabanat
Ang utak mo tuloy
  ay tumitigas... kumukunat!
Akala mo kasi,
  mga jejemon ay sumisikat.

Heto pa ang isang
  sampol ng 'kajejehan':
"Its Okie lng nmn atlist
  Di ako yung nawalan
bsta alam ko nag mahal lng ako
  ng walang dahilan"
Kung ipagpapatuloy natin
  ang kamaliang ito,
pagdating ng panahon,
  tuwid na ang liko.

Jeje pa more,
  sakupin mo na ang mundo
Ipatrending mo pa
  ang jejemon mong diyalekto
at abangan mo,
  mababawasan ang edukado.