Alas-nuwebe na ako nagising. Nakilamay kasi ako kagabi. Sumama din ako sa paglibing, kaya alas-kuwatro na ako nakauwi sa bahay.
Sobrang pasalamat nga sa akin ang nanay ni Jeoffrey dahil sa mga pisikal at pinansiyal kong tulong. Masaya naman ako sa ginawa ko. Ang sarap sa pakiramdam na nakakatulong sa kapwa.
Kaya lang, hindi kompormi si Daddy sa ginawa ko. "Suwerte ng kaibigan mo sa'yo. Hindi ka lang nakilamay, nakiramay ka pa ng husto. Pag nagkasakit ka sa puyat at pagod, sigurado akong hindi ka niya maaalagaan.''
May punto si Daddy kaya nga hindi na ako kumibo. Sumubo na lang ako ng sumubo ng pagkain. Kaya lang sana naunawaan niya na ang pagtulong ay isang mahalagang bagay para sa magkaibigan. Mabuting kaibigan ako hindi lang kay Jeoff kundi sa lahat.
Nang naramdaman ko na hindi na galit sa akin si Daddy, nakibonding ako sa kanya sa panunuod ng pelikula sa cable. Ayos na..
-
Ayaw na ayaw ni Tommy ang Sabado kasi ito ang araw ng paglilinis. Biglang bunso, gusto lamang niya ang kumain, matulog, manuod ng t... -
Sa kabila ng hamon sa pagbubukas ng panuruang taon 2020-2021, natuloy pa rin ito noong Oktubre 1. Gayunpaman, mayroon pa ring mga kinahahar...
No comments:
Post a Comment