"Weak people revenge. Strong people forgive. Intelligent people ignore.
Hindi rin!
Ang tunay na matalino ay hindi nang-iignore. Iniintindi niyang lahat. Hindi niya binabalewala ang mga bagay-bagay. Hindi niya pinapalampas sa kanyang kaisipan o paningin ang mga pangyayari sa paligid o sa bansa. Hindi rin niya pinagkikibit-balikat ang mga usapan o sinasabi ng kapwa niya. Nagbibigay siya ng sagot, opinyon, kuro-kuro o saloobin sa mga ito.
Imagine, matalinong tao pero walang masabi dahil in-ignore ka. Nasaan ang talino?
Oo, maaaring applicable itong kasabihan sa ibang pagkakataon. Halimbawa, sa away o tsismisan. Ni-reject niya ang ideya. Matatawag siyang matalino sapagkat umiwas siya sa gulo o posibleng away. Ngunit sa malalim kong pakahulugan, taliwas ito sa katotohanan.
Isa pa, ang 'ignore' ay makakabuo ng salitang 'ignorant'. So, kung iisipin ang quotation, parang sinasabing 'Intelligent people are ignorant.' It is wrong. Paano naging matalino kung ignorante?
He he
No comments:
Post a Comment