Puno ng Pagmamahal
Parang isang kaibigan ang puno
Pinapawi nito ang kalungkutan ko
Ang sanga nito’y animo’y mga braso
Yumayakap upang mapasaya ako.
Sa lilim nito ako’y nakapagpapahinga
Katulad ng yakap ng ina sa umaga
Tila sanggol ako nitong ipaghehele
Habang mga pipit, umaawit ng oyayi.
Ang puno ay gaya ng isang guro
Pagtitiyaga ang kaniyang itinuturo
Sa mga pagsubok, huwag agad sumuko
Kasingtibay ng mga dahon, kahit bumagyo.
Ang puno ay kawangis din ng tahanan
At tirahan ito ng maraming nilalang
Masayang namumuhay at nagmamahalan
Anomang panahon, matatag ang samahan.
No comments:
Post a Comment