Ano Ba Talaga?

Kapag nanalo, magaling raw siya.
Kapag natalo, nadaya daw siya.

Kapag mainit, nagrereklamo.
Kapag malamig, nagrereklamo.

Bubuksan ang aircon magdamag,
Pero, magkukumot naman agad.

Magtitimpla ng mainit na kape
Pero, hihintaying lumamig ng konti.

Hindi nag-lunch, diet raw siya,
Pero, ang sasarap ng dinner niya.

Ang hilig niyang mag-hashtag POTD.
Suot naman niya lagi, ay uniporme.

Sa beach, nagpapa-tan raw siya.
Dati naman talaga siyang negrita.

Hindi daw siya grade conscious,
Pero, nagtanong kung ilang points.

Sabi ng jeepney driver, may isa pa.
Pagsakay ko, mga baboy, nauna na.

Mabait lang raw, OK ng maging asawa.
Huwag ka, gwapo pala ang hanap niya.

Wala raw siyang kahilig-hilig sa tsismis
Pero, kilala niya ang may ibang misis.

Very strict daw ang mga parents niya,
Pero, sa kalsada, nagpapaligaw siya.

Maka-Diyos daw siya at relihiyosa,
Pero, ang lutong niyang magmura.

Siya raw ay purong Pilipino,
Pero, imported ang paborito.

Kapag nakasakit ng kapwa, ang bait.
Kapag nasaktan ng kapwa, ang sungit.