Hindi pa rin ako pinapansin ni Riz. Pero, hindi na siya nagpaparinig. Hindi pa rin ako makalapit kasi laging nakaarko ang kilay. Tinext ko na lang siya habang wala akong sinusulat. Sabi ko: "HTid ktA myA sa nU.."
"HTid mO c AHAS! MgSma Kau. Prho kYo AHAS!"
Nagseselos talaga siya kay Dindee. Tsk tsk. Gusto kong mag-sorry sa hindi ko pagsabi sa kanya na nakatira sa amin si Dindee, pero naisip kong hindi ko dapat iyon ihingi ng sorry. Karapatan kong tumanggap ng bisita o magpatira doon.
"Hndi kMi ahAS. Tao kami. HinDi rn kmI bGay..dhiL tao kMi.." sabi ko na lang.
"NkkTAWA!'
Nagpumilit pa akong ihatid siya nang uwian na kanina, kaya lang sininghalan niya ako. Ang kulit ko daw. Hindi na ako sumunod sa kanila ni Roma. Panay naman ang tawa nina Nico at Rafael.
"Basted.. He he! Basted si Red!" pang-aasar ni Rafael.
"Hindi pa nga nanliligaw si Red, basted agad." Pinagtanggol naman ako ni Gio.
"Oo nga.." dagdag ko pa.
"Isa lang ang ibig sabihin nun.. Wag mo nang pangarapin. Ipaubaya mo na kasi kay Leandro.." lalo lumakas ang tawa ni Rafael. Sinabayan pa ni Nico. Nag-apiran pa ang dalawa. Ang sarap kaltukin!
Kung susundin ko sila, masasaktan ako. Kapag makita ko silang magkasama ni Leandro, para ko na ring ipinahamak si Riz.. Kilalang playboy ang karibal ko. Baka paglaruan niya lang ang dreamgirl ko. Okay na ako na tinatarayan at sinisinghalan ako. Basta ang mahalaga, gusto ko siya.
No comments:
Post a Comment