Sa Ilog ng Kasiyahan
Hindi ko
malilimutan ang masayang karanasan
Pamilya
namin, isang gabing namalagi sa Daraitan
Kung saan,
ang ilog ay kampeon sa kalinisan
Ragasa ng tubig ay sadyang
makapangyarihan--
Palaging
nang-aanyaya, nag-aalok ng kasiyahan.
Kaya,
pagkatapos maghanap ng matutuluyan
Agad
nagpalit ng damit upang paliligo’y masimulan
Mula sa camp site, dinig namin ang katuwaan.
Tanaw rin
namin ang mga taong naglalanguyan
Ang iba, sa
salbabida lang umaasa at kinakapitan.
“Splash!” Paanyaya ng tubig, aking
pinagbigyan
Ang malayo-layong
paglalakbay ay nasulit naman
Nawala ang
pagod, napawi ang init sa katawan
Dahil sa
preskong tubig, na nagmula sa kabundukan
Sierra Madre
ay talagang mahalaga’t kapaki-pakinabang.
Nang
nagutom, mga baong pagkain, aming pinagsaluhan
“Twit-twit,” mga ibon sa
kawayanan, kami ay inawitan.
Nang kami ay
nabusog, antok naman ang aming kalaban
Subalit
hiwayan ng ibang mga naliligo, ito’y hinarangan
Hanggang
magtakipsilim, kami’y nagbabad sa tubigan.
Dahil sa
maghapong paliligo, plakda kami kinagabihan
Pangunguluntoy
ng mga daliri, `di dapat pagsisihan
Napagod man,
subalit punong-puno kami ng kaligayahan;
Dahil dulot
nito’y tulog na kay himbing at may kasarapan
Kri-kri ng
mga kulisap, hinele pa kami nang magdamagan.
No comments:
Post a Comment