Kampeon sa Eskuwela, Agila sa Komunidad, Prinsesa sa Tahanan
Sa paaralan, ako’y atletang nangunguna
Pag-aaral ay itinuturing na isang karera
Kaya oras sa klase ay hindi inaksaya
Ang laban sa bawat aralin ang inuuna
Mga hadlang sa tagumpay ay sinisipa
Upang pangarap ko’y agad na makuha
Bawat pulgadang pag-usad ay mahalaga
Upang maging kampeon sa eskuwela.
Sa komunidad, ako’y bituing tinitingala
Mabubuting asal at kilos ang dala-dala
Umiiwas sa mga gawaing masama
Sumasali sa mga kawanggawa
Sa wastong pagtapon ng basura
Ako ay talagang nangunguna
Hindi lang upang ako pamarisan nila
Kundi maging magandang halimbawa.
Sa tahanan, ako ay prinsesa
Mahal ako ng hari at reyna
Kapatid na prinsipe’y nakikiisa
Palasyo nami’y palaging masaya.
Batas ng kaharian ay nasusunod na
Mga tungkulin ay naisasagawa pa
Higit sa ginto ang aming halaga
Ngiti sa puso nila’y kay lapad talaga.
No comments:
Post a Comment