Mga Tunog ng Isang Umaga
Kasabay ng tilaok ng mga manok ang paggising ko
Sabik akong masilayang muli
ang perpektong kono
“Marhay na aga!” bati ko kina
Nanay, Tatay, at Lolo
Parang binati rin ako amoy ng
nilalagang kapeng barako.
Lalo pa akong nagising sa kalansing ng mga kurbyertos
Sa dami ng pagkain sa mesa,
natulala ako pagkatapos
“Buboy,” tawag ni Nanay,
“tawagin mo na sila,” sabay utos.
Pero, bago lumabas, kumuha ako
ng isang pirasong ibos.
Paglabas ko, Daragang Magayon
ang agad kong natanaw
Bumilog ang bibig ko, saka
kumawala ang salitang ‘wow’
Kay gandang pagmasdan, kay
palad ng aking araw
Sabi ni Lolo, payapa ang
kalikasan, kapag siya ay lumitaw.
Hahanapin ko na ang mga
kapatid ko nang kumalembang
“Klang-klang!” walang tigil ang kampana ng simbahan
Kasabay niyon, ang mga ibon ay
sabay-sabay nagliparan
Saka ang pagyugyog ng lupa at
pagyanig ng kapaligiran.
Kakaibang lindol ang aking
naranasan nang araw na iyon,
Dinig ko ang dug-dug sa dibdib
habang nakatingin sa Mayon
Nag-usal ako ng dasal.
“Pakiusap, huwag naman ngayon.”
“Gawin Mong masaya at ligtas
ang aming bakasyon.”
No comments:
Post a Comment