Red Diary 145

Sulat

Kasisimula pa lang ng klase, inabutan na ako ni Roma ng isang tinuping papel. Mabangong stationery. Ito'y isang sulat galing kay Riz. 

Hindi ko muna binasa dahil makikita ni Mam Valbuena at ng mga kaklase ko. Nang nag-CR ako saka ko lamang binasa.

Red,

Salamat sa mga ngiti na dinulot mo sa akin. Salamat din sa sweetness at sa friendship mo. Somehow, naging masaya ako nang mga panahong wala pa tayong nararamdaman sa isa't isa. Sana nga, hindi na lang ako nagparamdam ng pag-ibig ko sa'yo para hindi mo rin naramdaman ang naramdaman ko.

Gayunpaman, maraming salamat! 

Hindi na ako umaasang maibabalik ang dati nating pagkakaibigan. Alam ko, magiging maligaya ka naman sa piling ni Dindee.

Sorry din sa mga sakit na ibinigay ko sa'yo. Iyon ay bahagi lamang sana ng pagsubok ko sa'yo.. Pero, huli na ang lahat. Pareho na tayong masaya sa piling ng iba. Ikaw, kay Dindee. Ako, kay Leandro. 

Hanggang dito na lang.

Goodluck! Sana ay manalo ka bilang Mr. Campus Personality.

                                                                                                                                            Riz,

Napaluha ako sa sulat niya. Huli na pala ang lahat. Hindi ko na siya mababawi, ngayong sila na ni Leandro.

Akala niya lang, kami na ni Dindee. Nagkakamali siya. Patuloy pa rin niya akong sinusubok. Maaari akong mabigo. Maaaring pareho silang mawala sa akin..

Nagsisisi ako..