Makabagong Laro vs. Laro ng Lahi

Online at offline games, dumarami.
Epekto sa bawat manlalaro, ang tindi.
Ang Candy Crush, noon man at ngayon,
Nakakaadik pa rin at nakakagumon
Astig na Dota, patok sa mga estudyante.
Nagka-cutting pa sa kanilang mga klase.
Naalala ko pa ang Farmville sa Facebook
Alagaan ang mga tanim para di mabulok
Sipag daw ang puhunan para yumaman,
Pero ang totoo, wala namang kahihinatnan.
Kaya nga sa larong Plant Vs. Zombies,
Magtanim ka para sa kalaban, may ihahagis.
Ang Clash of Clans, tayo'y nakikipaglaban.
Ang tinuturo ay katapangan at karahasan,
Ang Counter Strike ay isa ring halimbawa
Patayan, barilan.. saksakan, napakasama!
Mga Angry Birds, nagagalit at nakabilanggo.
Sa Temple Run, bida ay takbo lang ng takbo.
Si Flappy Bird, sa ere, ay lipad lang ng lipad.
Daliri ay nagagasgas, nasisira ang keypad.
Mga mata ay nasisilaw, oras ay nasasayang
Sa mga larong makabago, ngunit abala lang.
Ang mga ito'y wala naman talagang panama
Sa mga laro ng lahi, gaya ng siato at sungka.
Talino't lakas ng katawan, hatid sa manlalaro
Pagkakaibigan pa sa kanila ay nabubuo.