My Wattpad Pamangkin 37

Ilang araw ang lumipas, wala pa rin akong balita kay Gelay. Hindi ko na nakitaan ng ligaya ang mukha ni Zillion. Alam kong hindi rin niya ma-contact ang dating girl friend. Gustong-gusto ko na silang magkabalikan dahil alam kong naapektuhan na ang pagsusulat ng anak ko. Bihira na siyang makapag-update sa kanyang Wattpad stories. Kapag matagalan ang kanilang pagbabalikan, malamang matagalan din ang Book 2 ng Red Diary.

Nasa kalagitnaan ako ng pag-a-update ng mga stories ko nang mag-text si Rhea, ang Creative Writing student ko na pinag-follow ko kay Gelay para makakuha ng impormasyon. Sabi niya: Gud eVe poh, SiR! mY book-signing poh c GeLay sa trinoma sa suNday. conFirmed poh." Tuwang-tuwa ako. Sa wakas, maisasakatuparan na namin ang aming  plano.

thnx, rheA! :)

welcOme poh!

Gudnyt!

GOOD NiTe poh

Pinagplanuhan ko ang mga gagawin ng gabing iyon. At, kinabukasan, masaya kong kinausap si Zillion. Sobra ang kaligayahan niya. Noon ko lamang siyang nakita muling ngumiti ng kaytamis. 

Excited na po ako, Dad!

Me, too, Zillion..

Good luck, son. 

Dumating ang araw ng Linggo. Maaga pa lang ay nasa Trinoma na kami. Bumili kami ng labingtatlong piraso ng  libro ni Gelay. Unti-unti na ring nagsidatingan ang mga estudyante ko sa Creative Writing.

Mula sa malayo, tanaw namin si Gelay. Nakita rin namin ang kanyang Daddy. 

Mahaba na agad ang pila. Nasa pang-sampung pila si Rhea kasunod ng labindalawa pa niyang kaklase. 

Habang unti-unting nakakalapit ang mga estudyante ko, palakas din ng palakas ang kabog ng dibdib ko. Inakbayan ko si Zillion at tinapik-tapik ko ang kanyang likod. 

Sumunod na nangyari, tinawag na kami ni Rhea.

Gelay, meet your No.1 fan... Zillion! pagpapakilala ni Rhea.

Mula sa likod ng mga pumila, bumungad kami kay Gelay, na hindi makapaniwala sa kanyang nakita. Binuo naman ng mga kasabwat ko ang I LOVE YOU GELAY na nakasulat sa bawat unang blankong pahina ng librong pinapirmahan nila kay Gelay. Hindi pa kami nakakalapit sa kanila. Sabay-sabay pang nagsabi ang mga kasabwat ng "I Love you, Gelay!"

Hindi na ako lumapit kay Gelay. Hinayaan ko na si Zillion na dumiskarte. Limang hakbang ang layo ko sa kanila.

Nakita kong bumati muna ang anak ko sa Daddy ni Gelay.

Gamit ang lapel mic na sinuot niya bago kami lumapit, nagsalita si Zillion.  I'm sorry, Gelay. I love you!

Mangiyak-ngiyak si Gelay. Naghihiyawan na ang mga fans ni Gelay.

Bago nagsalita si Gelay, tiningnan niya muna ang kanyang ama. Nakita kong kumibot ang mga labi niya at tinuran niya ang mga salitang "I love you, too, Zillion". Tapos, niyakap niya ang anak ko. Lalong lumakas ang hiyawan. Nagkatinginan kami ng Daddy ni Gelay. Nginitian niya ako at sumaludo siya sa akin.